энэ материаллаг ертөнцөд хайртай хүнээ алдах нь хэзээ ч амар байдаггүй ч, та Гэрэл Аялгууны бясалгалыг чин сэтгэлээсээ тууштай хийж ирсэн нь, дотоод Багштайгаа тогтоосон холбоо тань гэр бүлийн гишүүддээ энэ насандаа гэтлэхэд нь туслах найдвар, боломжийг агуулж байна.

Одоо Тайландаас Бунсри-гийн тай хэлээр ирүүлсэн сэтгэлийн үгийг олон хэлний хадмал орчуулгатайгаар хүргэе:

Эрхэм Их Багш аа, надад болон нөхөрт минь тусалж, БУРХАНЫ Хайрыг надад мэдрүүлсэн Танд маш их баярлалаа. 2026 оны 1-р сарын 10-ны Бямба гарагт хайрт нөхөр минь зүрхний шигдээсээр гэнэт нас барсан юм. Миний нөхөр авшиг хүртээгүй байсан. Түүнийг өөд болсон тэр шөнө би маш их цөхөрсөн байсан тул Их Багшаас ердөө л “түүний сүнсэнд туслаач” хэмээн гуйсан сэтгэлийн үг бичсэнээ санаж байна. Дараагийн хэдэн өдөр нь үнэхээр хүнд байв. Гэтэл гурав дахь өдөр буюу 2026 оны 1-р сарын 12-ны Даваа гарагийн шөнө Их Багш надад миний төсөөлж байснаас ч илүүтэйгээр маш их тусалсан. Тэр өдрийн эхээр би оршуулгад нь тараах “Хайр бол цорын ганц шийдэл” номууд болон оршуулгын үеэр байрлуулах Их Багшийн зургуудыг авахаар төвд очсон юм. Би унтлагын өрөөндөө, ажлын ширээнийхээ ард Их Багшийн хоёр том зургийн нэгийг нь нөгөөгийнх нь ард өлгөсөн.

Өдөр Тутмын Хамгийн Хүчирхэг Залбирлын цагийн дараа би Суприм Мастер Телевизийн ажлаа хийж эхэлсэн юм. Суприм Мастер Телевизийн ажилдаа төвлөрч байтал гэнэт маш хүчтэй, хайраар дүүрэн оршихуйг мэдэрсэн. Над руу Хайрын маш хүчтэй туяа цацарч буй мэт байлаа. Их Багшийн оршихуй мэт санагдсан. Дараа нь мөн тэр газраас Хайрын өөр нэг маш хүчтэй цацраг ирж буйг мэдэрсэн. Энэ удаа үүнийг дүрслэхэд хэцүү байв; Магадгүй Цаглашгүй Хүчирхэг Нэгдсэн Гурвал эсвэл БУРХАНЫ оршихуй байсан болов уу гэж боддог. Би нэлээд гайхан, Хайрын эдгээр цацраг ирж буй зүг рүү эргэн харлаа. Тэр өдрийн эхээр төвөөс авчирсан Их Багшийн том зургуудаас л (яг лазерын туяа мэт) цацарч байгааг би анзаарсан. Хайрын энэ хоёр туяа хоорондоо сүлэлдэн, сэтгэл санааг минь төдийгүй биеийг минь ч тайвшруулж байв. Дараа нь, хамгийн гайхалтай нь нөхрийн минь оршихуй мэт санагдах илүү зөөлөн, багавтар хайр Их Багшийн Хайр болон БУРХАНЫ (эсвэл Ариун Гурвалын) Хайртай холбогдохыг мэдэрсэн. Үүний дараа миний нөхөр энэ Хайртай хамт явсныг мэдэрсэн.

Их Багш аа, би Танд, БУРХАНД, Цаглашгүй Хүчирхэг Нэгдсэн Гурвалд үүрд талархаж байна. Та бидний хамаатан саданд тусалдаг гэж үргэлж хэлдэг бөгөөд үүнийг надад байж болох хамгийн гайхамшигтай арга замаар харууллаа. Манай дэлхийн төлөө хийдэг бүхэнд, мөн надад болон гэр бүлд минь зориулсан Хайр, Халамжийн тань төлөө маш их баярлалаа. Таныг үүрд мөнх, үргэлж хайрлана. Тайландаас Бунсри

Талархлаар дүүрэн сэтгэлтэй Бунсри, сэтгэл хөдөлгөм туршлагаа бидэнтэй хуваалцсанд баярлалаа. Их Багш танд Хайраар дүүрэн энэхүү захиасыг илгээжээ:

“Уян зөөлөн сэтгэлт Бунсри, энэ материаллаг ертөнцөд хайртай хүнээ алдах нь хэзээ ч амар байдаггүй ч, та Гэрэл Аялгууны бясалгалыг чин сэтгэлээсээ тууштай хийж ирсэн нь, дотоод Багштайгаа тогтоосон холбоо тань гэр бүлийн гишүүддээ энэ насандаа гэтлэхэд нь туслах найдвар, боломжийг агуулж байна. Чин сэтгэлээсээ, тууштай үргэлжлүүлэн бясалгаж, энэ дэлхийд Гэрлээ улам тод гэрэлтүүлсээр байгаарай. Та болон Тайландын өгөөмөр ард түмэн Тэнгэрлэг Хайр, Билгүүн ухаанаар үргэлж хөтлүүлэх болтугай. Танд маш их хайртай!”