Дахин Нэгдсэн Хамгаас Хүчирхэг Гурвын Дэмжлэг, Ивээлээр хүн төрөлхтөн сэрж, сэхээрч магадгүй, 5-ын 1-р хэсэг

Сайн байцгаана уу, бүх хайртууд, байрлан ажиллаж буй багийнхан минь? ҮСН (Үүрдийн Сайн Найз)-аас тань та бүхэнтэй мэндчилж байна. Би та бүхний бичсэн захидлыг хүлээн авлаа. Байрлан ажиллаж буй багийнхандаа энэ бүхний төлөө баярлалаа. Та нарын зарим нь маш их санаа зовж, мэгдэн сандарч байгааг би мэдэрч байна. Зарим нь надад санаа зовж байгаад баярлалаа. Гэхдээ би зүгээр ээ. Үнэндээ энэ амьдралд бүүр дасчихжээ. Энэ нь хэзээ ч ердийн, хэзээ ч тогтвортой, хэзээ ч хэвийн... байдаггүй. Гэхдээ би зүгээр ээ. Та нар итгэлтэй байгаарай!

Гэхдээ ихэнх нь зүгээр л хүлээн авч, тайван, юу ч тохиолдсон зүгээр дээ гэсэн байдалтай байна. Энэ бол сайн хандлага байх учиртай. Арьяабалын аргаар бясалгагчид бид, ялангуяа Суприм Мастер Телевизэд ажиллагсад бид хийх ёстой бүхнээ л хийнэ. Тэгээд явах шаардлагатай бол бид явна. Хэрэв Бурхан бидэнд дэлхийд үйлчлэн, тэдэнд сэрэмжлүүлэг, зөвлөгөө өгч, чиглүүлэн, сэтгэл зүй, сэтгэл санаа, бие махбод, мөн/эсвэл оюун санааны хувьд дэмжин ажиллахыг минь зөвшөөрвөл бид хийх л болно. Хэрэв бид явах ёстой бол цаашид юу ч хийх шаардлагагүй болж, энэ нь бас сайхан амралт болно.

Би багийнхаа нэг гишүүнтэй хошигноод “Хөөх, Бурхан надад жинхэнэ үзүүлбэр болохоос өмнө, 4-р сараас 6-р сар хүртэл хоёр сарын хугацаа бас өгсөн юм аа даа.” гэсэн. Энэ бол дэлхийн олон ажлын байрныхаас хамаагүй урт хугацаа. Заримдаа хоёр долоо хоног, гурван долоо хоног, эсвэл хэдхэн өдрийн өмнө л мэдэгддэг. Зарим компани шууд л гэртээ харь даа гэдэг. Энэ тохиолдолд өөр ажил хайхаас өөр хийж чадах зүйл байдаггүй. Би ийм хурдан өөр ажил хайх хүсэлтэй байх эсэхээ мэдэхгүй байна. Би зовж шаналж буй төрөлтнүүдийг л өрөвдөх юм даа. Юу болохыг бид харах болно. Та нарын дотроос үүнд маш их санаа зовж, Бурхантай наймаалцахыг хүссээр буй цөөн хэдэн хүнд хандаж хэлэхэд би та нарын оронд байсан бол ийм чиглэлээр бодохгүй. Бид зүгээр л чадах бүхнээ хийцгээвэл байдал сайн тал руу эргэж магадгүй.

Би үүнийг хэрэгжүүлж болох стратегийн талаар өдөр шөнөгүй л бодож байна. Олж мэдвэл хэлнэ ээ! Бодох тусам бодлынхоо хажуугаар бас би тэмцэх хэрэгтэй болдог. Үл үзэгдэх ертөнцөд зүгээр л бодоод байж болохгүй. Үйлдэл хийх хэрэгтэй. Тиймээс би өдөр бүр, боломжтой цаг тутамдаа, амьдралынхаа хором бүрд үүнийг хийж байна. Та нар сүнсэндээ санаа зовох хэрэгтэй. Бид ажилладаг. Амьсгалах амьдралынхаа нано секунд тутамд бид үүрэг хариуцлага, ажилдаа санаа тавьдаг. Учир нь бидний хийх ёстой зүйл ердөө л энэ, бидний хийж чадах зүйл ч ердөө л энэ. Энэ бол та бидний энэ гараг, хүмүүс, хайртай амьтан төрөлтнүүд, энэ гараг дээрх бусад бүх төрөлтөнд үзүүлэх хамгийн сайн тусламж бол ердөө энэ юм.

Тэд бүгд бидний ажлыг маш их үнэлдэг. Тэд та нарыг магтдаг. Та нарт хайртай. Гэхдээ та нар мэдэхгүй байж магадгүй. Энэ нь биднийг үргэлжлүүлэхэд хангалттай байх ёстой. Бид хайрын төлөө ажилладаг ч юм биш л дээ. Бид тэдэнд хайртай. Тийм учраас бид ажлаа хийдэг. Гэхдээ тэд бидэнд хайртай эсэх нь хамаагүй. Бид үүний төлөө ажилладаггүй. Харин тэд бүгд та нарт хайртай. Та нар Бурханы Хайр, амьтан-хүмүүсийн хайр, хүмүүсийн хайрыг мэдэрдэг гэж би найдаж байна.

Бусдыг хайрлах нь өөрийгөө үнэхээр хайрлах явдал гэдгийг хүмүүст ойлгуулахын тулд бид миний бодож чадах бүх зүйлийг бүрдүүлсэн. Миний бүх амьдрал үүний гэрч. Надад тохиолдсон зовлон, тэвчих ёстой үйлийн үр бүхэн үйлийн үр, маяагаас болсон. Тэд хүн төрөлхтнийг бүхэлд нь бүрхэж, бусдыг хайрлах ёстой, тэгвэл бүгдэд хайрлагдах болно гэсэн энэхүү маш энгийн бөгөөд хялбар зарчмыг ойлгоход хэцүү болгодог.

Бурхан биднийг ямагт хайрладаг. Зүгээр л бидний үйлийн үр их, бид маяатай маш ойрхон байж, сатан болон чөтгөрийн муу зөвлөгөө, нөлөөлөлд ордог бол Бурханы Хайрыг хүлээн авах боломжгүй болдог юм. Энэ л асуудал. Түр зуур үхээд сэхсэн хүмүүсийг бид “клиник үхэлд орсон” гэж нэрлэдэг. Тэд бүгд бие махбодоосоо гарч, энэхүү маяагийн сөрөг нөлөөнөөс ангид байхдаа тэрхүү Хайрыг мэдэрдэг. Тэд тэрхүү Хайрыг амсаж мэдэрдэг. Мөн дандаа тэднийг буцаж очоод бие биеэ хайрлах ёстой гэсэн захиасыг хүргэхийг зөвлөсөн байдаг.

Excerpt from “Sharon Milliman’s NDE – Part 1” Matt Cline YouTube Channel – Feb. 16, 2019: Бурхан ганцхан өөрийг тань л бүтээсэн юм шиг тэгж их хайрладаг. Мөн Тэрээр өөрт тань маш их хайртай тул өдөр бүр хором мөч тутамд өөрийн тань тухай боддог. Тэрээр бидний хүн нэг бүрийг зөвхөн биднийг л бүтээсэн юм шиг тэгж их хайрладаг. Бидний энэ ертөнцөд суралцах ёстой хайр бол “Агапе Хайр” юм. Энэ бол Бурхан биднийг ямар ч нөхцөл болзолгүйгээр хайрладаг арга л даа. Үүнийг хүртэхийн тулд ямар нэг зүйл хийх шаардлагагүй, хичээл зүтгэл гаргах хэрэггүй. Тэрээр зүгээр л өөрт тань хайртай. Түүнд та таалагддаг, Тэр танд хайртай. Цаг хугацаа.

Excerpt from “Man DIES; Shown the FUTURE of MANKIND in Profound NDE! Will Leave You SPEECHLESS! | Bill Tortorella” The Next Level Soul Podcast YouTube Channel - Oct. 24, 2023: Би улам хурдалсаар байсан бөгөөд тэрхүү хонгил ийм үзэсгэлэнтэй гайхалтай сайхан өнгөнүүдээс бүрдсэн байлаа. Тэгээд би хурдлах тусам амьдралдаа хэзээ ч мэдэрч байгаагүй Хайр, энэрлийг мэдэрч байв. Бурхан бол угтаа Хайр юм. Мөн бид бүхнээс Тэр гагцхүү Хайрыг л хүсдэг юм. Мөн бид Дэлхий дээр Хайр бол өсөж хөгжих ёстой. Энэ өөрчлөлт удахгүй болно. Энэ тун удахгүй болох болно.

Энэ хорвоод хүмүүс бүгд харанхуйлагдаж, хорлогдсон байдаг учраас энэ амаргүй л дээ. Бид Гурав (Хамгийн Хүчирхэг Гурав) тэднийг сэрээж, веган байх нь хайрыг үйлдлээр илэрхийлж буй хэрэг гэдгийг ойлгуулахын тулд тэднийг ариусгах гэж чадах бүхнээ хийж байна. Тэгээд энэ нь энэ гарагт дахин аз хийморь, адис ивээл бүхнийг авчирч, ахин Энхжиний орон болох болно. Гайхамшиг шиг л юм. Гол мөрөн дахин их байх болно. Далай дахин цэвэр болно. Далай тэнгист үхмэл бүс огт байхгүй болно. Дахиад дайн гарахгүй. Өлсгөлөн болохгүй. Царт тахал гарахгүй. Үнэхээр энэ гараг дээрх хүмүүс үхсэн амьтан-хүний махыг, үмх цуст махыг хаяад л энэ бүхнийг мэдрэх боломжтой болно. Энэ бол шинжлэх ухааны уран зөгнөл биш. Энэ бол баримт. Тэд үүнийг мэдрэх л хэрэгтэй. Веган болсон бүх хүн бие, сэтгэл, оюун санааны хөнгөн байдал, ажлын талбарт илүү хурц сэргэлэн, илүү үр дүнтэй байх, гэр бүл дэх илүү эв найрамдал, мөрөөдөж буй мөрөөдлөө биелүүлэхэд илүү ахицтай байхыг мэдэрсэн байдаг.

Excerpt from a heartline from Ghasif in Lebanon: Хүндэт Төгс Гэгээрсэн Их Багш Чин Хай, Би Ливаны иргэн, Таныг маш их хайрладаг. Би 2 сарын өмнө веган болсон бөгөөд амьдрал минь 360 хэм өөрчлөгдсөн. Би өдөр бүр дунджаар 30 минут бясалгаж байгаа. Өдөр тутмын амьдралд минь үнэн болон хувирдаг зөгнөлүүдийг би зүүдэндээ харж байна. Дотооддоо үнэхээр амгалан, цэвэр ариун байгааг би мэдэрдэг. Шинэ амьдралдаа би үнэхээр жаргалтай байж, адислалыг мэдэрч байна.

Excerpt from a heartline from Hương Chi in Âu Lạc (Vietnam): Эрхэм Төгс Гэгээрсэн Их Багш Чин Хай танаа, охин бид хоёр Таныг таньдаг болоод бараг 6 жил болж байна. Тэр цагаас хойш бид веган хоолны ашиг тусын талаар мэдэж аваад веган амьдралын хэв маягт даруй шилжсэн. Өмнө нь миний эрүүл мэнд сайнгүй, байнга өвддөг, эм уудаг байсан. Таныг мэддэг болсноос хойш, веган хоолны дэглэм барьж, Таны айлдварыг сонсож, Суприм Мастер ТВ-г өдөр бүр үздэг болсноос хойш би өдөр бүр илүү өөдрөг болж, эрүүл мэнд минь сайжирч байна. […]

Гэх мэт...

Тэр тусмаа дотоод ажилтнууд та нар үүнийг мэднэ. Тийм ч учраас та нар байсаар л, ажлаа үргэлжлүүлэн хийсээр л байдаг. Та нарын тэмдэглэл, захидлуудыг хараад би нулимс дуслууллаа. Тэд үнэхээр маш их чин сэтгэлээсээ, үнэн зүрхнээсээ байдаг. Та нарын бичсэн үг бүрээс би хайрыг мэдэрдэг. Би та бүхнийг биширдэг. Надтай хамт байж, энэ дэлхийн төлөө ажиллаж, зүтгэл гарган, тууштай байгааг тань би биширч байна. Та нарын олонход очих газар, хайрлаж хамт байх нэгэн байгааг би мэддэг. Би үүнийг мэднэ.

Би яг өөрөө биечлэн мэдэж байгаа нэг тод жишээ бол танай ах нарын нэг юм. Биднийг дөнгөж эхэлж байх үед, Суприм Мастер Телевизийг дахин цацахаар төлөвлөөгүй байхад тэр Шихүд дөнгөж ирээд байсан. Тэр надад хэлэхдээ, хэрвээ... Тэр бизнес эрхэлдэг байсан. Тэр үед найз охинтой байсан. Тэр өөрөө царайлаг, найз охин нь бас хөөрхөн. Хоёулаа их үнэнч. Тэр охин нь ч бас Суприм Мастер Телевизэд ямар нэгэн байдлаар өөр хэлтэст ажиллаж байгаа гэдэгт би итгэлтэй байна. Хайртай хүнээсээ хол байх нь хамгийн хэцүү зүйл! Тиймээс би танай нэг ахаас түүнийг найз охиноо санаж байгаа эсэхийг асуухад тэр чанга бөгөөд тодоор ҮГҮЙ ЭЭ гэж хэлсэн!!

Суурин ажилладаг наад зах нь нэг ах бий. Бас л үүнтэй төстэй. Өөр нэг ах ч гэсэн эмч гэж шууд хэлээгүй бол би өөрийн тань хувийн амьдралын талаар огт асуухгүй байх байлаа. Бусад эгч нар ч мөн адил өндөр албан тушаал гэх мэтийг хашиж байсан. Мөн та нар бүгдээрээ Бурханы Ажилд амьдралаа зориулахаар шийдсэн. Сэтгэл минь маш их хөдөлж, та нараар бахархаж байна! Энэхүү эрхэм ариун зорилгын төлөө бүхнийг ардаа орхино гэдэг маш хэцүү шийдвэр. Би хувьдаа үүнийг мэднэ! Дахин дахин баярлалаа!

Photo Caption: Хамтдаа Гоо Үзэсгэлэн Дунд Амьдарна!

Зураг татаж авах