Дэлгэрэнгүй
Татаж авах Docx
Дэлгэрэнгүй уншаарай
Өмнө нь ирж байсан үнэг-хүн алс холоос дахин хэд хэдэн удаа ирснийг та бүхэнд хэлэх гэсэн юм. Түүний хувьд энэ бол холын, урт зам. Хажуугийн ойгоос ирдэг. Тэр ой нь энэ ойтой холбоотой. Зүгээр л өөр хэсэг бөгөөд бүхэлдээ нэг залгаа ой биш. Тэр надад ердөө л “Бүү ай, энх тайван ойрхон байна.” гэж хэлэхээр ирсэн. Түүнд хамгийн сайн сайхныг хүсье. Сэтгэл минь үнэхээр их хөдөллөө. Би түүнд үнэхээр их хайртай. Тэр нэргүй. Би түүнд ямар нэг нэр өгөх эрхгүй. Тиймээс эм хүйстэй түүнийг Үнэг Хатагтай хэмээн би дууддаг. Гэвч ямар нэгэн шалтгаанаар би түүнийг тэгж дуудах эрхгүй. Би түүнийг “нэргүй үнэг” гэж дуудах ёстой. Тэгвэл тэр ойртон ирж, надад хариулж чадна. Өө, тэгээд тэр наашаа маш хурдан гүйж ирдэг! Тэгээд дуулах мэт аялан дуугардаг. Тийм сайхан хоолой, уянгалаг аялгуутай, тэр хоолой нь сэтгэл хөдлөл дүүрэн өндөр өнгө, баяр хөөртэй хэмнэлтэй байдаг! Үнэхээр гайхалтай сайхан сүнс. Гагцхүү өмнөх амьдралдаа буруу алхам хийжээ. Үнэндээ тэр өмнөх амьдралдаа миний шавь байгаагүй. Тэр үед миний заасныг судалж, намайг болон сургаалыг минь дооглон, мунхгийн улмаас баясахын тулд бүхнийг эсрэгээр нь хийж, намайг буруу гэж батлахыг л оролдсон! Тиймээс одоо тэрээр үнэг-хүн болсон бөгөөд маш их гэмшиж байгаа. Тэр ойр байж, шалтаг гарган, тухайн үед үнэлээгүй ч одоо ойлгосон сургаал, ач тусын минь хариуг барихаар иржээ. Ихэнхдээ биеэ орхисныхоо дараа илүү ихийг мэддэг ч үйлийн үр тэр бүр нэн даруй, эсвэл хангалттай түргэн ирдэггүй учраас заримдаа хэтэрхий оройтсон байдаг. Зарим хүн маш муу үйлийн үртэй болсноос асурын бие нь аль хэдийн тамд хоригдож, шийтгүүлсэн байтал махан бие нь энд байж байдаг. Амьд байхдаа тэд юу ч мэдэрч, ойлгож мэдэж чаддаггүй. Тиймээс үйлийн үрийн өр төлөөсөнд итгэхгүй, муу үйлээ үргэлжлүүлсээр байдаг. Харамсалтай. Энэ үнэг-хүний жишээ хүмүүсийг үйлдэл, бодол, үг яриагаа илүү нухацтай эргэцүүлэхэд хүргэнэ гэж найдаж байна. Өнөөдөр нэгэн шавь гэгдэх хүний төлөө шаргуу тэмцэх шаардлагатай болсон тул маш үймээнтэй өдөр байлаа. Өнөөдөр олон янзын зүйл давхацсан өдөр байна. Хүмүүс та нар тулгарч болзошгүй онцгой байдлын үед идэх хоолгүй үлдэхээс сэргийлж, хүнсний нөөцөө нөхөж бүрдүүлэхийг хичээгээрэй. Удаан хадгалагдах хүнс, мөн түлш хүрэлцэхгүй үед чанаж болгох шаардлагагүй хүнс худалдаж аваарай. Ойд хаа сайгүй хуурай мөчир байдаг тул би үүнд нэг их санаа зовдоггүй. Харин хотод амьдардаг та бүхэнд хүндрэлтэй байж магадгүй. Тиймээс ядаж онцгой нөхцөлд хэрэглэх зүйлсээ нөөцлөөрэй. Ямар нэгэн зүйл тохиолдоход засвар нь хангалттай хурдан хийгдэхгүй, бүр засах боломжгүй ч байж мэднэ. Ямагт болгоомжтой байгаарай. Ямагт урьдчилан бодож байгаарай. Дэлхий даяар дайн байлдаан үргэлжилсээр байна. Эрдэм ухаан ихт хүн төрөлхтөн ийм байдаг нь харамсалтай. Тэд Сар, Ангараг зэрэгт очиж, бүр хэдхэн арван жилийн өмнө, эсвэл зуун жилийн өмнө санаанд багтамгүй байсан олон зүйлийг хийж чаддаг. Гэвч өөр хоорондоо эв найрамдалтай байж, бие биеэ хамгаалснаар өөрсдийгөө хамгаалахыг шийдэж чадахгүй л байна. Өнөөдөр аврахад туйлын хэцүү нэгэн шавь гэгдэх хүнийг чөлөөлөхийн тулд тамын асуудалтай тэмцэх хэрэгтэй боллоо. Гэвч шавь нарын маань дунд үүнтэй их, бага хэмжээгээр төстэй хүмүүс бий. Үүнд би нэн их эрч хүч, цаг хугацаа зарцууллаа. Энэ хоёр зүйл надад маш үнэтэй. Надад хэрэгтэй. Надад эрч хүч хэрэгтэй. Надад цаг хэрэгтэй. Тамд буй тэр шавийн талаар яагаад надад ийм оройтож мэдэгдэв? Би Үнэг Хатагтайд чин сэтгэлээсээ маш их хайртай. Би түүнд илгээж чадах бүх Хайраа, түүний хүлээн авч чадах бүхнийг илгээж, өөрийг нь маш их хайрладаг, халамжилдаг нэгэн хэвээр гэдгийг мэдрүүлдэг. БУРХАНЫ Ивээл дор түүнд хамгийн сайн сайхныг хүсье. Түүнийг хамгаалж, аюулгүй байлгасанд БУРХАНД талархаж байна. Би ажиллаж байгаад ус буцалгахаар гартал тун сул, тун сулхан дуу сонсогдсон. Суприм Мастер Телевизээс гарч байна гэж бодтол тийм биш байлаа. Тэгээд би “Нэргүй үнэг, чи юу?” гэж асуусан. Тэр даруй өөрийгөө гэдгийг мэдэгдэхээр маш баяр хөөртэй, чанга дуугаар хариулсан. Тэгээд хэсэг зуур элдвийг ярьсан. Би “Өө, миний төлөө ийм хол зам туулах хэрэггүй дээ. Өөрийгөө бодоорой. Өнөөдөр хангалттай хоол идсэн үү?” гэж асуув. Тэр “Идсэн.” гэлээ. Тэгээд ус ч уусан байв. Би майхныхаа гадаа, ойр орчимд уух зүйлс тавьдаг юм. Ойн бут сөөг рүү яваад орж хүрч болох газар бүрд, эсвэл ойр хавьд задгай талбай хаана л байна би жаахан ус тавьчихдаг. Тэднийг хооллох зөвшөөрөлгүй ч заримдаа тэсэж чаддаггүй. Тэд нэн даруй олж чадахгүй байж мэдэх тул хэсэг хугацаанд муудахгүй хуурай уурагт хүнс тавьдаг. Бурхан минь! Бурхан минь, хэдий энх тайван ирж, дэлхий нийтээрээ үүнийг эдлэн, буянтай хэн бүхэн үүнийг мэдэрч, амар амгалангийн эрчмээс адис хүртэж байгаа ч сэтгэл минь хэзээ ч амарч чадахгүй нь ээ. Ийм байсан ч би өөрөө тэрхүү амар амгаланг мэдэрдэггүй. Сөрөг хүч бидэн рүү бүх чадлаараа дайрч байгаа тул ажил, асуудал улам л нэмэгдэж байна. Гэхдээ лаа шиг л байгаа байх. Лаа унтрахынхаа яг өмнө хурц дүрэлздэг. Тиймээс дэлхий дахинд энх тайван тогтсоныг удахгүй албан ёсоор зарлана гэж чин сэтгэлээсээ найдаж байна. Бүх амьтан-хүн, манай MAПA болон ХЭМЖЭЭЛШГҮЙ Хүчит Гурвал надад үүнийг үргэлж хэлдэг ч тэр болтол хүлээх тэвчээр надад хангалтгүй байна. Гэхдээ одоогоор өөр хийх зүйлгүй тул хүлээхээс аргагүй. Хаадын нэг нь та нарт хэлсэнчлэн хэрэв бид сөрөг хүчнийг устгахын тулд бүх хүчээ дайчилбал одоогийн энэ дэлхий ч бас хамт сөнөх болно. Учир нь сөрөг зүйлийг устгахад үлэмж их хүч шаардагдах бөгөөд тэдгээрийн олонх нь бас хүний биед, цаашлаад ер нь хаана ч, ямар ч зүйлийн дотор нуугдсан байдаг. Талбайд орхигдсон эзгүй овоохой байр, модны хөндий, газрын нүх, хад чулууны цуурхайд, том бут, хаягдсан байшин, хүнгүй барилга гээд хаана ч нуугдаж, гай тарьж чадна. Тэд ялангуяа над руу их төвлөрдөг. Тиймээс миний толгой заримдаа өвддөг. Одоо та бүхэнтэй ярьж байхдаа ч толгой бага зэрэг өвдөж байна. Мөн дээр унасны үлдэгдэл нөлөө бий. Гэхдээ би зүгээр, бусдаар бол зүгээр. Санаа зоволтгүй. Та бүхэн үргэлж мэдэхийг хүсдэг учраас би өөрийн байдал, үйл ажиллагаа, надад тохиолдсон зүйлсийг л ярьж байна. Би та нарт ихэвчлэн хэлдэггүй байсан. Хэдийн маш их зүйл ярьсан мэт боловч хэлээгүй зүйл их ээ. Ярьсан маань мөсөн уулын орой төдий. Ярья гэж хүссэн ч өдөр бүр юу хийдгээ ярих цаг надад хүрэлцэхгүй. Намайг ямар нэгэн зүйл хийж байгааг ядаж мэдэж авч, Их Багш юу хийх ёстой болдгийг бага ч болов ойлгоосой гэж л та нарт зах зухаас нь ярьдаг юм. Гэхдээ Их Багшийг үнэхээр ойлгохыг хүсвэл өөрөө Их Багш болох хэрэгтэй. Үүнтэй холбоотой тэр бүхнийг хэн ч та нарт хэлж чадахгүй. Манай багийнханд Хаадын олон тайлан очсон байгаа. Одоо тэдгээрийг та бүхэнд зориулан Шуурхай мэдээгээр гаргаж байгаа тул мэдэх зүйл их бий ч үнэндээ бас л бага. Гэвч одоогоор БУРХАН ямар ч Хааныг над дээр ирэхийг зөвшөөрөхгүй байна. Өнгөрсөн удаа намайг Майдар Бурхан, мөн эргэн ирсэн Есүс Христ гэдгийг зарлахыг БУРХАН хүсэх үед бүх Хаан, бүр дайны болон сөрөг Хаад зэрэг муу Хаад хүртэл ирж хүндэтгэл үзүүлсэн. Тиймээс би та нарт зориулан бичлэг хийсэнчлэн, зөвхөн хамгийн хүчирхэг Хаан-Бурхад ирж чадсан бөгөөд зарим бичлэг богино, зарим нь урт. Анх би энэ талаар ямар ч бичлэг хийе гэж бодоогүй. Тиймээс зарим нь гарсан, зарим нь гараагүй байгаа. Эхний хэдэн бичлэг арай богино, бас нарийн мэдээлэлгүй байгаа. Дараа нь БУРХАН зөвшөөрвөл санаж байгаагаа арай уртхан бичиж авъя гэж бодсон. Харин одоо БУРХАН үүнийг зогсоож, ямар ч Хаан ирэх боломжгүй болсон. За яах вэ, яах ч аргагүй. Тэд ирсэн ч төдийлөн тусалж чадахгүй. Учир нь илүү их хүч ирвэл гараг бүрэн устах болно. Одоо та бүхэн ойлголоо. Бичлэг хийж авч, ярьж болох өөр зүйл байвал би хэлнэ ээ. Энх тайван, амар амгалан байж, чадлаараа бусдад туслаарай. Ялангуяа амьд сэрүүн Их Багшаар дамжсан БУРХАНЫ ҮНЭН СУРГААЛЫН талаарх мэдлэгийг хуваалцаарай. Бидний цорын ганц Эцэг Эх болсон БУРХАНД бүх Өршөөл, Уучлал, Адислал, Ивээл, Хайрынх нь төлөө талархал илэрхийлье. ЭЗЭН минь, баярлалаа. Баярлалаа, үнэхээр их баярлалаа. ЭРХЭМ ДЭЭДЭС минь, Та ч бас амгалан байг. Амен. Бид Танд хайртай. Өө, нээрээ, дашрамд нь хэлэхэд тийм ч олон хүн мэддэггүй нэгэн сайхан мэдээг та бүхэнтэй хуваалцъя: Олон хүний амийг аварч, хэрэглэхэд хялбар төдийгүй санхүүгийн хэмнэлттэй, чихрийн шижингийн шинээр бүтээсэн зүүгүй эмчилгээ. Бид БУРХАНД дахин дахин талархаж байна. Чихрийн шижинтэй хүмүүс болон амьтан-хүмүүс, хатгаж, таагүй мэдрэмж төрүүлдэг, зүүтэй тариур хэрэглэх шаардлагагүй болжээ. Учир нь Австралид зүүний шаардлагагүй эмийг бүтээж, худалдаалж эхэлсэн байна. Үүнийг арьсан дээрээ хэрэглэхэд л шууд үйлчилнэ. Иймд өвтгөхгүй бөгөөд хүн болон нохой-хүмүүст илүү амар. Photo Caption: “Зэрлэг Байгаль Дахь Зохицлыг Харж, Хүн Төрөлхтний Ертөнцийн Ирээдүйг Эргэцүүлэхүй!”
