Дэлгэрэнгүй
Татаж авах Docx
Дэлгэрэнгүй уншаарай
Бурхан минь, дэндүү удаан ярьжээ. Би Махакашьяпагийн талаар та нарт ярьж өгье гэсэн юм. Махакашьяпаг өнөөг хүртэл Тахианы Хөл хэмээх ууланд байдаг гэж үздэг. Олон хүн тийшээ мөргөл хийхээр явж, дурсгалын зүйл авчирдаг. Тэд дурсгалын зүйлд Махакашьяпагийн Адислал шингэсэн гэж итгэдэг. Харин Тэр Өөрөө, жинхэнэ ламтан тэр уулнаа байдаг. Хэн ч Түүнтэй уулзаж чадахгүй. Мэдээж Тэрээр энэ ууланд агуйд нуугдаж байгаа. Гэхдээ гагцхүү Түүний хувилгаан бие оршин бий. Тэр бие нь харин Хятадад хүний биед оршиж, зүгээр л бидний хийдгийг хийгээд байж байгаа.Тэгэхээр бидэнд бүгдэд маань үүрэг бий. Та өөрөө хүний хувьд өндөр дээд Диваажингаас ирсэн байхыг хэн мэдэх билээ. Таны сүнс, жинхэнэ Би тань Диваажинд байж, Дэлхий дээрх бие махбодтойгоо мөнгөн утсаар холбогдон амьд байлгадаг. Тэрхүү утас тасарч, эсвэл ямар нэгэн байдлаар холбоо тасарвал амьд үлдэх боломжгүй.Хэрвээ та нар ямар нэг шалтгаанаар, жишээ нь аваарт ороод ч юм уу амьсгал тань зогсвол тэрхүү мөнгөн утас тань холбоотой байж та нарыг амьд байлгадаг. Гэвч сүнс тань там руу чирэгдэж яваад, тамд хэт удаан байвал биедээ эргэж ирэх боломжгүй болно. Яагаад гэвэл тэр үед сүнсийг тань биетэй холбодог мөнгөн утас ууссан байх болно. Там руу явдаг бие тань асурын бие. Яг л махан биед байгаа мэт өвдөлт мэдэрдэг, бүр ч илүү мэдэрнэ, яагаад гэвэл махан биетэй үед төрөл бүрийн тамын мэдрэмжээс хамгаалагдаж байдаг. Дэлхий дээр байлаа ч - энэ тэрүүгээр явж, эсвэл орондоо хагас үхлүүт хэвтэж байлаа ч, асурын бие тань аль хэдийн тамд очиж, төрөл бүрийн шийтгэл амсаж байхад бие махбод тань нэг их мэдрэхгүй. Тийм байдаг. Гэвч бие тань үгүй болсон үед мэдээж мэдрэх болно. Асурын биеэрээ тамд очвол бүх зүйл ноцтой илүү мэдрэгдэж, үлэмж томордог. Та нарыг хамгаалах бие махбод байхгүй учраас тэр юм.Тамд унасан олон хүний сүнс тэр асурын биед нь наалдсан байдаг. Бид олон биетэй, асурын бие бол нэг л бие нь. Бас учир шалтгааны бие бий, Гуравдугаар түвшний Брахман бие байдаг, мөн асурын биетэй. Асурын биед хийсэн бүхнийг хүний бие нэг их мэдэрдэггүй. Гэвч заримдаа хэт хүчтэй бол, өвчлөл үүсгэх юм уу, хачин мэдрэмж төрүүлнэ- толгой өвдөх ч юм уу хар дарна гэх мэт. Яг л тамд байгаа мэт өвддөг. Гэвч ихэвчлэн та нар амьд хэвээр байвал энэ нь хувь заяаны тань үйлийн үр. Тэр тохиолдолд та нар тамд шийтгүүлж байлаа ч бие махбоддоо өвдөлт мэдрэхгүй.Иймд Махакашьяпагийн хувилгаан бие Дэлхийд яг л хүн шиг оршин байгаа. Би та нарт өмнө нь хэлсэнчлэн Үйлийн үрийн Хаан Австралийн ойролцоо амьдарч байгаа. Би та нарт хэлмээргүй байна. Та нарыг тийшээ очоод Түүнийг хайж гүйхийг би хүсэхгүй байна. Хүн шиг, хүний биед байгаа. Гэхдээ Тэр бол Үйлийн үрийн Хаан бөгөөд хүний ертөнцөд ч, асуурийн ертөнц шиг үл үзэгдэх ертөнцөд ч хийх ажилтай байх жишээтэй. Заримдаа бид ярилцдаг.Махакашьяпа агуу Төрөлтөн, агуу Гэгээнтэн (Бодисадва). Хувраг байхдаа Тэрээр урьд нь эгэл ертөнцөд байснаасаа тэс өөрөөр амьдарч байсан. Тэр бол маш баян хүний хүү байсан учраас хүссэн бүхэн нь, тансаг бүхэн Түүнд байсан. Гэхдээ багаасаа гэрээс гарч, сүнслэг бясалгал хийхийг ямагт хүсдэг байв. Тэрээр гэртээ үлдэж, хийдгээ хийгээд тансаг сайхныг таашаан амьдрахыг хүсээгүй. Яг л Будда шиг. Будда ханхүү байсан ч бүхнийг огоорон, гагцхүү Будда болж гэгээрэхийг эрэлхийлсэн дээ. Махакашьяпа тэр бүү хэл маш үзэсгэлэнтэй, тухайн муждаа ч юм уу улсдаа хэн ч харсан хамгийн үзэсгэлэнтэй бүсгүйтэй гэрлэсэн байсан.Өршөөгөөрэй. Би яагаад ханиагаад байгаагаа та нарт хэлмээр байна. Гэхдээ болох юм болов уу. Асуугаадахъя. Тийм ээ, энэ... Санаа зоволтгүй. Би өвдчихсөн байгаа юм биш. Зарим дайны хэнээтнүүдийн хэрэгт хөндлөнгөөс оролцсон үйлийн үр гарч байгаа нь энэ. Нэрлэвэл... Үйлийн үрийн Хаан Өөрөө надад хэлсэн Хууль юм. Учир нь би нэг их санаа зовоогүй. Заримдаа мэдээлэл өөрөө аяндаа, хайгаагүй байхад орж ирдэг юм. Эсвэл заримдаа би магадгүй дотроо асуулт бодохоор ямар нэг төрлийн салбарын Хаан надад хариултыг хэлж өгдөг.Янз бүрийн салбарын янз бүрийн зорилготой олон Хаан бий. Нэг өдөр тэд бүгдээрээ над дээр ирсэн. Учир нь намайг “Хаадын Хаадын Хаадын Хаан” гэдэг байв. Энэ нь бас өнгөрсөн цаг үеийн Хаадын Хаан, мөн өнөө цагийн Хаадын Хаан, ирээдүйн Хаадын Хаан гэсэн үг. Тийм учиртай. Маш олон бий: Энх тайвны Хаан, Дайны Хаан, Салхины Хаан, Оддын Хаан, (Алтан гадас) Умард Одны Хаан, Өмнөд Одны Хаан, Нинж энэрлийн Хаан гээд бүхий л төрлийн Хаан бий. Бүр сувдаг чөтгөрүүдийн Хаан, сувдаг сүнснүүдийн Хаан ч бий. Нэг өдөр Тэд бүгдээрээ над дээр ирлээ. Хэзээ байлаа даа? Ноднин жил, 4-р сарын үед байх аа. Зарим зорилгоор Тэд бүгд хүндлэл үзүүлэх л гэж ирсэн юм. Би Тэдэнд тэгж их төвөг уддаггүй Учир нь Тэд ажлаа хийгээд завгүй байдаг. Зарим мэдээлэл үнэхээр их хэрэгтэй байвал би Тэднийг дуудаад товчхон ярилцдаг. Та нартай ярилцдаг шигээ тэгж удаан ярьдаггүй.Би урьд нь тийм ноцтой нэр дуулж байсангүй. Үүнийг хэтэрхий урт юм, Тэд богиносговол таарна гэж бодлоо. Хаадын Хаан гэж тэд намайг дуудвал болж байна. Бусад нь зүгээр л “О.К.’s” гэнэ. О.К.’s гэдэг нь “of Kings/Хаадын” гэсэн үг. Тэгээд “К.О.К’s” гэх зэргээр дууддаг. Намайг юм бичиж байхад Тэд надад үсэглэж хэлж өгөхөөр нь би “Битгий дэндүү урт болго. Бичихэд залхуутай байна.” гэсэн. Тэгж хэлснээс болоод Тэд тэгж байгаа юм л даа. Тэгэхээр нь би “Яагаад намайг бүгдээрээ ингэж дуудах ёстой юм бэ? Хэтэрхий урт юм.” гэлээ. Яагаад гэвэл заримдаа Тэд надад үсэглэж хэлэх болдог, мөн намайг зөвхөн “Та”, “Би” гэхгүй. Тэд намайг “Хаадын Хаадын Хаадын Хаан” гэхээр надад дэндүү урт санагддаг.Тэгээд нэг өдөр бүгдээрээ хүрч ирээд “Таныг Хаадын Хаадын Хаадын Хаан гэж дууддаг учир нь Та бол бидний Хаан билээ. Ирээдүйд өөр Хаад ирэхэд Та мөн л Тэдний Хаан байх болно. Өнгөрсөнд ч мөн Та бүх Хаадын Хаан байсан.” гэж хэлсэн юм. Одоо та нар ч бас мэдэж авлаа. Энэ бүх асуулт та нарын толгойд эргэлдэж, яагаад надад ийм цол хэргэм байгаа юм бэ гэж бодож байгаа.Би асуугаагүй. Эхлээд би ч бас надтай хэн яриад байгааг мэдээгүй. Тэгээд “Хэн бэ?” гэж би асуулаа. Миний хэдийн та нарт хэлсэнчлэн “Цаглашгүй Дээд Их Багш” гэсэн. Би “Өө, Тантай танилцах нь маш их хүндтэй хэрэг.” гэлээ. Тэгэхэд тэрхүү Дуу хоолой “Энэ бол Та Өөрөө юм.” гэсэн. Хаадын Хааны зэрэгцээ надад энэ тэрийг хэлэх Нэгэн байсан ба бусад нь миний хэзээ ч бодож байгаагүй цол хэргэмийг надад танилцуулсан. Хэтэрхий завгүй байна. Яах ч юм? Би “Хаадын Хаан” байлаа гээд надад ямар сайн юм авчраа билээ? Би хэдийнээ бүх зүйлийг огоорсон. Зарим зүйлийг зүгээр л санаж байх хэрэгтэй байдаг юм. Учир нь энэ нь надад илүү их Хүч гаргахад тусалж, ингэснээр би үүнийг энэ ертөнцөд чадах чинээгээрээ туслахад ашиглаж чадна. Тийм учраас л надад зарим цол хэргэм одоо хэр нь хэрэгтэй байгаа юм.Би та нарт өөрийгөө Майдар Бурхан гэдгийг, Номын Хүрдийг Эргүүлэгч Хаан гэдгээ хэлнэ гэж хэзээ ч бодож байсангүй. Учир нь энэ бүхний талаар огт бодож байгаагүй. Өдөр бүр ажиллаад би дэндүү завгүй. Сургуулиа төгссөн, эмч байлаа гэхэд цаг үргэлж “Өө, би эмч, би эмч. Ямар гайхалтай, яасан гоё юм бэ.” гэж бодоод байдаггүйтэй адил юм. Үгүй, тэгэхгүй, зөвхөн өвчтөнүүдээ л анхаарна. Тэгээд л боллоо. Өөрийг тань эмч гэдгийг зөвхөн өвчтөнүүд л сануулна шүү дээ. Таны харьцаж байгаа хүмүүс таныг эмч гэдгийг сануулдаг. Учир нь тэд таныг “Эмч энэ,” “Эмч тэр” гэхчлэн дууддаг. Эхнэр тань эмчийн зэрэггүй байлаа ч гэсэн түүнийг “Хатагтай Эмч” гэж дууддаг. Яагаад гэвэл эмчийн эхнэр учраас тэр. Германд эмчийн эхнэрийг бас “Хатагтай эмч” гэдэг. Frau Doktor гээд. Энэ тун найрсаг. Хэрэв эмэгтэй хүн байгаад эмч гэж дуудуулмаар байвал зүгээр л нэг эмчтэй гэрлэчих хэрэгтэй. Тун амархан. Өчнөөн олон жил суралцаад, эмчийн зэрэгт хүрэх гэж шаргуу ажиллах ч хэрэггүй.Photo Caption: Орхигдсон Зам Мөр Сэргэг, Найрсаг-Сайхан Гэртээ Харьтлаа Энэ Замыг Дагаарай!
