Дэлгэрэнгүй
Татаж авах Docx
Дэлгэрэнгүй уншаарай
Өнөөдөр бид шударга ёс, тэгш байдлын төлөө дуугарч байна. Бид жил бүр мөлжлөгт өртөж, амь насаа алдаж буй олон их наяд амьтдыг төлөөлж байна. Тэд бол олон нийтэд эд зүйл, юм мэт үзэгддэг, тэгж нэрлэгддэг хохирогч болсон амьд бодгаль.2023 оны 5-р сарын 13-нд АНУ-ын Сан Диего хотод болсон жагсаалын үеэр идэвхтнүүд шувууны аж ахуйн салбарт тахиа болон эр дэгдээхэйн туулдаг асар их зовлонгийн талаар тодруулж өгсөн.Тахиа жилдээ 10-15 өндөг гаргадаг ч сонгомол үржүүлэг, үйлдвэржүүлэлтийн үр дүнд 1 жилд 360 гаруй өндөглөдөг. Кальцийн алдагдал гэхэд л тэдний биед маш хэцүү байдаг. Хоёр жил хүрэхгүй богино, шаналгаат амьдралынхаа төгсгөлд өвчнөөр үхэх нь өндөгний фермд жирийн болсон. Эсвэл өндөг гаргаж чадахгүй болмогц нь тэднийг нядалгаанд илгээж харгис хэрцгий үхэлтэй нүүр тулдаг.Нуусан бас нэг үнэн бол эр дэгдээхэйд тохиолддог зүйл юм. Тэд өндөглөдөггүй тул үйлдвэрлэлийн хог хаягдал гэж үзэж өндөгнөөс гарангуут шууд устгадаг. Та итгэж байна уу? Хачирхалтай шинэ ертөнцөд төрмөгцөө байгууллага таны биеэс ашиг олж чадахгүй учраас хормын дотор алуулах гэж үү? Эдгээр гэмгүй нялхсыг хийгээр, цахилгаанд цохиулж, амьдаар нь төхөөрөмжид машиндаж хөнөөдөг.Амьтны эрхийн хамгаалагчид нийгмийг хүн төрөлхтөн болон бусад аль ч төрөл зүйлийн дарангуйлал, ялгаварлалыг зөвтгөхийг зорьж буй амьтныг үл хайрлах үзэл санааг ухаарч, эсэргүүцэхийг зоригтойгоор уриалсан. Тэдний эрхэм зорилго нь энэрэл хайр, өрөвдөх сэтгэл, нинжин сэтгэл зэрэг үнэт зүйлийг өргөн хүрээгээр дэмжих, энэ ариун журмаар бүх төрөлтөнд хандах явдал юм.Бид хүүхдүүдээ төрөл зүйлийг үл хамааран амьдрал бүрийг үнэлж сургавал бүх амьдралын төрөлхийн ёс суртахууны үнэ цэнийг суулгаж, хүүхдүүддээ дэлхийн бүх оршин суугчидтай эв нэгдэлтэй, зохицон амьдрахыг сургана. Дарангуйлал, бузар муугийн үндэс суурь нь зарим амьдрал бусдынхаас илүү чухал гэсэн ойлголт юм. Бидний тавган дээр хүчирхийлэл байвал гудамжинд хүчирхийлэл байсаар л байх учраас бид энх тайван, тэгш байдлыг бий болгож, сургах хэрэгтэй.
