Дэлгэрэнгүй
Татаж авах Docx
Дэлгэрэнгүй уншаарай
Эдгээр мөргөлийн Орднууд хүрээлэн буй орчныг тогтворжуулахад нэмэр болж, уур амьсгал, ойр орчмын бүх төрөлтнийг адисалж байдаг. Дашрамд хэлэхэд би нэг өдөр аялж байхдаа байшингийн бүх түлхүүр, Ашрамын түлхүүр, алсын удирдлага зэрэг зүйлсээс салахыг хүссэн боловч Диваажин надад эдгээрийг адилхан зорилгоор хадгал гэсэн. Бидний босгосон биет сүм хийд тэдгээр Сахиуснууд болон Бурхадын Их Багш нарт зориулан сүндэрлүүлсэн ордонтой харьцуулахад ямар ч үнэ цэнгүй. Тиймээс Тэд дэлхийг орхихдоо гайхамшигтай сүм хийдтэй байсан эсэх нь чухал биш, Тэдэнд угаасаа бий. […]
Тэд, Сахиуснууд хийдэг юм. Хэн ч Тэднийг барь гээгүй. Тэднийг ордон барьсан гэдгийг би бүр хэзээ хойно, нэг явдал тохиолдоход мэдсэн. Би Сахиус Бурхдаас “Яагаад ийм юм болов оо?” гэж асуулаа л даа. Тэд надад тайлбарлахдаа “Таны амьдарч байсан арал дээр нэр бүхий нэгэн хүн ирж, тахил өргөгч Сахиуснуудын амгалан байдал, бүтээн байгуулалтад саад болсон учраас ийм зүйл боллоо.” гэж хэлсэн. Энэ Тэдний үг шүү, минийх биш. Энэ бүгд бол Тэдний, “Тахил өргөгч Сахиуснууд”-ын үг. Би ийм үг хэзээ ч хэрэглэдэггүй. Ийм үг байдаг гэдгийг тэдний тайланг сонстлоо мэддэггүй байсан. Би хэдийн яваад өгчихсөн байсан тул нэр бүхий нэг хүн ирж, тахил өргөгч Сахиуснуудын амар тайван байдлыг алдагдуулж. “Тэдэнд саад болох юу хийгээ вэ?” гэж асуулаа л даа. “Танд зориулж мөргөлийн ордон барьж байсан тэрхүү барилгын ойр орчимд тэр хүн ариун бус энерги авчирсан.” гэж Тэд надад хэлсэн. Тэгж л би мэдсэн юм.Тэр жаахан арал дээр ганц хүний майхан байв – Өндгөө дарсан хун-хүний дэргэд майхнаа бариад хэдэн сар болсон юм. Намайг явсны хэзээ хойно гэрээс гарсан нэгэн гэлэнмаа үүнийг хураасан боловч Сахиуснууд намайг тэнд байсан гэж үзээд Мөргөлийн Ордон барьжээ! Тэр нэг газраас намайг явсны дараа миний зааврын дагуу шувуу/хун-, өөр амьтан-хүмүүсийг хооллохоор хэдэн авшигтан очсон юм...Над шиг өчүүхэн, амьд сэрүүн байгаа хүнд хүртэл Тэд тийм хүндэтгэл бишрэл өргөж байдаг байна. Ийм ордныг барьж дуусгахад наад зах нь хагас жил болдог, энгийн нүдэнд үзэгдэхгүй. Гэхдээ та нар сайн бясалгавал харж чадаж магадгүй. Эсвэл чин сэтгэлтэй бол Тэд та нарт харуулж мэднэ. Хүн бүхэн ийм ордныг харж чадахгүй. Тийм болохоор аливаа Их Багш, Гэгээнтэн Мэргэдэд өргөл болгосон тийм мөргөлийн ордон агаарт оршдог гэвэл хүмүүс итгэхгүй л дээ.Тэгэхээр энэ олон зуун жил, мянга мянган жилийн хугацаанд дэлхий дээр ирж буцан, гараг дэлхийг маань адислаад биеэ орхин одсон Их Багш нарт зориулж хэчнээн олон мөргөлийн ордон байгуулагдан, дэлхийг маань чимж байсныг төсөөлөөд үз дээ? Эдгээр мөргөлийн Орднууд хүрээлэн буй орчныг тогтворжуулахад нэмэр болж, уур амьсгал, ойр орчмын бүх төрөлтнийг адисалж байдаг. Дашрамд хэлэхэд би нэг өдөр аялж байхдаа байшингийн бүх түлхүүр, Ашрамын түлхүүр, алсын удирдлага зэрэг зүйлсээс салахыг хүссэн боловч Диваажин надад эдгээрийг адилхан зорилгоор хадгал гэсэн. Бидний босгосон биет сүм хийд тэдгээр Сахиуснууд болон Бурхадын Их Багш нарт зориулан сүндэрлүүлсэн ордонтой харьцуулахад ямар ч үнэ цэнгүй. Тиймээс Тэд дэлхийг орхихдоо гайхамшигтай сүм хийдтэй байсан эсэх нь чухал биш, Тэдэнд угаасаа бий.Тэд нэг газраас нөгөө газар руу нүүх, шилжихийн хэрээр Тэдний ордны тоо байнга нэмэгдсээр байдаг. Их Багш нар хаагуур ч дайрч өнгөрсөн байсан тухайн нутгийн Сахиуснууд хамтарч байгаад хүчээ нийлүүлж, Их Багшид талархан, Түүнийг дурсаж, шүтэн мөргөж, чанагууд ертөнц даяар тунхаглах гэж ийм орднуудыг сүндэрлүүлэн босгодог. Бид энэ биет ертөнцөд энэ тухай мэдэхгүй, бараг таамаглах ч үгүй.Хэрэв та нарыг хаа нэгтээ очиход нутгийн хүмүүс “Энэ, тэр газрыг хөндөж цочроохгүйг хүсье.” гэвэл тэр газрыг ариун дагшин гэдгийг мэдэж байгаа учраас тэгж байж болох юм шүү. Иймд үгийг нь хүндэтгэлтэйгээр дагаарай. Урд нь хүмүүс зөвхөн биет түвшний хүч болох хутга, буу зэрэг зүйлийг ашиглан уугуул иргэдийн газар шороог булаан авснаараа Бурхадыг хилэгнүүлж, Тэдний мөргөлөө үйлддэг сүм хийдийг эзлэн, үйлийн үрд унаж, мунхаг байдлаасаа болоод азгүй муу зүйлс, эмгэнэлт явдалд өөрсдийгөө оруулсан байдаг. Далдыг хардаг нутгийн хүмүүсийн хардгийг бид харж чаддаггүй. Уугуул үндэстэн болгонд байгалийн тухай мэдлэгтэй биет ертөнцийн цаадхыг хардаг, энгийн хүмүүсийн харж чадахгүй зүйлсийг харж чаддаг нэг хүн байдаг. Гэтэл мунхаг хүмүүс хүчтэй зэр зэвсэг ашиглаж, уугуул иргэдийг газар нутгаас нь хөөн зайлуулж, мөргөл үйлддэг газар, ариун дагшин уул хад, тариан талбай, дов толгод, ой модноос нь холдуулан, тэднийг мухар сүсэгтэй, эсвэл тэнэг мангар, шинжлэх ухааны талаар юу ч мэддэггүй гэж бодсоор ирсэн.Харин маш олон зүйлийг шинжлэх ухааны үүднээс тайлбарлах боломжгүй байдаг. Өнөө үед гэхэд өндөр зэрэглэлийн технологиор шинжлэх ухааны үүднээс тайлбарлах боломжгүй олон төрлийн үзэгдэл агаарт, далай тэнгист, ойд болж байгаа нь бичигдсэн байдаг. Камераар бичих боломжгүй, энгийн нүдээр харж, гараараа хүрч болохгүй, эсвэл хөлөөрөө гишгэж нэвтэрч болохгүй зүйлсийн талаар ярих ч хэрэггүй. Тиймээс та бүхэнд заавал дахин сануулах хэрэгтэй байна. Урьд нь энэ талаар олон удаа ярьж байсан ч гэсэн дахин сануулъя. Энэ дэлхий дээр алхаж гишгэх болгондоо хүндлэл, талархлыг байнга агуулж яваарай. Тэгвэл амьдралд тань асуудал, эмгэнэлт явдал бага тохиолдоно.Мөн чадвал шөнө орой битгий гарч бай. Учир нь шөнийн арван хоёрт хэрвээ энэ дэлхий дээр сүнс, чөтгөрүүд үлдсэн бол шөнө дундад Үйлийн үрийн Хаан чөтгөрүүдийг сул тавьж, хийх ёстой ажлаа хийх эрх чөлөөг олгодог юм шүү. Заримдаа энэ нь бидэнд сайн, заримдаа муу байдаг. Заримдаа үхлийн аюултай. Хүмүүсийг айлгаж, мэдрэлийг нь алдуулах юм уу мэдрэлийг нь муутгаж, чөтгөрийн нөлөөнөөс гарсан хойноо огт санахгүй зүйлсийг үйлдүүлдэг. Яг л нойрондоо өөрсдөө мэдэхгүй босоод явдаг хүмүүс шиг, юм хийсэн бол түүнийгээ орондоо буцаж орохдоо огт санадаггүй шиг.Ер нь энэ биет ертөнцөд амьдрахдаа бясалгагч хүний хувьд ч тэр байнга болгоомжтой байж, өөрийнхөө чадах ядахаар хичээн, Их Багш нарын сургаалаас сурсан нинжин сэтгэлээ улам сайн хөгжүүлж, улам сайн санан, Бурханы ивээл дор улам их бясалгах хэрэгтэй. Бүхнээ харуул, хайраа харуул. Хайраа өг, хайраар үйлд, өөрийг тань хүрээлсэн хүмүүст хайраараа ханд. Учир нь хэнд тусалж байгаагаа та нар мэдэхгүй. Зүсээ хувиргасан Гэгээнтэн байж мэднэ, асар өндөр гэгээрэлтэй Гэгээнтэн, бясалгагч бусад шиг энгийн даруу яг Кабир шиг амьдарч байж болно.Кабирыг мэдэх үү? Тэр нэхмэлчнийхээ ажлыг үргэлжлүүлэн хийсээр байсан. Мөн Бурхан Багш, Хаант улсын ханхүү мөртөө биеэрээ орхимж ороогоод бадар барьж явдаг байсан шүү дээ. Мөн маш олон Их Багш нар хөл нүцгэн алхаж, даруухнаар хүмүүст чимээгүйхэн тусалж явдаг байсан. Тэднийг мэдээд амийг нь хөнөөж, амьдаар нь шатааж, цовдолж алтал тэд чимээгүй ажлаа хийгээд л явдаг байсан. Үүнийг та нар мэднэ шүү дээ. Их Багш нарын зовлон шаналлын тухай унших тусам Тэдэнд талархах сэтгэл улам төрж, зүрх сэтгэл тань гүнээ уяран, Тэдний сайхан сэтгэл, хайр, золиослолын ачийг хариулан, талархлаа илэрхийлэхийн тулд улам сайн бясалгана гэж тангараг өргөмөөр болдог.Ихэнх Их Багш нар эрт дээр үед энгийн ажил эрхэлдэг энгийн амьдралаар амьдардаг байсан учраас Тэдний хэн бэ гэдгийг Аураг нь уншиж, далдыг хардаг ер бусын нүдтэй л биш бол харж таах боломжгүй байсан. Аураг нь харж чадвал Тэднийг энгийн хүн биш өндөр түвшний Төрөлтөн гэж мэднэ. Гэвч харж чаддаг байх албагүй. Зүгээр л уулзсан болгонтойгоо хүндлэлтэй харьцаж, хайраар хандан, тэдний дотоодын Бурханыг харж, өөрсдийнхөө Ертөнцөд эзлэх өндөр байр суурийг, Бурханы хүүхдүүд гэдгээ тэд мэддэг байсан ч, үгүй байсан ч сайхан ханд, сайн ханд. Тэгвэл амьдрал тань сайжирна. Үүнийг л та нарт хэлэх гэсэн юм. Заавал Гэгээнтнүүдийг хайж олоод Түүнд сайхан хандаж, Түүнээс адис горилохдоо биш юм. Үгүй, үгүй тэр бол бизнес шиг зүйл. Доогуур зиндааны асуудал. Бусдад хариу нэхээгүй байдлаар ханд, тэдний оронд байсан бол өөрт тань яаж хандаасай гэж боддог байдлаар ханд. Өөрийгөө дандаа оронд нь тавьж үз, тэгвэл тэдэнд хэрхэн хандахаа мэднэ.Машид хичээнгүйлэн бясалгалаа дадуулж, надад итгэн, өдөр бүр Бурханыг санаж, Бурханд талархан, бүх Их Багш нарт талархаж, чадах чинээгээрээ сайн үйл хийн, эсвэл тааралдсан тусламж хэрэгтэй хэн бүхэнд нөхцөл болзолгүй тусалдаг та бүгддээ баярлалаа. Тэд өөрт тань талархана, хариу барих ёстой гэж, эсвэл Диваажин шагнана гэж хэзээ ч бүү бод. Гэхдээ бодохгүй байлаа ч шагнал нь ирэх л болно. Уулзсан, уулзаагүй хэн бүгдэд зүгээр л хүндлэлтэй ханд. Бурханы энерги хаа сайгүй байдгийг, танд туслах, таныг өргөх, тайтгаруулах Гэгээнтнүүд, Мэргэдийн асар их энерги байдаг гэдгийг санаарай. Тэгээд хүн бүрийг Их Багш тань юм шиг санаж, Гэгээнтэн гэж санаж хандаарай. Эсвэл хамаагүй ээ, нэгэн хүмүүн хэмээн санахад болно.Эмнэлэгт эргэн тойрныхоо өвчтөнүүдэд анхаарал халамж тавихдаа би тэднийг Гэгээнтнүүд үү, Мэргэд үү гэж шалгаагүй. Тэдэнд тусламж хэрэгтэй, надад тухайн үед боломж байсан болохоор, бүх сувилагч, эмч нар үнэнхүү завгүй байсан болохоор л тусалсан хэрэг. Зарим эмнэлэгт очихоор тэд ямар завгүй байдаг гэж санана. Арга ядсан, өвдсөн хүмүүс хаа сайгүй. Зарим нь яах ч аргагүй өвдсөн байгааг хараад зовлон шаналлыг нь мэдэрч нулимс дуслуулдаг. Тэгэхээр багахан тус тань, тайтгаруулах хэдэн үг, хайрын харц, хүлцэнгүй үйлчлэл тань тэднийг жаахан ч гэсэн тайтгарахад тусалж мэдэх юм. Зарим хүнд хамаатан садан, найз нөхөд, гэр бүл ч байдаггүй. Тэд цор ганцаараа. Тэгээд өвдчихсөн, ганцаардсан, арга мухардан айсан байдаг.Өөрийгөө оронд нь төсөөл дөө. Өөртөө яаж хандаасай гэж, яаж хайрлуулах юм сан гэж, хэрхэн тайтгарч, сайхан сэтгэл хүртэх сэн гэж хүсэх байсан бэ? Тэгвэл яг түүн шигээ өөрийгөө байна гэж бодоод ханд. Хэтрүүлж хэтэрхий их шуугиан тарих хэрэггүй. Бүх сувилагч таныг хараад магтаасай гэж хийх хэрэггүй. Жишээ нь миний тохиолдол шиг тэд хараад таныг магтаж болох л юм. Гэхдээ дотроо бардам сэтгэл үүсгэх, үг болон үйлдлээр хүртсэн шагналдаа сэтгэл ханах ёсгүй. Та өөрөө хүссэн учраас л, тэр хүнд тусламж хэрэгтэй байсан учраас л туслах хэрэгтэй. Тэгээд л боллоо. Санаж яваарай.Царай төрх нь танигдаагүй, алдаршаагүй, бүр юм ярьдаг ч үгүй дэндүү эгэл даруу хэн нэгэн Гэгээнтэнд, Их Багшид тусалсан ч байх юм билүү хэн мэдэх вэ. Харин Тэд өөрийг тань анир чимээгүй адислах болно. Тэгээд амьдралаа яагаад гэнэт дээрдээд байгааг мэдэхгүй. Жишээлбэл: харилцаа тань илүү жаргалтай болж, та ажилдаа сайн болж, илүү сайхан ажилд орон, албан тушаал ахих гэх зэргийн шалтгааныг мэдэхгүй. Гэхдээ та энэ бүгдийг хүсэж туслаагүй шүү дээ.Бусдад туслахдаа дандаа хайраар үйлдэж байх ёстой. Ийм л учиртай юм. Өөртөө ч бай, гэр бүл, хамаатан садан, найз нөхөд, танихгүй хүмүүст, хэнд ч туслахдаа хайраар л үйлд, бүхнийг хайраар үйлд. Гэр бүлийнхэнд тань хэрэггүй байлаа ч чадвал хайраараа ханд – тэднийг илүү жаргалтай болгоно. Учир нь гэрийнхэн тань жаргалтай байвал та ч бас жаргалтай байна. Үнэхээр ийм байдаг. Тусгал шиг. Яг л толины тусгал шиг. Толь руу харахаар сайхан ч бай, үгүй ч бай төрхийг тань яг л тэр чигт нь харуулдаг даа. За. Маш энгийн.Би та нарт Бурханыг санаж, Бурханыг алдаршуулан, Бурханд талархаж, бүхий л Гэгээнтэн, Мэргэд, Их Багш нарт өдөр бүр, боломжтой бүх цагтаа талархаж байдагт тань баярлалаа. Мөн чадах чинээгээрээ бясалгаарай. Өөрийгөө Ариун Нэрс болон байгаа бол Бэлгээр хамгаалж байхаа санаарай. За. Та нарын бүхий л эрхэм ариун хүсэл биелэх болтугай. Бурхан та нарыг хэзээ ч мартахгүй байх болтугай. Амен. Дараа дахиад ярина аа. Хайртай шүү, хайртай.Photo Caption: Зарим нь Хүчгүй Мэт Харагдаж Байв ч, Ихийг Өгдөг
