Хөтлөгч: 2022 оны 5-р сарын 29-ний ням гарагт Суприм Мастер Телевизийн ажлын багийнхантай бидний Хамгаас Хайрт Төгс Гэгээрсэн Их Багш Чин Хай утсаар холбогдон асуултад хариулахын ялдамд багийнхны цуглуулсан сайн мэдээнүүдийн талаар бодол санаагаа хуваалцлаа.
(Ардчилсан нам дээрдсэн юм шиг, тэд аливааг арай дээр шийдвэрлэж байх шиг санагдах юм. Тийм байна уу, Багш аа?)
Тэд тэгэх учиртай, тэгэх учиртай. Яагаад гэвэл манай хэдэн хүн бас тэнд бий. (Хөөх,) Сайхан төрхтэй, гэгээ татсан, өнгөлөг, сайн зүйл ярьсан, сайн зүйл хийсэн хүмүүс байвал тэд чинь манай хүмүүс гэсэн үг. (Аан. Хөөх. Ашгүй дээ.) Тэгэхээр ямартай ч байхгүйгээс арай дээр тэнцвэртэй байгаа. (За, Багш аа.) Ийм л юм.
Энэ биет ертөнцийн хувьд гэхэд Даоизмын бэлгэ тэмдэг ямар байдгийг та нар мэднэ (Тийм.) Даогийн бэлгэдэл дугуй, тэгээд тал нь цагаан, тал нь хар, бие бие рүүгээ ороон нийлсэн байдалтай байдаг. (Тийм.) Мөн цагаан дотор хар цэг байдаг. (Тийм.) Хар дотор нь ч бас цагаан цэг байдаг. (Тийм ээ.) Тэгэхээр заримдаа Бүгд найрамдах намынхан ч асуудал тарьдаг. Тэгээд бусад шийдвэрт, бусад гишүүдэд нөлөөлдөг. (Тийм.) Тэр хар цэгээс болоод. (Ойлголоо. Тийм.) Тэгээд Ардчилсан намынхан заримдаа сайн шийдвэр гаргаж, асуудлыг сайнаар шийдвэрлэж байгааг та нар харж байгаа. Тэр нь цагаан цэгээс болж байгаа. (Аан. Тийм.)
Бурхан энэ дэлхийг хүртэл бүхэлд нь харанхуй юм уу, бүхэлд нь гэгээ гэрэлтэй байлгадаггүй. (За, Багш аа.) Үүний төлөө Бурханд талархъя. (Тийм ээ. Бурханд талархъя.) Бурхан бүх зүйлийг бодолцдог. Бид хийж байгаа зүйлээ мэддэггүй шиг биш. Харанхуйд бид гар чийдэн ч үгүй бүдчиж явдаг. […]
Даогийн бэлгэдлийн хар дотор зөвхөн ганц жаахан цагаан цэг байдаг. (Тийм.) Тэр бол эерэг энергийн бэлгэдэл юм. (Тийм байх нь. Тийм.) Даогийн бэлгэдлийн цагаан хэсэг доторх хар цэг нь сөрөг хүчийг илэрхийлж байгаа юм. (Тийм.) Тэгэхээр гол нь эерэг хүчний зүгээс тэр хар доторх цагаан цэгийг буюу, харанхуй доторх жаахан эерэг хүчийг тэтгэх нь илүү хэцүү. (Тийм байж таарна.) Нөлөөлөхөд илүү хэцүү ч оргүй биш юм шүү. (Тийм. Ойлголоо.) Тэгэхээр үе үе жаахан найдвар цухалзаж харагдана. (За. Ойлголоо.) Мөн цагаан тал буюу энэ материаллаг ертөнц юмуу дэлхийн эерэг талыг илэрхийлсэн хэсэгт нь бас хар цэг байдаг. Үргэлж ямар нэг саад бэрхшээл байдаг.
Гэхдээ нэг нь нөгөөгөө тэнцвэржүүлж байна. (Тийм, Багш аа.) Учир нь энэ ертөнцөд, өөрөөр хэлбэл энэ биет дэлхийд хүслээр болох юм гэж үгүй. (Тийм ээ.) Бурханы хүсэл зоригийг энэ хорвоо, энэ биет дэлхий дээр үргэлж дагаж мөрддөггүй. (Тийм.) Тэгэхээр энд тэндгүй бэрхшээл, золгүй явдлууд гарч, дайн, өлсгөлөн зэрэг нь эерэг хэсгийн дотор хүртэл гарч буй сөрөг үйлчлэлээс болж буйг та нар харж болно.
Иймд хэдий баяр жаргалтай байх учиртай ч гэсэн энэ дэлхий үргэлж баяр жаргалтай байдаггүй гэдгийг бид харж байна. Бид бүхэлд нь тэгш жаргалтай, сэтгэл дүүрэн болгож чадах хэдий ч чадахгүй байна. Яагаад гэвэл энэ дэлхийн ухамсар бэлэн биш байна. Тиймээс л бид дайтаж дэлхийн бараг өнцөг булан бүрд тэр бүү хэл хамгийн сайхан гэгдэх улс орнуудад хүртэл хүчирхийлэл үйлдэгдэж байдаг. (Ойлголоо.) Арай бага л болохоос. Зарим улсад бага, зарим улсад их гардаг.
Энэ дашрамд хэлэхэд Америкт маш гунигтай зүйл болжээ. Нэг хүү бага сургууль руу явж ороод 21 хүнийг бууджээ. (Тийм. Тэгсэн.)
“Nightline-ийн мэдээ – 2022.5.25
Миреяа Вилларреал (f): Өнөө өглөө Техасын Улвалд дахь Роб бага сургуульд олон хүн рүү гал нээж дор хаяж 21 хүн, тэдний дотор 19 хүүхэд амиа алдсан нь сүүлийн арван жил болоогүй аймшигтай аллага болж Виржиня Тек-д болсон явдлаас хойших Америкийн гурав дахь ийм аймшигт явдал боллоо.
Элизабет Нойманн (f): Энд тарьсан хэргийн хэмжээ, амиа алдсан хүмүүсийн тоо асар их юм.
Брэд Гарретт (m): Бага сургуулийн ес, арван насныхан. Биеэ хамгаалах ямар ч чадваргүй, гэм зэмгүй. Тэд ангидаа буудууллаа. Сэнди Хүүкт байж боломгүй энэ дүр зураг хүмүүсийн ой ухаанд хадагдаж үлдлээ.
Миреяа Вилларреал (f): Албаныхны хэлж байгаагаар зэвсэглэсэн этгээд Сальвадор Рамос мөн өөрийн эмээг бага сургуулийн сурагчид руу халдахаасаа өмнө буудсан байна.”
“Today-ийн мэдээ – 2022.5.25
Оператор (m): Зургаан настай охин буудуулсны улмаас нүүрнийхээ баруун хэсэгт болон эрүүндээ шархтсан.
Виллиам (m): Хууль сахиулагчид яаралтай тус сургуулийг битүүмжлэн хүүхдүүдийг хагархай цонхоор нүүлгэн шилжүүлж хүүхдүүдийг гарган авч байна.”
“MSNBC-ийн мэдээ – 2022.5.27 Гэрч сурагч (m): Бид дундаа нэг хаалгатай бөгөөд тэр түүнийг онгойлгосон. Тэгээд түүгээр орж ирээд жаахан бөхийсхийгээд “Үхэх цаг боллоо” гэж хэлсэн. Буудахад маш чанга чимээ гарсан. Миний чих дөжирч шалан дээр унасан сумыг харахад жинхэнэ байсан. Тэр сонсох гээд байсан болохоор би найздаа битгий ярь гэсэн. Цагдаа нар тусламж хэрэгтэй бол “туслаарай” гэж хэл (хашхир) гэсэн. Тэгээд тэд нэг хүнийг нь барьсан. Манай анги тэгээд “Туслаарай” гэсэн. Тэр залуу сонсоод орж ирээд түүнийг буудсан. Цагдаа нар тэгээд ангид орж ирсэн. Тэр залуу цагдаа нарыг буудсан. Тэгээд цагдаа нар шууд буудаж эхэлсэн.”
Ихэнх нь хүүхдүүд байсан нь аймшигтай юм. (Тийм. Аймшигтай.) Энх цагт ийм зүйл боллоо. Тэд дайн дажинтай байгаа юм биш шүү дээ. (Байхгүй.) Бүр ямар ч шалтгаангүй. (Тийм.)
Үүгээр та нар сөрөг хүчний хийсэн зүйлийг харж байна. (Яг тийм байна, Багш аа. Аймшигтай.) Чөтгөрийн хүч. Яагаад гэвэл тэр хүүд үүнийг хийх шалтгаан байгаагүй. (Яг үнэн. Тийм.) Тэр бүр өөрийн хамт амьдарч байсан, өөрийг нь асарч халамжилдаг байсан эмээгээ хүртэл буудсан шүү дээ. Эмээ нь ердийн л нэг эмээ шиг харагдсан. Тэр хорон муу, элдэв бусын юм шиг харагдаагүй. (Тийм, Багш аа.) Ер нь эмээ өвөө нар ач зээгээ ямартай ч их эрхлүүлцгээдэг. Тэд хатуу ширүүн маягаар ач зээдээ ханддаггүй. Тэгэхээр тэр хүүд эмээгээ буудах шалтгаан байгаагүй. (Тийм, Багш аа.)
Үүнээс энэ бол сөрөг хүчний хийсэн хэрэг гэдгийг нь харж болно. (Тийм байна, Багш аа.) Хүү бол бас нэг хохирогч нь төдий юм. (Тийм.) Би та нарт хар нүх, тэр гарч ирсэн од гээд байгаа зүйлийг хөнөөгч оршихуй гэж хэлсэн дээ. […] Би эдгээр гэр бүлүүд болон гэм зэмгүй хүүхдүүдийн төлөө маш их харамсаж байна. (Тийм ээ.) Ямар ч шалтгаангүйгээр тэд ингээд амиа алдчихлаа. Дайнд ч биш. Ай, аймшигтай.
Энэ бол бид эдгээр аллагын машин техникүүдийг бүтээж байгаагаас бий болж буй асуудал. (Яг үнэн. Тийм.) Зарим улс оронд энэ бүх автомат буунуудыг бүрэн хориглодог. (Тийм.) Тэгээд асуудал бага байдаг. (Тийм.) Ингэж таарснаа буудаж, үй олноор нь буудсан талаар тийм их сонсогддоггүй. Энэ явдал Америкт анхных биш. (Тийм. Үнэн.) Олноор нь буудаж байгаа нь анхны удаа биш. Бүр ихэвчлэн залуу насныхан хийсэн байдаг. Хөгшин галзуу, эсвэл ууртай бухимдуу нөхөр ч биш байсан. Хүүхдүүдийн дунд (буудах явдал) сургуульд олон удаа гарлаа. Аймшигтай юм. […]
Эрдэнэ мэт үр хүүхдээ болон багш нарыг алдсан бүх гэр бүлд би эмгэнэл илэрхийлж байна. Бас Америкт эмгэнэл илэрхийлж байна. Нийгэм нь бүхэлдээ ямар нэг байдлаар сайжрах хэрэгтэй. Энэ янзаараа хүн бүр өөрсдийгөө цочирдуулж хөнөөсөөр байх нь. Ийм байсаар байж болохгүй.
Швейцарт олон иргэнд буу байдаг шүү дээ. (Тийм.) Сум, буу гэх зэрэг ямар нэг зүйлийг дайн болж мэднэ (Тийм.) гээд бэлэн байж байдаг. Гэхдээ үүнийг таарсныгаа хөнөөхөд ашигладаггүй. (Тийм, Багш аа.) Швейцарт ийм тохиолдол гарсан гэж бараг сонсогддоггүй. (Яг үнэн. Тийм.) Эсвэл жишээ нь Финлянд байна. (Тийм.) Тэд орон гэртээ зэвсэгтэй боловч сэтгэхүйн хувьд өөр. Тэд сахилга баттай. (Тийм, Багш аа.) Тэд илүү өндөр ухамсартай.
Америк бол бүх зүйл холилдсон газар. Зарим нь маш сайн, өгөөмөр, сайхан сэтгэлтэй. Тэд хандив тусламж өгөх тал дээр энэ дэлхийн магадгүй хамгийн өгөөмөр хүмүүс байх (Тийм.) Тэд хөршдөө тусалдаг, тусламж хэрэгтэй хэнд ч бай, бусад улс оронд ч тусалдаг. Энэ нь АНУ-ын маш сайхан чанар юм. Гэтэл нөгөөтээгүүр тэдний дунд өөр бусад хар бараан холилдон байдаг. (Тийм, Багш аа.) Тэд хангалттай сахилга баттай биш. Тэд оюун бодлоо хангалттай хянаж чаддаггүй. Тэдний зарим нь л даа. Тэгэхээр иймэрхүү эмгэнэлт явдлууд дандаа сонсогдоод байгаа юм. (Тийм. Яг үнэн.) Зүйрлэх аргагүй, яаж ч залруулах аргагүй. Аймшигтай, аймшигтай. (Тийм.)
Тэгэхээр ард иргэд чинь биеэ хамгаалах шаардлага гарч магадгүй хэмээн зэвсэгтэй болохыг хүсвэл тэдэнд итгэж болох эсэхийг харах хэрэгтэй. (Тийм.) Жишээлбэл Швейцар болон Финляндад арми байдаг тийм биз дээ? (Тийм.) Тэд зэвсэгтэй байлаа ч гэсэн түүнийгээ тэгж таарснаа ямар ч шалтгаангүйгээр хөнөөхөд ашигладаггүй. Тэгэхээр Америкт энэ талаар шийдвэр гаргахад их хүнд. 18 настан том буу худалдаад авч болохыг хараа биз. (Хөөх.) Тэр хүү 18 нас хүрэв үү үгүй юу даруйхан явж очоод буу худалдаж авч. (Хөөх.) Яагаад гэвэл тэр үүнийг их удаан хүлээж байсан хэрэг. (Бурхан минь.)
“CNN-ийн мэдээ – 2022. 5.25
Адриен Броддус (f): Техас мужийн сенатч Роланд Гутьеррес буудагч этгээдийг “аллагад ашигласан автомат урт бууг хууль ёсны дагуу худалдаж авахад ямар ч асуудал байгаагүй” гэлээ.
Роланд Гутьеррес (m): Тэр энд Увалдэд дунд сургуульд сурч байсан ч гэсэн харамсалтай нь 18 насныхаа төрсөн өдрөөр тэр таны ярьж байсан хоёр автомат урт бууг худалдан авчээ.”
Ийм сэтгэлгээ бол нийгмийн хар толбоор тэжээгдсэн байдаг. (Тийм.) Санаатайгаар төлөвлөж үйлдсэн асуудал. Тийм ээ, тэр залуу нэг агшинд уурлаад л жолоо алдчихсан юм биш. Тэгээгүй. Тэр бүр эгчээсээ жилийн өмнө буу авахад туслаач гэж гуйж байсан. (Хөөх.) Яагаад гэвэл тэр 18 хүрээгүй байсан. (Хөөх.) Тэгэхэд эгч нь татгалзсан. Тэгээд 18 хүрсэн даруйдаа тэр хорон төлөвлөгөөгөө хэрэгжүүлсэн. (Хөөх.)
Ээ, Бурхан минь. Энэ бол чөтгөрүүдийг үнэхээрийн хорон муу нөлөө. (Тийм, Багш аа.) Тэгээд хүүхдүүдийг алж байдаг. (Цочирдом юм. Аймаар. Аймшигтай.) Тийм, тэгээд тэд идэж чадахаар болно. Би хэдийн хэлсэн дээ. (Тийм.) Тэд хүүхдэд дуртай. Чөтгөрүүд сүнс идэх, тэгж зовж үхсэн хүүхдүүдийн энергийг идэх дуртай. (Хөөх. Ойлголоо.) […]
Аймшигтай. Зарим нь бүр зарим газарт уй гашуу тарихад төвлөрөөд байж байдаг. (За.) Өмнөх шиг их биш байж болно. (Ойлголоо.) Урьд нь бүр их байсан болохоор Дэлхийн нэг болон хоёрдугаар дайн болсон. (Тийм байх нь.) Одоо хэр нь бид Орос хэрэв өөрчлөгдөхгүй бол Дэлхийн гуравдугаар дайны ирмэгт байж мэднэ. (Тийм.)
Гэхдээ юу гээч? Өө, хэлэх зүрх хүрэхгүй нь ээ. (Юуг вэ, Багш аа? Хуваалцаж болох уу? Гуйж байна.) (Гуйя, Багш аа. Болох бол айлдана уу.) Бодоодохъё. Бурхан минь, өгөөжтэй эсэхийг бодоод үзье. (За, Багш аа.) Үгүй байлаа ч хэзээ нэг цагт мэдэх л болно. (За, Багш аа.)
Гэхдээ би Путиныг үхсэн гэж бодож байна. Тэгээд л тэр өмнө минь өвдөг сөгдөөд тамаас маш их айснаасаа болж уучлалт гуйж л дээ. (Өө, хөөх.) Тэгэхээр тэр ямартай ч нас баржээ. Түүний одоо хаана байгааг би хэлэхгүй. (Өө, хөөх.) Дараа хэлж магадгүй л юм. (Ойлголоо, Багш аа.) Харин одоо хэн нэг нь дэлхий дахинд Путины үхсэнийг мэдэгдэхээс айж байгаа тул дайн үргэлжилсээр байна. (Хөөх!)
Харж байна уу, тэгээд л Оросын ерөнхийлөгч шархадсан цэргүүд дээрээ анх удаа очиж байгаа талаар олон зураг бичлэгүүдийг үзүүлсэнд Оросыг шоолсон мэдээнүүд гарч байна. (Аан, тийм.) Гэхдээ зарим хүмүүс анзаараад “Үгүй ээ, үйлдвэр дээр урьд үзэгдэж байсан эр мөн байна” гэж хэлсэн. Яагаад гэвэл тэдний харуулснаар тэр хүмүүс цэргүүд нь огт биш бөгөөд хэсэг хугацааны өмнө нь хийсэн уулзалт дээрх хүмүүс байсан. (Ойлгож байна. Ойлголоо. Тийм байх нь.)
Зөвхөн царай төрх нь төдийгүй тэдний өмссөн хувцсанд нь онцгой зүйл байж. (Хөөх.) Цэргүүдийнх нь дүрэмт хувцас биш, зарим үйлдвэрийнхний өмсдөг дүрэмт хувцас гэсэн. (Өө, хөөх.) Тэгэхээр хувцсанд нь таних тэмдэг байж. Бас тухайлбал адил өнгийн хувцастай байсан гэсэн. Тэд үүгээр түүнийг жүжиг тавьж байна гэж шоолсон.
Гэтэл үгүй – тэр нас барсан. Хэдэн долоо хоногийн өмнө. (Хөөх.) Та нарт хэлсэн өвдөг сөгдсөн тухайд тэр өдөр тэр сөгдсөн юм биш. (Аан, ойлголоо.) Урьд нь тохиосон ахуй ойлголтыг ярьсан юм. (За.) Тэгээд, “Би ахуй ойлголт” үзлээ гэсэн хэрэг. Хэр хугацааны өмнө гэдгийг мартжээ. Гэхдээ тэр хамаагүй.
Энийг тэгэхдээ би нотолж чадахгүй. Тэгэхээр итгэх эсэх нь та нарын хэрэг. (Тийм, Багш аа. Бид итгэнэ. Бид Танд итгэнэ.) Та нар харах болно. Ерөнхийлөгч нь шархтсан цэргүүд дээрээ анх удаа очлоо гэсэн ийм онцгой чухал зүйлд тэд яагаад хуучин зураг өгөхөд хүрэв? (Тийм, яг үнэн.) Тэдэнд яагаад жинхэнэ зураг байхгүй байдаг билээ? (Тийм, Багш аа.) Ийм зүйлийг уул нь тэд бүх мэдээллийн хэрэгсэлд хүргэнэ. (Тийм, Багш аа.) Ийм хуучин зургийг тэд ашиглаж байгаа нь сонин. Яах гэж? (Тийм, Багш аа.)
Тэд мөн түүнийг цэргүүдтэй бүр гар барьсан гэсэн. Үгүй! Тэр үйлдвэрийн ажилчидтай гар барьсан. Аль дээр нэг удаа. (Тийм.) Энэ бол хэдхэн сэжүүр. (Тийм.) Надад ямар ч нотолгоо байхгүй учраас би та нарт юу ч хэлж чадахгүй. (Ойлголоо, Багш аа.)
Бас өөр нэг зүйл гэвэл Финляндын ерөнхийлөгч түүнтэй утсаар ярьж, Путин гээд байгаа түүнд бид НАТО-д элсэх гэж байна гэж хэлсэн явдал юм. Тэгтэл Путин маш тайван, огт буруушаан заналхийлсэн зүйлгүй байсан. Маш тайван тогтуун байсан. Дуу хоолой нь гэх гэсэн юм. (Тийм.)
“CNN-ийн мэдээ – 2022.5.15
Ерөнхийлөгч Нинисто (m): Миний хэлсэнчлэн нэлээд тайван, тогтуун байсан.
Дана (f): Тэр танд гайхмаар зүйл хэлсэн үү?
Ерөнхийлөгч Нинисто (m): Үнэндээ гайхшируулсан зүйл гэвэл тэр үүнийг тун тайван хүлээж авсан.”
Сэжигтэй өөр бас олон зүйл байгаа. Тухайлбал тэр НҮБ-ын Ерөнхий нарийн бичгийн даргатай урт боловч дугуй ширээнд суусан. Царай нь их хол байсан. (Тийм.) Харин тэд царайг нь өөр уулзалтынхаас тодруулж татсан. […]
Өөр юу юу билээ? Тэгэхээр Ардчилсан намд зарим сайн хүн эерэг хүчний төлөө ажиллаж байгаа. Бүгд найрамдах намд ч бас бий. Тэнд бас хэдэн сөрөг хүн ажилладаг. Та нар тов тодорхой харж болно. Хэн нь хэн бэ гэдгийг харж болно. Мэдээ анхааралтай үзэх юм бол хэн гэдгийг нь мэдчихнэ. (Яг тийм. Тийм, Багш аа.) Би нэрсийг нь хэлмээргүй байна. (За, Багш аа.) Хэн нь хэн бэ гэдгийг би тодорхой мэднэ.
Мөн мэдээж хэрэг сөрөг талд ямар эерэг хүн ажиллаж байгааг тодорхой харж болно. Тэдний байр байдал, аливааг хийж буй арга барил, ярьж байгаа зэрэг нь Ардчилсан намын бусад гишүүдийг бодвол эрс өөр байдаг. (Тийм, Багш аа.) Бүгд найрамдах намын хувьд адил. Тэд одоо болтол ерөнхийлөгч Трамптай зууралдсаар байна. (Тийм. Ойлгож байна.) Тэдний ихэнхийнх нь царай яг л чулуу шиг, их муухай байдаг. Их харгис царайтай. (Тийм.) Түүнийг хавчих гэж, унагах гэж оролдох тэр хүмүүс ихэвчлэн чулуу шиг юм уу, маш муухай, харгис царайтай байдаг. Найрсаг, сайхан биш. Гэгээ татсан биш. Ярихдаа ч, нүүрний болон биеийн илэрхийлэмжийн хувьд ч гэгээлэг биш байдаг. (Тийм, Багш аа.)
Тэгэхээр хаа нэгтээ ямар нэг найдвар ямагт байдаг. (Тийм. Тэр үнэн, Багш аа.) Иймд Ардчилсан намынхан бүгдээрээ сөрөг байдаггүй. (За. Ойлголоо.) Тэнд сайн хүмүүс ч бий. Байх ёстой. (Тийм, ойлгож байна.) Эс бөгөөс, эерэг хүч туслахгүй юм бол дэлхийн байдал улам дордож, Украины дайны байдал ч муудах байлаа. Тэд үргэлж тусалсаар байдаг. (За.)
Бүгд дууссан уу? Байвал хэлээрэй. (Эхний мэдээ гэвэл: Оросыг НҮБ-д төлөөлөн Женевт суудаг Оросын дипломат Борис Бондарев Украины эсрэг Путины эхлүүлсэн цуст дайныг эсэргүүцэн ажлаа өгсөн.) Тэр ажлаа өгсөн нь сайн болж. Зарим хүмүүс ухамсартай байх юм. (Тийм.)
“VOA-ийн мэдээ – 2022.5.27 Хенри (m): Оросын дипломат харилцаанд 20 жил ажилласан 41 настай Борис Бондарев. Тэрээр энэ долоо хоногийг хүртэл Женев дэх НҮБ-д ажиллаж байв. Тэрээр ажлаа хүлээлгэн өгч байгаагаа даваа гарагт Фэйсбүүкт нийтэлсэн захидлаараа батлан “энэ оны 2-р сарын 24-нийх шиг эх орноосоо би хэзээ ч ингэж их ичиж байсангүй” хэмээн Оросын Украин руу халдан довтолсноо зарласан өдрийг дурдлаа.”
“Guardian News-ийн мэдээ – 2022.5.23
Борис (m): Орос дипломатын хувьд би цаашид ажиллах боломжгүй. Украины хувьд чухал үе юм, учир нь үүний дараа өөр сонголт үлдээгүй. Гарах, болих ганц л сонголт байгаа. Хэзээ гэдэг л асуулт байгаа болохоос болих уу болихгүй юу гэдэг тухай биш юм. Энэ миний хувьд асуулт биш. Энэ бүхний эцсийн зорилго чухам юу вэ, хэлэлцэх зэрэг энхтайван, дипломат замаар шийдэх бус яагаад ийм байдлаар хийх гэж гэсэн асуултын тухайд надад бүх зүйл тодорхой болсон.
Эндрьюв (m): Таныг огцрох гэж байгааг хүмүүс мэдэх хэрэгтэй гэдэг нь ямар мессеж болж байгаа бол?
Борис (m): Миний бодлоор заримдаа та толинд дараа нь харж чадахаар байхын тулд ямар нэг зүйл хийх хэрэгтэй болдог.”
Маш сайн юм болж. Их сайн. Өөр бас хэдэн бүс нутгууд бий. Мөн хоёр хуульч Путинээс Украин дахь дайнаа зогсоохыг хүсжээ. Тэр даруй тэр захирагч хамгаалагчдадаа ч юм уу авч гарахыг тушаан тэднийг урвагч хэмээн цоллож урвагчтай харьцаж байгаа юм шиг харьцах болно гэж сүрдүүлсэн. (Тийм.)
“The Telegraph-ийн мэдээ – 2022.5.27 Леонид Васюкевич (m): Хэсэг хууль тогтоогчид бид танд хандаж байна. Приморье мужийн иргэдийн хурлынхан хэдэн өдрийн өмнө цэргийн тусгай ажиллагаанд амиа алдсан цэргүүдийн ар гэрийнхэнд тусламж үзүүлэх хэд хэдэн алхам хийсэн юм. Манай улс л энэ цэргийн тусгай ажиллагаагаа зогсоохгүй юм бол манай улсад улам олон өнчин хүмүүс нэмэгдэх болно гэдэгт бид итгэлтэй байна. Энэхүү цэргийн тусгай ажиллагааны үрээр залуухан эрс улс орноо хөгжүүлэхэд хувь нэмрээ оруулах байсан атлаа нэг бол амиа алдаж, эсвэл тахир дутуу болж байна. Цэргийн ажиллагаа эхлээд бараг гурван сар болсон энэ хугацаанд цэргийн хүчээр амжилтад хүрэх боломжгүй нь харагдлаа. Цаашид үргэлжилбэл улам олон амиа алдсан, шархтсан цэргүүд л нэмэгдэнэ. Бид Орос цэргүүдээ даруй эргүүлэн татахыг шаардаж байна. Энэ дайсагналыг зогсоохыг шаардаж байна.”
Зарим зоригтой хүмүүс эрсдэлийг нь мэдсээр байж ингэдэг. (Тэгдэг.) Эд нарыг эерэг талынх болохыг харж болохоор байна. (Яг тийм. Тийм, Багш аа.) Та нар тэдний үйлдлийг, хэлсэн үгийг, байр байдлыг нь хараад хэн бэ гэдгийг нь мэдчихнэ. Харанхуйд хүртэл жаахан гэрэл байдаг шүү дээ. (Яг тийм. Тийм ээ.) Гэрэл гэгээтэй газар ч харанхуй өнцөг булан гэж байдаг. Одоо түүнийг харж байна. (Тийм, Багш аа.) Энэ бол Даогийн, Даоизмын бэлгэдлийн утга учир юм. (Ойлголоо.)
Сайн байна. Өөр тийм хүмүүс бас байгаа. Гэхдээ тэд заримдаа айсандаа ухрахад хүрдэг. Оросын нэгэн дээд албан тушаалын хурандаа зурагтаар хэлэхдээ бид дайнд ялагдах нь, Орос ялж чадахгүй, дэлхий бүхэлдээ бидний эсрэг байна гэж хэлсэн. (Аан, тийм. Тэгсэн.)
“Channel 4 News-ийн мэдээ – 2022.5.17
Сурвалжлагч (m): Нэгэн ер бусын хэлэлцүүлэгт, Оросын цэргийн шинжээч, тэтгэвэрт гарсан генерал Оросын төрийн телевизэд хэлэхдээ, дайн Оросын хувьд сайн үр дүнд хүрсэнгүй гэжээ.
(Орос хэлээр) Михаил Ходарёнок: Нэг ёсондоо бид геополитикийн хувьд бүрэн тусгаарлагдмал байдалд байна. Хэдийгээр бид үүнийг хүлээн зөвшөөрөхийг үзэн ядаж байсан ч бараг бүх дэлхий бидний эсрэг байна.”
Тэгээд хэдэн өдрийн дараа тэр үгнээсээ буцаад, “Өө, Орос ялж чадахаар байгаа” гэсэн. (Хөөх.) Хэн нэгэн түүний эхнэрийг нь юм уу, охиныг нь ч юм барьцаалсан байж болох юм. Тэгээд, “Үгээ буцаа, эс бөгөөс” гэж сүрдүүлсэн биз. (Аан, тийм байх.) Орост амьдардаг бол өөр хаашаа зугтах билээ? (Тийм.) Гэхдээ тэр ямар нэг юм хэлсэн нь сайн хэрэг бөгөөд хүн бүр түүнийг яагаад үгнээсээ буцсаныг нь ойлгож (Яг үнэн. Тийм.) түүнийг шүүмжлэхгүй. (Тийм. Тийм ээ, Багш аа.)
Зөвхөн энэ хурандаа зориглож хэлсэн үгнээсээ буцсан юм биш, өөр албан тушаалтнууд ч гэсэн (Яг тийм. Тийм.) тэгсэн. Тэд Кремлийг дайнаа зогсоохыг хүссэн гэдгээ үгүйсгэсэн. Үүнээс үзэхэд тэд өмнө нь Кремлиэс Украин дахь дайнаа зогсоохыг хүсэж байсан бөгөөд дараа нь үүнийгээ үгүйсгэсэн болж таарлаа. (Тийм.)
Орос дахь тогтолцоо хүмүүсийг ямар нэг байдлаар айлгадаг байх. Тэд хүмүүсээр хүссэн зүйлээ хүчээр хэлүүлж чадна. Зоримог хүмүүс байлаа ч дараа нь тэдний далавчийг ямар нэг байдлаар тушчихаар үргэлжлүүлэн зоригтой байж зүрхлэхгүй болчихно. (Тийм, Багш аа.)
Гэхдээ заримдаа нэг тийм зүйл болдог. Нэг удаа тийм хүмүүсийн нэг ТВ-д ярилцлага өгч байхдаа “Юу гээч? Олон улс орон жагсчхаад, бидэнтэй нэгдэхийг хүлээж байна” гэсэн. Энэ нь Орост, Оросын холбоонд дахин нэгдэх гэсэн утгатай. Тэгэхэд нь хөтлөгч ёжлонгуйгаар, “Тэгнэ, тэгнэ, аргагүй. Манайх визгүй, Мастеркартгүй, МакДоналдс ч байхгүй юм чинь бидэнтэй нэгдэхийг хүсэхээс яах билээ” гэж хэлсэн.
Тэдэнд ийм зүйл тохиолдсон учраас өөрийн эрхгүй заримдаа ингэж байх шиг байна. Тэд зүгээр л ам алдчихсан. Их хөгжилтэй юм. Оросын телевиз үнэхээр хөгжилтэй санагдаж байна. Уг нь тэд ингэж зүрхэлдэггүй. Гэхдээ сүүлийн үед энэ тэрийг цухуйлгах болсон. (Яг үнэн. Тийм.) Тэр ч хурандаа, энэ ч албаны хүн, хууль тогтоогчид энэ тэр гээд. Мөн телевизийн хөтлөгч ингээд ам алдчихлаа. (Яг үнэн. Тийм.)
“CNN-ийн мэдээ – 2022.3.13
Эрин (f): Украин дахь түрэмгийллийг эсэргүүцсэн гайхалтай шоу Оросын төв ТВ-ээр гарч байна. Лхагва гарагийн орой Оросын кино бүтээгч Путиныг дэмжигч хөтлөгчид ингэж хэлсэн юм.
Орчуулагч (f): Украин дахь дайн аймшигтай дүр зургийг бүтээж байгаа бөгөөд энэ нь манай нийгэмд маш их дарангуйлагч нөлөө үзүүлж буйг бид мэдэх хэрэгтэй. Сэтгэл хөдлөм. Энэ бол Украин. Таны хандлага ямар ч байлаа гэсэн бид хэдэн арван, хэдэн зуун холбоо харилцаатай байдаг юм шүү. Зарим гэм зэмгүй хүмүүсийн зовлон зүдгүүр энд өөр гэм зэмгүй хүмүүсийн зовлон зүдгүүрийн төлөөс болохгүй.”
Мэдээж тэд бүгдээрээ хүмүүс, Оросын бүх олигархуудын адил амь амьдрал, ажил төрөлтэй. (Яг тийм. Тийм) Тэд амьдралаа бодож өөрсдийгөө хамгаалах хэрэгтэй, тэдэнд үр хүүхэд, ач зээ бий. (Тийм, Багш аа.) Тэдэнд өөрийн гэсэн амьдрал байгаа учраас тэд хийх ёстой гэж бодсоноо хийж чадахгүй байна.
Тэгсэн ч хичээж байна. (Тийм, Багш аа.) Зарим цэргүүд хүртэл дайнд явахаас татгалзсан. (Тийм.) Олон цэрэг тэгсэн. Мөн Оросын шүүх юм уу засгийн газар нь зарим хүмүүс тэгсэн гэдгийг хүлээн зөвшөөрсөн ч, бүр түүнээс олон хүн байгаа. (Тийм, Багш аа.) Тэд нууж чадахааргүй хэдэн тохиолдлыг л хүлээн зөвшөөрсөн. Бусад нууж чадахаар тохиолдлуудыг тэд дурдахгүй. (Тийм.) Жишээ нь тэд Украинд зөвхөн хоёр генерал нь амь үрэгдсэн гэсэн. Саяхан л гэхэд бас нэг нь амь үрэгдсэн. (Тийм.) Харин Украины тал Оросын 30,000 цэрэг тэнд амь үрэгдсэн гэж тооцоолж байгаа. (Хөөх. Тийм.) Тооцсон нь тэр боловч илүү олон байх боломжтой. (Тийм.) […]
Бурхан минь. Өөр бусад дайнд ийм их хөнөөл учирч байсангүй. (Тийм. Яг үнэн.) Ийм хурдан ийм олон хүн үрэгдэж байсангүй. Иракийн дайнд хүртэл Америкийн 4,000 орчим цэрэг […] үрэгдсэн гэдэг. Иракийн дайн найм орчим жил үргэлжилсэн. (Тийм.) Тэнд нийт ердөө 4,000 үрэгдсэн ч энэ тоо хүү, охиноо алдсан гэр бүлийн хувьд аймшигтай их тоо юм. (Яг тийм. Тийм, яг үнэн.)
Харин одоо бид гурван сард Оросын 30,000 хүний тухай ярьж байна. Ай, байж болшгүй юм. Энэ бол тэр гэр бүлүүдийн тухайд хэдийн дэлхийн төгсгөл шиг, Армагеддон шиг байгаа. (Яг тийм. Тийм, Багш аа.) Аймшигтай. Эрэгтэй ах, дүү юм уу хүүтэй бол та нар үүнийг ойлгоно. (Тийм ээ.) Бид тэдний туулсан зовлонг зөвхөн төсөөлж л чадна.
“BBC News-ийн мэдээ – 2022.5.17 Стев (m): Оросууд ч гэсэн гашуудаж байна. Михайл Украин дахь ажиллагааны үеэр амиа алдсан юм. Анжелика түүний бэлэвсэн эхнэр. Кремль одоо хэр нь дайн гэж нэрлэхээс татгалзаж буй энэхүү ажиллагаанд хэдэн цэрэг амь үрэгдсэн бэ? Нэгэн гэр бүлийн зовлон улс даяар давтагдсаар.”
Дайнд бэртэж гэмтэн чадвараа алдсан, хүйтэнд харь газар таагүй байсан зэрэг тэр цэргүүдийн биеэр туулсан зовлонг бүр ярих ч юм биш. (Тийм.) Тэднийг ухрахдаа үүрч явахгүйн тулд заримыг нь өөрсдийнх нь командлагч буудсан байгаа. Тэднийг шархтахад нь зүгээр л буудаад алчихна. (Хөөх.) Бусад цэргүүд нь тэднийг амьд гарч болох байсан хэмээн гашуудаж байсан. Тэд аврагдаж болох байсан. (Тийм.) Жишээ нь зарим нь аминаас хол шарх авсан байдаг ч юм уу. Тэднийг гэрт нь хүргэвэл гэрийнхэн нь асарч чадахаар. (Тийм, Багш аа.) Баазад нь буцаасан бол гэх гэсэн юм. Гэтэл командлагч нь ердөө л анхаарал халамж тавихгүйн тулд зүгээр л буудчихсан. Тэгээд тэнд нь орхисон. (Өө, Бурхан минь.)
“The Sun-ийн мэдээ – 2022.5.17
Цэрэг 1 (m) Шархтах л юм бол дуусаа гэж эрчүүд ярьж байсан.
Сурвалжлагч (m): За. “Дуусаа” гэдэг нь юу гэсэн үг вэ?
Цэрэг 1(m): Энэ нь шархтсан цэрэг газар хэвтэж байхад нь батальоны командлагч түүнийг буудаад алчихдаг гэсэн үг. Нэг залуухан эр шархтаад газарт хэвтэж байсан. Тэр түүнийг алхаж чадах уу гээд.. тэгээд буудаад алчихсан.
Цэрэг 2 (m): Хамгийн гол нь энэ бол ганц тохиолдол биш. Дэд хурандаа тойрон алхаж байлаа. Тэр дөрөв таван хүнийг ингэж буудсан. Бүгд залуухан эрс байсан.
Цэрэг 3 (m): Тэдэнд тусламж үзүүлж, тэндээс авч явбал аврагдахаар байсан. Тэр шууд л буудаад алчихсан.
Цэрэг 4 (m): Ээж ээ, би амьд, бүх зүйл сайн. Би Одесст олзлогдсон. Би шоронд орно. Ээж ээ, бидэнд хэлсэн шиг бид нар энд энхийг сахиулахгүй байгаа. Бид энд түрэмгийлэн жирийн иргэдийг алсан. Ээж ээ, хар дарсан зүүд шиг байна. Энд манай салааны 15-20 хүн амьд гарсан байна. Бусад нь амь үрэгдсэн. Энд фашистууд нь бид нар байна. Бидний хүмүүст хийж байгаа зүйл бол хар дарсан зүүд л гэсэн үг. Бидэнд ташаа мэдээлэл өгчээ. Бидэнд үнэнийг хэлээгүй. Тэд энд фашистууд байгаа гэсэн хэдий ч ээж ээ, бид нар жирийн иргэд рүү буудаж байна.”
Бүх орос ээжүүд үүнийг мэдээсэй гэж би хүсэж байна. Тэдний хөвгүүд чөтгөрийн төлөө золиос болж, дургүй хүрэм шалтгаанаар, ямар ч эрхэм шалтгаангүйгээр тэгж зовж үхсэн, эсвэл шархтаад асаргаа аваагүй гэдгийг. (Тийм, Багш аа.)
Өөр зүйл байгаа юу, хайр аа? (Байгаа, Багш аа. Литва улс шархтсан украин цэргүүдийг эмчлэхэд бэлэн гэдгээ мэдэгдсэн. Литвын Батлан хамгаалахын сайд 5-р сарын 24-нд хэлэхдээ, “ойрын долоо хоногуудад Литва улс украин цэргүүдийг нөхөн сэргээхээр хүлээн авна” гэсэн. Тэрээр мөн Украинд цэргийн сургуулилт болон зэвсэглэлээр үргэлжлүүлэн хангахаа мэдэгдсэн.)
Гайхалтай, гайхалтай. (Тийм.) Литва улсыг ивээг. […] Польш, Румын, бүр Итали зэрэг зарим хөрш орнууд үнэхээр сайн байна. (Тийм.) Тэд бүгд тусалж байгаа ч хангалттай биш. Оргүйгээс дээр. (Яг тийм. Тийм, Багш аа.)
Украин улс энэ дайныг хэр удаан тэсвэрлэхийг мэдэхгүй. Учир нь хэсэг хугацааны дараа хүмүүс ядарч, тэдэнд туслах урам зориггүй болж яагаад ч нэмэргүй болж магадгүй юм. (Яг тийм.) Тэгэх юм бол Орос давуу талыг ашиглаж мэднэ. Миний санаа зовж байгаа ч Украин ялна гэж найдаж байна. Яагаад гэвэл тэд эрх чөлөөтэй байх гавьяатай. Тэд ардчиллаа авч үлдэх гавьяатай. (Яг тийм. Тийм, Багш аа.) Тэд аминаасаа ч үнэтэй газар нутгаа авч үлдэх гавьяатай. (Тийм, Багш аа.) Энэ нь хүн бүрд, дайсанд хүртэл сэтгэгдэл төрүүлэх учиртай. Гэхдээ л оросууд ингэж асуудал тарьсаар л байх юм. Тэгсэн ч би үүнийг удахгүй төгсөнө гэж найдаж байна. (Тийм, Багш аа. Бид бүгдээрээ найдаж байна.) Бид тэдний төлөө залбирч л байна. Ердөө тэр. (Тийм, Багш аа.)
Өөр зүйл байна уу? (Тийм ээ, Багш аа. Францын ерөнхийлөгч Эммануэл Макрон, Германы канцлер Олаф Шольц нар Путинтэй 80 минутын турш утсаар ярихдаа Мариуполь хотын Азовстал гангийн үйлдвэрээс сүүлд Оросуудад олзлогдсон 2500 орчим дайчдыг суллахыг гуйсан байна.) За. (Тэд Путинээс ерөнхийлөгч Зеленскийтэй “шууд, нухацтай хэлэлцээр хий” хэмээн хүсжээ.) Тэгээд? (Франц болон Германы удирдагчид мөн даруй гал зогсоож Оросыг цэргээ эргүүлэн татахыг шаарджээ.”) За. (Хоёр өдрийн өмнө болсон явдал.)
Тэгээд юу болсон бэ? (Үүний дагуу юу болсон талаар шинэ мэдээ аваагүй байна.) Путин гэгч юу гэж хэлсэн бэ? (Тэр юу ч хэлээгүй. Бид мэдэхгүй байна.) Видео конференц байсан уу? Зүгээр яриа юу? […] (Бидэнд бичлэг нь байхгүй. Ердөө яриа.) За. (Сонирхолтой. Тийм.)
Тийм, тэр одоо маш тайван байна. Тэр уулзахыг хүссэн хүн бүртэй ярилцаж байна. Тэр маш тайван байгаа бөгөөд дүрстэй яриа хийхгүй байна. Бүгд сайн. Би хэлсэн дээ. Хэрэв Путин гэгч өөрийн биедээ байгаад ярьсан байлаа гэхэд ямар нэг юм шүглэсэн байгаа гэж. Жинхэнэ биш. (Тийм.) Яагаад гэвэл би түүний хаана байгааг мэднэ. (Хөөх. Тийм байх нь.) Би харсан. (Ойлголоо, Багш аа.)
Тэгж байгаад би хэлнээ. (За, Багш аа.) Уучлаарай. Бас хэлж огт болохгүй шалтгаан бий. (За, Багш аа. Ойлголоо.) Би хэлж болохгүй. Яагаад гэвэл би хэлчих юм бол сөрөг тал давж гарах өөр арга зам олоод үүнийг өөрчилчихнө. (Ойлголоо Багш аа.) (За, Багш аа.) Намайг муухай харагдуулж зорилгоо гүйцэлдүүлэх гэж өөрчилнө. (Хөөх. За.) Тэд үргэлж ойр орчимд байж байдаг. Яг л цагаан дотор хар, хар дотор цагаан байдаг шиг. (Ойлголоо, Багш аа.) Би нүд салгалгүй цаг үргэлж ажиглаж байгаа. (За.) Харцагын нүдээр. (Тийм байх нь.)
Өөр зүйл байна уу? (Байгаа, Багш аа. Улам олон мах, сүүний ферм эрхлэгчид веган үйлдвэрлэлд шилжиж байна. Их Британийн Лорэнс Кэнди үхрийн сүрьеэ өвчнөөр ихэнх үнээ-хүмүүсээ алдаад амьтан-хүмүүсийг нядалгаанд явуулж байхаа больё гэж шийджээ. Тэр үүнийхээ оронд овьёос, улаан буудай, арвай, өргөн шош зэрэг үр тариа тариалахаар шийдэж.) Гайхалтай. Бид болж өгвөл түүнээс худалдаж авах болно. Түүнийг ивээг. (Тийм. Тэрээр мөн Шотландын Хувьцаагүй газар тариалангийн тариаланчид хэмээх байгууллагатай хамтран ажиллаж байгаа бөгөөд энэ байгууллага нь мах, сүүний фермерүүдийг амьтны бус үйлдвэрлэл рүү шилжихэд нь тусалдаг юм байна.)
Их сайн. Онцгой сайн. (Тийм ээ.) Бурхан ивээг. (Маш сайн байна.) Бурханд үүний төлөө талархъя, мөн бүгдээрээ илүүтэй залбиръя. (Тийм, Багш аа.) Яагаад гэвэл энэ бол манай гарагийн хүмүүс болон бүх оршихуйн тэсэж үлдэх цорын ганц шийдэл шүү дээ. (Яг тийм.) Амьдрах арга замаа өөрчлөхгүй юм бол бид өөрсдийгөө устгах болно. Бид тэгнэ. Байгалийн гараар. (Яг үнэн. Тийм ээ.) Үер болж, урьд өмнө байгаагүй хүчтэй үерлэж, хөрсний гулсалт болж, хуй салхи, хар салхи, газар хөдлөлт хаа сайгүй байна. (Тийм ээ, Багш аа.)
Мэдээ үзэхэд ямар нэг гамшиг юм уу, таарснаа хөнөөсөн аллага, дайн, өлсгөлөн хаа сайгүй болж байгаа талаар гарахгүй ганц өдөр ч алга. (Тийм, Багш аа. Яг үнэн.) Энэ гараг дээр бид үнэхээрийн тайван амгалан нэг өдөр ч оршиж чадахгүй байна. (Үнэн, Багш аа. Тийм.) Өөрөөр хэлбэл бид нэг өдөр үхэх нь үнэн хэдий ч ингэж үхэх албагүй байсан юм. (Яг тийм. Тийм ээ.) Цар тахал юм уу, хянаж зогсоох, эмчлэх аргагүй элдэв янзын өвчин юм уу, гамшиг, дайн эсвэл өлсгөлөнгөөр тарчлан үхэх учиргүй байсан. Тэгэх учиргүй байсан юм. (Үнэн. Тийм ээ.) Бурхан биднийг ийм муухайгаар үхээсэй гэж төрүүлээгүй. Бид л өөрсдийгөө ийм муухайгаар үхэхэд хүргэж байна. (Тийм, Багш аа. Тэр үнэн.) Өөр юуг ч буруутгах аргагүй. Дайснаа ч буруутгах аргагүй.
Бид л ийм зүйлсийг татдаг. Бид л эднийг өөрсдийн оршихуй, амьдрал руугаа урьж авчирдаг. Бид өдөр тутамдаа хийж буй үйлдлээрээ, өөр хоорондоо бас амьтан-хүмүүс зэрэг бусад төрөлтөнтэй буруу харьцаж өөрсдийн Бурханлаг бус чанараараа өөрсдийгөө үнэхээр хөнөөж байна. Ой, ширэнгэ, байгалийг хүртэл. Бид тэр бүхнийг устган сөнөөж, тэгснээрээ мэдээж өөрсдийгөө сөнөөж байна. Учир нь бидний сүйтгэж сөнөөсөн бүхний үр дагавар нь тэр юм. (Нээрээ, тийм шүү, Багш аа) Та нар энэ бүхнийг мэдэж байгаа. Би нэг юмаа дахин дахин яриад баймааргүй байна. Гэхдээ бүгдийг нь та нарт ярьж байгаа биш. Дэлхийд зориулж, тэдэнд сануулах гэсэн юм. (Ойлгож байна, Багш аа.)
Хөтлөгч: Хамгаас Нигүүлсэнгүй Их Багш Таны манай дэлхийд заларсан нигүүлсэнгүй оршихуй бидэнд хүн төрөлхтөн нэгэн цэвэр баяр жаргалант диваажин бүтээж чадна гэсэн итгэл найдвар, тодорхой ойлголтыг хайрласан билээ. Бурханы Хайр болон Билиг ухаан бидэнд бүх төрөлтнийг хамгаалах дотоодын эр зориг, зөвийг таних мэдрэмж хайрлаасай хэмээн залбиръя. Хүмүүсийн ухамсар удахгүй өргөгдөн веган хоолны хэв маягийг сахин илүү эерэг гэгээлэг өдрүүдийг авчран бүхий л дайн болон харгислалыг эцэс болгох болтугай. Эрдэнэт Их Багш минь бүх Диваажингийн Хамгаалагчдын тусламжтайгаар эрүүл саруул, амар тайван, аюулгүй байг.
Төгс Гэгээрсэн Их Багш Чин Хайн эдгээр сэдвүүдийн тухай санаа бодол болон Аулак (Вьетнам)-ийн хаан ба өлсөхийн эерэг нөлөөний талаарх сонирхолтой түүхийг сонсохыг хүсвэл та бүхэн хожмын өдөр Багш шавийн шүтэлцээгээр энэхүү конференцийг бүрэн эхээр нь хүлээн авч үзнэ үү.
Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:
Шуурхай мэдээ:
Энх тайвныг сахин бусдын амь насыг нандигна
Зөвхөн Энхтайвныг сахиулагчид л Диваажинд хүрч чадна
Аливаа орныг байлдан эзлэхийг зөвтгөх шалтаг үгүй
Украиныг дэмжих тал дээр дэлхийд гарч буй эерэг өөрчлөлт
Эерэг Хүчний Төлөөлөгчид хүн төрөлхтөнд тустай
Нийгэмд том байр суурь эзэлдэг байх тусмаа илүү даруу байх ёстой
Уучлах нь өс хонзонг цайруулж Энх Амгалан Дэлхийг Авчирдаг
Дэлхийн удирдагчид эрх чөлөө, ардчиллыг үйлдлээрээ хамгаалах ёстой
Багш шавийн шүтэлцээ:
Дэлхийн бүх улсын төр засаг Украины талд зогсох ёстой
Хүчирхэг орнууд зоригтой байж Украинд туслах ёстой
Сайн ба муугийн хооронд болж буй дайнд Диваажин Украинд тусалж байна
Төгс Гэгээрсэн Их Багш Чин Хайн Украины тулгамдсан нөхцөл байдлын талаарх санаа бодол
Дэлхий дахин Украиныг дайнд ганцааранг нь үлдээлээ
Украинд тусалж буй талаар урамтай сайхан мэдээ
Хүчирхэг улсууд Украйнд өгсөн амлалтдаа хүрээгүй
Украины ард түмний нэгдмэл чанар Дэлхийн өмнө гэрэлтэж байна
Украины эрхэм зорилго Оросын хүчнээс илүү хүчирхэг
Хоёр найз
Бие биедээ туслах нь хүн чанар, сайн сайханд итгэж буй хэрэг юм
