Диваажингаар үйлсээ шүүлгэ. Хүмүүс та нарыг хэрхэн шүүхийг бүү тоо. Гэвч заримдаа хүмүүс хэдэн зууны дараа сэрж, удирдагчийг юм уу эсвэл зөв зүйл хийсэн нэгнийг, зөв гэрэлд хийсэн зүйлийг нь шүүмжилдэг. (За, Багш аа.) Энэ хамаагүй, та нар зөв зүйлсээ л хийх ёстой.
( Хүмүүс үнэндээ удирдагчийг сонгодоггүй, харин улс орны хамтын үйлийн үр, болон Бурханы тааллаар удирдагч сонгогддог гэж Багш хэлсэн. Хэрэв үйлийн үрийн нэр дэвшигч, болон Бурханы нэр дэвшигч хоёр өөр хүн байвал, Бурханы таалал үргэлж ялах уу? )
Үргэлж биш. Жишээ нь Есүс Христ, (За, Багш аа.) хэнд ч юу ч хийхийг хүсээгүй. Хүмүүст сайн бай гэж л зааж сургаж байсан. (За.) Гэсэн ч, өөр бусад сөрөг хүчнүүд байдаг. Тэр үед байсан засгийн газар хүртэл Түүнийг хаан ширээг нь эсвэл эрх мэдлийг нь авахаас айж байсан. (За, Багш аа.) Бурханы сонгосон хүнийг заримдаа хэт олон хүч дарангуйлж мэднэ. (За, Багш аа.) Гэвч манай дэлхийн энэ цаг үед, магадгүй илүү олон хүмүүс веган байгаа учраас, мөн илүү олон хүмүүс сүнслэгээр дадуулан бясалгаж байгаа учраас хэдийгээр сайн хүмүүс, сайн удирдагчид эсвэл сайн Их Багш эсвэл Багш нар дайралтад өртөж, нэр төр нь гутаагдаж байгаа ч эсвэл худлаа гүтгэгдэж, мөн тэдний талаар хуурамч, муу мэдээлэл цацагдлаа ч ядаж л тэд алагдахгүй, эсвэл тамлуулахгүй. Гэвч магадгүй тэд үргэлж өрсөлдөөнд ялахгүй. Тэр үед дэлхий хэдийнээ цэвэр болсон эсэхээс бас хамаарна, (За, Багш аа.) мөн энэ дэлхийд ахиад хэчнээн хүнд буян байгаагаас, тэр улс хэр их буянтай вэ гэдгээс хамаарна. (За, Багш аа.) За. Баярлалаа. Уйлж байгаа хүн одоо асууж болно.
( Багш аа, одоо болж байгаа цэвэрлэгээгээр гараг дэлхийн агаар мандал хөнгөрч, Веган Дэлхийн төлөөх залбирлын хүчээр, мөн Суприм Мастер ТВ-р гардаг Их Багшийн сургаал болон хайраар дамжуулан хүмүүс гэнэт сэрж, веганизмыг одоогийнхоос хавьгүй хурдан, хавьгүй өргөн хүрээнд хүлээн авч хэрэгжүүлж эхлэх болов уу? )
Та нар залбираарай. Гэнэт биш, гэхдээ залбираарай. (За, Багш аа.) Таны хүссэн шиг байсан ч болоосой. Би ч бас таны хүсэж байгааг хүсэж байна. Тантай адилхан мөрөөддөг. Гэвч надад эерэг мэдрэмж байна. Тэгж л хэлж чадна. За юу? ( Сайхан мэдээ байна. За, Багш аа. Баярлалаа, Багш аа. ) Бусад зүйлсийг хэлж болохгүй. Үнэхээр, болохгүй. (За, Багш аа.) За. Гэвч цаг нь болохоор та нар мэднэ ээ. ( За, Багш аа. )
Мөн залбирсаар байгаарай. (За.) (Тэгнэ ээ.) Мөн шавь нар Оройн Дээд Бурханд, Ертөнцийн Эерэг Хүчинд, Огторгүйн Сайн Төрөлтнүүдэд, Их Багшийн Хүчинд, Оройн Дээд Их Багшийн Хүчинд, бүх Ихос Кү-н Бурхдад болон чанадын Бурхдад залбирсаар байгаарай. Бясалгахаасаа өмнө залбираарай. Бясалгасныхаа дараа таларх. (За, Багш аа.) Тэд хурдан бөгөөд сэтгэл түгшин ажиллаж байгаа. Диваажингийн цаг хугацаа болон эндхийн цаг хугацаа өөр байдагт л гол нь байна.
Мөн, бидний хөгжлийн энэ цаг үеийн үйлийн үрийн хүнд ачаа дэндүү хүнд, үнэхээр хэт хүнд, хэтэрхий их, үнэхээр гайхалтай ёроолгүй хүнд байна. ( За, Багш аа. ) Би сүүлд гарсан Эртний зөгнөлт нэвтрүүлгийг үзсэн. (За.) Тэр (Лиү Бовен) олон Будда нар бууж ирэх ч Тэд хүртэл урхинд орно гэж хэлсэн. Хэрэв энэ цаг үед жинхэнэ Их Багшийн хүч байгаагүй бол, энэ бүх Будда, Бодисадва нар үүрд түгжигдэх байсан. Үүрд ч биш л дээ, гэхдээ маш олон эрин галаваар. (За, Багш аа.) Энэ цаг үед энэ гарагийн бусад төрөлтнүүдийн үйлийн үрийг хуваалцахад л түгжигдэнэ. Зөвхөн хуваалцаад, туслахад л бүр үүрд түгжигдэнэ, тиймэрхүү зүйл болно. (Өө. Хөөх.) Төсөөл дөө.
Би нэг нууц хэлье. Би бас туслах ёстой. Бидний цаг үеийн зарим нэг Их Багш гэгдэгчдийг аврахын тулд Бүхнийг Чадагч Хүчийг, Их Багшийн Хүчийг ашиглан би тусалдаг. (Хөөх.) Үгүй бол Тэдний шавь нарын үйлийн үр, дэлхийн үйлийн үр Тэднийг тамд унагана. Уучлаарай. Би хэн нь хэн бэ гэдгийг хэлмээргүй байна. ( За, Багш аа. Баярлалаа, Багш аа. ) Гэхдээ энэ бол үнэн. Би та нарт хэзээ ч хэлж байгаагүй. Зүгээр л дашрамд нь та нарт энэ цаг үед мултарч байгаа нь үнэхээр азтай гэдгийг хэлж байгаа юм. Үнэхээрийн азтай, ер бусын азтай, гайхалтай, супер, супер азтай. (За, Багш аа.) Бүхнийг бүү дутуу үнэл. (За. Багш аа.) Сайн бясалга. Цаг үргэлж залбир. Өөрт буй адислалдаа байнга талархаж бай. ( За, Багш аа. Баярлалаа, Багш аа. )
( Засгийн газраас эрх чөлөөг нь хязгаарласан үйлдлийг эсэргүүцэх хандлагатай байна, жишээ нь хөл хорио эсвэл маск зүүх шаардлага гэх мэт өөрсдөд нь сайн байж болох үйлдлүүдийг ч эсэргүүцэх хандлагатай байхад, удирдагчид махыг хориглоно гэвэл үүнээс яаж зайлсхийх вэ? )
Тэд зүгээр л зоригтой байх хэрэгтэй. Зөв зүйлийг л хийх хэрэгтэй. (За, Багш аа.) Ядаж л, амжилт олохгүй байлаа ч, өөрийгөө зөв зүйл хийснээ мэдэж, ухамсар тань амар амгалан байна. (Тийм шүү, тийм.) Хүн бүр өөрийг тань хүлээн зөвшөөрөхийг хүлээгээд байвал зөвхөн нэр төрийн төлөө ажиллаж байна гэсэн үг. (За, Багш аа.) Бүх Их Багш нар хүнд хэцүү байдалд, дарамт шахалтад ажилласаар ирсэн ч, Тэд үргэлжлүүлдэг. Маш олон хүмүүс Түүн рүү дайрч, эсвэл Түүнийг шархдуулж, дотор, гаднагүй төрөл бүрийн зүйл болдог ч, Тэд үргэлжлүүлдэг. Учир нь тэд нэр төрийн төлөө ажилладаггүй. Хүмүүсийн төлөө ажилладаг. Бурханы тааллын төлөө ажилладаг. (За, Багш аа.) Зовж буй төрөлтнүүдийг аврахын төлөө ажилладаг. Өөрийгөө удирдагч гэж үзэж байвал, удирдагч хүн гэдэг ийм л байх учиртай. Удирдагчид юу ч болж байсан зөвхөн зөв зүйлийг л хийх ёстой. (За, Багш аа.) Өөрөө зөв зүйлийг хийж буйгаа мэднэ. (За, Багш аа.) Тэгээд Диваажин үйлдлийг тань шүүг. Хүмүүс таныг яаж шүүхийг бүү тоо. Гэвч заримдаа хүмүүс өчнөөн зууны дараа сэрж, зөв зүйл хийсэн удирдагчийг эсвэл хэнийг ч бай шүүдэг, зөвөөр үйлдсэнийг. (За, Багш аа.) Хамаагүй, та нар зөв зүйлийг л хийх учиртай. Хэн юу гэж хэлэх нь хамаагүй. Зүрх сэтгэлдээ зөв гэж мэдэж байвал хийх хэрэгтэй. Зөвхөн удирдагчдыг хэлэлтгүй энгийн хүмүүс бас тийм байх учиртай. (За, Багш аа.) Мэдээж, энэ амар хялбар, шулуун байхгүй байж мэднэ, гэвч дэлхийг өөрчлөх, нийгмийг өөрчлөх маш олон арга байдаг. Өнгөрсөнд олон хүмүүс үүнийг хийсэн. Тиймээс одоо бид чадна.
Хэрэв засгийн газар хүмүүст мах идүүлэхийг хүсэхгүй байвал тэд эхлээд бүх нядалгааны газар, бүх мал аж ахуйг зогсоох ёстой. Бүгдийг нь хаах хэрэгтэй. (За, Багш аа.) Тийм бизнес эрхлэгчдэд жаахан татаас өгч, энэ ажлаа өөр төрлийн фермийн аж ахуй болгох нөхцөлийг бүрдүүлж болно. Тэд мал аж ахуй эрхэлж байсан бол үүнийгээ ногооны ферм эсвэл жимсний ферм болгож болно. Тэд хэдийнээ хүмүүс, ажилчидтай. Тэд газар болон том барилгатай. Тэд тэр бүхнээ амьтдыг хорьж, нядалдаг газар байлгахын оронд ногоо тарих хүлэмж болгон хувиргах боломжтой. (За, Багш аа.) Хэрэв зарах мах байхгүй болчихвол авах хүн байхгүй. Эхэндээ мэдээж далдуур зарим нэг нь нууцаар худалдаалах ч, дараа нь бол энэ амархан. Аажмаар тэр бүгдийг захирч, хориглох боломжтой. Мах идэхийг хүссэн хэн ч бай, аргаа олох ёстойгоор, анд явж амьтнаа эхлээд олоод, өөрсдөө хороох ёстой байдлаар ч юм уу зохицуулж болно. Тэд алж чадах эсэхийг харж болно. Ихэнх хүмүүс амьтадтай нүүр тулаад тэднийг алахыг хүсдэггүй. (За, Багш аа.) Тэд үүнийг... зөн совингоороо үүнийг амьтай төрөлтөнд аллага үйлдэж байна гэж мэдэрдэг. Тиймээс энэ нь автоматаар хамгийн бага хэмжээндээ хүрнэ.
Засгийн газар энэ бүхнийг урьдчилан зарлаж, амьтны гаралтай бизнес, мах идэх/худалдаалах, өндөг сүү зэрэг нь хүмүүсийн эрүүл мэнд, аз жаргалд туйлын сөрөг нөлөөтэй ба хүүхэд хөгшдийг ялгаагүй үхэлд хүргэдэг болохыг урьдчилан анхааруулах хэрэгтэй. (За, Багш аа.) Хаа сайгүй хүмүүст боловсрол олгох ёстой. Орон нутгийн захиргаанд энэ бүх мэдээллийг өдөр шөнөгүй сурталчилсан самбар тавьж, сонин, радио, телевизээр зарлах хэрэгтэй гэж уриалах ёстой. (За, Багш аа.) Мөн хүмүүс илүү мэдэхийг хүсвэл асуултуудад нь хариулах агентлаг байгуулах хэрэгтэй. Махны хор хөнөөлтэй нөлөөллийг харах мэдээлэл хүмүүст амархан хүрч болох веб хуудаснууд байх ёстой. Энэ бүхнийг хийхэд хэцүү биш. Амархан. Улс орнуудын удирдагчдын эр зориг болон засгийн газрын дэмжих систем байхад л энэ хэрэгжих боломжтой. Хэрэгжих боломжтой. Тийм, бид чадна. (За, Багш аа.) Энэ дэлхийд боломжгүй зүйл гэж үгүй. (За, Багш аа.) Бид саран дээр очсон ба одоо Ангараг руу явж байна. Сугар гараг дараагийнх нь. Энэ бүх төлөвлөгөөг гаргасан ч, гараг дэлхийгээ бид харж ханддаггүй. Энд байгаа үедээ бид эндхийн зүйлсийг харж хандах нь илүү хялбар байдаг. Тиймээс эхлээд энэ гарагийг харж хандвал, дараа нь бид бусад огторгуйн биесийг өөр хаа нэгтэй харах боломжтой. Бид Саран дээр очиж чадаж, мөн Ангараг руу очихыг хүсэж, Сугар дээр очихыг зорьж байгаа ч эндэх жижигхэн асуудлаа шийдэж чадахгүй байгааг би ойлгодоггүй. Амьтдыг л идэхээ болиход л хангалттай. Би ямар ч шалтаг олж харахгүй байна. (За, Багш аа.)
Ямар ч саад харахгүй байна. Ямар ч асуудал байхгүй, хүмүүсийг эрүүл саруул болж, улс орныг эрүүл, сэтгэлийн тэнхээтэй, ухаантай болж, хүүхдүүд эрүүл саруул болж, хүмүүст улам их ажлын байр бий болж, хүн бүрд илүү эрүүл, сайн шударга ажил олдохоос өөр ямар ч асуудал байхгүй. Хөгжин дэвжсэн үйлдвэрлэл байх болно, органик веган тариалалт. Хэдийнээ тийм байгаа. Хэдийнээ тоо нь нэмэгдэж байгаа ч, хүчтэй удирдагч л хэрэгтэй. Тэгээд л болоо. (За, Багш аа.) Хүчтэй эмэгтэй эсвэл эрэгтэй удирдагч. Зарим удирдагчдыг би боловсорч баатар болохыг, эр хүн, жинхэнэ баатар эрэгтэй, жинхэнэ баатар эмэгтэй болохыг хүсэж байна. Санал авах гэж тэмцэлдэж, саналын төлөө ямар ч үед нэг нэгнийгээ муугаар ярьсан, мөн хөрш орныхоо газрыг авах гэж төлөвлөгөө гаргаж, эсвэл хаа нэгтэй байх хэсэгхэн арлын төлөө тэмцэлдэж, эсвэл хөлсөө урсгаж олсон бүх татварын мөнгөөр аллага үйлдэх зэвсэг үйлдвэрлүүлсэн жирийн нэг мэргэжлийн улс төрч байхыг хүсэхгүй байна. Дэлхийн удирдагчдаас буцаад эргээд явахыг харахыг хүсэж байна. Бид хийж чадна. Тийм ээ, бид чадна. (За, Багш аа.)
Удирдагчид яагаад, эсвэл засгийн газрууд яагаад үүний утга логикийг хардаггүйг мэдэхгүй. Цар тахлаас, эсвэл бүр эдгэшгүй өвчнөөс хүмүүсийг эдгээх гэж жилээс жилд олон сая, тэрбум, их наяд доллар зарцуулахынхаа оронд асуудлын үндсийг яагаад шийдвэрлэдэггүйг мэдэхгүй. (За, Багш аа.) Дайнд ийм их мөнгө үрж, өвчин эдгээх гэж, эсвэл цар тахал, хүмүүсийг хөл хорионд оруулж улс орныхоо болон дэлхийн эдийн засгийг хохироож, дэлхийг ингэж нам зогсоож байна, Тэд маш их мөнгө зарцуулж, хүмүүс зовж шаналж, гэр бүл бүр мөн засгийн газар түгшүүртэй байна. (За, Багш аа.) Яагаад зүгээр л үндсэн шалтгааныг шийдэж болохгүй гэж? Асуудлын үндсийг арилгаж, энэ бүх үрж гарзадсан мөнгөө мал аж ахуйн салбарт өөрчлөгдөхөд нь зориулж татаас болгон өгч болно. Тэгвэл тэд өөрчлөгдөнө. Тэд махны бизнес эрхэлдэг шалтгаан нь, мөнгө олохын төлөө юм. Тиймээс хэрэв засгийн газар тэдэнд амьдралаа дахин эхлүүлэх хангалттай мөнгө өгвөл тэд дуртайяа хийх болно. (За, Багш аа.) Ажилчид мах, өндөг, сүүний үйлдвэрт эсвэл лабораторид ажилладгийн шалтгаан нь гэвэл, мөнгө олохын төлөө л юм. Тэд мөнгө л олж чадаж байвал юу хийхээ тоохгүй. Амьтдыг алах уу, эсвэл ногоо тарих уу гэдгийг тоохгүй. Ногоо тарих нь илүү амархан, тийм ч их цус урсгахгүй, тийм ч бохир, заваан үнэртэй, бөөлжис цутгам биш бөгөөд хүмүүсийн сэтгэл санаа, сэтгэц, сэтгэл мэдрэлийн ухамсарт тийм ч хор хөнөөлтэй биш. (За, Багш аа.) Тэгэхээр эцэстээ энэ нь бүх талаараа ашигтай. Тиймээс засгийн газар бодлогоо аль болох хурдан өөрчлөх хэрэгтэй!
