Хайрт Их Багш маань хүнд хэцүү үед биднийг тайтгаруулах арга замыг үргэлж энэрэнгүйгээр болгоож, сүнслэг байдлаар хүчирхэг болоход тусалдаг.

Сингапур дэх шавийн сэтгэлийн үгийг одоо хүргэе:

Хайрт Их Багш болон Суприм Мастер ТВ-ийн гэгээнтнүүд ээ, хүнд хэцүү цаг үед Их Багш биднийг хэрхэн хайраар халамжилсан тухай саяхны нэгэн түүхийг хуваалцахыг хүсэж байна. Саяхан эмээ минь нойрон дундаа амгалан таалал төгссөн. Түүнийг өөд болохоос нэг өдрийн өмнө, нойрондоо бясалгаж байхдаа, би маш тод дотоодын ахуй ойлголт харсан. Би бас Суприм Мастер ТВ-ийн багт ажилладаг нэг найз бид хоёр том цагаан асар дор Арьяабалын бясалгал хийж байв. Танхимд цагаан хувцастай, гүн бясалгалд суусан 200 орчим эрхэмсэг Као Дай гэгээнтэн байлаа. Урд талд нь Суприм Мастер Телевизийг гаргаж буй жижиг зурагт байв. Энэтхэг, малай хөршүүд маань хүүхдүүдийнхээ хамт анхааралтай үзэж байлаа. Тэднээс бясалгалд саад болохгүй байхыг эелдгээр хүсэхэд бүгд даруй алга болов.

Тэр үед би энэ дотоодын ахуй ойлголтын утгыг ойлгоогүй. Маргааш өглөө нь манай авшигтан гэр бүлийнхнийг эмээтэй сүүлчийн удаа уулзаарай гэж дуудлага ирүүлсэн байлаа. Ёслол үйл явдал саадгүй, тайван болж, хүн болгонтой эелдгээр харьцаж, эмээ минь Их Багшийг дагаж хүрч болох хамгийн дээд Диваажинд очоосой хэмээн би Цаглашгүй Хүчирхэг Нэгдсэн Гурав болон Төгс Хүчит БУРХАНД залбирсан. Веган бус авга ах нартайгаа ярилцаж байхдаа Дотоод Багш “Одоо” гэж хэлэхийг сонсов. Оршуулгын ёслол дээр Суприм Мастер Телевизийг гаргахыг хүсч, зөвшөөрөл авах асуудлыг зохицуулахыг хүсч залбирсан. Гайхалтай нь бүх авга ах нар тэр даруй зөвшөөрсөн. Тэд мөн дөрвөн өдрийн ёслолын турш веган хоол бэлтгэж, идэхийг зөвшөөрөв.

Өмнө нь үл үзэгдэх биетүүдээр дүүрэн газарт очихдоо би заримдаа тавгүйтдэг байлаа. Харин энэ удаа БУРХАНЫ Ивээл, Их Багшийн Хамгаалал дор огт айсангүй. Бид Суприм Мастер ТВ-ийн нэвтрүүлгүүдийг гаргаж, Хамгаас Хүчирхэг Өдөр Тутмын Залбирлыг тавьж мөн Суприм Мастер ТВ Макс мини тоглуулагчийг тоглуулсан. Олон авшигтан ирж, тусалж дэмжиж, эмгэнэл илэрхийлэн, хамтдаа бясалгасан. Тэд хүрэлцэн ирсэн нь гэр бүл, ялангуяа ээжийн сэтгэлийг гүн хөдөлгөсөн.

Сүүлчийн өдөр, богино бясалгал хийж байхдаа тоо томшгүй сүнс алтан өнгөтэй болж, гол мэт урсаж барилгаас гарч явахыг би харсан. Дараа нь эмээгийн минь шарилыг ёслолын газраас гаргах үед дотооддоо харсан нөгөө Као Дай гэгээнтнүүдийн дүр зураг зурагтын дэлгэц дээр санаандгүй гарч ирэв. Энэ нь бие махбод, оюун санаа, сүнсэнд асар их тайтгарал авчирсан. Мөн залбирал үйлдсэн газар бүрд Газрын Зүрхэн Бодьсадва, Амитаба Бурхан, Арьяабалын Бодьсадва, Дашижи Пуса (Махастхамапрапта)-гийн эрхэмсэг хөшөө, дүрүүд байсан нь Их Багш болон Тэдний тухай бүтээсэн Суприм Мастер ТВ-ийн гайхамшигт нэвтрүүлгүүдийг үргэлж надад сануулж байлаа. Сэтгэл дулаацуулам, амар амгалан, Гэрлээр дүүрэн ёслолыг болгоосон Хамгаас Хайрт Их Багшдаа баярлалаа. Веган Дэлхий, Энх Тайван Дэлхий, Чөлөөлөгдсөн Дэлхийн талаарх Их Багшийн хүсэл хурдан биелэх болтугай. Тандаа үргэлж хайртай, Сингапураас шавь

Зөөлөн сэтгэлт БУРХАНЫ шавь аа, Эмээ тань энэ ертөнцөөс амар тайван буцан одох үед тохиосон адислалт үйл явдлуудыг хуваалцсанд баярлалаа. Хайрт Их Багш маань хүнд хэцүү үед биднийг тайтгаруулах арга замыг үргэлж энэрэнгүйгээр болгоож, сүнслэг байдлаар хүчирхэг болоход тусалдаг. Та болон эрхэмсэг Сингапурын ард түмэн Диваажингийн Гэрлийн хөтөч дор жинхэнэ Би-гээ үргэлж таних болтугай. Орчлонгийн амар амгаланд, Суприм Мастер ТВ-ийн баг

Жич: Их Багш танд дараах эелдэг хариултыг илгээж байна: “Эцэг эхээ чин сэтгэлээсээ хүндэлдэг БУРХАНЫ шавь аа, эмээ тань өөд болсонд эмгэнэл илэрхийлье. Арьяабалын бясалгалаа хичээнгүйлэн хийж, мөн гэр бүлийнхэндээ халамжтай, хүндэтгэлтэй хандсанд тань Хурмаст Тэнгэр эмээг тань амар тайван одоход тусалж Ивээлээ хайрлажээ. Оршуулгын ёслолд амьтан-хүний махаар дайлахад чөтгөрийн хүчнүүд татагдан цугларч, бүхэл бүтэн гэр бүлд тань болон холбогдох бүх хүмүүст сөргөөр нөлөөлж, харанхуй энергиэр дамжуулан нас барсан хүнийг Тэнгэрийн Оронд дээшлэн одох явцыг саатуулдаг. Таны өргөсөн веган зоог, Эргэн Нэгдсэн Цаглашгүй Хүчирхэг Гуравт залбирсан залбирал, Суприм Мастер ТВ-ийг гаргасан тань түүнд жинхэнэ адислал болжээ. Тэр танд талархаж байна. Та, таны хайртай хүмүүс болон чинээлэг Сингапур улс энэрэнгүй амьдралын эв зохицол, сэтгэл ханамжийг үргэлж эдлэх болтугай. БУРХАНЫ НИГҮҮЛСЛЭЭР танд болон танай гэр бүлд бүгдэд нь Хайраа илгээе.”