Sharing Blessing of Quan Yin Bodhisattva and that Purity and Wisdom Led Me to Choose Right Way Home

Японоос Нят Вин-ий япон хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

ЭРХЭМ ДЭЭД ИХ БАГШ АА, Улаан хүрмэн хөрстэй үржил шимт Ау Лак (Вьетнам)-ийн Төв өндөрлөг нутаг бол ЮНЕСКО-гийн Хүн төрөлхтний соёлын биет бус өвд бүртгэгдсэн гонгийн соёлын өлгий бөгөөд миний төрж, өссөн газар юм! Харин Япон бол миний хоёр дахь удаагаа төрсөн газар юм (би 2025 оны 9-р сарын16-нд авшиг хүртсэн). Маш урт хэрнээ баяр баясгалантай энэ түүхээ Их Багш Тантай чин сэтгэлээсээ хуваалцахыг хүсч байна. Төв өндөрлөгт 2026 оны Дурианы баяр болж байгаа учраас өнөөдөр буюу 8-р сарын 16-нд энэхүү сэтгэлийн үгээ Танд илгээхээр сонголоо. Баярын хамгийн сүрлэг, үзэсгэлэнтэй үйл явдлуудын нэг нь тус бүрдээ дуриан ачсан 525 пикап машин “ДАК ЛАК” гэсэн үг үүсгэн жагссан явдал байв. Дараа нь цуваа гудамжаар явж, 2026 онд Гиннесийн Дэлхийн Дээд амжилт тогтоосон. Хэдийгээр би одоогоор Японд байгаа ч, эх нутгийнхаа гоо үзэсгэлэнг хараад маш их баярлаж, бахархаж байна! Гэнэт би веган салбар ч мөн нэг өдөр дэлхийн бүр том дээд амжилтыг тогтоогоосой гэж мөрөөдсөн!

Би цагаан хоолонд үргэлж дуртай, хувраг болох хүсэлтэй байсан ч, Ау Лакт (Вьетнам)-д тэгж амьдрах надад маш хэцүү байв. Тэгээд олны жишгийг дагаж, 2022 оны 4-р сард Японд гадаад оюутнаар ирсэн. Би тэр даруй веган амьдралын хэв маягийг сонгосон. Японд би хүнсний ногоо, жимсээр өөрөө хоолоо бэлтгэж чаддаг байлаа. Амьтан найзуудынхаа зовлонг гүнээ ойлгодог байсан тул веган болох надад маш амархан байсан.

Өмнө нь би сүм хийдэд очиж, бясалгалын даяанд сууж байсан ч, ямар нэгэн дотоод мэдрэмж аваагүй. Нэг удаа би маш том Арьяабал Бодисадвагийн хөшөөний өмнө зогсоод: “Зүрх сэтгэл дэх бүх асуултад минь хариулж чадах хүнтэй Та намайг учруулбал би тэр хүнийг дагахаа тангараглая” хэмээн залбирсан. Гэртээ хариад утсаа авмагц “Дайсагналыг хайраар арилга” нэртэй лекцтэй шууд таарсан. Лекцийг сонсоод зүрх сэтгэл дэх бүх асуултынхаа хариуг маш тодорхой олсон. Илүү ихийг мэдэхээр би аулак (вьетнам) хэлээр “ТӨГС ГЭГЭЭРСЭН ИХ БАГШ ЧИН ХАЙ” гэж бичиж хайсан. Дараа нь япон хэлээр хайхад гайхамшигтай нь, Таны эрхэм нандин үгс сэтгэлийг минь гэгээрүүлж, намайг авран, хамгийн буянтай замд хөтөлсөн!

Одоо би сургуулиа төгсөөд Японд ажиллаж байна. Чөлөөт цагаараа веган амьдралын ач тусын тухай бичлэг хийж, нийгэмд веган үзлийг түгээхэд өчүүхэн ч болов хувь нэмрээ оруулахыг хүсдэг! ВЕГАН ДЭЛХИЙ, ЭНХ ТАЙВАН ДЭЛХИЙ удахгүй бодит биеллээ олох болтугай! Таны шавь, Нят Винь Японоос

Урам зориг дүүрэн Нят Винь, сэтгэлийн үгээ ирүүлсэнд баярлалаа. Их Багш танд хайрын үгс илгээв:

“Жаргалтай Нят Винь, Та Арьяабалын Бодисадвагийн Адислалыг хүртсэн бөгөөд таны ариун сэтгэл, мэргэн ухаан таныг ГЭРТЭЭ ХҮРЭХ зөв замыг сонгоход хүргэжээ. Манай Арьяабалын Гэр бүлд хайрлагдаж, тавтай морилоорой. БУРХАНД хүрэх замаа олж, авшиг хүртсэн тань санамсаргүй хэрэг биш. Энэ замд авшиг хүртсэн ховор нандин боломжоо бүрэн ашиглаж, хичээнгүйлэн бясалгаарай. Таван сахилаа үргэлж сахивал таны сүнслэг хөгжил дэвшил мөн Дэлхий дээрх амьдралд тань бүх зүйл сайн сайхан байх болно. Энэ дэлхий сорилт бэрхшээлтэй газар тул бид бясалгалаараа түүнийг өргөхөд өөрсдийн хувь нэмрийг оруулах ёстой. Сайн үйлсээ үргэлжлүүлж, Веган Дэлхий цогцлох хүртэл веган мэдээг түгээгээрэй. Тэгээд бид бүгд хамтдаа баярлаж болно. Таныг болон урам зориг бадраасан Японыг Цаглашгүй Хүчирхэг Нэгдсэн Гурвалын гайхамшигт Адис ивээх болтугай. БУРХАНЫ Таааллаар Гэртээ харих аялалд нь Хайр, хүч тэнхээ илгээе.”