Иймд одоо би та нарт бас нэг зүйл хэлмээр байна. Юмыг яаж мэдэх вэ тамд унах ёстой болбол хэзээ гарч чадахыг чинь би мэдэхгүй. Энэ удаад бүх шүүлтийг зохицуулахад илүү их хугацаа шаардагдана. Иймээс тамд унахаар болбол тамд юм уу өөр хаа нэгтээ үхэхгүй гэдгээ сайтар санах ёстой шүү. Сүнс чинь үүрдийнх. Бас Бурхан мэдээж хэрэг та нарт үүрд хайртай. Дэлхий дээр, эсвэл тамд цэвэрлэгээний үеийг туулах ёстой болсон ч сүнс чинь хэзээ ч үхэхгүй гэдгийг санаарай. Үүнийг л санаарай. Мөн хамаг чадлаараа залбираарай.
Би энэ дэлхийд энх тайвныг тогтооход тань туслах илүү сайн арга замыг олох сон гэж хүслэн болсоор байна, харин та нар веган, нигүүлсэнгүй болох ёстой. Та нар өөртөө, гэр бүлдээ, найзууддаа, хөршүүддээ, хайртай бүхэндээ, танилууддаа хүсдэг шигээ бусдад тийм л нигүүлсэнгүй, өршөөнгүй ханддаг байх ёстой. Хоёр зам байгааг харж байна уу. Миний болон та нарын зам - энэ нь нэг урсгалтай зам биш гэсэн үг. Бид хамтдаа зүтгэх хэрэгтэй.
Зүрх сэтгэлээрээ, ер нь ямар ч байдлаар байсан надтай хамтрах юм бол би танд туслах боломжтой болно. Үгүй бол би арга мухардан харамсан гуньж, харахаас цаашгүй л байх болно. Тэгээд та нарын сонгосон зам, сонголт чинь өөрсдөд чинь үнэхээр хөнөөлтэй байгааг мэдэж байх болохоор сэтгэл шимшрэн та нарын төлөө залбирах болно. Гэхдээ л би та нарыг сэрж сэхээртэл чинь хүлээх ёстой болно. Эсвэл олон олон өөр төрлийнхөө нэгэнд яаж ийгээд сэрж сэхээрч, гэгээрсэн Их Багштай учирч, тэрхүү ариун Гэгээнтэн танд тусалж магадгүй. Энэ нь уртаас урт хугацааны дараа л байх болно.
Суприм Мастер Телевизээр бидний үзүүлсэн арга замаар юм уу, миний чин сэтгэлийн яриагаар урамшин илүү олон хүн веган болно гэж би үнэхээр найдаж байна. Эсвэл энэ нь танд ямар нэг байдлаар тус болно гэж найдаж байна. Одоогоор миний найдах, залбирах зүйл энэ л байна.
Гэхдээ хэрэв та энэ дэлхийг дайн, гамшиг, тахал, учир битүүлэг өвчин, вирус, бактери гэм мэт янз бүрийн шалтгаанаар хүн төрөлхтний үхлийн талбар болгохыг хүсэж байвал хүслээр чинь л болох болно. Энэ дэлхий дээр дахин дахин болж буй хайр найргүй, харгис гамшиг, өвчин эмгэг, цар тахал зэрэг нь та нар л хүсэж буй учраас болж байгаа юм. Та нар энэ бүхнийг бодлоороо, үйлдлээрээ, өөрсдийн өршөөлгүй амьдралын хэв маягаараа бүтээсэн. Ухамсартайгаар юм уу ухамсаргүйгээр бүхий л төрлийн гай зовлон яг одоо энэ дэлхий дээр харж байгаачлан үүссээр л байх болно.
Media Report from WION – Sept. 18, 2023, Shivan Chanana: Арван улс орон, бүс нутаг асар ширүүн үерт автсан бөгөөд энэ бүхэн 12 өдрийн дотор болсон юм. 9-р сард эхэлсэн тайфун шуурга Хонг Конгийг сүйтгэсэн. Ливид хаа сайгүй гамшигт үер болж хэдэн мянган хүний аминд хүрч, олон мянган хүн сураггүй боллоо. Газар Дундын Тэнгисийн томоохон нутаг дэвсгэрийг Даниел шуурга нөмөрлөө. Энэ нь маш хүчтэй нам даралтын нөлөө байсан бөгөөд улам хүчтэй шуурга болгон хувиргасан юм. Шуурганы улмаас ширүүн аадар орж бүс нутаг даяар үер буув. Эрдэмтэд ийм төрлийн эрс тэс цаг агаарын үзэгдлүүд дэлхий даяар бүхий л улс оронд болж уур амьсгалын хямрал хурдсан улам нийтлэг болж магадгүй гэж анхаарууллаа. Үерийн асар их хохирол нь засгийн газрууд энэ шинэ бодит байдалд яаралтай бэлдэх шаардлагатайг харуулж байна.
Ердөө амьтан-хүний үмх махыг л болиод веган уураг идэх төдий маш энгийн юм шүү дээ. Бүхий л хүнсний ногоо, жимсэнд та нарт хэрэгтэй бүх төрлийн уураг бий. Өдөр бүр ам руугаа чихдэг цустай өмхий маханд байдгаас ч илүү их бий. Гэхдээ та нарыг илүү их гэгээрч, илүү дэвшиж, үүнийг үнэн голоосоо ойлгуулахаар Бурхан адислах болтугай. Миний үгийг сонсох нэг хэрэг. Харин хэрэгжүүлнэ гэдэг өөр хэрэг юм шүү. Миний шавь гэгддэг зарим хүн ч энэ тал дээр тун хайхрамжгүй хандаж байсан. Яагаад гэвэл тэд үр дагаврыг нь тэр дор нь хараагүйгээс тэр. Зөвхөн цар тахлын үеэр л илүү ойлгосон болов уу. Тэд тэгэхэд веган амьдралын хэв маягийг сонгосноор энэрэнгүй, нигүүлсэнгүй байх нь хүн бүрд, хамгийн гол нь өөрсдөд нь болон гэр бүлийн гишүүдэд нь үнэхээр ач тустай гэдгийг илүү гүнзгий ойлгосон байх. Гэхдээ олон хүний хувьд би юу ч хэлээд, илжигний чихэнд алт хийсэн сэгсэрнэ, ус ч хийсэн сэгсэрнэ гэдэг шиг нэмэргүй, тэдэнд ямар ч нөлөө үзүүлэхгүй. Тэгэхээр та бүхэн хүссэнийхээ дагуу зовсоор, шаналсаар, гуньсаар, өвдсөөр байхаас яах вэ.
Би та нарыг хурдан сэхээрээсэй гэж залбирч л чадна. Би зөвхөн Бурхан та нарыг үүрд өршөөж ямар нэг байдлаар дэвшүүлээсэй гэж залбирч л чадна. Гэхдээ энэ бол материаллаг ертөнц учраас материаллаг байдлаар хамтран ажиллах хэрэгтэй. Яагаад гэвэл материаллаг ертөнцөд Диваажингийнхаас өөр хууль байдаг. Диваажингуудад төрөлтнүүд нь шийтгүүлдэггүй. Төрөлтнүүд нь хуулийн эсрэг ямар ч зүйл хийдэггүй. Диваажинд хууль ч гэж үгүй. Ямагт зөв зүйтэй зүйл л хийх болно. Харин энэ материаллаг ертөнцөд олон зүйл уруу татдаг, төрөлтнүүдийг буруу зүйлд татан оруулдаг олон арга зам байдаг.
Олон нөхцөл байдал нүгэл үйлдэхэд хүргэдэг учраас үүнээсээ болж шийтгүүлж дахин дахин орчилдсоор байх болно Мөн Дэлхий рүү хүн болж эргэн ирэх бүрдээ юм уу амьтан-хүний бие махбодод эргэн ирэхээсээ өмнө тухайлбал сайн зүйл хийнэ гэж, ойлгож ухаарч, бүхий л сайн зүйлсийг хийж эрхэм ариун төрөлтөн болох болно хэмээн амлалт өгдөг. Даанч дараа нь уруу татагдан занганд орж, залилуулж мэхлүүлээд буруу зүйл хийх нөхцөл байдалд ордог. Тэгэхэд нь та урьдынхаа, урд төрлийнхөө юуг ч санахгүй. Аливаа хүн төрөлтөнд урд төрлүүдээ санах маш хүнд байдаг учраас дахиад л буруу зүйл хийчихнэ. Харин амьтан-хүн бол илүүтэй эргэн санах болно. Тийм ч учраас ихэнх амьтан-хүн буруу зүйл хийдэггүй. Гэтэл хүмүүс тэднийг алчихдаг. Эсвэл чөтгөрүүд заримдаа амьтанд шүглэн бусдыг, хүмүүсийг хөнөөх юм уу, гэмтээдэг.
Заримдаа маш хайрлам дөлгөөн нохдод хүртэл шүглэн хүмүүсийг гэмтээж, сувдаг чөтгөрүүд юм уу элдэв янзын чөтгөр шүглэснээс болоод өөрийн эзнээ ч хохироох нь бий. Эсвэл тэр хүний зарим дайсан, тэр хүний өөд болсон дайснуудын сүнс, тэнүүл сүнс дэлхий дээр тэнүүчилсээр, урьдын дайсан гэгчээсээ өшөөгөө авахаар зүтгэсээр байгаа нь тэр.
Тэгж л бид маш их асуудалтай болчихдог. Тиймээс л заримдаа ноход хүн рүү дайрсан тухай сонсогддог юм. Гэтэл нохойны буруу биш байдаг. Үгүй шүү үгүй, огт үгүй. Энэ гараг дээр төрөл авсан нохой-хүмүүс урд төрлүүдээ хором мөч бүр маш сайн санаж байдаг тул хүмүүст эелдэг хандаж хамгаалах ёстой гэдгээ мэддэг. Зөвхөн дайсан гэгдэгчдийн тэнүүл сүнс юм уу эсэргүүцэн тэмцэж чадахгүй сул дорой байхад нь тэднийг эзэрхийлсэн хүчтэй сувдаг чөтгөрүүдээс болж тийм зүйлс тохиолддог. Тэдний сүнсийг хэсэг зуур түлхэж гаргаад тэр чөтгөр сэлт эзэрхийлчихдэг. Тиймээс л нохой хүн рүү дайрчихлаа гэх явдал гардаг юм. Гэхдээ нохой тэр хүн рүү дайрсан юм биш. Чөтгөр юм уу тэр дайралтад өртсөн хүний дайсны тэнүүл сүнс тэр нохойд шүглээд нохойн бие махбодоор тэр хүнтэй тулалдаж, түүнийг гэмтээж байгаа юм. Ийм зүйл сонсох бүрдээ би маш их харамсдаг. Учир нь нохой гэмт хэрэгтэн гэдэг нь худлаа гэж би мэддэг учраас тэр. Үгүй шүү, үгүй.
Ээ Бурхан минь, энэ хорвоо... Би эцэс төгсгөлгүй тайлбарлаж болох ч хэн намайг сонсоо билээ? Хэд нь сонсох бол? Үүнд сэтгэл зүрх маш их шаналдаг. Заримдаа би залуу насаа, цаг хугацаагаа олигтой үр дүнгүйгээр гарздаж дээ гэж боддог. Залуудаа би дэлхийг аврах боломжтой гэж боддог байлаа. Гэтэл ахин би хэзээ нэг цагт ингэж бодох үгүйгээ мэдэхгүй юм. Хааяа боддог, одоо бол би бодох ч завгүй байна. Амьдралынхаа үлдсэн хором мөч бүрд аль чадах чинээгээрээ л хичээж байна.
Буддын Лянхуа судрын нэг бүлэгт нь Будда нэгэн маш баян чинээлэг, хайр энэрэл дүүрэн эцэг хүний тухай өгүүлсэн байдаг. Тэр эцэг үр хүүхдүүддээ бүхнийг өгдөг тул тэд ая тухтай, тансаг амьдардаг байж. Тэдэнд хэрэгтэй болон хүссэн бүхэн нь үнэхээр бүрэн байдаг байлаа. Харин нэг өдөр хүүхдүүд нь нэгэн ордны балгас дээр очоод тоглож байв. Аав нь тэр балгасыг шатаж байгааг харсан бөгөөд хүүхдүүддээ санаа зовж маш их айжээ. Яагаад гэвэл хүүхдүүд нь тэр ордонд тэднийг хэзээ мөдгүй хорлож мэдэх олон чөтгөр байна гэдгийг мэдээгүй юм. Тиймээс тэр хүүхдүүдээ гаргах гэж янз бүр аргаар тун их хичээж гэнэ. Гэтэл хүүхдүүд нь тоглоомдоо улайраад тэр том ордонд гүйж харайгаад аавынхаа хэлж байгааг нэг их ойлгохыг хичээхгүй байв.
Энэ түүх яг одоогийн энэ дэлхий дээрх дүр зурагтай төстэй эсвэл дэлхий дээр ийм байсан бүх цаг үетэй төстэй юм. Олон Их Багш ирж буцсаар байдаг нь Тэд энэ гараг хэмээх балгас болсон ордонд зовж буй хүмүүс хийгээд бүхий л төрөлтөнд санаа зовж, машид нигүүлсэж, өршөөнгүй хандсан учраас тэр. Даанч Тэдэнд ч бас цаг хугацаа хязгаартай байсан. Иймд Тэд цаг нь болоход буцах л ёстой болсон. Энэ гараг дээрх хүмүүс болон хамаг амьтанд хэчнээн хайртай байлаа ч цаг нь ирэхэд тэд явах л ёстой болдог. Яагаад гэвэл физик бие махбод Диваажингуудынх шиг үүрдийн байдаггүй. Иймд үүнийг анхаарч үзээрэй. Үүрд мөнх тамд, эсвэл доод оршихуйд унагаах гэж бүх зүйлээр уруу татдаг энэ дэлхийд битгий дэндүү удаан азнаж саатаарай.
За. Энэ гаргийг төрөлтнүүдтэй нь хамт аврах маань амжилт олохгүй байх тохиолдолд та нарт захиж хэлэх бас нэг зүйл байна. Та нарын дунд Бурханыг, Их Багшийн Сургаалыг санахгүй, амьдралынхаа сүүлийн мөчийг хүртэл биеийн таашаал, ханамж, амжилт, уналтад завгүй байгаа олон хүн бий бөгөөд тэд тамд унаж магадгүй буюу эсвэл гарцаагүй унана. Иймд одоо би та нарт бас нэг зүйл хэлмээр байна. Юмыг яаж мэдэх вэ тамд унах ёстой болбол хэзээ гарч чадахыг чинь би мэдэхгүй. Энэ удаад бүх шүүлтийг зохицуулахад илүү их хугацаа шаардагдана. Иймээс тамд унахаар болбол тамд юм уу өөр хаа нэгтээ үхэхгүй гэдгээ сайтар санах ёстой шүү. Сүнс чинь үүрдийнх. Бас Бурхан мэдээж хэрэг та нарт үүрд хайртай. Дэлхий дээр, эсвэл тамд цэвэрлэгээний үеийг туулах ёстой болсон ч сүнс чинь хэзээ ч үхэхгүй гэдгийг санаарай. Үүнийг л санаарай. Мөн хамаг чадлаараа залбираарай. Өөрт чинь оногдох тэр бүх зовлон, эцэс төгсгөлгүй зовлонг тамд тууллаа ч үхэхгүй. Үхэлгүй үлдэнэ. Үүнийг л санаарай. Тэндээс гарах цаг ирнэ.
Тэгээд тэндээс гарах юм бол Бурханыг санаарай, илүүтэй ойлгохын төлөө залбираарай. Хэрэв тамд Бурханыг санах юм бол шууд залбираарай. Бурханаас тусламж эрж, аврал эрж, тамаас гэтэлгэж өгөхийг гуйн залбир. Мөн энэ насандаа ч гэсэн гэтлэхийн төлөө залбираарай. Бурханы Ивээл, Өршөөл, Уучлалын төлөө залбир. Бурханыг санах хүч тэнхээ хайрла хэмээн Бурханд залбир. Мөн өдөр бүр чин сэтгэлээсээ залбираарай. Санаж яв: өдөр бүр залбир. Сэрээд жаахан цаг гарга, ажиллаж байхдаа, алхаж байхдаа, идэж байхдаа, дурлалцаж байхдаа... Цаг ямагт санаарай. Агшин зуурын чөлөө зав гарах л юм бол Бурханд дахин дахин залбир. Тэгвэл тамаас аврагдаж мэдэх юм. Цаг үргэлж залбираад, залбираад л бай. Чадвал тамд залбир. Тэгвэл тусламж авч гэтэлж чадна.
Энэ дэлхийд, тамд ч бас, хойд насанд ч гэсэн сахиусан тэнгэрүүд ямагт байдаг. Тэд та нарыг сонсдог. Залбирвал тэд тусална. Энэрэлт завсрын бүсэд байдаг астрал төрөлтнүүд таныг сонсоод ирж таныг аварна. Хэзээ ямагт л залбир. Залбирч л үзээрэй. Бас өөд бологсдынхоо төлөө, хайртай хүмүүсийнхээ төлөө залбираарай. Яах вэ, танд хайртай хүн байхгүй бол ядаж өөрийнхөө төлөө л залбир. Би одоо ингэж л хэлэх байна. Бурхан бүгдэд чинь өршөөнгүй хандах болтугай. Амен. Би хичээсээр байгаа ч гэсэн итгэлтэй биш боллоо. Энэ гараг дээрх байж болох Гэгээнтэн, Мэргэдийн хэн нэг нь таныг аврах болтугай. Та нарт Тэд хэрэгтэй. Тэдний биет тусламж болон адислал та нарт хэрэгтэй. Бурхан бүгдэд маань өршөөнгүй хандах болтугай. Амен
