Дэлгэрэнгүй
Татаж авах Docx
Дэлгэрэнгүй уншаарай
Сайн уу? Баярын мэнд хүргэе. Бид өнөөдөр урьдын адил хэдэн хоол хийх гэж байна. Нэг нэгээр нь. Тиймээс эхлээд, бид амттанаа хийе. Надад өнгөлөг табиока шагшуур байгаа. Ойролцоогоор 200 грамм табиока шагшуур. Та нар энийг Ази дэлгүүр эсвэл хүнсний дэлгүүрээс ч худалдан авч болно. Тиймээс, ийм төрлийн табиокаг худалдан аваарай. Та нарт үзүүлье. Янз бүрийн өнгөтэй байдаг; ногоон, улаан, ягаан, цагаан, шар. Үнэхээр хөөрхөн. Хүүхдүүд дуртай байх болно. Тэд бүр багцалчихсан байна.Бидэнд 400 грамм хуурай арвай байна. Арвай бол маш тэжээллэг, уураг ихтэй. Би эднийг хэсэг хугацаанд усанд дэвтээгээд угаагаад авсан, одоо ус маань буцалж байна, эднийг дотор нь хийнэ. Энэ чихэрлэг. Төвөдийн ард түмэн арвайд маш их дуртай. Энэ бол тэдний гол хоол. Тэд ердийнөөр идэх, хоол хийх, эсвэл талх, арвайн талх барихдаа ашигладаг. Маш сайн. Тун сайхан. Табиока шагшуур болон арвай дээр хоёр дахин их ус хийнэ. Тэгээд таглана. Би усыг хэмжээгүй. За. Бид мэдрэмжээрээ хоол хийж сурах ёстой. Энэ тохиолдолд та нар арвай болон табиокаг далд орохоор ус хийнэ. Усны түвшин дунд хурууны талаар байна гэе. Ингээд буцалгана. Ёроолдоо наалдах вий гэж үе үе хутгаарай. Хоёуланг нь зөөлөн болтол буцалгана. Нэг их хугацаа орохгүй. Магадгүй буцалж буй халуун хэмдээ 15 минут болох байх. Өндөр хэмийн гуравны нэг дээр тавина гэсэн үг. Хэрвээ танайх хамгийн өндөр нь 12 бол гурав юм уу дөрөв дээр тавина.За, энэ амттан маань буцалж болж байх хооронд бид өөр зүйл бэлдэнэ. Би наалдамтгай будааны бялуу хийх гэж байна, гэхдээ наалдамтгай будаагаар биш наалдамтгай будааны гурилаар хийнэ. Тэд хэдийн гурил болгоод ийм савлагаатай болгосон байна. Наалдамтгай будааны гурилаас ойролцоогоор тав юм уу зургаан зуун граммыг хэрэглэх байх. Нэг хайрцагт энэ нь 400 орчим грамм юм. Надад бас бага зэрэг хар гүнждийн үр хэрэгтэй. Учир нь чимэглэлд энэ гоё болдог. Тиймээс үүнийг бид хуурах хэрэгтэй.. Хар гүнждийн үрээ хуурна.Хар гүнждийн үр хэрхэн хуурахыг мэдэх үү? Энэ маш амархан. Ийм саванд 200 грамм гүнждийн үрийг хийнэ. Эхлээд их гал дээр тавина, хамгийн их. Тэгээд байнга хутгана. Дараа нь гүнждийн үр чимээ гаргаж эхэлнэ. Тас няс хийх, шажигнах нэг иймэрхүү чимээ. Тэгээд ирэхээр галаа дунд зэрэг болгон багасган таван минутын турш үргэлжлүүлэн хутгана. Амсаад үзээрэй. Шаржигнуур, анхилуун үнэртэй байвал болсон байна гэсэн үг. Маш амархан. Гүнжидийн үр маш тэжээллэг. Тэднийг хөргөсний дараа ийм саванд хийж болно. Мөн саванд хийгээд дараа идэхээр хадгалж болно эсвэл өдөр бүр бор будаа, цагаан будаа улаан будаатай холиод идэж болно. Бас нунтаглаж болно. Гүнжидийн үрээ нунтаглаад ямар ч төрлийн хоол хүнс, тэр байтугай ногоотой хамт идээрэй. Тэгэхээр би энийг энд хадгална, учир нь надад бор будаатай хамт идэхээр багахан цагаан гүнждийн үр байгаа.Энэ хооронд табиока болон арвайгаа хутгаарай. Ойролцоогоор 10-аас 15 минутын дараа тэдгээрийг зөөлөн болох үед 200 грамм эсвэл жаахан илүү элсэн чихэр нэмж хийн амтална. Үүний зэрэгцээ бид бага зэрэг давс нэмж болно. Нэг цайны халбага юм уу даа. Хэрэв бид давс хийвэл, нэг их элсэн чихэр хийх шаардлагагүй бөгөөд амт бол дажгүй хэвээр байна. Давстай бол амт нь илүү сайхан байна. Хэрэв ганцхан элсэн чихэр хийвэл маш их элсэн чихэр хийх хэрэгтэй болох ба амт нь тиймэрхүү л байна. Харин элсэн чихрээ бага зэрэг давстай хамт хийвэл амт нь чихэрлэг, сайхан илүү аятайхан болно.Наалдамтгай будааны гурилын бялуунд бид бэлэн гурил хэрэглэдэг ба бидэнд байгааг веган жижиглэсэн шар буурцгийн эслэг гэж нэрлэдэг. Үүнд биежүүлсэн шар буурцгийн эслэг, вандуйны нунтаг шар буурцгийн тос, элсэн чихэр, гүнждийн үр, давс, веган амтлагч бүгд орсон. Энэ бүхэн бэлэн байдаг. Та бүхэн тэдгээрийг Ази дэлгүүрээс худалдан авч болно. Энэ Тайвань (Формоса)-д хийсэн. Веган. Мөн бидэнд ус хэрэгтэй. Одоо холигч саванд гурилаа хийнэ. Бас бидэнд буцалсан ус хэрэгтэй. […]
