Өөрсдийгөө Амь Биеэ Үл Хайхрах, Жинхэнэ Эрхэм Оршихуй Болгон Дэвшүүл, 2 цувралын 1-р хэсэг

Өөрсдийгөө төрөл бүрийн нөхцөл байдалд дасгах нь их сайн юм. Гималайд надад мөн тийм бэрхшээлүүд байсан, нилээд хэдэн жилийн турш. Надад ганц хос л гутал байв. Хүйтэн цаг агаартай үед чийг татвал шууд хавддаг. Хөл чинь хөрөөд, хавдана. Мөс ч хүйтэн шүү. Түр хугацаагаар ч гэсэн дасгах нь сайн байдаг. Тэгж тархи болон бие махбод чинь олон төрлийн нөхцөл байдалд дасвал бид цаг үргэлж тэнцвэрээ хадгалж тохируулах боломжтой. Харин тавлаг нөхцөл байдалд орвол бид үүндээ талархаад үүгээрээ бүр их баясах хэрэгтэй.

Хэрэв үгүй бол толгой дээрээ сүрлэн ч дээвэр байхгүй орон гэргүй олон сая хүмүүсийн талаар бодох хэрэгтэй. ТВ-ээр харж болно. Тэд хэсэгхэн мөчир нийлүүлээд л тавьсан байдаг. Бүр олигтойхон ч байхгүй. Заримдаа Африкт майханы хэлбэрт орчихоор хуурай мод олох маш хэцүү байдаг. Тэгээд тэд тийм халуун уур амьсгалд хааж болох ямар ч зүйлгүй. Дүрвэгсэд бол бүх зүйлээ орхих хэрэгтэй байдаг. Зарим хүмүүсийн амьдрал нь тосгон, мал сүрэг, аж ахуйгаасаа хамаарсан байдаг. Гэтэл дайн болж, гамшиг нүүрлэхэд тэд байгаа бүх зүйлсээ орхиод явах хэрэгтэй. Тэд байгаа зүйлсээ орхихоос өөр аргагүй... юугаа авах уу? Тэдэнд зөвхөн ахуйгаа авч явдаг гар нь л байна. Тэд газраа орхивол өөр юу ч үгүй болно. Бас мал сүрэг нь амьдралыг залгуулдаг ганц зүйл нь. Тэдгээр нь устаж үгүй болох эсвэл хаягдвал өөр юу ч байхгүй. Тэдэнд өөр юу ч байхгүй. ТВ-ээр харж байхад зарим нь толгой дээрээ хэсэгхэн хуванцарын тасархай олоод л тавьсан нь оромжийг нь бүрэн халхалж ч чадаагүй.

Тэгээд дээр нь маш олон саад бэрхшээлүүд. Та нар ТВ үзэх юм бол мэдэх болно. Би бүгдийг хэлэх албагүй. Зүрхийг минь зүсдэг юм. Бид хүн болон амьтдыг алж талдаг газартай байсаар л байвал муу үйлийн үрээс (төлөөс) зугатах аргагүй болж ийм амьдралын хэв маягтай байсаар байх болно. Нэг болон бусад аргаар, энэ болон бусад төрөлд маань бидэнд эргэж ирнэ. Бэрхшээл, зовлон, өвчин, шаналалаар бид урьд төрөлдөө хийсэн муу үйлийн үрээ угааж ариусгадаг учиртай.

Би ямар ч нөхцөлд амьдарсан хэзээ ч гомдоллодоггүй. Би өөрийгөө тухайн нөхцөлд хэдийнээ дасгадаг. Тиймээс намайг айлгадаг юу ч байдаггүй. Бид энэ ертөнцөд амьдарч байгаа болохоор ямар ч нөхцлийг хүлээн зөвшөөрөх хэрэгтэй. Бид үргэлж үүнийг болон түүнийг бас бусдыг хүсээд байж болохгүй. Бид өөрсдийгөө дасгах хэрэгтэй. Тархиндаа нөхцөл байдлыг хүлээн зөвшөөрүүл. Хаа ч явсан тухайн нөхцөл байдлыг боломжтой бол аль болохоор тав тухтай болгохыг үргэлж оролдож байх нь мэдээж шүү. Тэндээ суугаад л хэн нэгэн өөрт тань санаа тавихыг хүлээгээд байж болохгүй. Би энд сууж байгаа хүмүүст биш бусад бүх хүмүүст хэлж байна.

Ерөнхийд нь хэлж байна. Та бүгд хүйтэн байвал олон давхар хувцас өмс. (За.) Хэрэв халуун болбол хувцсаа нимгэл, юу ч битгий өмс! Үгүй, эрчүүд болно. Эрчүүд дээгүүрээ хувцас өмсөхгүй байж болно. Харин эмэгтэйчүүд болохгүй. Хэн ч юу ч хэлэхгүй. Харин цагдаа ирээд асуувал би үүнд хариуцлага хүлээхгүй шүү. Ийм нөхцөлд орвол надад бүү залбир. За юу? Бид үнэхээр логиктой, бас зайлшгүй шаардлагатай бол л залбирч болно. Харин энэ мэт өчүүхэн зүйлд “Багшаа, үүнийг ингээд өгөөч, тэгээд өгөөч” гэж залбирч хэрэггүй. Энэ үнэхээр аймшигтай. Нөхцөл байдал тулаад ирвэл сүнслэг, оюунлаг, сэтгэл зүй, сэтгэл хөдлөл болон бие махбодоороо хүчтэй байх хэрэгтэй.

Хэрэв үнэхээр л аюултай биш бол бэрхшээлээс үргэлж зугатаад байх хэрэггүй. Хэрэв аюултай бол мэдээж “Багш ирээд намайг аварна” гэчихээд тэндээ үлдээд хүлээгээд байлгүй зугт гэж би зөвлөнө. Хэрэв аюултай бол би ч бас зугатдаг. Та нар өөрсдийгөө хамгаалах үүрэгтэй. Бид энэ гариг дээрх үйлийн үрээ (төлөөс) дуусгах тэр өдрийг хүртэл бясалгал хийх энэ сүмийг хамгаалах үүрэг хүлээсэн хүмүүс. Энэ бол санаа тавих ёстой нэгэн үүрэг хариуцлага. Тиймээс энэ бие чинь дулаан бас тав тухтай хувцасласан эсэхэд анхаарал тавиарай.

Хэрэв ахмад настай бол гэртээ тухлаг орон дээр унтаж байгаарай. Энд байгаа шиг шалан дээр унтаад нурууны өвчтэй болж болохгүй. Дараа нь “Багшаа, би өвдчихлөө” гэхгүй. Би яах ёстой билээ? Та нарт массаж хийх үү? Хэрэв асуудалтай бол эмчид очоод үзүүлэх хэрэгтэй. Хэсэг хугацааны дараа эдгэхгүй бол энэ чинь хурцаджээ гэсэн үг. Яваад эмчид очоод үзүүл. Тэгээд зөндөө эмчид очиж үзүүлээд ч эдгэхгүй бол муу үйлийн үрээ угаагдтал тэсээд давж гарах хэрэгтэй гэсэн үг. Би бас тэгдэг. Эмчид очоод үзүүлсний дараа эмч анагааж чадахгүй бол би хүлээн зөвшөөрдөг. Цаг хугацаа өнгөрсний дараа аяндаа эдгэсэн байдаг. Гэхдээ би бүх зүйлийн талаар залбираад байдаггүй. Бурхан минь. Нүүрэн дээр чинь байгаа батга болгонд шүү. Урьд юу ч үгүй байсан нүүрийг бодвол энд байвал илүү дээр байж болох юм.

Тиймээс жижиг зүйл болгонд бүү залбираарай. Охин чинь зугатаад хүү чинь чамтай таарахгүй байгаа гэх мэтчилэнд. Өөртэй чинь хуваалцах тэдний үйлийн үр (төлөөс) дууссан байхад би тэднийг хүчилж чадахгүй шүү дээ. Энэ даяаны үеэрби та нарт хэлсэн, ийм ертөнцийн зүйлсийн тухай бүү асуу гэж. (Тийм ээ.) Өвчин болон батгануудаа өөрсдөө эмчлээрэй. Бүү тэгээрэй. Дотроо ч бас. Гаднаа ярихгүй байж байгаад дотроо эдгээр утгагүй зүйлсийг бүү залбираад байгаарай гэж байгаа юм.

Бүх зүйл зуурдынх гэдгийг та бүхэн мэднэ. Хэрэв охин чинь зугтаад явсан бол сайн хэрэг. Бясалгах ахиухан цагтай болсон гэсэн үг. Тэр өсч том болсон. Түүнийг зогсоож чадахгүй. Үүрд хянаад байж чадахгүй. Бидний гэр бүлийн гишүүд хоригдлууд биш шүү. Бид тэднийг боловсроход нь бүх чадлаараа хичээсэн, тэд аюулгүй, бас хэрэгтэй бүх зүйлс нь байгааг мэднэ. Гэвч хэрэв тэд хүсэхгүй гэж шийдвэл бас л зүгээр. Эсвэл цагдаад хэлж болно тэгвэл тэднийг эрэн сурвалжлах болно.

Бүх зүйл дээр үргэлж Багшид залбирч хийлгэх гэх хэрэггүй. Бид бүхнийг хүсч залбирна, түүнийгээ авна. Гэтэл залбирахаасаа урьтаж та нар сайн бодох хэрэгтэй. Юу хүсч байгаагаа сайн бодох хэрэгтэй. Надаас авшиг хүртэхээр ирэхэд чинь би өвчнийг чинь эдгээнэ гэж амлалт өгсөн үү? Тийм үү, үгүй юу? (Үгүй.) Нөхөр чинь үүрд хайрлах болно гэдэг амлалт өгсөн үү? Тийм үү, үгүй юу? (Үгүй.) Эхнэр чинь чамаас салахгүй гэдэг амлалт өгсөн үү? Тийм үү үгүй юу? (Үгүй.) Хүүхдүүд чинь үүрд чамтай үлдэж, эр зоригтой, эелдэг, найрсаг, дуулгавартай байна гэж амласан? Тэгсэн үү? (Үгүй.) Би та нарт юу гэж амласан? (Эрх чөлөө.) Чөлөөлөгдөж, Гэртээ харина гэсэн. Тийм, энэ л юм. Би та нарт өөрийгөө таньж мэдэн, өөрийн дээд Би-гээ мэдэж, Бурханыг мэдэх болно гэж амласан. Би үүнийг л амласан. Та нар түүнийгээ авсан, шат шатаар? (Тийм.) Тийм. Тэгвэл би амлалтаа

биелүүлсэн. Та нар үүргээ биелүүл. Та нарын гэр бүл - миний асуудал биш. Физик биеийн чинь асуудлууд - миний асуудал биш. Би зөвхөн асуудалгүй тийм газар та нарыг аваачихыг хүссэн. Та нар энд байсаар байгаа цагт асуудал байсаар байх болно. Би та нарт хэзээ ч энэ насандаа авшиг хүртсэнээр та нар үүрд ямар ч асуудалгүй, үргэлж амар амгалан, хайр бүхий, тайван байна гэж амлаагүй - үгүй. Би тэгж хэлсэн үү, тэгсэн үү? (Үгүй.) Үгүй!

Шоронд байгаа цагт та нар яаж хүлээсгүй байх юм бэ? Хэрэв би хуульч бол би та нарыг өмгөөлж, та нарыг анхандаа гэмгүй байсныг мэдээд “За, би энэ хэргийг дааж авъя, та нар гарах болно” гэж амласан. Гэтэл намайг бичиг цаасны ажил хийж, хүнд суртал, хууль дүрмийн учрыг олох хооронд та нар шоронд байна. Тийм үү? Шийдэгдэх хүртэл. Шоронд байхдаа та нар надаас “Миний Мерседес хаана байна? Миний бие хамгаалагч хаана байна? Өглөөний цайг яагаад оронд өгөхгүй байна? гэж асууж болохгүй. Би та нарыг гаргах амлалт өгсөн. Та нар хүлээж байгаа. За? (Тийм.)

Тиймээс энэ дэлхий дээр та нар ямар ч нөхцөл байдал үүссэн хүлээн зөвшөөрөх ёстой. Хэрэв илүү сайн, илүү хурдан байлгахыг хүсвэл та нар илүү их бясалга. Та нар үүргээ гүйцэтгэ. Үргэлж энэ хөгшин настай эмэгтэйд бүх юмаа даатгаж, өөрсдийнхөө юманд зарж, гүйлгэх хэрэггүй. Би хийж чадсан ч, би хийж чадлаа гэхэд та нар юу ч биш болно. Шоронд ямар ч нөхцөл байдлыг хүлээн зөвшөөр. Хэрэв шоронгийн харуул “Өнөөдөр явж хоол хий” гэвэл явж хоол хий. Хэрэв тэр “Бүх хоригдлын хувцсыг угаа” гэвэл та нар бүх хоригдлын угаах юмыг авч явж угаана. Түүнээс биш хуульч руугаа утасдаад та нар “За би эрх чөлөөтэй би гэмгүй, би энэ тэр, би... Чи миний өмнөөс ажиллаж байгаа тиймээс яагаад би энд юм угаах ёстой гэж, яагаад шал угаах ёстой гэж?” гэж хэлж болохгүй. Та нар шоронд байгаа цагтаа шоронгийн хуягийн хэлсэн бүгдийг хийх болно. Эс бөгөөс, та нарын чөлөөлөгдөх хугацаа хойшлогдох болно. Учир нь тэд та нарыг хүндэтгэлгүй байсан гэх болно. Эсвэл хуягтай тэмцэлдвэл бүр тэндээ үлдэх болно. Хэрэв тэндхийн цагдаа, харуултай асуудал үүсгэвэл хуульч юу ч хийж чадахгүй. Эсвэл хэрэв шоронгийн хуягийг зодвол. Тэгээд гүйцээ, чи дуусаа.

Бид энд байгаа. Бид энд хэрэгтэй бүгдийг хийх ёстой. Хэрэв ажиллах ёстой бол ажилла. Хэрэв хүүхдүүдээ харах ёстой бол хүүхдүүдээ асарч, хар. Тэдний аль нэг нь зугтвал та нар цагдаад хэлж эрэн сурвалжлуулна. Хэрэв тэд чадахгүй бол тэгээд л чадахгүй. Ямар ч нөхцөл байдал бай надад бүү хүчилж тох. За? Хэрэв би та нарын өмнөөс бүгдийг хийвэл та нар юу болох вэ? Зоомби юу? Ямар ч чадваргүй оршихуй, бодож чадахгүй, хариу үйлдэж чадахгүй, өөрийн IQ-г ашиглаж чадахгүй? Та нар юу хийх вэ? Бүх зүйл дээр Багшийг дуудна. Тэгвэл та нар юу хийх вэ? Юуны тулд амьдрана вэ? Идэж, унтахын тулд уу?

Өгөгдсөн нөхцөл байдал бүгдийг Бурханаас ирүүлсэн сорилт гэж хүлээж ав, эсвэл муу үйлийн үрийг арилгах боломж гэж хүлээж ав. Бид нэгийг алдсан ч нөгөөг олж байдаг. Үргэлж ийм л байдаг. Бүх зүйл учир шалтгаантай болдог. Хүн болгон үүнийг хэлэх болно. Тиймээс зүгээр л амар тайван, хялбар байдлаар өөрсдөө хийж чадах жижиг зүйл болгон дээр битгий залбираад яваад бай. Хэрэв өвчтэй бол Багшид анагааж өг гэж залбирах хэрэггүй. Эмчид үзүүл. Аргаа барсан, ямар ч тус нэмэргүй нөхцөл байдалд орсон бол мэдээж залбирч болох юм.

Гэхдээ би та нарт хэлсэн, хэрэв та нар таван сахилаа баримтлах юм бол тэнгэрийн элчүүд хамгаална гэсэн. Идэж ууж буй зүйлсээ цэвэр ариун байлгахаа анхаар. Хангалттай бясалга. Тэгвэл бүх нөхцөл байдал илүү гайгүй, хөнгөн хэлбэрээр болж өнгөрнө. Том асуудлууд жижиг асуудлууд болж хувирна. Жижиг асуудлууд юу ч биш болно. Хэрэв таван сахилаа сахиж, цэвэр веган хоол хэрэглэж, сайн бясалгах юм бол ийм байх нь энгийн зүйл. За юу? (За.) Заримдаа, сайн бясалгаж чадахгүй эсвэл сахилаа сайн сахиж чадахгүй бол бүр маш жижиг ялихгүй зүйл байсан ч Диваажинд бүгд бүртгэгддэг. Би тэнд байхгүй ч, хэн ч та нарыг хараагүй ч, Диваажин бүгдийг мэддэг. Тиймээс хуурч, зальдаж чадна гэж бүү бодоорой. Хэрэв та нар дагаж мөрдөхгүй бол заримдаа үйлийн үр анх байснаасаа илүү дордох явдал ч байдаг. Учир нь маяа буюу сөрөг хүч, бидний амьдарч буй энэ дэлхийн сөрөг хүч бүгдийг шударга тооцохыг хүсдэг бөгөөд дэлхий дээрх бүх оршихуйд ижил ханддаг. Тиймээс бид хүссэнээ хийж болох ч, түүнийхээ төлөө залбирах хэрэгтэй.

Тэгэхээр бид бүгдийг дагаж мөрддөг гэж бодъё, сайн бясалгаж зөв байсан ч бидэнтэй ямар нэгэн зүйл тохиолдлоо. Тохиолдог. Тэр нь өмнөх амьдралын муу үйлийн үр тийм зүйл болсноор бид чөлөөлөгдөж байгаа юм. Бүр ялихгүй жижиг зүйл байсан ч бид төлөх учиртай, тэгж байж бид цэвэршиж, дээш явдаг юм. Заримдаа бидэнд жижиг асуудлууд гардаг, заримдаа ямар нэг саад тотгор гардаг гэвч түүний дараа бид илүү өндөр, дээш явдаг.

Тиймээс сүнслэг буянаа энэ дэлхийн бага сага тав тухын төлөө бүү наймаалц. Тэр нь хэт үнэ цэнэтэй, энэ дэлхий дээрх амьсгал, амьдрал, өдрүүд, он жилүүд чинь их үнэтэй. Дээр очоод инээхийн тулд тэдгээрээ ашигла. “Өө, би сүнслэг хөгжлийнхөө төлөө чадах бүхнээ хийсэн. Би хүртэх ёстой, хүрэх ёстой газраа ирсэн” гэж хэлэх учиртай. Тиймээс зүгээр энэ дэлхийн тэр бүх жижиг сорилт, сэтгэл татам зүйлс, амьдралын тав тухад хүлэгдэж, дээд түвшинд хүрэх сүнслэг боломжоо алдах хэрэггүй. Багшийн хүч та нарыг адислаж чадна, гэвч хэрэв та нар түүнийг нь өөр бусад зүйлд зарцуулж, хүчийг жижиг ертөнцийн өгөөж, жижиг таашаалд зарцуулбал түүнийгээ алдах болно. Улмаар өнгөрснийхөө дараа Асури, эсвэл Хоёрдугаар Түвшинд, эсвэл Гуравдугаар Түвшинд үлдэж, харин бусад шавь нар хажуугаар чинь өнгөрч, дээш нисэхийг харах болно. Тэр үедээ ертөнцөд хэт хүлэгдэхгүй байдаг байж гэж харамсах болно.

Та нар над дээр авшиг хүртэх гэж ирэхдээ Бурханы төлөө ирээгүй гэж үү? Та нар байж болох хамгийн өндөр түвшинд сүнслэг эрх чөлөөг хүсч ирээгүй гэж үү? Эсвэл та нар охин, хүүгийнхээ шалгалт, эсвэл охин чинь хэн ч үзэшгүй муухай, царай муутай ч сайхан нөхөртэй болгох гэж над дээр ирцгээсэн үү? Хэрэв та нар ертөнцийн зүйлийн төлөө ирсэн бол надад харамсалтай байна, ойлголт чинь буруу байна. Үүнийгээ өөрчлөх хэрэгтэй.

Хэрэв хэн нэгэн чамаас зугтвал чамд өөрт чинь ямар асуудал байгааг шалгах хэрэгтэй. Хэрэв үнэхээр өөрт чинь асуудал байхгүй бол бүх юм зүгээр, магадгүй цаг нь ирсэн байх. Үйлийн үр арилсан тул та хоёр амар тайван нэг нэгнээ орхих боломжтой болж. Тэгээд аз жаргалтай байж, бясалгалдаа илүү цаг зарцуул.

Тэрүүнээс чинийх биш болсон зүйлд хүлэгдэх хэрэггүй. Тэр нь хэзээ ч чинийх байгаагүй, энэ дэлхий дээр юу ч чинийх биш. Энэ дэлхийд ирэхдээ чамд авчирсан юм бий юу? (Үгүй.) За. Тэгвэл та нар яагаад юм хүснэ вэ? Хэдий чи энэ дэлхийд охин, эсвэл хүү төрүүлсэн ч, хүүхдээ төрүүлэхээс өмнө хорин жилийн турш чи өөрийгөө тарган болтол юм идсэн. Энэ бол жишээ. Тэгээд чиний төлөө хичнээн олон хүн зүтгэсэн бэ? Эмч, сувилагч нар, эмнэлгийн хүмүүс, эм тариа, цаг хугацаа. Шөнө дунд хүүхэд эх барих гэж, чамайг тав тухтай байлгах гэж төрсний чинь дараа шалгаж, санаа тавьж, хүүхэд төрсний дараа хүртэл хянаж, үзэж, өсөж торниход нь хүртэл үзэж, харж, шалгана. Хичнээн олон хүн чиний төлөө хэдийнэ ажилласан бэ? Ингээд бодхоор үнэндээ чинийх гээд байх юм ер нь байна уу? Тэр бүх хүмүүст чи өртэй. Төр засагт ч гэсэн өртэй. Чамтай хамт татвар төлдөг тэр бүх хүмүүст бас. Эсвэл магадгүй чи бүр татвар ч төлдөггүй байж болно, тэгсэн хэрнээ эмнэлэг ашиглаж, эмч нарын үйлчилгээг авч, эм тариа үнэгүй хэрэглэсэн байж болно. Энэ бүгдийн талаар та нар бодож байсангүй гэж үү? Ийм байхад өөрийгөө энэ дэлхийд ямар нэг юм авчирсан, тиймээс өөрийн гэж хэлж, үүрд эзэмших эрхтэй гэж яаж хэлнэ вэ? Үгүй! Тэр тусмаа гэгээрсэн бол. Үйлийн үрийнхээ дагуу бага зэрэг л гэгээрсэн байж шүү дээ. Бидэнд энэ дэлхий дээр эзэмшээд байх зүйл байхгүй гэдгийг мэдэх ёстой Бид их өртэй.

Тиймээс илүү энэрэнгүй байж, дэлхий ертөнцдөө талархаж, орчин тойрныхоо хүмүүст, авшигтай авшиггүй аль нь ч бай талархаж яв. Тэдэнгүй чи амьд үлдэхгүй. Тариаланч үгүй бол чи идэх зүйлгүй байх байсан. Бүр хог цэвэрлэдэг хүн үгүй бол гэр чинь заваарч, өвчин тусах байсан. Хог цэвэрлэгчдийн ажил бусад ямар ч ажлаас илүү хүнд, аюултай ажил. Тэгж харагдахгүй байгаа ч хамгийн аюултай ажлуудын нэг шүү дээ. Зөвхөн заваан байгаад зогсохгүй бас их аюултай. Заримдаа юмс дэлбэрдэг. Тэд юунд хүрч байгаагаа мэддэггүй. Судлаачдын тооцоолсноор тэд цагдаа эсвэл гал хамгаалагчидтай харьцуулах юм бол тав дахин - эсвэл бүр илүү, олон дахин аюултай ажил хийдэг гэдэг. Тариаланчид, дээрээс нь дэлгүүрийн ажилчид, борлуулагчид, эмийн сангууд эм зүйчид гээд төрөл бүрийн хүмүүст бид амь зууж байгаагийнхаа төлөө өртэй байдаг. Тиймээс тэдний сайн үйлийг хариулахад бага зэргийн бясалгал огт хангалтгүй, бүр өөр бусадтай хуваалцах буян байхад ч хангалтгүй.

Өөрийгөө хэн нэгэн гэж та нар бүү бод. Арьяабалын бясалгагч миний зааврын дагуу энд тэнд хааяа нэг тусламж, сайн дурын үйл хийчихээд өөрийгөө хэн нэгэн гэж дөвийлгөж бодно. Үргэлж өөрсдийгөө хэн ч биш гэж бодож бай. За? Хаа ч амьдар, юуг ч хий. Илүү бясалгаж, өөрсдийгөө илүү ихээр шалгаж, хянаж байх хэрэгтэй. Үргэлж хүндрэл бэрхшээл хүнд ажил, хүнд нөхцөл байдлаас битгий зугтаж бай. Агааржуулагч хэт хүйтэн, хэт олон хүнтэй өрөө хувааж амьдарч байна гэх мэт бол энгийн зүйлс. Зүгээр хувцсаа зузаал. Эсвэл гадаа гараад унт. Тэнд агааржуулагч байхгүй. Би ч гэсэн агааржуулагчид дургүй. Өөрөөр хэлбэл би ойлгож байна гэж байна. Би сайн ойлгож байна. Гэвч гэртээ би өрөөгөө хуваах хэрэгтэй болдог. Агуйгаа ч гэсэн би хоёр хуваасан. Гадаа талыг нь нохойнуудад тэнд агааржуулагч байдаг юм Дотор тал нь агааржуулагчгүй. Дундуур нь би хөшиг татсан. Хэрэв тэдэнтэй гадагш гарахаар бол би юмсыг шалгах гэж даруй агааржуулагчийг унтраагаад дараа нь тэдэнд зориулж эргээд асаадаг. Учир нь хэрэв агааржуулагч гэнэт хүйтэн бол би тэвчиж чаддаггүй. Би түүнийг бол ойлгож байна. Гэвч тийм зүйлийн учрыг олох хялбар.

Үгүй гэж үү? Бид нөхцөл байдалд хурдан дасан зохицож, хурдан хариу үйлдэж сурах хэрэгтэй. Хэрэв хүйтэн бол нэмж хувцас өмс эсвэл... Би бүгдийг заадаг. Бүр саванд халуун ус хийгээд тэвэр, дулаацна. Би ингэдэг. Агааржуулагчаа эсвэл дээшээ үлээлгэхээр тохируулж болно, шууд үлээхгүй болго. Улмаар боломжийн болгож тохируул.

Өөрөөр хэлбэл, за, та нарыг би муу хүмүүс гэж байгаан биш. Та нар цагаан хоолтой, бясалгадаг. Та нарыг гээгүй, за? Өөрөөр хэлбэл авшиг хүртсэн хүн бол сайн хүн. Энэ бол эргэлзээгүй үнэн. Гэвч та нар илүү шат ахих хэрэгтэй. Та нар зүгээр л сайн байгаад сайн үйлс хийгээд бусдад санаа тавьснаар сайн болчихдог юм биш. Зүгээр хүлээж суугаад, үргэлж Багшийн адислалыг хүсч залбирах юм уу эсвэл тав тухтай биш бол орхиж яваад байж болохгүй. Энэ бол хайр биш. Тийм байсан ч... Мэдээж, би та нарт санаа тавихыг хичээдэг, гэвч та нар бас өөрөө өөрсдөндөө санаа тавих үүрэгтэй, үгүй гэж үү?

Та нар бүгд. Үргэлж Багшийн хүчинд үүнийг хий түүнийг хийж өгөөч гэж битгий залбирч бай. Шаардлагагүй байхад ингэж байгаа нь хүчийг буруугаар ашиглаж байгаагийнх. Зөвхөн яаралтай, гарцаагүй үед, тийм. За? Өөр юу ч хийж чадахгүй бол болно. Харин боломжтой бол тархиа эхлээд ажиллуул. IQ-аа ашигла, сурга, нөхцөл байдал үүсхэд илүү ухаалаг, хурдан хариу үйлддэг болохын тулд суралц. Нэгэн өдөр та нар бусдад туслах болбол яана. Үргэлж бидний талаар байдаггүй юм. Бидний эргэн тойрны болоод эргэн тойрны бус хүмүүс ч хамаатай.

Та нар эхлээд өөрсдийгөө сайн, чадавхтай болгож сургах хэрэгтэй, тэгж байж нэг өдөр бусдад туслах болно. Үргэлж ээжийгээ хүлээх хүүхэд шиг зүгээр суугаад байв. Хэдий эрхэлсэн ч, өөрсдийгөө илүү эрхэмсэг хүмүүн болгох сайжрал дэвшлийг хийхэд бэлэн байцгаа. Өөрсдийгөө золиослоход бэлэн оршихуй бай. Гэхдээ хэтэрсэн үйлдэл бүү хий. Өөрийгөө золиослох гэдэг талаар ярихад инээдтэй. Дэлхийн хувьд энэ нь хэт бага зүйл. Өөрөөр хэлбэл гол нь нөхцөл байдалд дасан зохицож сурах хэрэгтэй. Оронд нь бусдад туслахыг хичээ.