Бурханы Ивээл, Тааллаар чадах чинээгээрээ олонд тусыг бүтээхээр энэ дэлхийд бууж ирсэн үзэсгэлэнт сүнснүүд минь сайн байцгаана уу? Та нарыг энэ дэлхийд байгаад би баяртай байдаг. Мөн үүний тань төлөө та нарыг хайрлаж, талархаж явдаг. Хэдийгээр бусдын төлөө багахан зүйл хийлээ дээ гэж өөрөө бодож байлаа ч хүлээн авч буй хүндээ бол энэ нь хорвоо ертөнц нь юм шүү. Бурханыг шүтэж, бүхий л Их Багш нарыг алдаршуулан, Бурханы Тааллаар хамаг олны сайн сайхны төлөө үйлдэж буй бүх эрхэм ариун сүнснүүдэд талархаж явдаг учраас үгүй ядаж зүрх сэтгэл тань энэрэнгүй байгаа.
Энэ дэлхийд надтай хамт байгаад тань баярлаж байна. Эс бөгөөс бид Гэрээсээ асар хол, энэ гараг дээр байгаа учир би тун их ганцаардах байсан буй за. Хэдийгээр тийм ч хол биш ч биет орон зайн улмаас бидэнд хол юм шиг санагддаг. Гэхдээ бид дотооддоо бясалгаж байсан цагт Гэртэйгээ хэзээд холбогдож, Диваажингийн Гэрийнхээ хөрш зэргэлдээ түр зуур ирж очоод байж чадна.
Би Махакашьяпад хангалттай талархсан гэж бодохгүй байгаа тул Түүнд талархахад минь надад туслаарай гэж та нараас гуйх байна. Түүний түүхийг бас та нарт ярьж өгье. Тэгвэл Түүнийг хэн болохыг мэдэхгүй зарим нь мэдээд бахдах байх. Аан гээч, Махакашьяпа бол Ялж Төгс Нөгчсөн Буддагийн амьд ахуй цагт хамгийн ойр шадар шавь нарын нэг байсан юм. Түүний алдар нэрийн утга “Номер Нэг Дияанч” юм. Будда арван тэргүүн шавьтай байсан бөгөөд тэдний зарим нь “Номер Нэг Дияанч” Махакашьяпа гэдэг шиг өөрийн гэсэн цол хэргэмтэй байжээ. Молон Тойны хувьд “Номер Нэг Шидийн Хүчтэн”. Мөн агуу Ананда “Номер Нэг Ой Сайт.” Өөр бусад нь ч бий. Шарипутра бол хамгийн ухаантай нь байсан гэх мэтчилэн. Мөн Буддын шашны үлгэр домогт өгүүлснээр Махакашьяпа буюу Буддагийн шадар шавь нарын нэг болох жинхэнэ Махакашьяпа өнөө хэр нь Дэлхий дээр хаа нэгтээ, магадгүй Тахианы хөл хэмээх уулын агуйд бясалгасаар байгаа хэмээн өгүүлсэн байдаг.
Надад Буддагийн сувдан чандрыг өгсөн номын эгч тань Суприм Мастер ТВ-д эхлээд байршуулсан зургийг өөрчлөхийг хүссэн. Тэдгээр нь Махакашьяапагийн надад өгсөн нь биш байсан. Тиймээс номын эгч жинхэнэ зургаар нь солиулахыг хүссэн. Би (Буддагийн сувдан чандрыг) одоо харахыг үнэхээр хүсэж байвч их хол байна даа. Тэнд би тэгж хурдан очиж чадахгүй. Мөн дияан хийсээр байгаа. Тэгж их хол явмааргүй байна. Явж болохгүй.
Дияан хийж байгаа л бол нэг газраа цаг ямагт байж, нэг газартаа л аль болох сайтар төвлөрөх учиртай. Гадаа цэцэрлэгт байлаа ч гэсэн хэнтэй ч уулзалгүй, хэнийг ч өөр дээрээ ирүүлэхгүй байснаар хамаг хүчээ ямар нэг онцгой зорилгын төлөө төвлөрүүлж чадна. Олон хүн эрч хүчээ сэргээж, хүч чадлаа дайчлан, ямар нэг ажлыг гүйцэтгэх зорилгоор дияан хийдэг.
Өчигдөр би нохой-хүмүүстэйгээ ярилцах хэрэгтэй болсон юм. Заримдаа зөвхөн телепатаар харьцаж, заримдаа боломжтой бол утсаар ярьдаг. Миний та нарт юу хэлснийг хүртэл нохой хүмүүс мэддэг. Би хэлье гээгүй юм шүү. Би хэлэхийг хүсээгүй ч Бурхан намайг хэл гэсэн юм. Би үүнийг илчилснийхээ дараа зөв үү, буруу юу гэдгийг Бурханаас дахин гурван удаа асуусан. Тэгээд жинхэнэ хэн гэдгээ илчлэх нь зөв биш бол энэ хэсгүүдийг устгахыг зөвшөөрнө үү гэлээ. Учир нь би хүмүүс ямар хариу үзүүлэхийг мэдэхгүй. Мөн тэдний хариу үйлдэлд би хэрхэхээ ч мэдэхгүй. Гагцхүү өөрийнхөө талаар тэгж шууд, шударгаар, нээлттэй хэлчихээр надад тун тухгүй санагдаад байдаг юм. Энэ биет ертөнцөд би та нартай л адилхан. Гэхдээ би Дээд Би-тэйгээ холбоотой. Энэ бол өөр зүйл л дээ. Эс бөгөөс би үнэхээрийн хүнд, маш их ажлаа хийхэд хангалттай Эрч Хүчний эх үүсвэргүй байх байлаа.
Би та нарт Махакашьяпагийн тухай яримаар байна. Та нар Түүнийг ямар агуу хүмүүн, ямар агуу хувь хүн гэдгийг мэдэж авна. Гэгээнтэн гэдгийг нь ярилтгүй. Тэр бол жинхэнэ Гэгээнтэн. Сахилаа ч сахисаар байсан. Буддын шашинд “шилдэг дияанч” болохын төлөө сахидаг маш хатуу 13 сахил байдаг. Тухайлбал
үдээс хойш хоол идэхгүй, өдөрт ганц л удаа хооллоно. Ламын ердөө гуравхан давхар орхимж нөмөрнө. Гудамжинд, оршуулгын газар, эсвэл хогийн цэгт хүмүүсийн хаячихсан зүйлсээр өөрсдөдөө хувцас хийж авдаг байсан юм. Шинэ хувцас өмсөж болохгүй, шинэ хувцас худалдан авч болохгүй, шинэ хувцас хийж өгвөл авч болохгүй. Хаанаас ч юм өөрөө олж цуглуулж авсан юу ч бай нэг нэгээр нь нийлүүлэн оёод далдлах ёстой хэсгүүдээ хаах гэж л дулаан хувцас болгон, өөрөө оёж өмсөнө. Өмч гэвэл ердөө л тэр. Бас нэг бадар барьдаг аягатай бөгөөд өдөртөө ганц удаа ходоодоо борлуулна.
Бас өнөө цагт ч гэсэн Бага Хөлгөний лам нар адилхан, төстэй байдаг. Гэхдээ тэд юу л бол юу иддэг. Тэд энэрэл нигүүлслийн веган хооллолтыг баримтална гэж өөрсдөдөө хатуу шаардлага тавьдаггүй. Учир нь эхэндээ зарим хүн зүгээр л ирж, веган хоолонд дасаагүй болохоор нь Будда тэдэнд гурван төрлийн амьтан-хүний махыг зөвшөөрдөг байсан. Үхэхдээ уйлж байхыг нь сонсоогүй, эсвэл өөрөөс нь болж бүрэлгэсэн биш бол, эсвэл санамсаргүй байдлаар үхсэн амьтан-хүний мах зэргийг. Нэг бол өтлөөд ч юм уу, аваар ослоор ч юм уу, гудамжинд ч юм уу үхчихсэн байх юм бол тэр амьтан-хүний махыг идэж болно гэдэг байж. Гэхдээ хожим нь Будда, “Та нар хойшид идэж болохгүй.” гэсэн. Мөн Тэрээр амьтан-хүний махыг иддэг хэн ч бай Түүний шавь биш, мах иддэг хэний ч бай би Багш нь биш гэж хэлсэн.
“‘Тэр үед Буддад хандан Арьяа (мэргэн) Махамати (Агуу мэргэн) Бодьсадва-Махасаттва ийн өгүүлэв: ‘Бхагаван (Дэлхийн Хүндэт Нэгэн) минь, би хамаг ертөнцөд үхэх төрөхийн хүрдэнд эргэлдэх, дайсагналцах, нүгэлт муу замд орох зэрэг нь бүгд мах идэх, үе үе үйлдэх аллага зэргээс үүдэлтэй хэмээн харж байна. Эдгээр байдал нь шунал, уур хилэнг нэмэгдүүлж, амьд төрөлтнийг зовлон зүдүүрээс зугтаж чадахгүй болгодог. Энэ маш их зовлон шаналалтай.’ […] ‘Махамати, миний үгийг сонсогтун. Хэрэв миний шавь нараас хэн нэг нь үүнийг шударгаар анхаарч үзэхгүй мах идсэн хэвээр байвал бид түүнийг кандела (алуурчин)-гийн удмынх гэж мэдэх хэрэгтэй. Тэр миний шавь биш, би түүний багш биш. Тиймээс Махамати, хэн нэгэн миний хамаатан болохыг хүсвэл тэр хүн мах идэх ёсгүй.” ~ Ланкаватара Судар (Трипитака №671)
Мөн Будда хатуу чанд веган байсан. Та нарт хэдэн жилийн өмнө ярьж өгч байсан эшлэлүүдээс Буддаг веган байсан талаар миний юу гэж хэлснийг үзэж болох юм. Учир нь Тэрээр торго, өд, сүү, өндөг, савхин гутал, амьтан-хүнээс гаргасан юуг ч хэрэглэж болохгүй гэж хэлсэн. Яагаад гэвэл ямар нэг байдлаар зовоодог хэрэг.
“Бодисадва нар болон лам нар хөдөөгийн жимээр явж байхдаа амьд зүлэг ногоон дээр гишгэх нь байтугай үндсээр нь ч таслахгүй. Тийм байтал бусад төрөлтний цус, махыг идэх нь яаж нигүүлсэнгүй байж чадах вэ? Бүдүүн баргийн ч бай, нарийн хийцийн ч бай дорнын торгон хувцас өмсөхгүй, мөн арьсан гутал, үслэг эдлэл өмсөхгүй, өөрийн орны шувууны өд сөдийг хэрэглэхгүй, бас сүү, ааруул, шар тос хэрэглэхгүй лам нар өөрсдийгөө энэ ертөнцөөс бүрмөсөн чөлөөлсөн байдаг. Тэд урьд насныхаа өр төлөөсийг төлж дуусаад гурван ертөнцөөр хэрэн хэсэхээ болино. Яагаад? Хүмүүс хүнсний ногоо, үр тариа идэж энэ дэлхийтэй холбогддог шиг аливаа төрөлтний биеийн зарим хэсгийг өмсөнө гэдэг нь хүний үйлийн үрийг тэр төрөлтөнтэй холбож буй хэрэг юм. Бусад төрөлтний махыг иддэггүй, бусад төрөлтний биеийн ямар нэг хэсгийг өмсдөггүй, тэр ч бүү хэл эдгээрийг идэх, өмсөх талаар огт боддоггүй хүн бол гэтлэгдэнэ гэдгийг би батлан хэлж чадна. Би Буддагийн сургасныг хэллээ. Чөтгөр төрөлт Мара өөрөөр заадаг.” ~ Баатараа явагч их хөлгөн судар
Өөрөөс тань болж тэр амьтан-хүн алагдаагүй байлаа ч идсэн л бол хүмүүс өөр амьтан-хүнийг алж, авахыг хүссэнд нь зарах болно. Яагаад гэвэл та тэр амьтан-хүний нэг хэсгийг идсэн шүү дээ. Иймд тэр нэг хэсэг нь, нэг тахиа-хүн дутна. Тэгэхээр хэн нэгэн худалдан авахыг хүсэж л байвал өөр нэг тахиа-хүнийг танд юм уу тэдэнд зарахаар алах ёстой болно.
Будда амьдралынхаа туршид олон арван жил номлосон бүхий л судартаа нигүүлслийг сургасан. Иймд хэрэв лам хүн Буддаг дагаж л байгаа бол нигүүлслийг дагаж мөрдөх нь ердийн зүйл юм. Багшийнхаа зааснаар л хийнэ. Мөн үүнээс гадна өөрийнхөө амийг зогоохын төлөө бусдыг хөнөөж болохгүй. Яг л бусдын амийг зогоохын төлөө өөрийгөө хөнөөлгөхийг хүсэхгүйтэй адилхан. Барыг цатгахын төлөө та өөрийгөө алуулахыг хүсэхгүй шүү дээ. Яг үүн шиг тахиа-, үнээ-, гахай-, ямаа-хүн таны амины төлөө, таны гэдсийг цатгах гэж алуулахыг хүсэхгүй.
Photo Caption: Хатуу, Хуурай Элсэн Цөлөөс Хөл Хөдөлгөөнтэй Хотод. Бурханы Авралаар Бид Гайхамшигтай-Шинэ-Загварт Баяртайгаар Дасан Зохицож Чадна.
Зураг татаж авах
