“Бидний хүсэн хүлээж байсан Майдар Бурхан одоо энд байна” 8 цуврал лекцийн 7-р хэсгийг

Хэрэв хараахан Их Багш болоогүй байгаа бол, Будда гэдгээ хараахан мэдээгүй байгаа бол өөрийгөө Будда гэж хэлж болохгүй. Учир нь тэгвэл маш муу үйлийн үртэй. Ертөнцийн Сүнслэг Хуулийн хамгийн хүнд гэмт хэргийг хийж байна гэсэн үг. Тийм учраас л биш байж өөрийгөө Их Багш хэмээн нэрийдэх ёсгүй. Ийм нүгэл үйлдвэл эцэс төгсгөлгүй тамд унана хэмээн Будда айлдсан байдаг. Учир нь та юу ч мэдэхгүй. Тэгээд дагагч нартаа өөрийгөө сүрхий гээд ойлгуулчихна. Тэгээд Буддагийн дээд, ариун мөн чанарыг өөрийн дорд, чөтгөр шүглэсэн түвшинтэй дүйцүүлэх зэргээр аашилж, бүх Буддаг гутааж байна гэсэн үг. Одоо ойлгов уу? Иймд бүү тэгээрэй.

Та жинхэнэ Бодисадва бол түүнийгээ мэдэх болно. Хэрэв та жинхэнэ дотоод сүнслэг ертөнцийн талаар юу ч мэдэхгүй бол та тийм биш. Тиймээс эмзэг хүмүүсийг өөрийнхөө чөтгөрийн муу сэдлээр бүү хуур! Арьяабал Бодисадва мэдэж байгаа. Тэрээр Буддад Өөрт буй, Өөрийн бясалгадаг Арьяабалын Аргыг буюу дотоодоо сонсох арга, дотоодод заадаг аргыг хэлсэн. Тиймээс л Тэр хаа сайгүй сонсож, тусламж хүссэн хамаг төрөлтөнд тусалж чаддаг. Тэрээр Буддад, Түүний хуврагийн чуулганд Өөрийн сүнслэг Мөн чанарын Жинхэнэ Үнэнийг айлдсан. Заримдаа Арьяабал Бодисадва эмэгтэй дүрээр ирдэг, заримдаа эрэгтэй дүрээр ч ирдэг. Иймд хүйсээр ялган дуудах нь асуудал биш. Үнэндээ бол бие махбодод байдаг шиг “Би бол эрэгтэй,” “Би бол эмэгтэй” гээд хэлчихмээр хүйс сүнсэнд байдаггүй.

Өнгөрсөн төрөлдөө, энэ төрлийн өмнөх төрөлдөө би Энэтхэгт нэгэн эрэгтэй байсан. Би Баба Саван Синг Жи Махараж байлаа. Одоо би та нарт үнэнийг хэлж байна. Цаашид би үнэнийг хэлэхээсээ айхгүй. Урьд нь илүү нууцалдаг байлаа. Энэ бүхнийг би өөрөө хэлж байсангүй. Та

Харин өнөөдөр та нарт хоёр зүйлийг хэлж байна. Урьд төрөлдөө би Баба Саван Синг Жи Махараж байсан. Мөн энэ төрөлдөө миний жинхэнэ Оршихуй бол онцгой зорилгоор энэ цаг үед бууж ирсэн Агуу Бурхан юм. Би өдөр бүр олон зүйлийг, бүх зүйлийг золиосолдог. Өдөр бүр зовлон туулж, өвдөлт мэдэрч, таагүй зүйлсийг туулдаг ч гэлээ тэр бүхнийг аргалж дөнгөнө. Бүгдийг нь аргалж чадна. нарын төлөө, Дэлхий дээрх ажлаа илүү урт удаан, илүү аюулгүйгээр хийхийг хүссэнээс тэр л дээ. Намайг өрөвдөг гэж хэлж байгаа юм биш шүү. Үгүй шүү, үгүй. Чадах аваас би тусалсаар байх болно. Юмыг яаж мэдэх вэ гээд та нарыг одоо үнэнийг мэдэг л гэсэн юм... Би эдгэрч байгаа ч гэсэн бие махбодын хувьд хэр удаан оршихоо мэдэхгүй байна. Тэгээд л айхаа больсон учраас би та нарт энэ хоёр зүйлийг хэлж байгаа юм. Одоо хэн ч надад юу ч хийж чадахгүй. Бурханы

Ивээлээр би хэнд ч тусалж чадна. Надад итгэсэн хэнийг ч би гэтэлгэж чадна. Харин тэд өөрсдөө эрхэм зөв хүмүүн байж, илүүтэй нигүүлсэнгүй нэгэн байх хэрэгтэй. Зөвхөн миний тусламжид найдах учиргүй. Өөртөө тусалдаг хүмүүст Бурхан тусалдаг. Ийм л учиртай юм. Хүн өөртөө туслах ёстой. Та нар бол Будда нар, ирээдүйн Будда нар, өөрөөр хэлбэл Будда болж яваа. Та нар бол Бурханы үр сад. Энэ нэр төрийг хадгалж яв. Ийм л юм. Зөв, ёс зүйтэй бай. Өөрийнхөө ч төлөө, өрөөлийн ч төлөө сайн бай. Мөн Бурханд, та нарын төлөө хамаг байдгаа золиосолсон Гэгээнтэн Мэргэдэд өдөр бүр талархаж яваарай. Тийм ч учраас жинхэнэ Их Багш нарын бүх дагагчид Тэднийг чин сэтгэлээсээ шүтэж, Тэдэнд чин сэтгэлээсээ талархдагт гайхах зүйлгүй. Учир нь Тэд Их Багшийн Хүч, Адис агуу гэдгийг өөрийн биеэр мэдэрсэн байдаг. […]

Мэдээж та нар миний шавь нар; шилдэг нь. Та нар бол энэ гараг дээрх хамгийн хүчирхэг нь. Үүнийгээ та нар мэдэж байгаа. Бүгд биш л дээ, хэчнээн олон жил бясалгасан ч та нар шиг дотооддоо тийм ахуй ойлголт хардаггүй - дотоод ертөнцийн ахуй ойлголт, Бурхантай уулзаж буй, Эзэн Есүстэй, Буддатай Ариун Оронд нь уулзаж ахуй ойлголттой байдаггүй. Энэ гараг дээрх хүн бүрд тийм зүйл байдаггүй. Тэд доогуур төвшний эсвэл Асурын төвшний зүйл харж магадгүй л дээ – тэр төвшнүүд нь үнэхээрийн үзэсгэлэнтэй учраас хэн ч тэндээс явж буцаад энэ үймээн самуунтай, уучлаарай, тийм ч цэвэр бус материаллаг ертөнцөд эргэж ирэхийг хүсдэггүй. Харин миний шавь нар та нар бол агуу. Гайхалтай, хүчирхэг. Хэн ч та нарын хийж буйг хийж чадахгүй.

Та нар бүгд тийм гэх гээгүй юм шүү. Өөрсдийгөө шалгаад сайн байна уу, дунд уу, муу юу гэдгээ мэдэж болно. Эсвэл бүр муугаас ч дор уу гэдгээ, - зарим тань чөтгөрийн үзэлд эзлэгдсэн хэвээр байгаа. Тиймээс өөрсдийн хувийн ашиг хонжооныхоо төлөө чөтгөрт өөрийгөө ашиглуулсаар байдаг. Энэ бол харамсалтай зүйл, учир нь би тусалж чадахгүй. Яагаад гэвэл та нар миний сургаалын эсрэгээр үйлддэг. Миний шавь болоод та нар удаж байгаа - эдгээр хүмүүсийн зарим нь - би та нараас нэг ч төгрөг, бүр юу ч асууж байгаагүй. Тийм байхад яаж бусдад тэгж

хандана вэ? Бүх лам нартаа, бүр тэднийг бусдад авшиг хүртээлгэхээр явуулахдаа хүртэл би зардлыг нь гаргадаг. Онгоцны тийзийг нь төлнө, такси, бензиний мөнгийг төлнө, хэрэв аль нэг номын ах юм уу эгч тань машинаараа тэднийг авшгийн газарт хүргэсэн бол тэгдэг. Бид хэзээ ч та нараас юу ч авдаггүй. Тийм байхад намайг дагадаг байсан байж, дуурайж, бүхнийг адилхан хийдэг байж яагаад мөнгө авна вэ? Энэ бол сайн биш. Энэ нь өөрт тань маш муу үйлийн үртэй гэдгийг мэдээрэй. Хүмүүс хөлс, нулимсаа урсган байж мөнгө олдог. Тэдэнд харж хандах гэр бүл бий. Төлөх засгийн газрын татвар бий. Машинаа засуулах ёстой. Үр хүүхдүүд нь үргэлж эрүүл саруул энх тунх байдаггүй учраас харж хандах ёстой. Эцэг эхийгээ харж хандана. Ах дүү нартаа санаа тавина. Өөр бусад хийх юмс байдаг. Тэдний мөнгө бол тэдний хөлс нулимс. Тийм ч учраас би бизнес хийж лам нараа харж хандаж, өөрийнхөө бүх л зардлыг

зохицуулдаг. Одоогоор би өдөрт нэг л удаа хооллодог учраас миний зардал тун бага. Эсвэл хааяа нэг хэдэн (веган) шөл энэ тэр ч юм уу энгийн зүйл уудаг. Гэхдээ ихэвчлэн тэгээд л гүйцээ. Өдөрт нэг удаа хооллоход цадаад сайхан болчихдог. Хэрэв орой бага зэрэг өлсвөл жаахан ус ууж болно - цаг уурын байдлаас хамаарч бүлээн эсвэл хүйтэн ус ууж болно, эсвэл өөрсдийн тань сонирхлоос хамаарна, тэгээд л зүгээр. Энэ нь түр зуурынх; магадгүй хэдхэн секунд өлсөх мэдрэмж төрдөг бөгөөд дараа нь завгүй болж өөр зүйл хийвэл, бясалгалаа хийж, явж Бурханд, Буддад, Их Багш нарт мөргөж, Тэдэнд талархвал өлсөх мэдрэмж байхгүй болсон байна- үнэндээ энэ нь хий хоосон юм.

(Веган) шөлний хувьд бусад олон зүйлийн хамт хуулбарлахыг хүсвэл орчин үед их амархан болсон. Хоол хийх ч шаардлагагүй. (Веган) шөлний амтлагч куб, эсвэл нунтаг нь бий. Үүнийг аяганд хийгээд, хэдэн салат навч хийж халуун ус дээрээс нь нэмээд л боллоо. Шууд ууж болно. Эсвэл бас хуурай юмс байдаг, хуурай (веган) нунтаг - их шингэн шөл, тун энгийн. Заримдаа та нарт гэдэсний асуудал гарвал, учир нь заримдаа зарим өдрүүдэд бие тэнхээ тань тааруу байснаас болж юм уу стресстсэн үед юу ч идэх хүсэл төрдөггүй болохоор маш бага иддэг. Тэгээд магадгүй үдээс хойш нь бага зэрэг гэдэсний асуудал үүснэ, жишээ нь хий үүсэж, гэдсийг тань өвтгөвөл ямар нэг юм уусан дээр, нэг бол ус эсвэл ийм төрлийн энгийн (веган) шөл. Би бараг л ашигладаггүй. Өдийг хүртэл ашиглаж байсангүй. Гэвч хүсвэл та нар болно. Би юмыг яаж мэдэх вэ гээд хэд хэдэн жижиг (веган) савлагаатайг бэлтгэсэн ч ашиглаагүй. Байн байн юм худалдаж авмааргүй байвал хуурай юмс бэлтгээрэй. Өөрийгөө харж хандах үнэхээр энгийн. Та нар дуурайя гэвэл тэгж болно, гэвч би юу ч санал болгохгүй.

Харин миний өмсдөг хувцасны тухайд гэвэл би лам ч юм уу ямарваа номлогчийн нөмрөг, хувцас өмсөхөө больсон. Хэдийгээр би Хиндүизм, Буддизм, болон Христийн шашинд лам болж нэгдсэн ч хувцсыг нь өмсөхөө байсан. Надад шашин дэлгэрүүлэгчийн сертификат бий. Намайг ном дэлгэрүүлэгч болгож сертификат өгч байсан. Гэвч би нэг шашныг тусгайлан сонгож, тэрийгээ цорын ганц шилдэг нь гэж тунхаглаж, бусад нь үүнийг гүйцэхгүй гэсэн сэтгэгдэл төрүүлэхгүй гэж ламын хувцас өмсөхөө больсон. Намайг адилхан төрлийн нөмрөг нөмөрч тэдний шавь нарыг, дагагч нарыг нь авах гэж байна гэж зарим нь хэлж байсан.

Бас намайг ямар нэг төрлийн лам болохоор хүмүүс надад мөргөж, хүндэтгэл үзүүлж, хандив өгөөд байхыг хүсээгүй юм. Тийм учраас би өөрөө мөнгөө олдгийн нэг шалтгаан энэ юм. Учир нь хүн төрөлхтөн өөрсдөө мөнгөө олох гээд хангалттай зовдог. Тэдэнд би нэмж ачаа дарамт учруулж яах вэ?

Миний ажлын багт их олон хүн бий. Тэднийгээ харж хандах ёстой. Эхэндээ бид бизнес эхлүүлсний учир нь тэр. Яагаад гэвэл өмнө нь надад ямар ч гэр орон байгаагүй, маш олон хүн лам болж намайг дагаж, бут сөөг гээд хаа ч хамаагүй амьдарч, талбайд, голын эргээр майхантай байрладаг байлаа. Ийм байх нь тэдэнд тийм ч сайн биш. Тэд залуу байсан учраас би тэднийг харж хандах ёстой мэт санагдсан. Тиймээс бид бизнес хийж, тэр үеэс хойш үргэлжлүүлсэн.

Бурханы Ивээлээр мөн бүхий л Будда нарын Адислалаар бид жаахан бизнес хийж, өөрсдийгөө тэтгэх боломж бүрдэж, илүү гарсныг нь дайн дажин, байгалийн гамшигт өртөж хүндхэн нөхцөлд орсон бусдад туслахад зориулах боломжтой. Өөрийгөө болон багийнхнаа, хүмүүсээ, үлдсэн хэдэн гэрээс гарагч лам гэлэнмаа нараа харж хандахад минь Бурханы Ивээлээр Диваажингаас Тусалж буйд болон, Өгөөмөр сэтгэлд нь талархъя.

Зураг татаж авах