Дэлгэрэнгүй
Татаж авах Docx
Дэлгэрэнгүй уншаарай
Диваажинд маш аз жаргалтай байдаг тул оюун санааны дадал бясалгалыг бидэнд сануулах юу ч тэнд байдаггүй. Тамд маш их зовлон шаналалтай тул тэнд бясалгал дадуулах боломжгүй. Харин дэлхий дээр бидэнд зовлон, баяр жаргал, үл ойлголцол, мунхаглал, билиг ухаан, гэгээрэл, гэгээрэлгүй байх гээд маш олон өөр өөр нөхцөл байдлууд байдаг. Тиймээс, бид амьдралдаа олон янзын нөхцөл байдлуудад хурдан суралцаж чадах ба өөрсдийгөө туршлагажуулж, сургаж чадах хангалттай материалуудыг олж чаддаг. Бидэнд Будда болохын тулд бясалгал хийх боломж энд байдаг ба бусад ертөнцөөс ийм боломжийг олж чадахгүй юм. Тиймээс, хүний бие бол маш эрхэм зүйл билээ. Бид оюун санаагаар бясалгал дадуулах энэ боломжоо цаг алдалгүй ашиглах ёстой. Гэрэл Аялгууны Аргаар бясалгаснаар, бидний хэлбэлзэл маш хурдан болж, илүү эрч хүчтэй, яг л залуу хүн шиг бидэнд мэдрэгддэг. Бид илүү авхаалжтай болж, асуудлуудыг амархан шийдэх чадвартай, яг л залуу хүмүүс шиг ухаантай болдог. Тиймээс, бид өөрсдийгөө улам залууждаг гэж хэлж болох юм. Үргэлж хувиа бодолгүй тусалдаг, үргэлж нөхцөл болзолгүй байгаарай. Ямар ч нөхцөл байдалд өөртөө ашиг тус бүү хүсээрэй. Тэгвэл та бодож хүлээж байснаасаа илүү ихийг авах болно. Үргэлж хувиа боддоггүй, нөхцөл болзол тавьдаггүй байгтун. Энэ бол орчлон ертөнцийн ажилладаг зарчим юм. Бид хайрыг төлөөлж байдаг; бид Бурханыг төлөөлж байдаг. Үүнийгээ мартах бүртээ бид дахин сануулахын тулд хичээх хэрэгтэй. Ийм замаар бид агуу болдог. Ийм замаар бид Бурханыг ухаардаг. Ажил тань өөрөө адислал юм. Бурханы төлөө болон олон түмний төлөө ажиллаж байх үед буян тань үржиж байдаг. Та илүү олон хүнд туслахад, олон дахин үржсэн буян таны оюун санааны бясалгалын ахицын санд тань нэмэгдэж байдаг. Хэрэв бид өөрсийгөө энх тайван болгож чадахгүй юм бол Бурхан Дэлхий дээр энх тайванг авчирч чадахгүй. Бидэнд хүч чадал бий. Бид энд Бурханы төлөөлөгчид юм; бид энэ түвшинд хийх хэрэгтэй зүйлсээ заавал хийх ёстой, учир нь бид энд амьдарч байна. Зөвхөн бид өөрсдийн дотооддоо амар амгаланг олсон үед л энх тайвныг цогцлоож чадна; Зөвхөн бид дотооддоо Бурханыг харсан үед л бусдаас Бурханыг олж харж чаддаг. Дэлхийн бүх ерөнхийлөгчид, болон удирдагчид хүмүүст зөвхөн материаллаг талуудыг сануулахын оронд, сүнслэг талуудыг сануулахын төлөө илүү хичээх хэрэгтэй гэж би боддог, учир нь тэдгээр сүнслэг талууд үүрд үлдэнэ. Үнэндээ хүмүүст сүнслэг бясалгалын талаар сануулах нь сайхан зүйл, учир нь энэ бол бидэнд байгаа бүх зүйл юм. Энэ бол бидэнд үүрд үлдэх цорын ганц зүйл юм. Энэ бол дэлхий дээр болон бусад улс үндэстнүүдийн хооронд энх тайвныг тогтооход туслах цорын ганц зүйл юм. Хэрэв бүх улс үндэстнүүд илүү гэгээрвэл, бидэнд бие биенээ гэсэн эв нэгдэл амар амгалан ирнэ. Бидний амьдралд тохиолдож байгаа бүх үйл явдал биднийг хэр өсч томорсныг хэмжихэд бид сүнслэг хөгжилдөө хэр ахиц гаргаж, өсч хөгжсөнийг хэмжихэд тусалдаг. Хэрэв та үүнийг ийм нүдээр харвал, бүх зүйл асуудалгүй болно. Тэгээд өөрсдийн мань хувьд хэрхэн хамгийн боломжит шилдэг арга замаар үүнд хариу үйлдэл хийхийг мэдэхээр хичээх юм.
