Одоогоор тэрхүү тээг нь веган хүмүүсийн эзлэх хувь хангалттай хэмжээнд хүрэхгүй байгаа явдал юм. Одоогоор дөнгөж 30% нь л веган байгаа байх. Цагаан хоолтон байх нь нэг их нэмэр болохгүй. Учир нь тэд сүү, өндгөөр амьтан-хүмүүстэй холбоотой хэвээр байдаг төдийгүй тэр бүү хэл загас-хүмүүсийг иддэг атлаа цагаан хоолтон гэдэг. Иймд тэд энэхүү авралын төслийг босгоход хэрэгтэй хэдэн тоосгыг хийчих хэмжээний цэвэр ариун биш. Иймээс бүхий л саад бэрхшээлийг, үйлийн үрийг арилгасны дараа энэ гарагийг аврах хүмүүс бол веганчууд юм.
Үүнийг унтраагаад би өөр юу байгааг санаадахъя. За, би тэмдэглэлээсээ хэдийг харлаа. Нэмж хэдэн зүйл эргэн саналаа. Би сая тэр хашааг элстэй гэж хэлсэн. Гэхдээ нүүдэг элс. Манай далайн эрэгт байдаг шиг тэгш, тогтвортой элс биш. Нүүж байдаг. Яагаад нүүдгийг мэдэхгүй. Үүнийг судлах цаг надад алга. Тэгээд ч үйлийн үрийг агуулна гэдэгт нь би бүүр баяртай байгаа болохоос тэр нь тийм ч чухал биш.
Ээ Бурхан минь, нэмж хэдийг харахын тулд гэрлээ асаах хэрэгтэй байна. Учир нь би харанхуйд ярьж байгаа юм. Би гэрэлгүйд, эргэн тойрныхоо зүйлсийг харахгүй бол илүү сайн төвлөрдөг юм л даа. Сүүлийн үед тийм байгаа. Урьдынх шиг хурц гэрэлтэйд, эсвэл өмнөө зураглаач, камертай ярихгүй байгаа. Маш сайн төвлөрч, олон нийтэд хандсан бусад ярианаас илүү цэцэн цэлмэг ярих учиртай. Тиймээс жаахан юм тэмдэглэж авахаар бол гэрэл асаагаад, дараа нь хурдхан унтраадаг.
Энэ хялбар зүйл биш. Бүх үйлийн үр бүгд арилахаар үйлийн үрийн ертөнц сөнөх болно. Үйлийн Үрийн эрхэмсэг Хаантны үгийг нарийвчилбал: “Үйлийн үрийн ертөнц устгагдав.” Энэ бүх хугацаанд хүмүүсийн тарьсан шиг үйлийн үр үүсэж, дахин ийм ертөнц үүсэхгүй гэсэн үг. Өөрөөр хэлбэл хүн төрөлхтний асар их үйлийн үрийн энергийн улмаас үүссэн үйлийн үрийн ертөнц оршихгүй болно гэсэн үг. Иймд мэдээж Үйлийн үрийн Хаан хийх ажилгүй болоод гомдоллоход хүрнэ. Жишээлбэл: “Үүнийг ингэж зөвшөөрч болохгүй! Та үйлийн үрийг яаж арилгах юм бэ?” гэнэ. Нууцаар арилгана. Бүгдийг нь үгүй хийсний дараа л тэр мэдэх болно. Мөн мэдээж хэрэг Их Багш ямар ч буруу зүйл хийгээгүй, зүгээр л Бурханы хүүхдүүдэд туслахыг хичээдэг тул дэлхийн бүх үйлийн үрийг Их Багшид үүрүүлэх нь шударга бус гэдгийг түүнд Их Багш хэлэх ёстой. Бурхан ч үр хүүхдээ сайн сайхан байж, тусламж авч, эрх чөлөөтэй байгаасай гэж хүсдэг. Иймээс үйлийн үрийн хуулиар бол энэ нь шударга бус, Их Багш ганцаараа шийтгүүлэх нь шударга бус бөгөөд тэглээ ч дэлхийн бүх үйлийн үрийг цэвэрлэж чадахгүй.
Тэгэхээр энэ тухайд бол би Үйлийн үрийн Хаанд Бурханаас өөр ажил гуйж ав гэж хэлсэн. Эсвэл би түүнд ажил олж өгнө. Үгүй бол тэр өдөр шөнөгүй хүмүүсийн тэр бүх нүгэлтэй, зовлонтой, бас амьтан-хүмүүсийн тамлагдаж байгаа зэргийг харж, бичиж тэмдэглэж сууснаас намайг дагаж, Шинэ Ертөнц рүү очоод надтай хамт амарч, эрх ямба, таашаал, аз жаргал, баяр хөөрийг эдэлж болно. Тийм зүйл хийх онцгүй биз дээ? Иймд тэр үүнийг зөвшөөрсөн. Тэр бол нэг хэрэг. Тэгэхээр тэр хүмүүсийн болон бусад зүйлийн тийм их муу муухай, маш заваан, тун харгис, маш... зүйлстэй зууралдахын оронд Их Багш нарын сургаалыг дагаж, Шинэ Ертөнцөд очин, амар амгалан, сайхан цаг хугацааг өнгөрүүлнэ. Та нар үүнийг мэдэж байгаа. Одоо надад хэлэх үг алга. Маш аймшигтай, аймшигтай.
Мэдээж энэ гараг дээр түр зуур үйлийн үргүй болж үлдсэн хүмүүс бүх зүйл зогсонги байдалд байгаа тул шийтгүүлэхгүй, байгаа бүх зүйл үргэлжлэн оршсоор байх болно. Гэхдээ угаасаа ямар ч сүнсгүй, хүмүүсийн болон магадгүй зарим амьтдын муу үйлийн үрийн энергиэс үүсэж, тэжээгдэж амьдардаг чөтгөрүүдээс бусад нь.. Зөвхөн хүмүүсийн муу үйлийн үрээс л үүссэн юм байна шүү дээ. Амьтан-хүмүүс зөвхөн үүргээ л гүйцэтгэж байгаа. Амьтан-хүмүүсийн тухайд тэд хэдий таагүй харагдаж байвч энэ дэлхийг далай тэнгис дэх, уул нуруу дахь, газар дээрх гэмтэй, сөрөг зомби нараас цэвэрлэх үүрэгт ажлаа л хийж байгаа нь тэр. Иймд зөвхөн хүн төрөлтнүүд л юмсыг ухамсартайгаар, зорилготойгоор үйлдэж, тийм муухай, аймшигтай энергийг ялгаруулж, элдэв чөтгөрийг бий болгодог.
Тэгэхээр тэд бас арилах ёстой болж, ямар ч амьдралгүй, ямар ч төрөлтөн байдаггүй бусад гараг руу очно. Өмнө ярьсан хашаатай төстэй газар. Тэндээ тэд нэг төрлийн тамын ертөнц рүү явах хүртлээ, эсвэл цагийн эрхээр автоматаар устаж үгүй болох хүртлээ байх ёстой болно – тэднийг тэжээх, оршихуйг нь тэтгэх муу энерги үгүй болох хүртэл.
Ээ дээ, энэ яриа тун хүнд байна. Үг ээдрээд л байх юм. Надад ярихад хэцүү байна. Үг гарахгүй хэцүү байна. Тэгэхээр одоо та нар юу болохыг мэдэж авлаа. Асар их зүйл хийх ёстой. Тийм амархан ч юм биш. Гэхдээ Бурханы авралаар л хийх боломжтой. Бурханы Ивээлээр үүнийг хийх боломжтой.
Одоо та нар надаас тээг нь юу вэ гэж асуух байх. Одоогоор тэрхүү тээг нь веган хүмүүсийн эзлэх хувь хангалттай хэмжээнд хүрэхгүй байгаа явдал юм. Одоогоор дөнгөж 30% нь л веган байгаа байх. Цагаан хоолтон байх нь нэг их нэмэр болохгүй. Учир нь тэд сүү, өндгөөр амьтан-хүмүүстэй холбоотой хэвээр байдаг төдийгүй тэр бүү хэл загас-хүмүүсийг иддэг атлаа цагаан хоолтон гэдэг. Иймд тэд энэхүү авралын төслийг босгоход хэрэгтэй хэдэн тоосгыг хийчих хэмжээний цэвэр ариун биш. Иймээс бүхий л саад бэрхшээлийг, үйлийн үрийг арилгасны дараа энэ гарагийг аврах хүмүүс бол веганчууд юм. Жишээлбэл ийм юм. Үйлийн үрийн эрхэмсэг Хаантантай хийсэн гэрээ бий.
Аан, энэ дашрамд хэлэхэд Үйлийн үрийн Хаан дэлхий дээр бусад хүмүүсийн нэгэн адил хүний төрөл авсан байгаа.
Ойлгов уу? Тийм ээ. Өөр юу билээ? За. За, болж. Дэлхий дээр төрөл авсан ямар ч хүн ихэвчлэн сүнстэй байдаг, тэдэнд хийх ажил гэж байдаг. Бие махбодоор үйлдэх ажил биш. Биеийн ажлаас өөр үүрэг гүйцэтгэх ёстой байдаг гэсэн үг. Жишээлбэл Будда, Есүс Христ хоёр хүн болж төрсөн ч гэсэн Тэд хүн биш. Тэгсэн ч Тэд хүмүүн байх хугацаандаа тодорхой хугацаанд, эсвэл Насаараа үүргээ гүйцэтгэдэг. Тухайн байдлаасаа хамаардаг.
Жишээ нь Кабир байна. Гэгээнтэн Кабир насаараа нэхмэлчин байсан төдийгүй эхнэртэй байсан. Гэхдээ эхнэр нь ч гэгээнтэн, гойд дуулгавартай шавь байсан. Түүнийг хэр дуулгавартай байсан талаар би та нарт олон түүх ярьсан болохоор одоо цаг үрээд яах вэ. Мөн Будда ханхүү байсан. Тэрээр эхнэртэй, 500 татвар эмтэй, бүр хүүтэй байсан шүү дээ. Тэгсэн ч тэр нь Түүний цор ганц ажил байгаагүй. Сүүлд Тэрээр ирээдүйн хаан ширээнээсээ татгалзаад бадарчин хувраг болсон. Та нар энэ түүхийг мэдэх тул энд би давтахгүй. Жишээ татахад Будда хүмүүн болж төрсөн ч Тэр бол Будда. Есүс Христ төрөөд хүн шиг харагдаж байсан ч Тэрээр Бурханы Хүү, Бурханы цорын ганц Хүү.
Иймд Үйлийн үрийн Хаан бас энэ гараг дээр хүн төрөлхтөнтэй холбогдон, тэдний юу хийж байгааг үйлийн үрийн ертөнцөөс үл үзэгдэх хэрэгслээр харснаас илүү нарийн сайн харж, мэдэх гэж төрсөн юм. Ингэх нь илүү нарийн; илүү яв цав; илүү үр дүнтэй. Хэрэв ямар ч гэгээнтэн, мэргэд, хариуцлагатай дагинас үүргээ сайн гүйцэтгэхийг хүсэх аваас энэ гараг дээр бас хүн болж төрөх хэрэгтэй болдог. Тэгээд л маш олон сударт, зөв сайн шашнууд үргэлж амьд сэрүүн Их Багшийг эрж олох ёстой гэдэг юм шүү дээ. Учир нь цахилгаан хэрэгслээ цахилгаанаар ажиллуулахын тулд залгах кабель утас, залгуур байхгүй бол агаарт байгаа цахилгаан танд ч, гэрт тань байгаа цахилгаан хэрэгслүүдэд ч нэмэр байхгүй.
Биет ертөнц ч яг л ийм байдаг. Диваажингийн Ертөнцөд ийм биш, өөр байдаг. Биет хэрэгслүүд тэнд хэрэг болохгүй. Гэхдээ тэнд хүмүүсийн адил бие махбодтой биш ч гэсэн Их Багш нар хэрэгтэй хэвээр байдаг.Та нар дээд Диваажинд хүрчихсэн биш л бол илүү өндөр ертөнцүүдэд дэвшүүлэх, ном заах зэргээр илүү их адислах Их Багш нар та бүхэнд хэрэгтэй. Тийм ээ. Зөвхөн Тав юм уу Дөрөвдүгээр Ертөнцөд хүрсэн нь Их Багш болж чаддаг юм биш. Бас Оройн Дээд Бурхан Цаглашгүй Дээд Их Багшаар дамжуулан тийн шийдсэн, зөвшөөрсөн байх ёстой.
Биет ертөнцөд бас Цаглашгүй Дээд Их Багш хүний төрөл авдаг бөгөөд Өөрийн шавь нараа сонгож, адислан, мөн тэдэндээ зааж сурган, илүү өндөр хэмжигдэхүүнд дэвшүүлэн хүргэдэг. Өндөр дээд ертөнцөд Цаглашгүй Дээд Их Багш бусад төрөлтнүүдэд сургаал айлдахаар өөр өөр түвшинд мөн оршдог. Мөн өөр бусад Гэгээнтэн, Мэргэд болон өөр өөр ертөнцийн бүх Хаад тусалж байдаг. Хэрэв та хэдийнээ өндөр хэмжигдэхүүнд байгаа бол өөр өөр гарагийн Будда нар бас тусалдаг. Яг л энэ дэлхий дээр та нарт цэцэрлэгийн, бага сургуулийн, дунд сургуулийн, коллежийн, их сургуулийн гэх мэт өөр өөр багш байдаг шиг юм. За,
би хаана явж байлаа? Бас юуны талаар гэдгийг нь мартчихлаа. Би энэ бичлэгийг унтрааж, тэмдэглэлээ эргэж харах, унших шаардлагатай боллоо. За, би буцаад ирлээ. Энэ үйлийн үр асар их, маш их гэдгийг саналаа. Тэгэхээр “За, би үйлийн үрийг арилгах гэж байна.” гэж хэлээд арилгачих зүйл биш. Тийм байдаггүй. Хугацаа орно, өө, магадгүй хэдэн жил, аажуухан, нууцаар болж мэднэ. Харин гол нь үүнийг Дэлхийн цаг хугацаагаар тооцох боломжгүй. Үүнийг Диваажингийн цаг хугацаагаар хийнэ. Илүү хурдан. Тухайлбал нэг жил нэг секунд болж, эсвэл 10 жил нэг секунд болж болох жишээтэй. Илүү ч байж болно. Би зүгээр л та нарыг ялгааг нь ойлгог гээд хэдэн тоо хэлж байгаа юм.
Үүнийг Диваажингийн аргаар, дэлхий дээр заларсан Цаглашгүй Дээд Их Багшийн Сүнсээр болон Хүчээр, Дээд Диваажин дахь Цаглашгүй Дээд Их Багшийн тусламжтайгаар хийдэг. Цаглашгүй Дээд Их Багшийн Өөрийнх нь үгээр ярих юм бол энэ нь “Чанад дахь” буюу “чанад дахь ертөнцийн” гэсэн үг. Тэр надад тэгж хэлсэн. Мөн энэ бүхнээс илүүтэй, мэдээж Оройн Дээд Цаглашгүй Бурханы Ивээл, Өршөөлөөр. Тэгж болохоор бол маш их зүйлийг зохицуулж, тохируулж, зөвшилцөнө.
