“Шударга хичээл зүтгэл, Их Багшийн Ивээл, Бурханы Өршөөлөөр дээд Түвшинд хүрдэг” 19 цуврал лекцийн 15-р хэгсийг

Намайг доромжилсон хүмүүс, эсвэл миний талаар, миний сургаал номлолын талаар төрөл бүрийн сөрөг хов жив ярьсан хүмүүс эсвэл намайг дарамталж, сургаал номлолд маань ямар нэг байдлаар саад болсон улс орнуудад би хэзээ ч ямар ч буруу зүйл хийж байгаагүй – энэ төрөлдөө тэгж байснаа санахгүй байна. Хэзээ ч үгүй – тэдний талаар ганц ч муу үг цухуйлгаж байгаагүй. Хүмүүс өөрт тань сөрөг хандахад заавал тэднийг бухимдуулсан байх албагүй. Би бүр боломжтой бүх газарт, боломж гарах бүрдээ энэ бүх улс оронд тусалж, зөвхөн тэднийг адисалж, тэдний төлөө залбирч байдаг. Би хэзээ ч хэн нэгний нинжин сэтгэлийг буруу ашиглаж, хэнээс нь ч мөнгө энэ тэр авч байгаагүй. Тэднийг биечлэн таних ч үгүй.

Тиймээс, хэрвээ Их Багш болохыг хүсвэл дахин бодоорой. Та нар Их Багш байж чадах эсэх бол өөр асуудал. Би хэдийнээ бүхнийг хэлсэн. Ойлгох хэмжээнд хангалттай хэлсэн. Энэ бол тоглоом биш. Их сургуулийн багшийгаа ч юм уу захирлаа хахуулдаж байгаад авчихдаг диплом биш. Будда нар, Ертөнц даяараа тэр Буддаг мэдэж байдаг бөгөөд Тэд боломж гарах бүрд ойр ойрхон ирж тэрхүү амьд Буддад хүндэтгэл үзүүлдэг. Жишээ нь Шагжамуни Буддаг амьд байхад Тэд үргэлж ирээд хүндэтгэл үзүүлдэг байсан. Одоогийн Их Багш нарт мөн адил. Дэлхий дээр амьд Их Багш байвал Будда нар, бүхий л Гэгээнтэн Мэргэд, Диваажингууд, Дагинас, чөтгөр байсан төрөлтнүүд хүртэл, Хаад, үргэлж ирж Тэдэнд хүндэтгэл үзүүлдэг бөгөөд энэ бүхнийг харж чадвал, тэр бүхнийг хүртэж чадвал.

Бүхий л Будда нар өөрийг тань Будда хэмээн хэлж, өөрт тань Хүндэтгэл үзүүлбэл та Будда гэсэн үг. Бусдаар бол гуйя, зүгээр л тайван байгаарай. Бясалгаж дадуулах сайн аргатай байгаадаа Бурханд таларх. Сайн зүйл хийж, бусдад тусалж, есөн үедээ болон өөртөө тусал хэмээн хэлэх Их Багшийн сургаал номлол байгаад Бурханд таларх. Энэ бол хангалттай.

Тиймээс Их Багш болно гэж бүү мөрөөд. Гуйж байна. Битгий. Маш хэцүү! Харагдаж байгаа шигээ биш. Ард нь юу болж байгааг, намайг хэрхэн уйлдгийг, хэрхэн зовдгийг та нар хардаггүй. Их Багш байхын тулд, томилогдсон Их Багш байхын тулд маш олон олон олон эрин галаваар, үүрд бясалган дадуулж, өөр өөр зүйлст суралцаж, бэрхшээлийг даван туулж байж дэлхийн дайралт, муу энерги, маяагийн энергийн хяналтыг даван туулж чаддаг. Их Багшийн дүрээр ирсэн Майдар Бурханыг ярилтгүй. Хувийн амьдралд тань төрөл бүрийн гамшиг болно. Эсвэл хэзээд ч хэрцгийгээр алуулж мэднэ. Тиймээс бусдад тусалж, өөрийнхөө амьдралыг тэнцвэржүүлэх асар их Хүчийг хүртэх гавьяаг хуримтлуулан олдог, үгүй бол удаан тэсэхгүй. Бэлтгэлтэй байхгүй бол, энэ дэлхийгээс сайн суралцаагүй бол удаан тэсэхгүй.

Мөн томилогдож, Хүч олгогдсон Их Багш байлаа ч алхам бүрдээ зовно гэдгийг мэдээрэй. Дээрээс нь олон өөр хэмжээст очих ёстой болно, олон өөр гараг дээр, олон өөр од, сар, нар, ертөнцүүд дээр очиж төөрсөн, үйлийн үрээсээ болж хоригдсон сүнснүүдийг аврах ёстой болдог. Мэдээж тамд бас очно. Мөн өөрөө Хүчтэй байж өөр өөр ертөнцүүд, өөр өөр хэмжээст, өөр өөр төвшинд очиж хэлэлцээр хийж мөн золиос гаргадаг.

Тиймээс гаднаасаа ямар ч Их Багш хялбархан харагдаж байв ч, тийм биш. Үгүй. Өөрийгөө харж хандаарай. Илүү өндөр төвшинд хүрч, Их Багш болох боломжоо нэмэгдүүлэхийн тулд сайн бясалга... Таашгүй шүү дээ - удахгүй, дараа төрөлдөө болох ч юм билүү. Үнэхээр Их Багш мөн бол та нар мэднэ. Нэр алдар, ашиг хонжооны төлөө бүү тэг. Энэ бол дэндүү дорд, нэр төрөөс тань дорд зүйл. Өөртөө ийм зүйл бүү хий. Учир нь бүхий л Диваажин бүх ертөнцүүд мэдээд шоолж байдаг. Бие махбодын хамгаалалтыг орхиход асар хүнд шийтгэл оногдоно. Тэр бүх зовлонг мэдэрч туулаад хэзээ ч төрөөгүй ч болоосой гэж хүснэ.

Их Багш болно гэж бүү мөрөөдөөрэй, учир нь та нар биш шүү дээ. Үнэхээр биш. Лам гэлэнмаа нартай нэгдэж, гарч авшиг хүртээн, хүмүүсийг гэтлэгдэхэд нь тусалъя гэвэл, үнэхээр санаа зорилго тань тийм бол, ямар ч нөхцөл болзолгүй бол надад хэлээрэй. Тэр үед нь би таныг чадах эсэхийг шалгана. Дараа нь гарч тэгж болно. Эсвэл лам гэлэнмаа нартай явж, тэдэнд зарим талаараа тусалж, тэднээс суралц. Дараа нь чаддаг болсон үедээ, мөн төвшин тань өндөр байвал би болно гэж хэлнэ.

Уг нь бол тэд бүгд эхлээд надад бүх нэрсийг нь өгдөг, Аулакын (Вьетнамын) дүрвэгсдийн хуарангийн хоёр удааг эс тооцвол шүү дээ. Тийш орох үнэхээр хэцүү байсан. Тиймээс журмаа жаахан зөөллөсөн юм. Бид удирдаж хянадаг учраас биш. Энэ арга ямар үнэ цэнтэйг хүмүүс үнэхээр ойлгож, нандигнаж, Үнэнийг мэдэхийн төлөө бясалгаасай гэж л хүсдэг юм. Учир нь хэрэв тэд бясалгаж дадуулахгүй бол юу ч олж мэдэхгүй! Сайжирч чадахгүй, илүү дэвшиж чадахгүй, илүү өндөр гэгээрэлд хүрч чадахгүй. Улмаар тэд эргэж хараад “Өө, энэ бол миний хувьд юу ч биш. Сайн арга биш.” гэж хэлнэ. Ямар ч адислал энэ тэр хүртэхгүй, ямар ч дотоод ахуй ойлголт харахгүй. Улмаар та нар үүнийг юу ч биш юм байна гэж бодно.

Өөрсдөө бясалгаагүйгээс болоод шүү дээ! Анх удаа авшгийн үеэр ахуй ойлголт хардаг. Ингэж л энэ бясалгалд, энэ Аргад, Арьяабалын Аргад итгэдэг. Гэвч гэртээ хариад үргэлжлүүлэн бясалгаж дадуулалгүй, мөн бусад хүмүүс ахуй ойлголт энэ тэр хардгийг нь мэдэж, намайг илүү олон шавьтай болж, гараад хүмүүстэй ярилцан, инээмсэглэж, (веган) чихэр, адистай хоол энэ тэрийг өгч буйг хараад, “Өө амархан юм байна. Би ингэж чадна” гэж боддог. Үгүй шүү, үгүй. Хүмүүсийг дэвшүүлэх асар их Хүчтэй байх ёстой, тамаас ч сүнсийг нь аврах Хүчтэй байх ёстой. Тэдний төлөө бүр там руу явж сүнсийг нь аврах ёстой болно. Сүнсийг нь аврахын тулд тэдний өмнөөс зовох ёстой

болдог. Учир нь зарим сүнснүүд хий хуурмагийн намаг, буруу үзэлд дэндүү гүн шигдсэн байдаг, мөн үйлийн үрийн аймшигт ачаа, аллага, үр хөндөлт гээд хүмүүсийг гаднаас харвал төрөл бүрийн юм байдгийг төсөөлөхийн аргагүй. Зарим лам нар хүртэл тийм, энгийн хүмүүсийг ярилтгүй. Тэд зүгээр л хэвийн харагддаг! Эелдэг зөөлөн ярина. Үйлийн үр нь тэднийг илчлэх хүртэл тэд үнэн төрхөө харуулахгүй. Тэгээд үүнд итгэж чаддаггүй. “Үгүй, тэр л биш шүү. Үгүй ээ! Тэр үнэхээр сайхан ярьж, судруудыг мэддэг. Буддын сургаалуудыг ярьдаг. Тэр муу байх боломжгүй.” гэж бодно. Үгүй, хэзээ ч таашгүй. Асуудал нь гэвэл хэзээ ч таашгүй. Тиймээс зүгээр л залбирах хэрэгтэй. Өөрийгөө цэвэр ариун, сайн байлгахад анхаар. Хэн нь хэн бэ гэдгийг таашгүй. Таашгүй.

Жи Гон Будда хэмээх нэгэн Будда байсан. Тэрээр эрт дээр үед хүмүүсийн дарс уудаг байсан хулуун сав биедээ авч явдаг байв. Тэгээд үүнээсээ л юм уудаг байж. Магадгүй дотор нь жинхэнэ дарс байсан байх, гэвч Тэр архи уудаггүй байсан. Үүнээс нь болж хүмүүс Түүнийг төрөл бүрээр загнадаг. Тэр огт архи уудаггүй. Хэдийгээр тэр амьтан-хүмүүсийн мах идэж буй мэт харагдавч, иддэггүй байсан. Жинхэнэ амьтан-хүмүүсийн мах иддэггүй байсан. Орчин үед бид веган тахианы гуя идэх боломжтой. Яг л тахиа-хүний гуя шиг харагддаг. Яг л бүхэлдээ тахиа-хүн мэт харагдавч ургамлын гаралтай веган нь байдаг. Магадгүй тэр үед тэд бас адилхан зүйл хийдэг байсан байх.

Тийм учраас тэд Буддаг гахай-хүний хөл идсэн гэж хэлсэн. Тэр огт идэж байгаагүй. Үгүй. Тэрээр бүр амьтан-хүний мах идсэн хэн ч бай Түүний шавь биш гэж хэлсэн. Та нар бүгд мэднэ. Гэвч орчин үед хүмүүс ийм зүйлийг тоодоггүй.

Эхэндээ зарим хүмүүс дөнгөж шинээр орж ирээд, өөр юу ч мэддэггүй байсан учраас Будда зөвшөөрдөг байв. Тиймээс Будда, “Хэрэв амьтан-хүмүүсийн мах идэх ёстой болбол үйлийн үр багатай, үйлийн үргүй мах идээрэй. Жишээ нь гудамд үхсэн, байгалийнхаа жамаар үхсэн амьтны мах. Эсвэл өөр хүн танд өгөх гэж бус өөр зорилгоор хороож, мөн та тухайн амьтан-хүмүүсийг алуулж байх үеийн уйлах чимээг сонсоогүй тийм мах.” Гэвч зөвхөн эхэндээ л тийм байсан. Будда тэднийг аажмаар жинхэнэ сургаалд оруулахын төлөө тэгсэн. Учир нь Будда анх гарч ирж байхдаа олон шавьтай байгаагүй. Зарим нь Түүнд итгэж, Түүнийг хаа ч амьдарсан дагаж байсан ч тэдэнд хоол хүнс байгаагүй учраас гарч яваад амьтан-хүмүүсийн мах идчихээд эргэж Түүн дээр зочлохоор ирдэг байсан, гэх мэт.

Будда нэлээд сүүлд болтол ашрамгүй байсан, сүүлд жинхэнэ чин бишрэлт дагагч нар нь нэгэн газарт алтыг яг л тоосго мэт дэлгээд тухайн газрыг Буддагийн ашрам барихад зориулж авахыг хүсдэг. Газрын эзэн байсан ханхүү нь тийм төлбөр шаардсан. Тэр тэгж хэлсэн. Ханхүү, “Газрыг бүрхэн алтан тоосго өрвөл...” – яг л одоогийн алтан тоосго шиг, - “Цэцэрлэгийн маань талбайг бүхэлд нь алтан тоосгоор бүрвэл би танд заръя. Ийм л үнээр худалдаална.” гэдэг. Тэгэхэд нь баян эр тэр газрыг авахыг хүсэж олон тэрэг алт зөөн ирээд цэцэрлэгийн газраар нь өрөхийг хүсдэг. Учир нь тэрхүү газрын байрлал нь Будда болон лам нарт байрлахад тун таатай, хоттой ойр ч бас тийм ч ойр биш, хоол гуйн бадар барьж явахад ойр, мөн хүмүүст байнга ирж байхад ойрхон байлаа.

Photo Caption: Сэтгэлийнхээ гүнд амьдралд хайртай

Зураг татаж авах