Хөтлөгч: 2022 оны 6-р сарын 15-ны лхагва гарагт бидний Хамгаас Хайрт Төгс Гэгээрсэн Их Багш Чин Хай Суприм Мастер Телевизийн ажлын багийнхантай дахин утсаар холбогдлоо. Энэхүү конференцээр Их Багш сүүлийн үеийн үйл явдлуудын талаар болон багийнхны хуваалцсан сайн мэдээний талаар санаа бодол, билиг оюунаа хуваалцаж нэгний нь асуултад мөн хариулсан юм. Дараа нь Их Багш мөн Украин (Урейн) дахь асуудалтай холбоотой хэдэн сайн мэдээ айлдлаа.
(Багш аа, п. Францисын талаар. Тэр дахиад л Украин (Урейн) дахь дайнд Оросыг хамгаалах гэж хичээсээр. Тэр энэ дайныг өдөөн хатгаж гарсан, сэргийлж чадаагүй гэж байна. Мөн тэр сайн ба муугийн дайныг намжаахгүй гэдгээ ч хэлсэн байна. Өөр нэг зүйл гэвэл тэр мөн Путиныг дэмждэг гэдгээ үгүйсгэсэн. Гэхдээ Багш аа, би түүнийг үнэн зөв хэлсэн гэж бодохгүй байна. Түүнтэй санал нийлэхгүй байна. Та юу гэж бодож байна вэ, Багш аа?) Би юу гэж бодож байна гэж үү? (Тийм ээ. Та Өөрийн бодлоо хуваалцаж болох уу?)
Дахиад л энэ нөхөр үү? Цус савируулсан амаа тэр дахиад нээх ёстой болсон юм байх даа? Яах гээ юм бол? (Тийм ээ.) Тэр зүгээр өнгөрч чадахгүй юм аа. Түүнд хэдийнээ алхахад асуудлууд байж байхад амнаасаа болж бас асуудал тарихыг хүссэн юм байх даа? Жаахан шийтгэл бол ердөө л анхааруулга гэж та нарт хэлсэн дээ. Эхлээд хагалгаа, одоо өвдөг нь асуудалтай, тэгээд одоо амны асуудалтай болохыг хүсэж дээ?
Та нарт гэж хэлэхэд энэ дайныг өдөөн хатгаснаар эхэлсэн юм биш гэдгийг хэдийнээ хүн бүр мэднэ. (Тийм ээ, Багш аа.) Хэрэв НАТО Украин (Урейн)-ыг гишүүнээр элсэхийг зөвшөөрсөн байсан бол сэргийлж чадах байлаа. (Яг тийм, Багш аа. Тийм, Багш аа.) ЕХ ч мөн адил. Гол нь энэ бүгд ердөө шалтаг. Сэргийлээгүй байна уу, өдөөн хатгасан байна уу юу ч хэлж ярих хэрэг байхгүй. Өдөөн хатгасан нь украин (урейн)-чууд биш. (Тэр үнэн. Яг тийм, Багш аа.) Мөн сэргийлж чадах нь ч украйн (урейн)-чууд байгаагүй. Тэгж шальдар булдар юм чалчих ямар хэрэг байх вэ дээ. (Тэр үнэн, Багш аа.)
Өдөөн хатгасан байлаа ч гэсэн явж очоод хүүхдүүд, эмэгтэйчүүд, бүр хөгшчүүдийг нь хүчиндчихэж болохгүй. Шууд л ингээд энгийн иргэдийг нь алчхаж болохгүй. (Тийм, Багш аа. Яг үнэн.) Тэд бол улс төрчид биш, ердөө л тариаланчид, гэрийн эзэгтэй нар, эр нөхөр, эхнэр, үр хүүхэд. (Тийм.) Тэд бөмбөгдөлтөөс бултахыг хичээн зооринуудад нуугдацгаасан. Тэднийг нуугдаж байхад хүртэл тэр газрыг нь бөмбөгдсөөр. (Тийм, Багш аа.) Хүүхдүүд, эмэгтэйчүүдийн нуугдах гэж ядаж байгаа газрыг нь яг онож бөмбөгддөг.
Өдөөн хатгасан ч бай, үгүй ч бай дайн бол туйлын адгийн зүйл. (Яг үнэн, Багш аа. Тийм, Багш аа.) Хэнийг ч болов утга учиргүй ингэж алж байна. Мөн тэдний үр тариа, техник хэрэгсэл, тэдний мөнгийг, тэр бүү хэл ус халаагч, дотуур хувцас хунарыг нь хүртэл хулгайлж байна. Эд нар үнэхээр жигшүүртэй, адгийн бузар юм. (Тийм, Багш аа. Яг үнэн.) Дэлхий даяар ч үүнд шалтаг олдохгүй. Ийм дайныг тодорхойлох шалтгийг толь бичгээс ч олохгүй. (Тэр үнэн.)
Тэгэхээр энэ п.-гийн тухай бүр ярих ч хэрэг алга. Тэр чөтгөрийг хамгаалахыг хичээж байгаа учраас түүнийг өөрийг нь чөтгөр гэж хэлж болно. (Тийм, Багш аа. Яг үнэн.) Түүнээс хэн ч ингэхийг гуйгаагүй, түүнийг өмгөөлөөд өг энэ тэр гэж хэн ч түүнийг хөлслөөгүй. (Тийм, Багш аа. Тэр үнэн.) Тэр чөтгөр биш юм гэхэд, түүнийг чөтгөр гэдэгт эргэлзье гэж бодоход тэр яагаад Оросыг өмөөрсөн байх билээ? (Тийм, Багш аа.) Маш олон олигархтай. (Тийм.) Баян улс. (Яг тийм.) Мөнгө ярьдаг гэдэг дээ. (Тийм, Багш аа. Яг тийм.) Олигтой юм огт алга. Хохирогчдыг ч өрөвдөх сэтгэлгүй.
Тэр одоо яах гэж дайныг өмөөрөх гэж оролдоод байна вэ? Яах гэж тэр вэ? (Тийм.) Ингэх нь одоо юунд хэрэгтэй гэж? (Яг тийм, Багш аа. Тэр үнэн. Огт хэрэггүй, Багш аа.) Ямар ч хэрэггүй. (Хэрэггүй.) Украин (Урейн)-чуудын шарханд давс л түрхэж байна. (Яг үнэн.) Тэдэнд нэмж зовлон тарьж байна. (Тийм, Багш аа. Тэр үнэн.) Тэдэнд сайныг ерөөж залбирч, тайтгаруулж чаддаггүй юм бол ядаж дайсныг нь өмгөөлсөн утгагүй зүйл ярьж тэднийг нэмж зовоох ёсгүй шүү дээ. (Тийм, Багш аа.)
Өдөөн хатгасан байлаа ч гэсэн явж очоод хамаг энгийн иргэдийг нь, гэм зэмгүй, биеэ хамгаалах чадваргүй жирийн иргэдийг хороох ёсгүй. (Тийм, Багш аа. Яг үнэн.) Энэ бол адгийн хулчгар, адгийн бузар явдал. (Яг тийм.)
Тэр бас юу гэсэн гэнэ ээ? Юуг дэмжихгүй гэнэ ээ? (Путиныг дэмждэг гэдгийг үгүйсгэсэн.) Тэгээд яах гэж Путины дайныг өмгөөлөөд байгаа юм бол? (Харин тийм. Яг үнэн. Тийм.) Шүүмжлэлийг л намжаах гэж тэр. (Тийм, Багш аа.) Путин түүнд хэдийг өгсөн юм, бүү мэд. Оросын шашны нэгэн тэргүүн шиг юм. Кирилл гэдэг. Тэр Путиныг Бурханаас илгээсэн гайхамшиг гэсэн. Тэр гайхамшиг нь хэр их төлөөстэй юм бол доо. Путин их баян. (Тийм.) 1.4 тэрбум ам. долларын харшийг нь л би харсан. (Хөөх.) […]
П. Францис гэгч энэ нөхөр аль л ёс суртахуунгүй, аль л хүнлэг бус болгоныг дэмждэг гэдгийг та нар санаж байгаа биз. Санаж байгаа бол тэр үр хөндөх эрхийг дэмжих заалтыг хуульд оруулсан хүмүүсийг гэгээнтнүүд шиг үзэж үр хөндөлтийг дэмжиж байсан. (Тийм, Багш аа.) Бас тэр “махан биеийн нүгэл бол тийм ч сүртэй зүйл биш” гэж тунхагласан. Санаж байна уу? (Тийм ээ, Багш аа, тэгсэн.) Энэ нь гэр бүлээс гадуур харилцаа үүсгэсэн, тэр бүү хэл хүүхдийн эсрэг бэлгийн хүчирхийлэлтэй холбоотой хүмүүсийн тухайд байсан. (Тийм, Багш аа.) Тэгэхээр тэр бас хүүхдийн эсрэг бэлгийн хүчирхийллийг дэмжсэн гэсэн үг. (Тийм.) Тэгэхээр үр хөндөлтийг, нүглүүдийг дэмжин, хүмүүсийг нүгэл үйлдэхэд түлхсэн. (Тэгсэн, Багш аа.) Яагаад гэвэл тэр махан биеийн нүгэл бол сүртэй зүйл биш гэсэн. Бас тэр бэлгийн хүчирхийлэлд өртсөн хүүхдүүдийг, хохирогчдыг гомдол гарган гуйгаад байхад нь хүртэл үл тоосноор энэ үйлийг дэмжсэн.
Одоо тэр Путиныг, дайныг дэмжиж байгаа нь чөтгөр гэдгийн бас нэг нотолгоо. (Тийм.) Цаашид гайхаад байх ч юм алга. Бий гэж үү? (Байхгүй, Багш аа. Огт байхгүй.) Тэр Путиныг дэмжээгүй. Яг үнэндээ тэгээгүй. (Яагаад, Багш аа.) Яагаад тэгж хэлж байгааг минь мэдэж байна уу? (Үгүй, яагаад, Багш аа? Мэдэхгүй байна, Багш аа.) Учир нь тэр Сатаныг дэмждэг. (Тийм. Яг үнэн.) Бүр ч дор. (Тийм, Багш аа.)
Олон шавь нар түүнийг чөтгөр гэдгийг нь харсан болохоор та нар мэдэж байгаа. (Тийм, Багш аа.) Тун содон, хачин муухай дүртэй чөтгөр. Тэгэхээр мэдээж түүний хэлсэн ярьсан бүхэнд гайхах зүйл байхгүй, харин дэлхий дахин л гайхах болно. Гэхдээ далдыг мэдэрдэг хүмүүс, зөн билигтэн, үзмэрчид зэрэг хүмүүс бол түүнийг мэдэж байгаа. (Тийм.) Дэлхийн ихэнх хүмүүс түүнийг чухам хэн болохыг мэдэхгүй. (Тийм, Багш аа. Яг тийм, Багш аа.) Ийм л байна. Хэдхэн хүн мэддэг. (Тийм.)
Дэлхийд хэдэн хүн мэдэж байгааг би хараадахъя. Алив би хараадахъя. Зөвхөн 19 хүн мэднэ. (Хөөх.) Харин Байденыг чөтгөр гэдгийг 90 хүн мэднэ. (Хөөх.) Ерэн хүн. Харин Францисыг 19 л мэднэ. Арван есөн хүн мэднэ. (Өө. Хөөх.) Би шалгаж үзээгүй байсан. Энэ тоонд би ороогүй. (За, Багш аа.) […]
Түүний хэлж байгаад л анхаараад зогсохгүй хандлагыг нь харж болно. (Тийм, Багш аа. Зүйтэй.) Тэр үргэлжлүүлсээр л байдаг. (Яг тийм. Тийм, Багш аа.) Байдгаараа зүтгээд байх юм. Яах гэж тэр юм бол? Дайныг тэгж зогсоох нь юунд хэрэгтэй юм? Энэ нь дайныг зогсоож чадах уу? Үүгээр украин (урейн)-чуудыг хэрхэн тайтгаруулна гэж? (Тийм, тэр үнэн. Яг тийм.)
Украин (Урейн)-чууд дампуурч байгааг мэдэж байгаа биз дээ? Тэд ажиллах боломжгүй болохоор ямар ч орлогогүй байгаа. Тэдний амь амьдрал болсон хүнс нь агуулахад нь гацсан. Одоо түүнийгээ бусад улсуудаар дамжуулан илгээхээр хичээцгээж байгаа. Хар тэнгисээр биш л дээ. Гэхдээ илүү төвөгтэй хэцүү арга замаар. (Тийм, Багш аа.)
Орост эзлэгдсэн газруудад тэд одоо үүнийгээ зарж борлуулж байгаа ч гэсэн мөнгө нь украин (урейн)-чуудад очихгүй байгаа. Ойлгож байна уу? (Ойлгож байна, Багш аа.)
Украинчуудын орлого олох бараа нь бол гацсан байгаа. Хэдийгээр Кремлийнхэн хүнсний экспорт, импортын коридор гаргаж байна гэсэн ч тэд Хар тэнгисээр явж зүрхлэх ч үгүй. Яагаад гэвэл тэнгист хаа сайгүй тэсрэх бөмбөг хөвж байгаа болохоор айж байгаа. (Тийм, Багш аа.) Оросын бөмбөг. (Тийм.) “Сэргийлээгүй.” Тэр тэсрэх бөмбөгнүүд нь “өдөөн хатгасан” юм байх. Мөн сэргийлээгүй. Тэгээд л тэдгээр бөмбөгнүүд Хар тэнгист хөвж байгаа. Иймд хүмүүс түүгээр явахаас маш их айж байна. (Тийм, Багш аа.)
Урьд нь ч гэсэн олон удаа хэлж байсан шигээ оросууд хүмүүнлэгийн корридор гаргасан гэж хэлсэн ч тэр замд нь бөмбөгдөх юм уу тэсрэх бөмбөг суурилуулсан байдаг. (Тийм. Яг тийм. Үнэн.) Хүмүүс амиа алдсаар л байна. Олон хүн гарч явж, өөр улс орон руу дүрвэж гарч зүрхлэхгүй байгаа. Тэднийг зогсоосон. […] (Тийм.) Яагаад гэвэл дүрвэгчид Путиныг “өдөөн хатгасан” юм байлгүй дээ. Тэгээд л тэднийг бөмбөгдсөн байх. Тэр бүх энгийн иргэд, тэр бүх бяцхан хүүхдүүд орос цэргүүдийг “өдөөн хатгаж.” Тийм болохоор тэднийг хүчиндэж, алж, тамлаж л дээ.
Та нарт гэж хэлэхэд тэр пап яагаад одоо хэр нь байгаад байгааг би мэдэхгүй юм. Миний бодлоор бүх Католик шашинтнууд түүнийг өшиглөн хөөмөөр юм. (Тийм, Багш аа.) Өөрөө мөнгө ол гээд түүнийг явуулбал тэр үнэтэй онцгой дарс ууж, тийм том цацагт хяруул-хүн, “үмбүү”-ний мах, түүхий мах хүртэл идэж амнаасаа цус савируулж сууж байхын оронд өөрийгөө тэжээх хэрэгтэй. Заваан юм. Ямар хүн гэхээрээ хамаг амьтныг энэрэн нигүүлсэх тухай айлдах учиртай байж амьтан-хүмүүсийн түүхий мах идээд байж байдаг байна аа? Энэ нь зэрлэг балмадаар тогтохгүй агуйд амьдардаг зэрлэг төрөлтөн л гэсэн үг. (Яг тийм.) Ёстой заваан. […]
Өөр асуулт байна уу? […] (Бид нарт асуулт алга, гэхдээ хэдэн сайн мэдээ байна.) Тийм үү? Хэл хэл. (Европын Холбоо нэг жилийн хугацаанд Украин (Урейн)-аас импортлох бүх барааны татварыг тэглэх шийдвэр гаргажээ. Энэ алхам Украины эдийн засагт болон дэлхийн хүнсний аюулгүй байдалд ач холбогдолтой.)
Нэмэр болно л гэж найдаж байна. Яагаад гэвэл Украин мөн зээлэх хэрэгтэй. Тэд сар бүр хэдэн тэр бумаар нь зээлж байгаа. Учир нь тэд сүүлийн зоосоо хүртэл шавхаад байгаа. (Тийм, Багш аа.) Мэдээж тэд газар тариалангийн хамгийн том экспортлогчдын нэг хэдий ч одоо боломжгүй байна. Тэдний тариаланчид нь хүртэл Оросын эсрэг тулалдахыг хүсэж байна. (Тийм, Багш аа.) Тэгэхээр тэдэнд олон зүйл дутагдаж байгаа. Хүн хүчээр ч дутагдаж байгаа. Ерөнхийлөгч Зеленскийн интернэтээр хэлснээр бол өдөр бүр зүүнтээх дайнд 200 цэрэг нь амиа алдаж байгаа гэсэн. (Өө.) Цэргийн л хувьд. Жирийн иргэдийн тухайд ярих ч юм биш. (Хөөх.)
Яагаад гэвэл оросууд маш харгисаар дайрсан хэвээр байгаа. (Яг тийм.) Европ тэднээс импортлохоо бүрэн зогсоогоогүй болохоор тэд мөнгөтэй хэвээр байгаа. (Тийм, Багш аа.) Зохицуулахад цаг хугацаа хэрэгтэйн дээр бас хэдийнээ хийсэн гэрээ байгаа. (Тийм.) Газрын тос л гэхээс биш байгалийн хийг Оросоос авсаар байгаа. Олон улс орон авч хэрэглэсээр байгаа. (Тийм, Багш аа. Яг үнэн.) Европ, Америк, Өрнөдийн олон улс орнууд Оросоос байгалийн хий болон газрын тос авахаа бүрэн зогсоосон ч Хятад авсаар байгаа. (Хөөх.) Эхлээд тэд авахгүй гэж байсан ч одоо бол хамгийн том худалдан авагч нь байгаа. Герман, Энэтхэг зэрэг өөр олон улс орон бий. (Тийм, Багш аа.) Тэгэхээр дайн эхэлснээс хойш гэхэд тэд бараг зуун тэрбум доллар олсон байх. Дайны өмнө болон дараахыг дурдахаа больё. (Хөөх.) Тэгэхээр энэ бүх мөнгөөр тэд хүсвэл дайныг үргэлжлүүлсээр байж чадна. (Тийм, Багш аа.)
“ET Canada-ийн мэдээ – 2022.6.15 Арнолд Шварценеггер: Эхний хоёр сард Оросын тал Украин (Урейн)-ы хотуудад 7.7 тэрбум еврогийн өртөг бүхий, нийт 1,300 пуужин харвасан байна. Одоо бүр ч олон болсон. Энэ хугацаанд Европоос Орос руу шатахууны төлбөрт 44 тэрбум евро шилжүүлсэн байна. Тэд хэлэхдээ, “Хөөе, наад зах нь энэ дайны зардлыг бид гаргадаггүй. Европчууд бидэнд мөнгө илгээж байгаа. Тэд дайны зардлыг гаргаж байна” гэсэн. Яаж ч харсан бид дайныг санхүүжүүлснээрээ гараа цустай хутгаж байна. Бид өөрсдөдөө худлаа хэлэхээ болих хэрэгтэй.”
Украин (Урейн) дахь дайнд хэдэн орос хүн амиа алдахыг Кремль тоох ч үгүй. Тэд оросын цэргүүд юм уу удирдагчдыг чадамж, ур чадвар дулимаг гэж буруутгаж байгаа ч тийм биш. Энэ бол Украин (Урейн)-д Диваажин тусалсных. (За, Багш аа.) Олон пуужин харван бөмбөгдөж байгаа нь өөр бай, газруудад унасан талаар мэдээллийн хэрэгслээр хүртэл мэдээлсэн. Харин байгаа онодоггүй. (Хөөх.) Олон нь. Зарим нь онодог л доо. Тэд хуяглан хамгаалсаар байна. Мэдээж хэрэг сахиусан тэнгэрүүд, Хамгаалагчид цаг үргэлж энэ ажлыг хийгээд байж чадахгүй. (За, Багш аа.) Тэд нэг мөр зогсоож чадахгүй ч тэд маш ихийг, ихэнхийг нь зогсоож чадсан юм. Эс бөгөөс Украин (Урейн) хэдийнээ ялагдчихсан байх байсан. (Өө. Хөөх.) Украин (Урейн)-ыг бүхэлд нь хэлснээс зүүнтээх тухай биш л дээ. (За, Багш аа.)
Маш олон Диваажин асар ихээр тусалж байгаа. Туслаагүй бол Украин (Урейн) хэдийнээ үгүй болох байлаа. Путин бас тэгж л бодож байсан юм. Украин (Урейн) өөдөөс нь хамгаалан тулалдахад тэр маш их гайхсан. Украин (Урейн)-ыг чадна гэж Кремль бас бодоогүй. (Тийм, Багш аа.) Гэхдээ Диваажин тусалсан болохоор тэр. Тэд үүнийг мэдэж авах учиртай. Кремль үүнийг мэдэж байгаа гэдэг нь оросуудад дэндүү ойлгомжтой. Гэхдээ Кремлийнхэн коммунист учраас тэд Диваажин бий гэдэгт итгэдэггүй. (Тийм, Багш аа.) Тэд юунд ч итгэдэггүй. Тэд нэг л амьдраад, тэгээд үхээд гүйцээ гэж боддог. Яаж ийм тэнэг байдаг байна аа? (Яг үнэн. Яг тийм.)
Хий хоосноос ирсэн юм чинь хий хоосон руугаа буцна гэж хэлж болохгүй шүү дээ. Тэгээд бүх зүйл яаж ийм нарийн бүтээгдсэн байх билээ? Бүх зүйл төгс. (Тийм, Багш аа.) Энэ бүх бүтээлийн ард ямар нэг юм байх л ёстой. (Тийм, яг үнэн.) Жишээ нь бид үхэнгүүтээ яагаад ярьж чадахгүй болчихдог юм бэ? Ялгаагүй л адилхан биетэй, амтай шүү дээ. Мөн өвдөө ч үгүй, бэртэж гэмтээгүй, яагаа ч үгүй эрүүл байсан ч үхэх нь бий. Зарим хүн цоо эрүүл, төгс бие хаатай байж өнгөрсөн байдаг шүү дээ. (Тийм.) Тэгээд яагаад ам нь хөдөлдөггүй юм бэ? Нүд нь яагаад нээгддэггүй юм бэ? Уушги нь яагаад агаар амьсгалдаггүй юм бэ? Зүрх нь яагаад цохилдоггүй юм бэ? (Тийм, Багш аа.) Үүний ард ямар нэг зүйл бий. (Яг тийм, Багш аа. Тийм, Багш аа.)
Коммунизм Бурханд итгэдэггүй нь тэнэг юм шүү, тэнэг онол юм. (Тийм ээ, яг үнэн. Тийм ээ, Багш аа.) Адгийн тэнэг зүйл. (Тийм, Багш аа.) Мэдэхгүй зүйл байх юм бол олж мэдэх юм уу шинжлэх ухааны нотолгоогоор батлагдтал хүлээж болно шүү дээ. (Яг тийм. Тийм, Багш аа.) Их мунхаг юм, тун мунхаг хүмүүс. Мунхаг хүмүүс яаж удирддаг байна аа? Орос иймээс л шууд явж очоод ингэж алж хядаад байгаа хэрэг. Учир нь тэдэнд ухаалаг байдал гэж алга. (Тийм, Багш аа. Тэр үнэн.) Тэдэнд бүр эрүүл ухаан ч алга. Нигүүлсэл, буяны үйл, шударга ёсыг бүр ярих ч юм биш. Тиймэрхүү чанар огт байхгүй. Тэд юунд ч итгэдэггүй учраас тэдэнд байхгүй. Тэд Диваажин байдагт итгэдэггүй. Тэд хүмүүс бол үнэхээр Бурханы үр сад бөгөөд Бурхан тэднийг бүтээсэн гэдэгт итгэдэггүй. (Тийм, Багш аа.) Сүнс, дотоод мөн чанар, билиг ухаан, оюун ухаан тэдэнд байдаг гэдэгт итгэдэггүй. Коммунистууд ингэж л аяглах юм бол тэднийг мунхаг, сэтгэл зүрхгүй, сүнсгүй гэдгийг нь харж болно. (Тийм, яг үнэн, Багш аа.) Үүнд нь хэлчих шалтаг үнэхээр байхгүй. Огт байхгүй. (Тийм, үнэн, Багш аа.) […]
Олон улс орон үүнээс гарах гэж хүсдэгт нь гайхах юм үгүй. Үүнээс нэгэнт гарах юм бол эргэж буцахыг тэд хэзээ ч хүсэхгүй. (Тийм.) Коммунистууд сайн хүмүүс байж бүхий л ядуустаа халамж анхаарал тавьж, шударга байж сайхан нийгэм цогцлоодог бол тэд яах гэж гарах гэх билээ дээ? (Тэр үнэн. Тийм ээ.) Тэд гараад шууд л бүхэл бүтэн Зөвлөлт Холбоотыг задалсан. (Тийм.) Тэгээд эргэж буцахыг хэзээ ч хүсээгүй. Хүмүүс аз жаргалтай, амар тайван байх дуртай. Бас эгэл жирийн. Тэгэхээр коммунизм сайн, ухаалаг, хүмүүст ач тустай байсан бол тэд яах гэж гарах билээ? Тэд яах гэж гарах вэ дээ? (Тийм, Яг үнэн. Тийм шүү.) Тэд эргэж ирэх нь бүү хэл эргэж харахыг ч хүсдэггүй. (Тийм.)
Одоо коммунист Орос хүртэл тэднийг сүрдүүлээгүй байхад тэд НАТО-д элсэхийг хүсэж байна. (Тийм ээ.) Эсрэг байгаагаа харуулах гэж тэр. Тэд Оросыг хүсэхгүй байгаагаа, коммунизмд дахин орохыг хүсэхгүй байгаагаа илэрхийлж байна. (Тийм, Багш аа.) Хүмүүс зугтаж байна. […]
Магадгүй эхэндээ Кремль Украин (Урейн)-ыг ядах юмгүй ялчхаж чадна гэж бодож байсан. (Тийм.) Харин одоо тэд мэдэх учиртай. Тэдний олон арван мянган залуу хүүхдүүд хэдийнээ амиа алдаад байна. (Тийм. Тийм, Багш аа.) Украин(Урейн) руу илгээсэн бүх генерал амь үрэгдсэн. Тэд ар араас нь илгээсээр л. (Тийм.) Одоо тэдэнд дахин хэдэн генерал байгааг мэдэхгүй юм. Тэд хурандаа нараа цол ахиулан генерал болгож тоог нь нэмэгдүүлж болох юм. Гэхдээ тэд дахин хэдэн генерал үхүүлэх гэсэн юм бол? (Яг үнэн. Тийм.) Дахин хичнээн олон балчир, үзэсгэлэнтэй, царайлаг, гэм зэмгүй хүсэл мөрөөдөлтэй орос хүүхдийг үхүүлэх гэсэн юм бол? Дахин хичнээн тийм залуухан орос үрсийг Кремлийнхэн Украин (Урейн)-д аваачин дайнд үрэх гээд байгаа юм бол? Дахиад хэдийг гэж? Хэдийнээ олон үрэгдлээ. Тэднийг бүгдийг нь үхэхээс нь өмнө гэрт нь хариулах ёстой. (Тийм, Багш аа. Яг үнэн.)
“NBC News-ийн мэдээ – 2022.6.13 Зеленский: Оросын генералууд хүн хүч, цэргийн техник хэрэгслийн хувьд давуу хүчтэй байхын тулд ард түмнээ их бууны сумлагчид л гэж хардаг. Энэ нь нэг л зүйл өгүүлж байна: 6-р сард Орос амь үрэгдсэн цэргийн тоогоор 40,000 давж магадгүй. Олон арван жилийн туршид ямар ч дайнд тэд ийм их гарз амсаагүй.”
Украин (Урейн)-чууд ч гэсэн үхэж үрэгдэж байна. (Тийм.) Мэдээнээс үзэхэд олон арван мянга гэж байсан бөгөөд бас олон арван мянгаараа шархтаад байна. (Тийм.) Оросын нэгэн адил. Амь үрэгдээд зогсохгүй бас шархтацгааж байна. Олон арван мянга нь бас шархтсан. Олон арван мянга амь үрэгдэн, олон арван мянга шархтсан. Кремлийн бүлэглэлийнхэн дахин хэчнээн олон хүний амийг авч байж дайныг зогсоох гэсэн юм бол? (Харин тийм ээ, Багш аа.)
Энэ п. Францис яагаад ийм тэнэг байсаар, нүүрний багаа сөхөөд байгааг мэдэх юм алга. (Тийм.) Тэр хар толгойдоо л лай хурааж байна. (Яг тийм. Тийм, Багш аа.) Учир нь тэр юу л гэнэ, тэр болгон ямар ч утга учиргүй байдаг. (Тийм шүү. Яг тийм. Тийм.) Тэр оюун санааны манлайлагч байж тохирох хүн биш. (Тэр үнэн, Багш аа. Тийм ээ.) Нигүүлсэнгүй, өрөвч, хайр дүүрэн байх учиртай. Түүнд огт байхгүй. (Тийм. Яг тийм.) Хүйтэн царайлж хөлдүү юм ярьсаар. (Тийм.) Ярьж байгаа бүхэнд нь хумсын чинээ ч хайр байдаггүй. Заримдаа бусдын шахалтаар хэлсэн байлаа ч тэр. […]
Өөр сайн мэдээ байна уу? […] (Байгаа, Багш аа. Литвийн нийслэл Вильнюс хотод украин (урейн) дүрвэгсдийн төв нээгджээ. Энд боловсрол олгож, ажилдаа байр суурь олох заавар, сэтгэлзүйн тусламж үйлчилгээ, хүүхэд, залуус, насанд хүрэгчдийн амралтын хэсэг зэргийг санал болгож байна.) Аан за. Тэднийг Бурхан ивээг. (Энэ төвийг Украин (Урейн)-ы тэргүүн хатагтай болон Литвийн тэргүүн хатагтай нар хамтран санаачилжээ.)
Аан за, их сайн байна. Украин (Урейн)-ы тэргүүн хатагтай маш шаргуу ажиллаж байгаа. Тэр олны өмнө тэр бүр ил гараад байдаггүй ч арга цөхөрсөн ард иргэдийн төлөө хөшигний ард ажиллаж байгаа. Тэр их сайн охин. (Тийм, Багш аа.) Тэр бас Макроны эхнэр, Францын тэргүүн хатагтайтай холбоо барьж тийш хэсэг дүрвэгсэд илгээж Францад байх дүрвэгсдэд болон хүүхдүүдэд нь анхаарал халамж тавихаар болсон. (Тэгсэн, Багш аа.) Олон улс орон Украин (Урейн)-д өөр өөр арга замаар туслах гэж аль байдгаараа хичээж байна. (Тийм. Яг үнэн. Тийм, Багш аа.)
Тэгсэн ч гэсэн ингэж удаан үргэлжлэхээр асар их зардалтай. (Тийм, Багш аа. Ойлгож байна, Багш аа.) Бүхий л улс орон, тэр тусмаа өгөөмөр улс орнууд байгаа ч дэд бүтцэд зориулж, мөн илүү олон боловсон хүчнээр бүхий л салбарт асар их мөнгө зарцуулах хэрэгтэй байгаа. (Тийм, Багш аа. Тэр үнэн.) Зөвхөн эмч, сэтгэлзүйч, сургууль, байр орон, хоол унд, хувцас төдийгүй маш олон зүйлд. […] Дүрвэгсдийн сэтгэл санааны байдал эргээд хэвийн болоход их урт хугацаа шаардагддаг. Хэвийн болж чадвал шүү дээ. Хэрвээ тэдгээр хүүхдүүд харсан, туулсан бүх хар дарсан зүүдээ мартаж чадвал. (Тийм ээ, Багш аа.)
“CNN-ийн мэдээ – 2022.4.9 Салма (f): Зоорийн давхарт хэд хоног нуугдсаны дараа Ирина хүү Криелтэйгээ Черниговоос дүрвэжээ. “Арай дээрдэж байна. Гэхдээ хүү минь нойрондоо сэрвэлзэж, “Ээж ээ, би хар дарж зүүдэлсэн" гэдэг” хэмээн бүсгүй ярилаа. Тэр айсан хэвээр үү, гэхэд “Тийм ээ, заримдаа. Гэхдээ би тайвшруулах гэж хичээж байна. Бид гарч цэвэр агаар амьсгалдаг” хэмээн тэр ярив.”
Бурхан минь. Иймд энэ дайн бол дан ганц Украин (Урейн)-ы асуудал биш юм. Энэ бол Европыг бүхэлд нь хамарсан асуудал. (Яг үнэн.) НАТО Оросын цэргүүдийг угтаа Европоос хөөж гаргах ёстой юм. (Тийм, Багш аа. Яг тийм. Тийм, тэгэх ёстой.) Юу ч байлаа гэсэн оросууд гарч явах л хамгийн зөв. (Тийм, Багш аа.) Бас тэр бүх салан тусгаарлагчид гарах хэрэгтэй. (Тийм.) Украин(Урейн)-д дургүй л юм бол тэд явах хэрэгтэй. Орост дуртай юм бол Орос руу явж үз, Бурхан минь! (Тийм, яг үнэн.) Маш энгийн. Путиныг амьд байгаа гэдэгт итгэдэг бол тийш очоод тэднээс алба ажил өгөхийг гуй. […] Орос их том. (Тийм ээ.) Кремлиэс тэдэнд жаахан газар нутаг өгнө биз. Орос улс том юм чинь Донецск, Луганскаас ч том газар өгч мэдэх юм. (Тийм, яг үнэн. Тийм шүү.) […]
Тэгэхээр бүхий л улс орон туслах гэж чармайж байгаа нь сайн хэдий ч оросуудыг Европоос гаргах нь хамгийн зөв. (Тийм. Тэр үнэн.) Учир нь Украин (Урейн) ч гэсэн Европынх. (Тийм. Яг үнэн.) Иймээс оросуудыг өөрсдийнх нь Ази дахь нутаг руу нь хөөж явуул. Тэднийг бүх зүйлийг нь цөлмөн, бүх хүнийг нь хөнөөчихөөс өмнө хөөж гаргах хэрэгтэй. (Тийм, Багш аа. Тэр үнэн.)
Учир нь тэд одоо хэр нь байгалийн хий, газрын тосоо өөр улсуудад худалдан мөнгө олсоор байгаа. Европ ингэж байгалийн хий, газрын тосны импортоо гэнэт танаж хассан нь маш уужим сэтгэл гаргасан хэрэг. (Тийм, Багш аа.) Би тэднийг хүндэтгэж байгаа ч гэсэн энэ нь хангалтгүй. Яагаад гэвэл бусад улс орнууд тэднээс маш их хэмжээгээр газрын тос, байгалийн хий авсаар байгаа. Ялангуяа тэд илүү хямдруулсан бол улам ихийг худалдаж чадна гэсэн үг. (Яг тийм Багш аа. Тийм.) Тэд жил ирэх тусам улам их хэмжээгээр худалдаж чадна. (Тийм ээ, Багш аа.)
Тэгэхээр тэд дайнаа үргэлжлүүлэн Кремльд Украин (Урейн)-д тэдний хэдэн хүүхэд үхэж үрэгдэх нь хамаа ч байхгүй байх болно. Наад зах нь хэдэн украин (урейн) хүн амиа алдана гэж бодно. (Тийм.) Тэд огт тоохгүй. Тэд Кремльдээ аюулгүй байгаа. (Тийм ээ, Багш аа.) Тэд бүхий л цөмийн зэвсгийнхээ хамтаар аюулгүй сууцгаан бүгдийг сүрдүүлээд сууж байна. Тэд бүгдийг, бүр АНУ-ыг хүртэл сүрдүүлсэн. (Тэгсэн.) Зөвхөн Европыг ч биш. Европ ердөө эхлэл нь. (Тийм.) […]
Одоо Америкийг сүрдүүлж байна. АНУ руу шууд чиглүүлээгүй ч өөр олон байдлаар тэд сүрдүүлсэн. Тагнуул болон цахим халдлага зэргийг нь та нар мэднэ дээ. (Тийм, Багш аа.) Бүхий л талаар. Мөнгө санхүү, мөн эрдэм оюуны гээд бүхий л салбарт нэвтэрч байна. Одоо, Никарагуа улстай хэлэлцээр хийж, Орос зэвсэгт хүчнээ Никарагуагийн төлөө илгээн, Никарагуад байрлуулах боломжтой болох нь. (Ээ.) Энэ улс чинь АНУ болон бусад олон орнуудтай хөрш биз дээ? (Тийм, Багш аа) Америк тивд. […] Энэ ойрхон улс. (Тийм, Багш аа.) Оросоос Америк хүрэхээс л илүү ойр. (Тэр тийм шүү. Тийм. Яг тийм.) […] Тэд хэдийн хөл тавьчихсан байна. (Тийм.)
Никарагуа Оросын цэргийг тэнд байлгаж яах гэсэн юм бол би мэдэхгүй. Яах гэж? Тэнд дайн болж байгаа ч биш. (Тийм. Үнэн.) Тэдний улсад. Ээ дээ. Орос хаа сайгүй үсчих бас нэг боломж. (Тийм ээ, Багш аа. Тийм.) Тэд Африкт хаа сайгүй байгаа бас Европт ирчихсэн. Одоо Америкт санаархаж байна. (Тийм, Багш аа.) Мэдээжийн хэрэг, тэднийг дэмжих Хятад зэрэг бусад холбоотнууд бий.
Ай даа, яалтай ч билээ. Тэд Америкад байж яах гэсэн юм бол? Ямар хэрэгтэй юм? (Тийм ээ, Багш аа.) Цөмийн зэвсэгтэй, пуужингуудтай, 1000 км зайнаас харваж чадна гээд сайрхаад байсан. Тэд хэрэв улам ойртвол ойроосоо харваж чадна гэсэн үг. (Тийм ээ, Багш аа. Яг тийм.) Оросоос бол илүү хэцүү байх. (Тийм ээ, тэр үнэн шүү.)
Никарагуа яах гэж ийм алхам хийж буйг ойлгохгүй байна. Төр засагт нь мөнгө цаас хэрэг болоо биз. (Тэр үнэн.) Хар захын юмс. Өөр юу байх вэ? (Яг тийм, тийм.) Тийм биш бол яаж ийм амархан байх юм? (Яг тийм шүү.) Хүчирхэг, том, улангассан дайны хэнээтэн улсыг эх орондоо юуны учир урьж залах юм? (Тийм. Тэр үнэн.) Олиггүй л засгийн газар байж таарна. Би хэлээд байна шүү дээ. (За. Тэгж таарна.) Ард түмэн нь үүнийг хүсээгүй нь лавтай.
Эдүгээг хүртэл дэлхийн олон орны төр засаг иймэрхүү зүйл хийсээр ирсэн юм. Ард түмэнд нь өгөөжгүй боловч өөрсдөд нь ашигтай элдэв зүйлийг хийж ирсэн. (Тийм ээ.) Тэд заримдаа сайн засгаа унагаах гэж гэмт хэрэгтнүүд, эсвэл олиггүй байгууллагуудтай хамтран ажиллаж, өөрсдийгөө өргөмжлөн, шинэ ерөнхийлөгч (Тийм ээ, Багш аа.) эсвэл ерөнхий сайд болоод нөгөө бүлэглэлтэйгээ хамтран ажилласаар, тэдэндээ мөнгө хийж өгсөөр байх нь бий. Нөхцөл болзол нь тэр. Төлөх үнэ нь тэр. (Тийм.)
Үүнтэй төстэйгөөр Орос ямар нэг үнэ төлбөргүй зүйл тэдэнд өгч байж тэр хэлэлцээрийг хийсэн байж таарна. (Тийм. Багш аа.) Орос хэлсэн амлалтаа дандаа биелүүлээд байдаг биш гэдгийг тэд мэдвэл таарна. (Тэр үнэн.) Хэчнээн олон амлалтаасаа тэд хэдийн ухарчхаад байгаа билээ? НҮБ-д, Украин (Урейн)-д, тэр бүү хэл НАТО-той хийсэн хэлэлцээрээсээ бүгдээс нь ухарсан. (Тийм. Яг тэгсэн.) Никарагуа бол хариугүй жижигхэн улс шүү дээ. Хийсэн гэрээ хэлэлцээрээ оросууд тоох болов уу? Амлалтаа биелүүлэх гэж тэд юундаа хичээх вэ? (Тэр үнэн, Багш аа. Тийм, Багш аа.) Гарын үсэг нэгэнтээ зурчихсан хойно үүрд албатай болно биз дээ. […]
Яачихсан ч хорвоо дэлхий вэ дээ. Болдогсон бол би та нарыг Гэрт тань одоо буцаагаад хүргэж, бүгдээрээ энэ дэлхийг мартахсан. Би яагаад одоогоор мартчихаж чадахгүй байгаагаа мэдэхгүй юм. Гэтэл Диваажин хүн төрөлхтнийг устгах гээд байх шиг байгаа биз? (Тийм ээ, Багш аа.) Хаа сайгүй элдэв зүйл тохиож байна. Зөвхөн дайн ч биш. (Тийм.) Хаа сайгүй. Энэ дэлхий дээр амьдрах дэндүү аймаар байна. (Тийм ээ, Багш аа. Үнэхээр тийм.) Хэн бүхний хувьд. (Тийм ээ, үнэн шүү.) Ядуу зүдүү хүмүүсийн хувьд. […]
Ганц жаахан сайн мэдээ, илүү эв найртай мэдээ байна. Юу гэвэл, эхлээд Донбас орчимд Оросын тал Украин (Урейн)-ы талын сайн дурын гурван байлдагчийг баривчилсан байсан юм. Тэд украин (урейн) хүмүүс биш украин (урейн)-чуудтай хамт тулалдахаар ирсэн сайн дурынхан. Их Британий 2 иргэн, Марокко улсын нэг иргэн. […] Тэдэнд цаазаар авах ял оноосон, тэгээд ялыг нь гүйцэтгэх гэж байсан юм. Би энд тэндээс уншихад ялыг гүйцэтгэхгүй байх ямар нэг шалтгаан байхгүй гээд байсан. (Аан за, Багш аа.)
Тэгсэн, өчигдөр билүү уржигдар, Их Британийн засгийн газар хүмүүсээ суллаж, цаазын ялаас аврахын тулд байж болох бүх зүйлийг хийнэ гэснийг би харлаа. (Тийм.) Дараа өдөр нь, би бас нэг мэдээ харсан юм. Эдгээр олзлогдогсдын талаар британичууд чухам юу хүсэж буйг нь сонсъё гэж Донбас дахь Оросыг дэмжигч талын удирдлага мэдэгджээ. (Тэгсэн.) Тэд олзлогдогсдыг солилцохыг ч хүсээгүй. (Тийм.)
Британичууд өөрсдийн хоёр олзлогдогчоо авчрах гэж ямар нэг зүйл төлж таарах байх. Марокко улсын засгийн газраас би юм олж сонсоогүй. Их Британиас л сонссон. […] (За.) Одоо арай уян хатан болж. (Тийм ээ, Багш аа.) Арай эв найртай мэт санагдаж байна. (Тийм.) Кремлийн дуу нь зөөлөрсөн юм шиг. Путин нас барснаас болсон байж магадгүй. (Тийм байх.)
Учир нь сая, өнөөдөр би нэг мэдээ уншсан юм. Ингэж бичсэн байна... Би та нарт уншиж өгье. (За, Багш аа.) Ньюсуийк дээр гарч. “Путины хамсаатан Украин (Урейн) руу нэмэлт хүч авах хүсэлт тавьсан ч Кремлийн зүгээс эрс татгалзжээ.” (Хөөх.) Хэсэг үргэлжлээд цааш нь бичихдээ: “Донбасын бүс нутагт буй Москвагийн дэмжлэгтэй босогчдын тэргүүн Оросоос цэргийн тусламж хүссэний хариуд Кремль татгалзсан хариу өгчээ.” (Өө.) Дуулав уу? (Тэглээ, Багш аа.) Энэ бол Кремль босогчдыг цаашдаа дэмжихийг хүсэхгүй байна гэсэн үг. (Хөөх.)
Үнэмшмээргүй юм аа. Бурханы авралаар. (Тийм ээ, Багш аа) [...] Хүн бүрийн ухаарч сэрэх цаг нь болжээ гэж би бодож байна. Орос хүмүүсийн мэдрэмж одоо өөрчлөгдсөн байх. Энэ хар дарсан зүүднээсээ сэрцгээсэн байлгүй. Украин (Урейн) дахь салан тусгаарлагч хүчин, юуны төлөө эх орон нэгт украин (урейн)-чуудтайгаа байлдана вэ? (Тийм шүү, тэдэнд дайтах ямар ч шалтгаан байхгүй.) Нэг улсад зэрэгцэн оршиж буй иргэд. (Тийм ээ, Багш аа.)
Ийм зүйлийн мэдээ байдаг: “Оросыг дэмжигч салан тусгаарлагчид Украин (Урейн)-ы талд хохирол учруулаа.” “Луганскийн БНУ-ын салан тусгаарлагчид Украин (Урейн)-ы талын хүчний эсрэг тулалдаж байна” гэх зэрэг. Тэд Украин (Урейн) улсын иргэд биз дээ! (Тийм, мөн. Яг тийм.) Гэтэл өөрийнхөө улсын иргэдэд шалтгаангүй гай хохирол, зовлон учруулж байна. (Тэр үнэн. Яг тийм.) Ямар ч шалтгаан байлаа гэхэд, яагаад гэвэл тэд өөрсдөө Украин (Урейн)-ы иргэд, улс орон нь тайван, сайхан газар байсан. (Тийм, Багш аа.)
Тэд урьд нь ингэж бодож үзээгүй бол, гэрэл гэгээ хараагүй бол тэд одоо харах ёстой. Учир нь салан тусгаарлагчдын хяналтан дор биш байгаа дийлэнх олонх нь бүгд тэднээс дүрвэн зугтааж байна.(Тийм ээ, Багш аа.) Тариаланчид, бүр эмэгтэйчүүд, настай эмэгтэйчүүд, залуу охид, хөвгүүд бүгд Оросын эсрэг тулаанд гарч байна. (Тийм ээ.) Тэр салан тусгаарлагч гэх хүмүүс яагаад өөрөөр сэтгэнэ гэж? Миний хэлсэнчлэн Орос улсад тэгтлээ их хайртай юм бол тийш явцгаах хэрэгтэй! (Тэр үнэн шүү, Багш аа. Тийм.) Өөрийн орны хүмүүстэй ингэж дайтаж байхын оронд. (Тийм ээ, Багш аа. Яг үнэн.) Энэ бол чөтгөрийн хорлол. […]
Харин одоо, хүмүүс Оросын өмөг түшигт ороод, юу дуртайгаа гүйцээж, өөрийнхөө улс оронд хүсвэл хэн дуртайгаа алж хөнөөж болно гэж бодож болохгүй. Энэ бол ёс суртахуунгүй явдал. (Тийм, тэр үнэн.) Өөрчлөгдөж, гэмшиж, алдаагаа засах талаар юм хийхгүй бол эх орноосоо урвасан хэрэгт татагдах ёстой. (Тийм шүү, Багш аа.)
Мөн, тэд урьд нь засгийн газраа сайн гэж мэддэггүй байсан бол бүх хүн л төр засгаа дэмжиж байгааг хараад өдийд ойлгож байгаа байлгүй. Дэмжээгүй нь, дүрвэсэн. (Тийм ээ.) Дэмжиж байсан ч үр хүүхэд, өтгөс настнуудаа аюулаас зайлуулахын тулд зугтахаас өөр аргагүй. Тиймээс тэд Украин (Урейн)-ы ард түмэн Путиныг ч, бас Оросын харьяанд байхыг ч дэмжихгүй байгааг мэдэх хэрэгтэй. (Тийм ээ, Багш аа.) Салан тусгаарлах үзэлтнүүд одоо өөрийн улсаа сайн гэдгийг мэдэж авсан байх ёстой. Улс орон нь сайн, төр засаг нь сайн гэдгийг тэд мэдвэл зохино. Үүнээс илүү сайн байхад хэцүү. (Тийм, Багш аа.) Бурхан минь. […]
Украин(Урейн)-ыхан украин (урейн)-чууд л байх ёстойгоос биш Оросыг дэмжин, Оросоор тэтгүүлэхийг хүсэх ёсгүй. Энэ бол жинхэнэ адын ажил. (Тийм ээ, Багш аа.) Оросын ард түмэн ч сэрж сэхээрч байх шиг байна. Шийдвэр гаргагчид нь хойшид эдэнтэй зууралдахыг огт хүсэхээ больсон байна. Оросын зарим бүс нутгийн хүмүүс салан тусгаарлалт эхлүүлээд, бусад орос иргэдтэйгээ ингэж байлдвал яах вэ? Төр засаг нь дуртай байх уу? (Мэдээж, үгүй.) Мэдээжийн хэрэг, үгүй! Ямар ч улс дуртай байхгүй. Байхгүй биз дээ? (Байхгүй.) Нэг ч улс! Бүр шалтгаангүйгээр. (Тэр тийм шүү.)
Эд нэг орны иргэд болох Украин (Урейн) нөхдийнхөө хоолыг нь идэж байгаагүй гэж үү? Тэднээрээ тэжээлгэж, тэтгүүлж, арчлуулж өсөж бойжчихоод эргээд тэднийгээ алж, өөрсдийнхөө хүмүүсийг алж хөнөөж байдаг. (Ёстой солиотой явдал.) Энэ сайн юм биш. Ямар ч улсын төр засаг ингэж өөрсдийн эх орон, ард түмнээсээ урвасан ийм маягийн сэтгэлгээг дэмжиж өөгшүүлж болохгүй. (Тийм, Багш аа.)
Оросын төрийн удирдагчдын зарим нь ойлгож байх шиг байна. (Тийм.) Тийм ч учраас босогчдыг цаашид дэмжихийг хүсэхгүй байна. Урьд өмнө нь магадгүй, салан тусгаарлагч үзэлтэй, эрх мэдэл, эд хөрөнгөө л зузаатгах хүсэлтэй хүмүүсийн хүсэл эрмэлзлийг сонссон байх л даа. (Тийм.) Тиймэрхүү хүмүүс оросуудад Украин (Урейн)-ы засгийн газрыг муулж, өөрсдийг нь шахаж хавчдаг гэж хэлсээр ирсэн биз. (Тийм ээ, Багш аа.) Оросууд харин одоо тэр нь үнэн биш гэдгийг ухаарсан байх. (Өө, тийм.) Учир нь Украин(Урейн)-ы ард түмэн бүгд төр засгаа дэмжиж байна. Тэр бүү хэл улсынхаа цэргүүдтэй мөр зэрэгцэн тулалдаж байна. (Тийм ээ, Багш аа.) Үлдсэн хэсэг нь дайнаас дайжсан. Орост талтай хэн ч алга. (Тийм шүү, Багш аа.)
Урьд нь Оросын төр засгийнхныг тэд худал хуурмаг мэдээгээр хангаж байсан байж магадгүй. (Тийм.) Тиймээс тэд Украин (Урейн)-д амархан ялалт байгуулж чадна, учир нь Украин (Урейн)-д бүх хүн Оросод талтай, Украин (Урейн)-ы засгийн газрыг үзэн яддаг гэж бодсон. Харин одоо тэр нь худал гэдгийг тэд ухаарсан гэж би бодож байна. Энэ салан тусгаарлах үзэлтэй бас улс орон, ард түмнээсээ ямарваа шалтгаангүйгээр урваж буй хүмүүсийг цаашид дэмжих буюу нэмэлт хүч илгээхийг тэд хүсэхгүй байна. (Тийм ээ, Багш аа. Ойлгож байна.)
Тиймээс, бүх ард олон нь дэмжиж байгаа засгийн газар муу биш гэдгийг тэд бүгд одоо ойлгосон нь үнэн. (Тийм, тэр үнэн.) Орост очоод “Манай төр засаг муу учраас бид нээрээ та нарыг дагая” гэсэн хэн ч байхгүй. Эрх мэдэлд шунасан салан тусгаарлагч тэр хэдээс өөр хэн ч тэгээгүй. (Ойлгож байна.) […]
Тэд Оросын нөмөр нөөлөгт л орчихвол, өөрсдийг нь хамгаалж, дэмжиж, өөр бас яана гэдэг юм, элдвийн тэнэг мунхаг зүйл бодож байдаг. Ер нь аль ч улсын засгийн газар улс орон, ард түмнийхээ эсрэг боссон салан тусгаарлах үзэлтнүүдэд угаасаа итгэж болох үгүйг би мэдэхгүй байна. (Тэр үнэн шүү, Багш аа.) Би бол итгэхгүй. (Тийм. Ойлгож байна.) Тэнэг хүмүүс л итгэнэ. Өөр улсын үнэнч шударга биш ийм иргэдэд итгэж найдах тийм тэнэг хүн байхгүй байх. (Тэр үнэн шүү.) Би тийм хүмүүст лав итгэхгүй. (Тийм ээ, Багш аа.) Одоо, энэ салан тусгаарлагчид гэмшиж, өөрчлөгдөнө гэж найдъя. Эс бөгөөс тэд амь амьдралаасаа удахгүй сална. (За, Багш аа.)
НАТО болон Европ, Өрнөдийнхөн оросуудыг үлдэн хөөх талаар ямар нэг зүйл хийх байх гэж найдахаас. (Харин тийм.) Европоос тэднийг зайлуулж. (Тийм. Яг үнэн.) Эс бөгөөс бид нэн ноцтой байдалд орно. Дэлхий ертөнцийн нөхцөл байдал дордоно. Орос түүхийн туршид түрэмгий байсан учраас улс бүхэнд аюул занал учирна. Тэд үргэлж л хаа сайгүй, тэр ч улс, энэ ч орныг эзлэн, энэ ч бүс нутаг, тэр бүс нутгийг хяналтдаа байлгаж ирсэн. […] (Тийм ээ, Багш аа.)
Тиймээс тэд Оросыг Европоос зайлуулах хэрэгтэй. Европ нэгдэх хэрэгтэй, тэд тэгвэл Оросоос хүчтэй болно. Бүр хожимдохоосоо өмнө Оросыг Европоос гаргаж тэд чадна. Надад хэлж чадах юм энэ л байна. Тэгж чадвал тэр бол сайн мэдээ. (За.) Өдийг хүртэл дайнтай холбоотой бүх мэдээнээс хамгийн сайн мэдээ нь тэр болно. (Тэр ч тодорхой. Тийм, Багш аа)
Гэвч энэ НАТО-гийн тэргүүн нь өт хорхой шиг нялцгай нөхөр юм шиг байна. Эсвэл дайн дуусаасай гэж бодохгүй байна. (Ээ.) Тэгж л санагдаж байна. Түүнд сайхан байж ч магадгүй. Бас тэр Орос, Норвеги хоёр улс тэнгис орчмын байгалийн хий болон байгалийн тосны нөөцийн тухайд харилцан тохиролцоход нь зуучилсан. (Тэгсэн, Багш аа.) Энэ боломжийн зүйл, Орос болон Норвеги улс тэнгист хил гаргаж тос болон хийг үргэлжлүүлэн илрүүлж, ашиглах болсон. Тэр НАТО дахь суудлаа ингэж олж авсан юм. Хүмүүс түүнийг гайгүй сайн хүн байх гэж итгэл хүлээлгэсэн. (Тэгсэн, Багш аа.)
Би та нарт хэдийнээ хэлсэнчлэн, тэр өөрийгөө жинхэнээсээ сайнаар харуулах цаг одоо л ирээд байна. (Тийм шүү, Багш аа.) Гэвч, одоогоор тэгэх шинж харагдахгүй л байна. (Тийм, ойлгож байна.) Түүнд хэчнээн олон украин (урейн) хүн үхэж үрэгдэх, хэчнээн олон орос Украин (Урейн)-д амиа алдсаар байх, байшин барилга, бүр сүм хийд, эмнэлгүүд, олон чухал газар хэр их сүйрэх нь огт хамаагүй юм шиг байна. (Тийм ээ, Багш аа.) Би сайн мэдэхгүй л байна. Тухайн үед амархан байсан байх. Учир нь тэр үед Путинд Украин (Урейн)-тай дайн хийх хандлага тийм илт байгаагүй. (Тийм.) Магадгүй тухайн үед бэлэн биш байсан байх. Харин одоо тэр Украин (Урейн)-тай жинхэнээсээ дайтаж байна. Аль аль талд олон арван мянган хүмүүс амь үрэгдэж, сая сая дүрвэгсэд болон өнчирсөн хүүхдүүд гэр оронгүй болж хүчиндүүлж, тамлуулж алагдсаар байна. Ийм их зүйл болж байхад тэр харин юу ч хийдэггүй. Тэрүүхэн тэндээ сүрхий зогсоод юу ч хийхгүй байгаагаа батлан хэлээд байж байдаг. НАТО зөвхөн өөрсдийнхөө гишүүдийн газар нутгийг хамгаална гэнэ. (Тийм ээ, Багш аа.) Өө, муухай юм. Үнэхээр ой гутам.
НАТО-д жаахан ч гэсэн зориг байдаг бол ямар нэгэн зүйл хийх хэрэгтэй. (Тийм ээ, Багш аа.) Хэрэв НАТО үнэхээр хулчийгаад байгаа бол Европын орнууд болон бусад улс орнууд нэгдээд, Оросыг зайл гэж шаардах хэрэгтэй. (Тийм.) Зоригтой бай, хүчийг харуул, тэгвэл Орос ухарч буцах цагаа ирснийг ойлгоно. (Тийм, тэгнэ шүү.)
Тэд яах гэж удирдагч болсон юм? Удирдагч юм бол удирдах хэрэгтэй. (Тэр үнэн.) Удирдагч хүний хүч тэнхээ, эрхэм чанарыг харуулах хэрэгтэй. (Үнэн.) Эс бөгөөс, яах гэж удирдагч нэр зүүх юм? Чадал чинь хүрэхгүй байгаа бол огцроод өөр хүнд ажлаа хүлээлгэж өгсөн нь дээр. (Тийм ээ, Багш аа.) Суудал эзэлж суучхаад юу ч хийхгүй байгаад байж болохгүй.
Удирдах гавьяатай гэдгээ харуул л даа. Цаг нь болсон шүү дээ. (Тийм ээ, Багш аа.) Манлайлж удирдах хэрэгтэй. (Тийм.) Тэгээд л гүйцээ. Удирдагч хүн шиг бай. Удирдах гавьяатайгаа харуулбал хүмүүс өөрт чинь итгэнэ. (Тийм ээ, Багш аа.) Албан тушаал эзлэх эрдэм чадалтай гэдгээ харуулах ямар нэгэн зүйл хийх хэрэгтэй. (Тийм ээ, тэр үнэн.)
Хүмүүс түүнд итгэл хүлээлгэсэн. Тэр үе ард үлдсэн. Нэвтэрч орох итгэл олох гэж л хийсэн байх нь. (Тийм ээ.) Чөтгөрүүдийн тоглодог тоглоом. Тэд тэгдэг юм. Та нарт сайн анд нөхөд болон муу найзуудын тухай миний ярьж өгч байсан шиг. (Тийм, Багш аа. Тийм.) Зарим дотны найзууд ямар нэг шалтгаанаар найзын дүр эсгээд, үе үе тусална. Жижиг юман дээр үнэхээр туслах гээд байгаа мэт, харин маш чухал том юм гарч ирэхээр хаяад явчихдаг. Чамаас урвана. (Тийм.) Чамайг үхэж байсан ч тоохгүй. Үхвэл үхэг эсвэл зовбол зовог гээд орхидог. (Тийм ээ, Багш аа.) […]
Сонс доо. Ньюсуийкийн бас нэг мэдээ. “Европын холбооны засаглал Украин (Урейн)-ы хүсэлтийг биелүүлнэ гэдэгтээ бараг итгэлтэй байгаа бөгөөд тэргүүнүүд Киевийг зорилоо гэжээ.” Тэд амласан. Ирэх долоо хоног гэхэд Киевийг Европын холбоонд нэр дэвшүүлнэ гэсэн. (Хөөх!) Энд бас хар даа. Европын Холбооны ерөнхийлөгч дөнгөж сая ингэж хэлсэн байна. (За, Багш аа.) Тэр хэлэхдээ, ирэх долоо хоногт тэдний өөдөөс хаалгаа хаана гэдэг бол байж боломгүй, бодож ч боломгүй зүйл гэжээ. (Тийм ээ, ойлголоо.)
За, энийг сонс. Урьд нь Украин (Урейн)-ы эсрэг, хэцүү хандлагатай байсан тэргүүнүүд хүртэл наашилж буйг харж байна уу: “Германы канцлер Олаф Шольц, Францын ерөнхийлөгч Эмманюэль Макрон болон Драги нар Киев рүү ирэх пүрэв гарагт очиж Зеленскийтэй уулзахаар болсон. (Гайхалтай.) Уулзалтын үеийн яриа хэлцэл нь Украины ирээдүйн зам мөрийг тодорхойлоход гүн нөлөөтэй.” (Хөөх, ямар сайн хэрэг вэ.) Тийм шүү.
“CityNews-ийн мэдээ – 2022.6.17 Сурвалжлагч (f): Түрэмгийлэлд өртсөн улсад бүх боломжоо дайчлан тусалсангүй хэмээн Баруун Европын гурван улсыг Украин (Урейн) шүүмжилсэн. Одоо тус улсууд шийдэл хайцгааж байна. Украин (Урейн)-ы ерөнхийлөгч Володимир Зеленский Европын Холбоонд Украин (Урейн)-ыг нэр дэвшигчийн статустайгаар элсүүлэхийг дэмжиж буй Румыны ерөнхийлөгч зэрэг айлчилж буй удирдагчдын дэмжлэгийг талархан хүлээн авч байна.”
(Ямар сайхан мэдээ вэ.) Тийм ээ, Драги урьд нь ч бас дэмжиж байсан. Энэ сард тэр бүр ингэж хэлсэн: “Италиас бусад Европын Холбооны бүх том улсууд Украин (Урейн)-ы нэр дэвшихийг эсэргүүцэж байсан.” (Хөөх.) Тэдэнд бүх орны санал, 27 гишүүний бүгдийн санал хэрэгтэй. Алив нэг улсыг элсүүлэх эсэхээ тэгж шийддэг хуультай. (Тийм, Багш аа.) Европын холбоог тэлэх асуудал ер нь ярвигтай. (Тийм байна.) Зарим орныг харж байхад олон жил болдог. (Тийм, тэгдэг.) Заримынх нь бүр бүтэхгүй. (Тийм.) Жишээ нь Турк улсыг аваагүй. (Тийм ээ, Багш аа.) […]
Энд бас нэг ийм мөр байна. Украин (Урейн)-ы эзлэгдсэн нэг хотын дарга нь Францын Макронд зориулсан байх, “Орост Украин (Урейн)-ыг биш Францыгаа өг” гэжээ. Учир нь Макрон “Та нар дайныг зогсоохын тулд Путинд хэсэг газар өгөх хэрэгтэй” гэсэн, санаж байна уу? (Тийм, Багш аа.) Тиймээс тэр “Путинд өөрийнхөө Францыг өг” гэж л дээ. Би сая уншиж өглөө, өмнө нь би ярьж байсан даа. (Тийм ээ.) Хэрвээ Франц байсан бол тэр ингэх байсан уу, гэсэн дээ. (Үгүй.) Путин ирээд Францын зарим газар нутгийг авчихсан бол дайн зогсоох гээд өөрөө газраа тэр дороо өгөх байсан уу? (Үгүй, Багш аа.) […]
Харин одоо тэд Украин (Урейн)-ы хүсэлтийг хурдавчлуулна, бүр гишүүн болох асуудлыг нь ч хурдавчлуулах гэнэ. (Тийм ээ, гайхалтай.) Юмс арай амгалан тайвандуу байгаад би баяртай байна. Миний түрүүнд уншсан мэдээ, бас сая уншсан энэ мэдээгээр бол. (Тийм ээ, Багш аа.)
Хоёр хоногийн өмнө надад хэлсэн, би болсон гэдэгт итгээгүй. (Гайхалтай.) Би итгээгүй. Өөртэйгөө маргаж, “Надад янз бүрийн юм хэлж л байдаг. Ийм юм болох боломжгүй. Яаж болох юм?” Харин одоо илэрхий болж. (Тийм.) Ээ, хамаг Диваажин, дэлхийд мөн чөтгөрүүдийг санаагаа эргүүлж өөрчлөгдсөнд нь талархъя.
Бас нэг сайн мэдээ, улсын ТВ-ийн цөмийн дайны заналхийллийг “Оросын албаны хүн ‘хуурамч мэдээ’” гэж няцаажээ. (Өө, ашгүй.) (Тийм үү, ашгүй дээ.) “Оросын нэгэн албан тушаалтан Өрнөдийнхөн Орос цөмийн зэвсэг хэрэглэж болзошгүй тухай Ньюсуийкийн ‘хуурамч мэдээг’ Украин (Урейн)-д дайн ид өрнөж байгаа үед цацаж байна” хэмээн буруушаахдаа, Оросын улсын телевиз сүүлийн хэдэн сард цөмийн зэвсэг хэрэглэх тухай олонтаа дурдаж, мөн сануулж байсныг үл ойшоожээ” гэсэн байна. (Тийм.)
Мэдээ эргэсэн байна уу? (Тийм. Тийм байна, Багш аа.) Өмнө нь тийм ч цөмийн зэвсэг ийм ч цөмийн зэвсэг хэрэглэх тухай хаа сайгүй байсан нь зогсож. Хөөх! Энэ чинь сайн мэдээ биз дээ? (Ёстой гайхалтай сайхан мэдээ.) Энэ үнэхээр сайн мэдээ. (Тийм шүү, Багш аа). Би бүр итгэж чадахгүй байна. Юу гэх гэсэн гэхээр би мэдэх ёстой. (За, Багш аа.) Хэдхэн хоногийн дотор шүү дээ. Би “ Яаж бүтэх юм бэ?” гэсэн (Юмс асар түргэн өөрчлөгдөв.) Яаж энэ бүтэв ээ?
Сая би уншаад, тэгээд л итгэлээ. Цагаан дээр хараар (Тийм.) Учир нь бид олон ч удаа олон ч юм хэлж байсан, гэтэл бүтээгүй. Хүн бүр л ингэнэ тэгнэ гэдэг. Би энэ бүхнээс залхаад байна. (Тийм ээ, Багш аа.) Бурхан минь! Сайн мэдээний араас сайн мэдээ! Ингээд үнэхээр үргэлжлэх болтугай гэж бүгдээрээ найдъя! Ийнхүү үргэлжлээсэй. Энэ үнэхээр наашилж байна! Үнэхээр нааштай байна!
Оросын цөмийн дайн эхлүүлэх заналхийлэл нэлээн удлаа шүү дээ. (Тийм шүү, Багш аа) Гэхдээ тэд саяхныг хүртэл үүнийг зөөлрүүлэх, үгүйсгэхийг огт оролдоогүй, “хуурамч мэдээ” гэж хэлээгүй. (Тийм, тэр үнэн шүү.) Хөөх! Дахиад ямар сайхан зүйл болохыг би бодож зүрхлэхгүй байна, гэвч энэ мэдээ бидэнд үнэндээ бага ч гэсэн сайхан мэдрэмж өгч байна. (Тийм шүү, Багш аа, яг тийм)
Хөөрхий Украин (Урейн) улс болон хамаг дэлхийн энх тайванд илүү итгэл найдвар өгч байна. (Тийм шүү, Багш аа.) Ер нь боломжтой байж магад. Амгалан дэлхий, Веган дэлхий. Веганизм болоод энх тайван бидэнд одоо болон өнөд диваажин, аз жаргалыг бүтээж өгдөг. Мах идэх, дайн дажин хийх нь бүх зүйлийг, түүний дотор бидний энэ амьдралыг сүйрүүлж, хойд төрөлд маань зовлонд унагаадаг.
Хөтлөгч: Хамгаас Өгөөмөр Их Багш Таныхаа мөнхийн Хайр Нигүүлслийн ачаар бид дэлхий маань илүү амар амгалан, эе зохиролтой ирээдүйг үзнэ хэмээн гэгээн итгэл найдварыг харж байна. Бид чин сэтгэлээсээ Бурханаас адислал, тусламж хүсэн залбирснаар дайн дажин дурсамж болж үлдсэн бүрэн Веган гаргийг цогцлоох хичээл зүтгэлээ бүгд үргэлжлүүлсээр байх болтугай. Бид шинэ, өгөөмөр, эелдэг хүн төрөлхтнийг хэдий чинээ сайн хүмүүжүүлнэ, төдий чинээүүнийг цогцлооход итгэлтэй, амжилттай байх болно. Их Багш маань аюулгүй, эрүүл энх байж, бүхий л Сүр Жавхлант Диваажингуудын цаглашгүй хамгаалалд орших болтугай хэмээн ерөөе.
Төгс Гэгээрсэн Их Багш Чин Хайн дэлхий дахин дахь КОВИД-19-ийн хямрал, вакцинуудын аюултай үр дагавруудын талаар, Эх Дэлхийг хүссэнээрээ өөрчлөн диваажин болгохын тулд бид юу хийж чадах вэ гэдэг талаар хэрхэн айлдсаныг сонсохыг хүсвэл Багш шавийн шүтэлцээгээр хожмын өдөр энэхүү конференцийг бүрэн эхээр хүлээн авч үзээрэй.
Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:
Шуурхай мэдээ:
Энх тайвныг сахин бусдын амь насыг нандигна
Зөвхөн Энхтайвныг сахиулагчид л Диваажинд хүрч чадна
Эерэг Хүчний Төлөөлөгчид хүн төрөлхтөнд тустай
Нийгэмд том байр суурь эзэлдэг байх тусмаа илүү даруу байх ёстой
Уучлах нь өс хонзонг цайруулж Энх Амгалан Дэлхийг Авчирдаг
Дэлхийн удирдагчид эрх чөлөө, ардчиллыг үйлдлээрээ хамгаалах ёстой
Эерэг болон сөрөг талын харилцан хамаарал
Бусдад сайн хандвал Бурхан танд сайн хандана
Оросын армид Бурханаас илгээсэн захиас
Багш шавийн шүтэлцээ:
Дэлхийн бүх улсын төр засаг Украин (Урейн)-ы талд зогсох ёстой
Хүчирхэг орнууд зоригтой байж Украин (Урейн)-д туслах ёстой
Сайн ба муугийн хооронд болж буй дайнд Диваажин Украин (Урейн)-д тусалж байна
Төгс Гэгээрсэн Их Багш Чин Хайн Украин (Урейн)-ы тулгамдсан нөхцөл байдлын талаарх санаа бодол
Дэлхий дахин Украин (Урейн)-ыг дайнд ганцааранг нь үлдээлээ
Украин (Урейн)-д тусалж буй талаар урамтай сайхан мэдээ
Хүчирхэг улсууд Украйн (Урейн)-д өгсөн амлалтдаа хүрээгүй
Украин (Урейн)-ы ард түмний нэгдмэл чанар Дэлхийн өмнө гэрэлтэж байна
Украин (Урейн)-ы эрхэм зорилго Оросын хүчнээс илүү хүчирхэг
Хоёр найз
Хүн чанар, сайн сайханд итгэх нь бие биедээ тусалж буй хэрэг юм
Аливаа улс орныг эзлэн түрэмгийлэхийг зөвтгөх шалтгаан үгүй
Өөрсдийн болон бусдын төлөө хичээнгүйлэн нийтийн бясалгал үйлдье
