Хамгаас Хүчирхэг Гурав: Бурхан, Тим Ко Ту, Бурханы Хүү Гурав Нэг боллоо, лекцийн 5-ын 1-р хэсгийг

Сайн байцгаана уу? Би Хүчээ бүгдийг нь буцааж цуглуулан авч байна. Энэ тухай сүүлд дэлгэрэнгүй ярья. Би тун завгүй байлаа. Та нартай арай эрт ярих ёстой байсан хэдий ч хэтэрхий, бүр дэндүү завгүй байлаа. Завгүй ч байна. Учир нь Путин өөрөө ирж тусламж хүссэн. Дотоод ертөнцөд түүний ертөнц “амар тайван бус” ертөнц гэдэг нэртэй. Түүний нутаг нь тэр юм. Түүний жинхэнэ уг оршнол нь тэнд байдаг гэсэн үг. Яг одоо дайтаж, хүмүүст гай зовлон тарьж, эсвэл энх тайвныг саатуулж буй нь тэр өөрөө биш. Энэ нь түүний ертөнцөд хууль бусаар цагаачилсан хорон чөтгөрүүдийн хийж буй зүйл бөгөөд тэр өөрөө тэдний учрыг олж дийлсэнгүй. Тэд ертөнцийнх нь дийлэнхийг хяналтдаа авчээ. Түүний байр суурийг ашиглаж, зарим нэг гол эрх мэдлийг нь татан авч захиргаадан, шийдвэрийг нь Путин биш доод албатууд нь гаргахад хүргэж байгаа.

Тэр ертөнц дотор, амар тайван бус ертөнцийн удирдагч нь Путин юм. Гэвч түүнд удирдлагын бараг ямар ч эрх мэдэл байхгүй! Түүнээс би “Тэд хэдүүлээ вэ?” гэж асуухад “Олуулаа.” гэж хариулсан. Тиймээс бид одоо заавал илгээх ёстой… Хэрэв тэр өөрөө гуйгаагүй бол бидэнд нэвтрэх эрх бас байхгүй. Тэгээд ч манай ертөнцийн зарчмаар бид төрөлтөн болгоныг хүндэлдэг. Бид ингэхийг маш их чармайдаг ч байдал бас тийм ч сайнгүй. Энэ хорон чөтгөрүүд хэрэг дээрээ зүгээр нэг чөтгөрүүдээс хавьгүй илүү их хүчтэй юм. Бид тэднийг эрэн сурвалжилж, хайж олоход тэд маш олуулаа байсан. Яг 92,342 хорон чөтгөр амар тайван бус ертөнц рүү сэмхэн шургалж ороод одоо тэндээ маш хүчирхэгжиж тэр ертөнцийг ноёлон захирах болсон.

Украин (Урейн)-ыг бөмбөгдсөөр байгаа Путинд Ерөнхийлөгч Трамп маш их уурласан болохоор би “Юу болов? гэж бодлоо. Тэгээд би шалгаж үзэх хэрэгтэй болсон. Юу ч хийсэн цаг ордог. Та нар намайг бүхнийг нэгэн зэрэг харж байдаг гэж боддог уу? Тэр үнэн л дээ. Гэхдээ түүнийгээ энэ ертөнцийн хэл яриа, ойлголт, мэдлэг, бодит алхамд хөрвүүлэх ёстой болдог юм. Тэр бүхэн цаг авдаг. Энэ хорон төрөлтнүүд хүчирхэг. Тиймээс тэд амар тайван бус ертөнц рүү орж, Путиныг төдийгүй туслахуудыг нь, мөн ертөнцийг нь хянах боломж чадвартай. амар амгалан үгүй энерги, тэмцэл зөрчлөөр дүүрэн ертөнц хөрш зэргэлдээх рүүгээ хүртэл дэврэн орж, бүр хүний ертөнц рүү ч нэвтэрсэн!

Энх тайвны хэлэлцээрийн дараа Украин (Урейн)-ыг Путин бөмбөгдсөн юм биш. Тэр төрөлтнүүдийн л хийсэн зүйл. Гэхдээ тэд цэргүүд, эсвэл Путины хэнийх нь ч дэргэд ойрхон байх шаардлагагүй. Дайны талбарт тийм ойрхон очих ч хэрэггүй. Нэгэн зүйлийг хийхэд тэд өөрсдийнхөө бүх хүчийг нийлүүлэн төвлөрүүлэх замаар удирдах боломжтой. Учир нь яг энэ үед тэд ингэхгүй л бол зорилгодоо хүрч чадахгүй байх байсан. Яагаад гэвэл бид хаа сайгүй байдаг. Иймд бид тэднийг илүү сайн мөрдөж олоод, бүгдийг нь хүлж, там руу чулуудах ёстой. Би өршөөнгүй хандаж, тэднийг Гуравдугаар Ертөнцийн чанадад бусад хаад болон хүмүүстэй хамт амьдруулахаар гэтэлгэхийн тул нүглээ наманчил гэж хэлсэн боловч энэ бүлгийнхэн тэгэхийг хүсээгүй. Тэгээд ч тэд нэлээн олуулаа. Бараг зуугаад мянга. Энэ бол их хүч. Тэд бас

дайнд болон өөр хаана ч бай нас барсан цэргүүдийн энергиэр хооллодог, бас гамшиг зовлон гарч, хүмүүс зовж тарчлан гэнэт үхсэнээсээ болж ихэд цочирдон зорилго чиглэлгүй тэнүүчлэн яваа газар бүрд тэдний энергиэр хооллодог. Тэдгээр хүмүүс өөрсдийгөө үхсэнээ ч мэдээгүй байдаг. Өөрсдөдөө юу тохиолдсоныг мэддэггүй. Тэгээд бүх ийм энергиэр хооллосоор улам бүр хүч авсаар байдаг юм. Учир нь тэд энх тайван бус ертөнцөд нууцаар хоргодож байж. Тиймээс бид тэднийг анзаарсангүй. Бид тэдний учрыг олсны дараа энх тайван магадгүй илүү түргэн тогтнох болов уу.

За одоо харин… Ээ дээ, мөн ч олон асуудал байна. Энэ бүхнийг зохицуулахад надад хэр их хугацаа хэрэгтэйг мэдэхгүй. Энэ хөөрхийлөлтэй дэлхийд хамаатай асуудал бүр надад одоогийн байдлаар чухал. Учир нь сөрөг энерги, хүмүүсийн өөрсдөө ч бас үүсгэж буй муу энерги хаа сайгүй газар авч, дэндүү олон зүйлийг сүйтгэн сөнөөж байна. Энэ асурийн биетэй сөрөг төрөлтнүүдийг устгаж, эсвэл хорьж амар тайван бус ертөнцөөс хөөн зайлуулсны дараа байдал арай намжих байх гэж найдаж байна, хүмүүс хэрвээ тусалбал...

Дашрамд хэлэхэд веган болж өөрчлөгдсөн хүмүүст талархаж байгаагаа илэрхийлье. Бидэнд гэхдээ илүү олон хэрэгтэй, хэзээд улам олон хэрэгтэй, Бурхан минь. Гэхдээ олон хүн гэмээ наманчилж, веган болохын хэрээр өвчин зовлон, аюул гамшгаас болж амь эрсдэх хүний тоо цөөрөх юм даа. Энэ нь ямар нэг хэмжээнд нэмэртэй. Тиймээс бидэнд гараг дэлхийгээ, гэхдээ мэдээж зарим хэсгийг нь л эргүүлж авах найдвар байж магадгүй. Би юу ч амлаж чадахгүй. Тэгэхдээ ингэж бодож төсөөлөх хандлагатай байна. Бидэнд гараг дэлхийнхээ зарим нэгэн боломжийн байгаа газар нутгийг сэргээж аврах боломж гарч магадгүй. Одоогийн байдлаар нэмэртэй байгаа боловч, их биш, мэдээж их биш. Тиймээс, бид ирээдүйн тухай гэрэлт найдвартай болж магадгүй.

Энэ гаргийг болон агаар мандал гэх зэрэг олон хэсгийг нь хүрээлсэн сөрөг муу хүч, найрсаг бус энергийг устгаж үгүй болгоход үнэхээр хэцүү байдаг. Тэгээд бүр илүү их муу зүйл тохиолдвол хүн төрөлхтөн тэр чигээрээ гараг дэлхийнхээ агаар мандлаас хөөрөөд гараад явчихна. Дэлхийг хамгаалан бүрхэж байдаг олон давхаргууд, тухайлбал соронзон орон, озоны давхарга гэмтэж, эсвэл ямар нэг байдлаар сүйрвэл, хүмүүсийг дэлхий дээр тогтвортой, дээшээ өөрийн эрхгүй хөөрөөд нисгэчхэлгүй газар шороон дээр нь байлгаж байдаг таталцлын хүч хүртэл гажиж, гаднын нөлөөнд орон, ажиллагаагүй болж мэднэ. Ээ дээ, бид их олон асуудлыг шийдэх гэж оролдож байна даа. Саранд хүртэл энэ цаг мөчид бэрхшээл тохиолдоод байгаа. Өчигдөр би Сартай ярилцаж байх зуураа тэдэн рүү бага зэрэг хамгаалалт явуулсанд тэд маш их баярлаж байна билээ. Нэмэр болох байх гэж найдаж байна. Би нэгэн зэрэг олон тулаанд орж чадахгүй байна. Мэдээж, чадна л даа. Тэгэхдээ олон жил бясалгаж, ялангуяа сүүлийн таван жилийн турш хураасан энергиэ түгээх, төвлөрөх цаг хугацаа надад хэрэгтэй байна.

Тэгэхдээ энэ дэлхийн ажлыг бас хийж, Суприм Мастер ТВ-ийг ажиллуулах зэрэг өчнөөн олон жижиг зүйлийг хариуцах нь надад тийм ч амархан байдаггүй. Жижиг зүйлс дор бүрдээ цаг авдаг. Дандаа хөнгөхөн, жижиг ажил байдаггүй. Маш их ажил. Миний нохой-, шувуу-хүмүүс хүртэл надтай хамт байдаггүй ч тэднийг би арчилж анхаарах, тэдэнтэй дотроо болон гаднаа ярих, хайр илгээх гэх мэт шаардлага гардаг. Шувуу-, нохой-хүмүүсийг маань арчилж хамгаалдаг хүмүүс, тэдний амьдардаг газар, холбогдох бүх зүйлд санаа тавьдаг. Би ийм олон зүйлтэй зууралдана гэж хэзээ ч бодож байгаагүй. Бүгд зүгээр ээ. Болж байгаа. Заримдаа бие минь л жаахан тааруу байх юм.

Үүнээс хойш та бүхэн Гурван Хүчирхэгт залбирч болно. Та нар Бурханд болон Гурван Хүчирхэгт даатган залбирч болно. Гэхдээ Бурхан Өөрийн Хүү болон Үүссэн нөгөө Хүү “Хоёр”-тойгоо нэгдээд байна. Ингээд Тэр Гурав Нэг болж, одоо Нэг болон хамтран ажиллаж байна. Энэ бол энэхүү хууран төөрөлдүүлэгч Маяагийн материаллаг ертөнцийн одоогийн тулгамдсан асуудлуудтай тэмцэхэд илүү хүчтэй Хүч! Хүчирхэг Гурав, Хамгийн Хүчирхэг Гурав, нэг биш Гурав шүү, Хамгийн Хүчирхэг Гурав гэж дуудаж болно гэсэн.

Бас нэгэн сайн мэдээ бол миний Бурханы шавь нарын нэг хэсэг бүлгээс Макс буюу Суприм Мастер Телевизийн Максыг улам их хүч чадалтай болгон хөгжүүлсээр байгаа, түүнийгээ надад их өөдрөгөөр мэдээлсэн. Бид энэ дэлхийн хамгаалалтыг бэхжүүлж, бүх хүнийг биш юм аа гэхэд илүү олон хүнийг хамгаалах улам их хүчтэй болж байгаа хэрэг. Зарим хүмүүс бүр хүн биш. Зарим нь чөтгөр шүглэчихсэн, эсвэл хагас чөтгөр болж хүмүүстэй ойр дотно харилцаанд ороод хүүхдүүд төрүүлдэг. Эдгээрийг шийдвэрлэхэд илүү хэцүү байдаг. Бид тэднийг аль болох дарж барьж байхыг хичээх л юм. Одоогоор би амар тайван бус ертөнцийн хорон санаат төрөлтнүүдтэй хийсэн тулалдааны үр дүнг хүлээсээр л байна.

За, одоо эргээд бясалгалдаа оръё. Би үр дүнг хүлээж байгаа. Өнөөдөр, эсвэл дахин хагас өдрийн дараа мэдэгдэнэ гэж найдаж байна. Тэд өөр ертөнцүүд рүү зугтчихгүй гэж найдаж байна. Шүүж шалгахын аргагүй олон ертөнц бий. Тэд өөр ертөнц рүү зугтахдаа, нийлж нэгдээд хүчирхэг болчихгүй тус тусдаа ертөнц рүү зугтвал бас тийм ч муугүй. Бид тэднийг хэсэгтээ орхичхож болно. Гэхдээ тэд хаа нэгтээ хамтдаа зугтаж очоод ижил зүйл хийх юм бол зөвхөн Украин (Урейн)-аар тогтохгүй бусад улс орнууд асуудалтай болж, дайн дэгдэж мэднэ. Угаас манайхтай зэрэгцээ оршдог өөр ертөнц рүү... энэ этгээдүүд зугтваас, Путин нөхцөл болзолгүй, хайрын сэтгэлээр Украин (Урейн)-тай энхийн хэлэлцээр хийж, бүх зүйл сайхан болж уучлагдсаны хойно ч юу ч болж мэднэ. Тэд манай ертөнцтэй холилдсон байдаг тул манай дэлхий утгаа хэзээ ч тийм эрх чөлөөтэй байдаггүй. Эдгээр нь хүмүүст сургамж болох зэмсэг байх ёстой байсан ч хэрээс хэтэрч хяналтаас гарчихсан.

Мөн хүмүүс сөрөг, цуст энергийг бий болгосоор л байгаа учраас тэр юм. Би хараал зүхэл хэлж байгаа юм биш. Хүмүүс бие биеэ хөнөөж, үр хөндөлт хийж, цуст энергийг үүсгэсэн, үүсгэсээр ч байгаа. Дайнд үрэгдэж буй хүмүүсээс ч илүү олон нялхас амиа алддаг. Өдөр бүр 200 мянга гаруй. Бурхан минь, зүрх минь заримдаа тэсэх аргагүй болох юм. Ээ Бурхан минь, ээ Бурхан минь. Тэгэхээр тэд манай гараг ​​дээр, манай гарагийн эргэн тойронд, хаа сайгүй энэ бүх аймшигтай хар энергийг бий болгож, биднийг бүрхэж байгааг та нар ойлгоо биз.

Хэрэв тэр бүх Их Багш нар залран ирж, хамгийн үр дүнтэй, хурдан, гэгээрүүлэгч Арьяабалын Аргыг заагаагүй байсан бол зөвхөн одоо ч биш, аль эрт дээр үед гараг маань бүхэлдээ сүйрэх байлаа. Энэ бүхнийг, энэ бүх сөрөг хүчийг эсэргүүцэж чадахуйц эерэг хүч бидэнд хангалттай байхгүй байх байсан.

Photo Caption: Хавар! Ховор Онцгой Гэрэл Сэргээх Хуучин Ой! Ховорхон Дарсан Байгалийн/Оригнал Гэрэл Зураг

Зураг татаж авах