Дэлгэрэнгүй
Татаж авах Docx
Дэлгэрэнгүй уншаарай
Олон жилийн өмнө Испанид байхад шүд минь өвдөж, эмчид очсон юм. Би шүдний эмчийн сандал дээр шүдээ эмчлүүлэхэд бэлэн болсон байв. Шүдний эмч болон бусад ямар ч эмчид очих бүрдээ би үргэлж веган амттан, шинэхэн жимс зэрэг олон бэлэг аваачиж өгдөг байлаа. Учир нь би эмч, сувилагч нарыг асар их хөдөлмөрлөдөг гэж боддог. Эмнэлэг орох, эсвэл эмчид үзүүлэхдээ тэдэнд их сургууль, дадлага, ажлын туршлагаараа сурч эзэмшсэн хүнд ажил хөдөлмөрийнх нь төлөө талархлаа илэрхийлэхийг хүсдэг. Тэд маш шаргуу ажилладаг. Тэд хүний амь аварч, өвчнийг намдаан, амьдралыг нь тав тухтай болгодог. Алж хөнөөсөн амьтан-хүмүүсийн мах, архи, мансууруулах бодис, тамхи зэрэг хорт муу зүйлийг хэрэглэж, өөрийгөө өвчлүүлсэн ч тэд таныг буруутгалгүй, аварч, эдгээж, зовуурьгүй тав тухтай байлгахын тулд чадах чинээгээрээ үргэлж хичээдэг. Муу зүйл иддэг, мансууруулах бодис хэрэглэдэг гэх мэт шалтгаанаар тэд хэзээ ч таныг эмчлэхээс татгалздаггүй. Гэхдээ өөрийгөө сайн анхаарч арчлаарай. Миний сая дурдсан болон бусад бүх хорт зүйлээс хол байгаарай. Архи, мансууруулах бодис, тамхи, түүнтэй төстэй зүйлс, ялангуяа алж хөнөөсөн амьтан-ард, эсвэл буга-, үнэг-хүн зэрэг айлган сүрдүүлж агнасан зэрлэг амьтан-хүмүүсийн махнаас холуур яв. Эдгээр зүйл БУРХАН болон та нарын Будда чанарыг агуулагч сүм болсон ариун нандин эрдэнэт биед тань цөм хор болно. Өөртөө сайн анхаараарай. Тэр үед би эмчилгээний сандал дээр хэвтэж байлаа. Мэдээ алдуулах эм үйлчлэхийг хүлээж байсан. Машинаар явж өнгөрөхдөө зах болон замын хажуугийн худалдаачдаас олон төрлийн содон, сайхан жимс их хэмжээгээр авсан байсан юм. Би эдгээр хүмүүст ч үргэлж туслахыг хүсдэг. Тэд толгой дээгүүрээ жижиг нийлэг бүрхүүл, нийлэг бүрээс татчихаад өөрсдийн тарьсан жимсийг гудамжинд зардаг. Тиймээс би үргэлж өрөвдөн, тэднээс их зүйл худалдаж авдаг байлаа. Мөн урьдчилаад захаас веган амттан авсан. Тэдгээрийг эмнэлгийн хүлээн авах хэсэгт өгсөн. Ярьж чадаж байхдаа би эмчээс “Эмч ээ, миний авчирсан амттан, жимс таалагдав уу?” гэж асуусан. Тэр чихрийн шижингийн инсулины тариагаа хийгээгүй тул хараахан идэж болохгүй учраас ‘баярлалаа хэрэггүй’ гэж хэлсэн. Би “Өө, харамсалтай хэрэг. Гэхдээ сүүлд идэж болно шүү дээ” гэв. Тэр “Тийм ээ, инсулинаа хийсний дараа л идэж болно” гэсэн. Тэгэхэд нь би, “Та өнөөдөр өөрийгөө тарих ёстой юу?” гэж асуув. Тэр “Үгүй ээ, өдөр бүр, өдөр бүр.” гэсэн. Би “Тэгээд яаж хийдэг юм бэ? Өдөр бүр тэр олон тариаг хаанаа хийдэг юм бэ?” гэж асуув. Тэр “Харин тийм ээ, өнөөдөр хүйсийн орчимд хийнэ.” гэсэн. Бурхан минь! Үүнийг сонсоод шүдний эмчилгээний сандлаас шал руу үсрэн бууж, хаалганы дэргэд юмсаа бэлдэн зогсож байсан эмч рүүгээ очсон. Би түүнийг тэврэхэд нулимс асгарсан. Би “Бурхан минь! Хөөрхий эмч минь, та ингэж хүнд өвдсөн атлаа өдөр бүр ажиллаж, эхнэр хүүхдүүдээ хүртэл асрах ёстой байдаг юм байна.” гэв. Хоёр хүүхэдтэйг нь би мэддэг юм. Би “Бурхан минь, таны амьдрал ямар хэцүү юм бэ! Үнэхээр харамсаж байна.” гэсэн. Тэр “Зүгээр ээ, би бүр дасчихсан. Насан туршийнх болохоор зугтаж чадахгүй.” гэв. Би “Бурхан минь, анагаахын эрдэмтэд нэгэн өдөр өөр, илүү сайн эм, эсвэл эм хэрэглэх шинэ арга нээж, та өдөр бүр ингэж шаналах шаардлагагүй болоосой.” гэсэн. Би “Таны оронд байсан бол би тэвчиж чадна гэж төсөөлөхгүй байна.” гэв. Тэгэхэд тэр “Та одоо сандалдаа буцаж сууна уу, үгүй бол Та уначхаж мэднэ.” гэсэн. Би сандалдаа буцаж суусан ч сэтгэлдээ уйлсаар байлаа. Үүнээс хэдэн жилийн дараа би нохой-хүмүүсээ үрчилж авсан тухайгаа өмнө нь ярьсан. Энэ нохой-хүний нэрийг хэлэхийг хүсэхгүй байгаа тул түүнийг Т-У гэж нэрлэе. Анх өөр нэртэй байсан ч догшин болохоор нь зөөлөн араншинтай болгох гэж нэрийг нь сольсон юм. Гэвч нэмэр болоогүй. Түүнийг чихрийн шижинтэй болсны дараа шалгаж үзэхэд хүн болон бусад нохой-хүнийг хазах зэрэг догшин үйлдлүүдээ чихрийн шижин тусах хэмжээний муу үйлийн үртэй болохын тулд хийснийг мэдсэн. Түүнээс биш энэ өвчнөөр өвчлөхгүй байх байсан. Тэр чихрийн шижин гэх энэ өвчнийг авахыг хүссэн шалтгаан нь чихрийн шижинтэй болох бусад нохой-хүн, тэжээвэр амьтан-хүн, бусад амьтан-хүн болон хүмүүст дээр дурдсан зүүгүй аргыг мэдүүлэхийн тулд байжээ! ТЭР МИНИЙ ХҮСЛИЙГ МЭДЭЭД, НАМАЙГ БАЯРЛУУЛАХЫН ТУЛД ХҮСЛИЙГ МИНЬ БИЕЛҮҮЛЖ ТУСЛАХЫГ ХҮССЭН АЖЭЭ!!!... Бурхан минь! Би бараг унахаа шахсан. Би “Ээ чи минь, ийм жижигхэн, ингэх хэрэггүй байсан юм. Ингэх алба байгаагүй шүү дээ!” гэсэн. Одоо надад үнэхээр, үнэхээр хэцүү байна. Чи ингэж их шаналах ёстой болж, одоо бүр хаашаа явж байгаагаа ч харж чадахгүй болсон нь надад үнэхээр, үнэхээр хэцүү байна. Бурхан минь! Надад ямар хэцүү байгааг та нар төсөөлөх ч үгүй. Би БУРХАНААС “Түүний бүх үйлийн үрийг над руу шилжүүлнэ үү. Би түүнийг зовоосой гэж хүсэхгүй байна. Тэр ердөө л нохой(-хүн) шүү дээ. Туслаач дээ.” гэж гуйсан. Гэвч энэ нь түүний өөрийн хүсэл, чөлөөт сонголт учраас БУРХАН зөвшөөрөөгүй. Бурхан минь! Олон амьтан(-хүн) өөрсдийг нь асардаг хүмүүс, амьтан найзууд, бусад сайхан сэтгэлтэй хүнд туслахын тулд өөрсдийгөө золиосолдог. Бурхан минь! Түүнчлэн зарим хүн ижил өвчтэй бусдад зориулсан эмчилгээг эрдэмтдээр нээлгэхийн тулд янз бүрээр зовж, бусдад туслах зорилгоор өөрсдийн хүслээр Дэлхийд ирсэн байдаг. Бид хүн бүрд, бүх зүйлд өртэй. Гэвч бидний ихэнх нь үүнийг мэддэггүй. Түүний энэ үйл үнэхээр эрхэм бөгөөд би магтаж, талархах ёстой ч ингэж зовж, айж байгааг нь хараад сэтгэл минь үнэхээр эмтэрдэг. Түүний бүх зовлонг өөртөө авч чаддаг ч болоосой. Хүмүүс бидэнд хэрэгтэй зүйлээ олох, өвдөлтөө мартах нь илүү хялбар, бас би эмч нартай илүү амархан ярьж чадна. Тиймээс би БУРХАНД “Бүү ингээч, үүнийг зогсоогооч. Гуйя, оронд нь намайг шийтгэнэ үү.” гэж хэлсэн. Тэр ердөө нохой(-хүн), бяцхан нохой(-хүн) шүү дээ. Хоолой зангирч, хүзүү өвдөж байгаа тул энэ тухай цааш ярьж чадахгүй нь. Хоолой минь боогдоод байна л даа. Манай Дэлхийд ийм энэрэнгүй төрөлтнүүд оршин байдагт БУРХАНД талархъя. Гэвч ихэнх хүн үүнийг ойлгохгүй, харин ч бүр энэ дэлхийд илүү их гай тарьж, зэрэгцэн оршин суугч хүн болон бусад төрөлтөнд улам их зовлон удаж байдаг нь харамсалтай. Миний энэхүү мэдээлэл ямар ч төрлийнх бай хамаагүй, олон олон тэжээвэр амьтан-хүнд тань тус болж, үүнийг хэрэгжүүлж чадсан хэн бүхэнд илүү амар болно гэж найдаж байна. Жишээ нь: Хэрэв та бяцхан муур-хүнтэй бол өдөр бүр нэгээс хоёр удаа зүүгээр тарих хангалттай газар арьсан дээр нь байхгүй шүү дээ. Хэт их сэтгэлийн хөдөлгөөнтэй байгааг минь уучлаарай, БУРХАН та бүхнийг өршөөж, та нар ч өөрсдийгөө хайрлан, өмнө дурдсанчлан амьтан-хүмүүсийн мах, мансууруулах бодис, архи, тамхи гэх мэт бүх хорт зүйлээс хол байгаасай гэж хүсэж байна. Та нар мэдэж байгаа шүү дээ. За. Би жаахан тайвширъя. За за. Манай гараг ядуу биш гэдгийг та бүхэн мэднэ. Гараг даяараа бүх төрлийн металл, бүхий л төрлийн ашиг тустай зүйлсээр маш их баялаг бөгөөд хэд хэдэн гаргийг тэжээхэд хүрэлцэхүйц хангалттай хоол хүнстэй. Хэрэв бид хөрөнгө мөнгөө бие биеэ хөнөөхөд, эсвэл хүнсэнд зориулж амьтан-хүмүүсийг өсгөн алахаас үүдэлтэй төрөл бүрийн хороор ой, гол мөрөн, далай тэнгисийг сүйтгэхэд зарцуулахгүй юм бол шүү дээ. Бид энэ гаргийн эсрэг хэзээ ч хийх ёсгүй байсан тэр болгоныг тоочих цаг надад хүрэлцэхгүй. Бид нэг гэр бүл шиг бие биеэ халамжилж, хайрлах ёстой. Бидэнд идэж хэрэглэх зүйл хангалттай их бөгөөд эрүүл, аз жаргалтай, гэгээрсэн урт удаан амьдрах боломж бий. Гэвч бид тэдгээрийг олон янзаар буруу зүйлд ашигладаг. Та нар бүгдийг нь мэдэж байгаа. Сөрөг зүйлсийн талаар дахин хэт их яримааргүй байна. Ер нь ямар хэрэгтэй юм бэ? Сонсох хүн хэд байдгийг мэдэхгүй. За тэгэхээр өгөөмөр, өршөөнгүй, энэрэнгүй, хайр халамжтай, сайхан сэтгэлтэй, сайн хүн байхыг л хичээгээрэй. Тэгвэл БУРХАНААС хүн төрөлхтөн болон бусад бүх төрөлтөнд хайрласан хамгийн сайн сайхан бүхнийг та өөрөө, гэр бүл, бяцхан үрс, ач зээ нарынхаа тусын тулд хүртэж чадна. Бусдыг хорлохын тулд хийсэн аливаа муу зүйл тань эргээд өөрт тань ирнэ. Одоо үгүй юм гэхэд дараагийн аль нэгэн төрөлд тань ирнэ. Хайр энэрэлгүй үйлдлийнхээ үр дагавраас бид хэзээ ч зугтаж чадахгүй. БУРХАН минь, энэ гаргийн хамаг төрөлтөнд тусалж хайрла. Танд бид хайртай. Тэдний хайр хэтэрхий өчүүхэн, дутмаг байж мэдэх ч тэд хичээж байгаа. Учир нь тэд амьд явахын тулд хойшлуулшгүй хэт олон юманд дарагдаж, дэндүү завгүй байдаг, ЭЗЭН минь. Биднийг өршөөгөөч. Биднийг хайрлаач. Биднийг өршөөгөөч. Бид ийм гараг дээр дахин төрөл авмааргүй байна. Ийм гарагтай байхыг хүсэхгүй. ЭЗЭН минь, хаа сайгүй Диваажин болгож, шинэ Дэлхий, шинэ ертөнц, шинэ дүрэм бүтээнэ үү. ЭРХЭМ ДЭЭДЭС минь, баярлалаа. Бүх оршихуйн Цорын Ганц Эцэг Эх минь, баярлалаа. ЭЗЭН минь, Та ч бас амгалан байг. Амен. Photo Caption: “Дотоод Баяр Баяслаа Харуулан Инээмсэглэ”
