Газрын Зүрхэн Бодисадва Судар: Хүмүүс болон Бурхдад итгэсэн итгэл, 4 хэсэгт лекцийн 4-р хэсэг, 2015 оны 08-р сарын 12

“‘Хэрэв одоо эсвэл ирээдүйн бурхад, луунууд эсвэл сахиуснууд Газрын Зүрхэн Бодисадва-н нэрийг сонсоод, Газрын Зүрхэн Бодисадва-н зурагт мөргөх юм уу эсвэл Газрын Зүрхэн Бодисадва-н өнгөрсний тангаргуудыг болон дадал бясалгалын үйл явцыг сонсоод Түүнийг магтвал,’” бид Таныг магтаж байна, Халелүяа, “‘Түүнийг хүндэтгэн харж, мөргөвөл 7 буяныг хүртэнэ. Нэгт, тэд гэгээнтний хутаг руу хурдан дэвшинэ.’” Авшиг хүртэх шаардлага юу вэ? “‘Хоёрт, муу үйлийн үр нь уусаж үгүй болно. Гуравт, бүх Будда нар хамгаалж, тэдэнд ойр байх болно.’” Гэхдээ та нар цагаан хоолтон байх ёстой. Үгүй бол, мах үнэхээр муухай үнэртэй учраас Будда ойртохгүй байх. “‘Дөрөвт, тэд Бодиос ухрахгүй. Тавд, тэдний төрөлхийн хүч нь нэмэгдэнэ. Зургаад, тэд өнгөрсөн амьдралаа мэднэ. Долоод, тэд эцэстээ Буддын хутагт хүрнэ.’”

Учир нь энд, Будда зөвхөн Газрын Зүрхэн Бодисадваг магтсан байна. Магадгүй, Тэр Гүрү Нанак, болон Есүс Христ гэх мэтийг магтаж болох байсан ч, Түүнд тийм хугацаа байгаагүй. Зөвхөн Газрын Зүрхэн Бодисадва гэхэд л нэг судар болсон байна. Гэвч тэр бас бусад Будда, Бодисадва нарын олон нэрсийг дурддаг. Хэрэв зөвхөн нэр сонсож, нэг л нэр уншихад тэр нь та нарыг зовлонгоос аварна. Будда нар иймийн тулд байдаг. Бүх гэгээрсэн Их Багш нар иймийн учир л байдаг. Бас хэдийгээр та нар авшиг хүртээгүй байлаа ч амьдрах хугацаандаа Их Багшийг нэг л удаа харж, Түүний Нүдэнд өртвөл, үхэх үед тань Тэр та нарыг авахаар ирдэг.

Энэ бол ялгаа нь. Өнгөрсний Будда та нарыг тодорхой хэмжээнд адисалж чаддаг. Эсвэл зарим нэг байдлаар тусалж чаддаг. Мэдээж тэд бүгд тэгдэг. Бодисадва, Будда нар үргэлж та нарт тусалж байдаг. Зөвхөн амьд Их Багш л та нарт гэгээрлийг дамжуулж чадна. Гэгээ-рэл. Гэрэл өөрт тань өгнө. Тийм л юм. Тэгээд үргэлжилнэ. Зарим хүмүүс, эсвэл заримдаа та нар зарим агуу судруудыг унших юм уу, агуу библийг уншихад магадгүй гэрэл харах юм уу, эсвэл магадгүй Есүс хэсэг зуур харагддаг. Гэвч энэ нь үргэлжлэхгүй. Байнга ингэх боломжгүй. Амьд Их Багшийн хувьд, Тэрээр энэ хүчийг та нарт шилжүүлдэг ба энэ нь үргэлжилсэн үйл явц. Магадгүй та нар үргэлж Есүсийг харахгүй ч боломжтой. Сайн төвлөрч чадвал үргэлжлүүлэх боломжтой, тэр ахуй ойлголтоо эсвэл бүр ч илүүг давтах боломжтой. Гэвч залбирах гэх мэт бол зөвхөн гүн залбирал юм уу, чин сэтгэлээр зөвхөн тэр үедээ жаахан ахуй ойлголт авах боломжтой.

Бидэнд зөвхөн энэ бие байдаггүй. Асурын бие байгаа, каузал бие гэх мэт байдаг. Хэрэв сүнс өндөр хөгжсөн бол сүнс Тавдугаар Түвшин хүртэл өөр биесүүдтэй болдог. Энэ бол энгийн хүний хувьд юм. Мөн хэрэв сүнс нь тийм ч хөгжөөгүй бол тамд өөр нэг биетэй болдог. Эсвэл хүний бие нь энд байхад асурын бие нь явж тамд зовдог. Тэгээд, заримдаа хүмүүс энд тэндээ өвдөх юм уу шатах мэдрэмж авах юм уу, халуурахдаа, яагаад гэдгийг мэддэггүй. Зарим хүмүүс бүр гал дүрэлзүүлэн шууд үхдэг. Гэнэт л гал авалздаг. Учир нь тэд шууд тийш явдаг.

(Би үүнийг хүн амьд байгаа ч асурын бие нь тамд байвал ийм зүйл болдог юм болов уу гэж бодсон юм. Амьд байхдаа тэр хүн дэвших ямар нэг зүйл хийх боломжтой юу?) Боломжтой, боломжтой. Болно. Боломжтой, чин сэтгэл, шийдэл, Буддаг хүндэтгэж, жишээ нь Чуулган, гэгээрсэн Их Багш нарыг хүндэлж, тусламж хүсэж, наманчилж, үнэхээр гэмшиж, даруу байвал боломжтой. Магадгүй тусламж хүсвэл. Магадгүй, нэгэнт тэнд очвол гарахад амаргүй. Эхлээд ялаа дуусгах ёстой. Бид үүнээс сэргийлэх боломжтой, орохоосоо урьтвал илүү дээр. Орохоосоо өмнө, сэргийлбэл орсны дараа байснаас дээр. Учир нь энд би Буддаг тэгж хэлж байхыг харсан. Хэрэв нүгэлтэн тамд хэдийнээ унасан бол эхлээд ялаа бүтэн эдлэх ёстой. Өө, Бурхан минь, аймшигтай! Тийм учраас Будда тэр бүх бурхад, сүнсний хаад болон Бодисадва нараас тэднийг зогсоохыг гуйсан. Хаалгаар орохоосоо өмнө, тэнд өөрийгөө хэвтүүлэн ямар нэг зүйл хий. Хэрэв тэд Будда эсвэл Бодисадвагийн нэг л нэрийг уншвал тэдэнд туслаарай гэсэн. Нэг л нэрийг нэг удаа уншихад л. Орохоос нь өмнө. Орсны дараа хэцүү. Магадгүй багасгаж болох байх, хугацааг нь богиносгож болох ч тун хэцүү, тийм. Хэрэв тэр хүн хэдийнээ тамд орж, бие нь энд байсаар байвал тэд ямар нэг зүйл хийхийг хичээсээр байх учиртай. Өөртөө тусал: дадуул, бясалга, залбир, чин сэтгэлээр нүглээ наманчил, тусламж гуйн залбир, гэх мэт, тэгвэл боломжтой. Эсвэл өөр хэн нэгэн та нарын төлөө залбирах юм уу, та нарын төлөө гайхалтай зүйл хийж тамд очоод, та нарт туслах боломжтой.