Дахин Нэгдсэн Хамгаас Хүчирхэг Гурвын Дэмжлэг, Ивээлээр хүн төрөлхтөн сэрж, сэхээрч магадгүй, 5 цуврал лекцийн 2-р хэсгийг

Би байрлан ажиллагсдын бүгдийнх нь нэрийг мэднэ. Алсаас ажиллаж байгаа заримынхыг нь мэднэ. Та нарын захидалд сэтгэл минь ихэд хөдөллөө... Зүрхний минь гүнд хүрч, уйлах байтугай л юм боллоо. Бид тэр суурин ажилладаг ахын тухай ярилцсан юм. Тэр маш залуу, царайлаг, орон гэртэй, очих газаргүй биш. Тэр үед ажил төрөл эрхэлдэг, найз охинтой байсан. Би түүнийг ирж, бидэнтэй үүрд хамт байх болно гэж бодоогүй. Харин одоо тэрээр багийн маш ухаалаг, үр бүтээлтэй гишүүдийн нэг болжээ.

Ирэхээр шийдэн, надтай мөр зэрэгцэн байрлаж, Бурханы Нэрийн өмнөөс дэлхийн төлөө ажиллаж байгаа та бүгдийг илгээсэнд Бурханд талархъя. Байрлан ажиллаж буй баг бас маш их ажилтай, алсаас ажиллаж байгаа авшигтнуудтай адил ч байрлаж байгаа багийнхан илүү онцгой. Бид хамт ажиллаж, төрөл бүрийн стресс, нөхцөл байдалд ямар ч нэвтрүүлэг, ямар ч ажлыг гүйцэтгэх ёстой болдог. Хэдэн цаг ч болж байсан, ямар ч өдөр, хоол унд идэж уусан эсэхээс, хангалттай унтсан эсэхээс үл хамааран цагийн шаардлагын дагуу, эсвэл ажлын чухлаас хамаарч гүйцэлдүүлдэг. Би ч мөн адилхан. Та нар мэдэж байгаа.

Гайхалтай үр бүтээлтэй, бас хичээл зүтгэлтэй та бүхэн шиг ийм багтай байгаадаа би үнэхээр баяртай байна. Та нарыг би хэчнээн ч магтаад, талархаад баршгүй. Та нарын амьдрал зорилго тань энэ байх. Өөр бусад бүхнийг үл тоон надтай хамт үүнийг хийхээр бууж ирэхийг сонсгосон байх. Буддагийнх шиг, Буддагийн лам нарынх шиг сэтгэлгээ. Буддад хаант улс, эхнэр хүүхэд гээд бүх зүйл байсан ч хүрэхийг хүссэн эрхэм ариун зорилгынхоо төлөө Тэрээр бүгдийг нь огоорсон. Дараа нь Тэрээр хамаг төрөлтөнд туслахыг хүссэн тул тэрхүү эрхэм зорилгоо үргэлжлүүлсэн.

Энэ ахыг тань анх ирэхэд би түүнийг үлдэнэ гэж бодоогүй ч тэр сайн дураараа хэлсэн. Учир нь үүнээс өмнө тэр надад төрийн албанд ажиллаж байгаа, сайхан ажил гэж хэлж байсан юм. Бид Ментонд ажиллаж байсан гишүүдийн цуглааны үеэр ярилцаж байсан шиг санаж байна. Тэгэхэд тэр надад шаардлагатай бол бүх зүйлийг золиослох болно гэж хэлсэн. Тэгээд тэр яг тэгсэн. Тэрээр энд бидэнтэй хамт одоо болтол байж, шаардлагатай бүхнээ, чадах бүхнээ хийсээр байгаа. Өмнө нь түүнийг анх ирэхэд түүнд маяагаас олон төрлийн барцад саад учруулдаг байв. Гэтэл тэр үргэлжлүүлсээр л байсан. Одоо тэр мэдээж сайн байгаа. Тэр үнэхээр удаан тэвчиж чадах болов уу гэж би түүнд маш их санаа зовсон. Харин одоо тэр зүгээр. Бүх зүйлийн төлөө Бурханд талархъя. Энэ бол танай гайхалтай ах нарын нэг. Хайртай хүнээсээ хол байх маш их хэцүү байдаг. Тэд хоёулаа сорилтыг даван туулахаар шийдсэн. Би Бурханд болон тэр хоёрт маш их баярлан, талархаж байна.

Мөн суурин ажилладаг ийм сайхан сэтгэлтэй хүн олон бий. Тэд та нарт өөрсдийнхөө тухай хэлэхгүй байж магадгүй. Яг л энэ ахын тохиолдлыг намайг одоо хэлэх хүртэл та нар мэдэхгүй байсан шиг! Та нарын байрлан ажиллах болсон бүх эрхэм ариун зорилгын тухай ярья ч гэсэн хангалттай цаг, зай байхгүй! Гэхдээ одоог хүртэл байгаа та нар Зүрх сэтгэлдээ цэвэр ариун, Оюун санаандаа хүчтэй, өндөр Хүсэл зоригоороо эрэлхэг гэдэгт би итгэлтэй байна. Браво хүүхдүүд ээ! Бурхан та нарт хайртай. Би ч гэсэн! Та нарт бүгдэд тань яагаад энэ дотно багт надтай хамт ажиллахаар ирсний онцгой шалтгаан байгаа гэдэгт итгэлтэй байна. Надад жинхэнэ найдвартай, бусдын нүднээс далд, тусгай байр байхгүй тул та нарын нэг нь бүх хадгаламж, хөрөнгө оруулалтаараа надад байр худалдан авч өгөхийг хүсэж байгаа шиг. Би мэдээж татгалзсан. Өөр нэг залуу гэр бүлтэйгээ үлдэхийг хүсээгүй. Учир нь “Их Багшийн ажилд тусламж хэрэгтэй байна...” гэсэн. Хорь гаруйхан настай гэхэд тэрээр маш ухаалаг бөгөөд маш их үнэнч!

Та нарыг мэдээж би бас үгүйлдэг. Бид дахиад ойрхон байдаг ч болоосой. Тэгвэл би та нарт (веган) жижиг кекс, шанзтай бялуу, алимын бялуу... хийж өгөх сөн. Гэхдээ одоохондоо бид дэлхийн төлөө зүтгэж, бие биеэ зүрх сэтгэлдээ л хайрлаж байна! Та нарт хэлэхэд би удаан хугацаанд талх, нарийн боов хийсэнгүй. Миний эндэх нөхцөл байдалд хийснээс хийгээгүй нь дээр!!! Цаг заваа бодсон ч, яалтай билээ..!! Заримдаа би та нараас бие махбодын хувьд хол байсан ч хамаагүй. Та нар ажилласаар байдаг агаад бид үргэлж хамт байдаг. Над руу нэвтрүүлэг илгээх бүрд, надаас асуулт асуух бүрд тань ч юм уу бид үргэлж хамт байдаг. Тиймээс бид явах ёстой болсон ч хамтдаа л явна. Тиймээс хэн тань ч санаа зоволтгүй. Цагийн эрхэнд болдгоороо болог. Бид юу хийх ёстойг, мөн юу болохыг цаг хугацаа бүгдийг нь харуулна.

Би та нартай аль эрт, ядаж л хэд хоногийн өмнө яръя гэж бодсон ч дэндүү их ажил, үнэхээр их ажилтай байснаас гадна бие тийм ч сайнгүй байлаа. Гэхдээ би зүгээр ээ, зүгээр. Үйлийн үр байнга л болж байдаг. Би үүнд дасчихсан. Заримдаа өвдөлт байв ч би эмээ уухаа мартах юм уу, эсвэл зүгээр л хүлээдэг. Та нар мэдэж байгаа, би эм уух тийм дуртай биш гэдгээ хэлсэн. Би хүлээдэг, эсвэл гэрийн аргаар бэлтгэсэн эмчилгээ ч юм уу хийдэг. Энэ тухай бодох цаг гарвал шүү дээ. Өвдөлт зовуурь, тодорхойгүй амьдралынхаа өөрчлөлт зэрэгт би дэндүү дасчихжээ. Энэ найман тэрбум хүний асуудал, энэ найман тэрбум хүний амьдрал аюулд ороогүй сэн бол өөр юу ч болсон намайг тэгтлээ үймүүлэхээ больсон доо. Хамгийн аймшигтай нь үүний дараа, тэдэнд гэнэт тохиолдох зүйлийн дараа ч аюул байсаар, хэрэв дэлхий сүйрч тэд явах ёстой болбол гэнэт л ямар ч бэлтгэлгүй, өөрсдөө ч мэдэлгүй явахад нь л санаа зовж байна.

Гэлээ гээд би бууж өглөө гэсэн үг биш. Үргэлжлүүлсээр байна. Нөхцөл байдлыг өөрчлөх ямар нэг зүйл хэзээ ч тохиолдож болно. Дэлхийн нийт хүмүүс гэнэт л хүрээлэн буй бүхий л төрөлтнүүддээ эелдэг, нигүүлсэнгүй, өршөөнгүй, тэднийг бодолцон хандах ёстойгоо ухаарч гэгээрэх боломжтой. Тэд өөрчлөгдөж мэднэ. Тэд бүгд веган болж мэднэ. Үүний л төлөө залбир. Тэднийг зүрх сэтгэлээ, бодлоо өөрчлөөсэй гэж залбир. Хэн мэдлээ, ийм зүйл болж ч мэднэ.

Богино хугацаа гээд боломжгүй гэсэн үг биш. Заримдаа аливаа зүйл хүлээлтийн эцэст, хүлээлтгүй байхад ирдэг. Та нар энэ бүхнийг мэднэ дээ. Гайхамшиг хэзээ ч тохиолдож болно. Тэдний ихэнх нь оюун санааны бясалгал дадуулдаггүй ч сайхан сэтгэлтэй. Хүмүүс хөлдсөн нуураас буга-хүнийг гарган, амийг нь аврахаар тэвчээртэй тусалж байгааг би харсан. Гадаа хөлдсөн байсан шувуу-хүмүүсийг эргээд нисэг гээд дулаацуулахын тулд үсний сэнсээр үлээлгэж байхыг харсан.

Би тэднийг зэрлэг амьтдыг хамгаалж, тэжээн, үнэгүйгээр усанд оруулж, үнэгүй үүр, амьдрах орчин, хоол хүнс өгөхийг харсан. Мөн тэд бас гацсан загас-хүмүүсийг, аврагдсан туулай-, буга-, элбэнх-, хэрэм-, занганд орсон шувуу-хүмүүс зэргийг аварч, гэртээ аваачин, халдварт өвчин гэх мэт эрсдэлд ч санаа зоволгүй амь насыг нь аврахын төлөө яаралтай эмнэлэгт, малын эмчид хүргэчхээд дараа нь ч үргэлжлүүлэн асарч, эрүүл саруул болж, тэнхэрснийх нь дараа чөлөөлж тавьдаг. Тэр байтугай зарим амьтад өдөр бүр, эсвэл сардаа нэг ч юм уу жилд нэг, эсвэл үе үе аврагчийнхаа гэрт ирдэг. Хүмүүсийг сэрээхийн төлөө, амьтан-хүмүүс үнэхээр дүрээ хувиргасан сахиусан тэнгэрүүд гэдгийг харуулах гэж бид ийм дүр зургийг аль болох их гаргахыг хичээдэг.

Excerpt from “Dove Comes To Visit The Family That Rescued Her Every Day” by The Dodo – Feb. 10, 2022: Би дөнгөж гадаа гараад доошоо хартал тагтааны дэгдээхэй харагдав. Өө, чи өлсчихжээ. Түүнийг модонд буцааж тавих арга байсангүй. Дахиад уу? Тэд түүнийг хооллож чадах эсэхийг асуув. Тэгэхээр нь би “За, та нар цааш яваад үзээрэй. Гэхдээ түүнийг нисэж эхлэхэд нь та нар түүнийг суллах хэрэгтэй.” гэж хэлсэн. Тэр шувуунд хэрхэн нисэхийг заасан. Би “За охид оо, түүнийг суллах цаг нь боллоо.” гэв. Энэ нь тэдний сэтгэлийг их хөдөлсөн. Хоёр цагийн дараа... Чи юу хийж байгаа юм бэ? Триггер буцаад ирлээ! Сайн уу, Триггер? Чи юу хийж байгаа юм бэ? Би тагтаатай харилцаатай болно гэж хэзээ ч бодож байсангүй. Тэр яг л ядаргаатай дүү шиг. Тэр бидэнд үнэхээр итгэсэн.

Excerpt from “Squirrel Visits His Rescuer Every Day For Years” by The Dodo – Jul. 15, 2023: Дөрвөн жилийн өмнө би ноён Пийчесийг аварсан ч өнөөдрийг хүртэл тэр эргэн ирсээр байгаа. За, бяцхан хүү минь! Тэр тоглоомын цаг болсныг мэддэг. Стив бид хоёр өдрийн ажлын дараа ирээд гадаа сууж түүнтэй тоглодог. Тэгээд тэр нуруугаа маажуулдаг. Тэр намайг үнсдэг болохоор хайртай гэдгээ мэдэж байгаа байх. Ноён Тоор, энэ чи мөн үү? Түүнийг харах болгондоо би инээдэг. Энэ чи мөн үү? За, хонгор минь. Аан, чи байна шүү дээ. Ноён Тоор бол яах аргагүй манай гэр бүлийн гишүүн. Сайн уу, ноён Пичи? Ороод ир. Алив.

Охин маань манай тавцан дээрээс нэгэн хувдайг олсон юм. Харин эх нь хаана ч байсангүй. Бид түүнд тусламж хэрэгтэй байгааг мэдээд, хооллож эхэлсэн. Ноён Пийчес эхний гурван сар жижигхэн зэгсэн шүүгээнд амьдарсан. Тэгээд аав маань түүнд хэрэм өндөрт байх үедээ хамгийн аюулгүй санагддаг гээд таазанд өлгөдөг модон суварга хийж өгсөн юм. Өглөөний мэнд. Тэрхүү суваргыг өөрийнхөө сайхан жижигхэн байшин болгов. Тэр орж ирэхийг урьж байна гэдгийг ямагт мэддэг. Тэр самар хаана хадгалагддагийг мэднэ. Тэр орж ирээд шууд үсрэн, самраа шүүрч аваад гараад явчихдаг. Хэрэв ноён Пийчес биднийг хайрлаж, энд тав тухыг мэдрэхгүй байсан бол тэр дахин эргэж ирэхгүй байх байсан гэж би боддог. Тэр цааш явах байсан ч эргэн ирж, амьдралаа бидэнтэй хуваалцахаар шийдсээр бөгөөд үүнд бид талархдаг.

Амьтан-хүмүүсийг Бурхан бүтээсэн, Диваажин бүтээсэн. Гэвч зарим нь үйлийн үрээс болоод ийм амьтан-хүмүүсийн биед хувирсан байдаг. Гэхдээ зарим нь хүн төрөлхтөнд янз бүрийн аргаар туслахын тулд сайн дураараа янз бүрийн амьтан-хүний төрөл аван, дэлхий дээр бууж ирдэг. Хүмүүс болон бусад зүйлүүдэд туслахын тулд тэдний нинжин сэтгэл, золиослолд төгсгөл байхгүй! Зөвхөн энэ гарагт ч биш, Орчлон ертөнцийн хаа сайгүй. Энэ бол баттай.

Photo Caption: Гэртээ Хүрэх Зам Зүрхэнд Тань Бий

Зураг татаж авах