Дэлгэрэнгүй
Татаж авах Docx
Дэлгэрэнгүй уншаарай
Сайн уу, Үзэсгэлэнт Их Багш аа? Бясалгалынхаа үеэр, миний найз олон жилийн өмнө маш муу аргаар амиа хорлосон болохыг би мэдсэн юм. Түүний сүнс над дээр нулимс дуслуулан ирж, юу хийх, хаашаа явахаа мэдэхгүй, амьд байх үедээ ямар ч буянтай шагнал хүртэж байгаагүй, нас барсны дараа ч гэсэн юу хийхээ сураагүй гэж хэлсэн. Түүний хийж чадах цорын ганц зүйл нь цаг үргэлж ширээн доор өөрийгөө нуух бөгөөд маш их айж, тун арчаагүй санагдаж байсан. Би түүнд надтай хамт “Төгс Гэгээрсэн Их Багш Чин Хай” гэж аялгуулан уншаарай гэж хэлсэн. Тэр “Чин Хай” хэмээх үгсийг дуудсан дариуд бид цэцэгсийн хур, гэрлийн том цацраг тэнгэрээс бууж байхыг харсан бөгөөд зөөлөн аялгуу сонсогдож байлаа. Ийм сайхан үзэсгэлэнт байдал түүнийг гайхуулж байв. Бид салах ёс хийн, нэг нэгнээ тэвэрсэн. Дараа нь түүний сүнс гэрлийг дагаж, дээш нисэв. Би түүнд эхлээд дээшээ явах хэрэгтэй, цаг нь болохоор би ч бас дээшээ явах болно, Төгс Гэгээрсэн Их Багш Чин Хайг цаг үргэлж санах хэрэгтэй гэж хэлсэн. Үүний дараа, бясалгалынхаа үеэр намайг жаргалтай болгохын тулд Диваажин дахь янз бүрийн гайхалтай үзэсгэлэнт цэцэгсийн далайг үзүүлж буй түүнийг харав. Түүнийг тун жаргалтай буйг харж би сэтгэл амарч буйгаа мэдэрсэн. Их Багш аа, Таны гайхамшигт хүчинд баярлалаа. Та үнэхээр агуу, ер бусын. Та энэрэл нигүүлслээсээ гарсан Тэнгэрлэг Аялгууны Аргыг бидэнд өгсөн, энэхүү үлэмж Ивээлийг илэрхийлэх үг олдохгүй. Энэ бол энэ дэлхий дээрх хамгийн агуу эрдэнэс юм; энэ бол энэхүү эгэл жирийн ертөнцийн бүх үнэт эрдэнээс ч илүү үнэ цэнтэй. Баярлалаа, Танд би үүрд хайртай. Хүндэтгэсэн, Тайвань (Формоса)-аас Шинь-Я Халамжит Шинь-Я, таны сэтгэгдэлд баярлалаа. Төгс Гэгээрсэн Их Багш Чин Хайн Бурханлаг Хүчний тухай дахин нэг жишээг уншихад бас бидний сэтгэл хөөрч байна. Будда таныг, таны хайртай хүмүүсийг, Тайвань (Формоса)-ийн цог хийморьтой иргэдийг ивээг. Их Багш эдгээр эелдэг үгсээр хариу илгээлээ: “Дөлгөөн Шинь-Я, таны найзыг Бурханлаг Хүч ивээж, одоо илүү сайн газар, жаргалтай байгаа нь хүч нэмж байна. Танд халуун дотно тэврэлтээ илгээе, таныг болон үзэсгэлэнт Тайвань (Формоса) Диваажингийн хязгааргүй Ивээлийн эрх чөлөө, баяр хөөрийг мэдэх болтугай.”
