Дэлгэрэнгүй
Татаж авах Docx
Дэлгэрэнгүй уншаарай
Диваажинд очихын тулд Диваажингийнхантай адил байх ёстой. Диваажингийн төрөлтнүүд хуурдаггүй, худал хэлдэггүй, амь хөнөөдөггүй, буруу бэлгийн үйлдэл үйлддэггүй, тэр тусмаа хүүхэд хүчирхийлдэггүй. Бусдыг аврахын тулд Будда байсан ч буянтай, БУРХАНААС шууд ирсэн Хүчтэй, мөн БУРХАНЫ Зарлигтай байх ёстой. Харин Трань Там шиг ийм чөтгөрлөг төрөлтөн өнгөрсөн үеийн аль ч Бурханы өлмийн тоосыг ч долоохын дайны өчүүхэн эрхгүй. Гэвч тэр алдар нэр, ашиг хонжооны шуналдаа автан энэ бүхнийг мартсан. Одоо санасан байгаасай гэж хүсэж байна. Учир нь би түүнийг дахин аврах эрхгүй. Аливаа буруу үйл, эсвэл хүсэлтийн дээд хязгаар нь гурван удаа. Тиймээс Бурхан Анандад Өөрийг нь энэ ертөнцөд үлдээхийг хүсвэл үлдэнэ хэмээн хэлсэн. Гэвч тэр үед Анандагийн ухаан сөрөг хүчинд булингартаж бүдгэрсэн байсан учраас Бурханы хэлснийг сонсоогүй. Бурхан Түүнээс гурван удаа асуухад Тэр гурвуулд нь чимээгүй өнгөрсөн. Тиймээс Бурхан аврахыг хүссэн төрөлтнүүдээ орхин, товлосон цагтаа буюу гурван сарын дараа Нирваанд одохоос өөр аргагүй болсон. Үүнийг бодох төдийд үнэхээр гунигтай. Амьд Бурхан Шагжамуни Бурхан энэ бүх хугацаанд бидэнтэй хамт байсан бол гээд төсөөл дөө. Хэрэв Тэр Дэлхий дээрх бүх төрөлтөн, бүх хүнд хэрхэн Бурхан болохыг заасан бол энэ ертөнц хэчнээн гайхамшигтай байх байсан бол. Би энэ явдлыг санах бүрдээ гуниглан санаа алддаг. “Тэгээд Бурхан Багш ийн айлдав: ‘Ананда, ер бусын хүчний дөрвөн үндсийг хөгжүүлж, дадуулан, хэрэглэж, бататган, хадгалж, шинжин, төгс болгосон хэн боловч хүсвээс нэгэн галавын турш эсвэл галавын төгсгөл хүртэл оршин тогтнож чадах билээ. Ананда аа, Татагата үүнийг аль хэдийн гүйцэлдүүлсэн. Тиймээс Татагата хэрэв хүсвээс нэгэн галавын турш, галавын төгсгөл хүртэл оршин тогтнож чадах билээ.’ Энэхүү илэрхий бөгөөд утга төгөлдөр сануулгыг Бурхан Багш айлдсан боловч Эрхэм Ананда ухаарч ойлгож чадсангүй. Оюун санаа нь Марад эзэмдүүлсэн мэт Тэрээр Бурхан Багшаас ‘Ай Эзэн минь, Бурхан Багш минь, үлдэнэ үү! Ай Эзэн минь, ертөнцийг нигүүлсэн, олон түмний тусын тулд, тэдний аз жаргалын төлөө, тэнгэрүүд ба хүмүүний сайн сайхан, амар амгалан, аз жаргалын төлөө Жаргалант Нэгэн ертөнцийн мөчлөгийн турш үлдэнэ үү!’ хэмээн гуйсангүй. Бурхан Багш үгээ хоёр, гурав дахь удаагаа давтан хэлэхэд ч Эрхэм Ананда дуугүй хэвээр байлаа. Тэгэхэд Бурхан Багш Эрхэм Анандад ‘Ананда, одоо явж, өөрийн зөв гэж үзсэнээ хий.’ гэв. ‘Ай Эзэн минь, тэгье.’ Тэгээд Эрхэм Ананда суудлаасаа босож, Бурхан Багшид хүндэтгэлтэйгээр мэхийн ёслоод, баруун талаа Түүн рүү харуулан явж, зайдуу нэгэн модны доор суув. Эрхэм Анандаг явсны дараа хорон муу Мара Бурхан Багш дээр хүрч ирлээ. Тэр нэг талд зогсоод Бурхан Багшид ‘Одоо ай Эзэн минь, Бурхан Багш Та эцсийн нирваанд заларч, Амгаланг Ологч Та бүрэн төгс нирваанд заларч хайрлана уу! Эзэн Богдын Их Нирваан дүрийг үзүүлэх цаг нь нэгэнт иржээ.’ хэмээв.” Их Нирваан дүрийг үзүүлсэн судрын Урт судруудын чуулганы 16-гаас эшлэв. Үнэг-хүн намайг аюулгүй гэж тайвшруулахаар ирээд явсан ч хагас цаг орчим миний ойр хавьд байсаар уйлсаар байв. Түүнийг би ихэд өрөвдсөн. Би түүнд нэр өгөх ч эрхгүй. Гэвч тэр хүний биеэ орхиж, үнэг-хүний төрлийг авахаас 200 гаруй жилийн тэртээ надаас сурсан зүйлээ одоо бясалгаж байна. Би ямар ч үнэг-хүнд тусалж, сайн зүйл хийснээ санадаггүй тул сэтгэлдээ гайхан, яагаад надад үүнийг хэлэхээр ирснийг түүнээс асуусан юм. Гэхдээ бид хүмүүстэй нөхөрлөж, өөрийг нь асарсан настай хүнтэй маш дотно харилцаатай болсон үнэг-хүмүүсийн зарим дүрсийг үзүүлдэг. Бид Суприм Мастер Телевизийн зар сурталчилгаандаа амьтан-хүмүүсийн үзэсгэлэн, сайхан сэтгэл, оюун ухааныг олноор үзүүлж, амьтан-хүмүүс сайн, ухаантай, бидэнтэй адил гэдгийг хүмүүс ойлгоосой хэмээн залбирдаг. Зарим амьтан-хүн хүмүүст туслахаар энэ ертөнцөд ирэх үүрэг аваагүй, мөн сайн дураар ирээгүй байдаг. Зарим нь энэ үнэг-хүн шиг үйлийн үрийнхээ улмаас амьтан-хүмүүс болцгоосон. Тиймээс би ямар ч үнэг-хүнийг биечлэн танихгүй, ямар ч нөхцөлд үнэг-хүнд тусалж байгаагүй гэж бодож байсан ч түүнийг яагаад ирснийг одоо ойлголоо. Одоо би ойлгож байна. Үнэг-хүн өөрийн гэмшил, миний сургаалд талархах сэтгэлийнхээ үүднээс намайг аюулгүй, санаа зовох хэрэггүй гэж сануулахаар ирсэн хэмээн хэлсэн. Мөн би 200 гаруй жилийн өмнө энэрэл хайр, нигүүлслээр түүнийг шавиа болгон хүлээн авч, түүнээс юу ч аваагүй, юу ч нэхээгүй, өөрийнхөө төлөө юу ч хийлгээгүй ажээ. Тиймээс одоо тэр тун их чин сэтгэлээсээ гэмшиж байлаа. Түүнийг сайн бясалган, дахин хүний төрөлд дэвшиж, БУРХАН Өршөөнгүй хандан, түүнийг миний Тим Ко Түгийн Шинэ Оронд өргөн аваачих боломж олгоосой. Тэгвэл тэр бүх зовлонгоос чөлөөлөгдөж, миний Оронд ариун, бүрэн төгс гэгээнтэн болно. Нэргүй үнэг минь, би сонсож байна. Чи зүгээр үү? Өнөөдөр хангалттай хоол идсэн үү? Чи зүгээр үү? Өнөөдөр хангалттай хоол идсэн үү? Их хүйтэн байна. Чи яагаад ийм хол зам туулж ирэх ёстой гэж? Зочилж ирсэнд баярлалаа. БУРХАН чамайг адислаг. Квак? Квак? Квак? Юу болсон бэ? Би сонсож байна. Надад хэлээрэй. Баярлалаа. Өөрийгөө хэн болохыг хэлээрэй. Дахиад өнөөх нэргүй үнэг үү? Үнэг Хатагтай юу? Зочилж ирсэнд баярлалаа. Тэрхүү сайхан мэдээг надад хэлсэнд бас баярлалаа. БУРХАН чамайг улам их адисалж, ӨӨРИЙНХӨӨ Хайрыг мэдрүүлэх болтугай. Би ч бас чамд маш их хайртай. Чиний дууг сонсоод л би чамд маш их хайртай болсон. Өөр зүйл байна уу? Тэгвэл явж амраарай. Сайхан амраарай. Орой бүр надтай ингэж ярихын тулд ийм хол зам туулах хэрэггүй. Баярлалаа. Чамд хамгийн сайн сайхан бүхнийг хүсье, за? Нэргүй үнэг минь. Миний хувьд чи бол Үнэг Хатагтай. Би чамд маш их хайртай. Чиний хайр, халамж, санаа тавьсан сэтгэл, сайхан мэдээ, хайрын энергид баярлалаа. Миний сэтгэл маш их хөдөллөө. Чи арвин их адислагдах болтугай. Сүнслэг бясалгалын чинь зорилго тун удахгүй биелж, дараа нь илүү аз жаргалтай амьдрах болтугай. Дараагийн хүний төрөлдөө жинхэнэ Их Багшийг олж, чөлөөлөлд хүрэн, боломжит хамгийн дээд түвшинд дэвших болтугай. Би чамд хайртай. Хайртай шүү, хайртай. БУРХАН адислаг, хонгор минь. БУРХАН адислаг. Чи сайхан сүнстэйгээ мэдэх үү? Сайхан нойрсоорой, үзэсгэлэнт үнэг хатагтай. Сайхнаас сайхан зүүд зүүдлээрэй. БУРХАНЫГ санаарай. Тэнгэрлэг гаралтайгаа сайтар санаарай. Чи бол БУРХАНЫ Хайр, мөнхийн Хайр. Намайг санаарай, би чамд маш их хайртай. Намайг санаарай, би чамд үүрд хайртай. Сайхан нойрсоорой, үнэг хатагтай. Би чамд хайртай, чин сэтгэлээсээ хайртай. Квак, квак. Чи үнэг-хүн мөн үү? Квак, квак, квак. Би чамд хайртай. Квак, квак. Квак. Квак, квак, квак. Квак, квак. Баярлалаа. За, баярлалаа. Тэгэхгүй ээ. Би санаа зовохгүй. Өнөөдөр хангалттай хоол идсэн үү? Тийм үү? Юу идсэн бэ? Өө, өт үү? Тийм ээ, тэдгээр өт өвдөлт мэдэрдэггүй. Тэдний биед өвдөлт мэдрэх тогтолцоо байдаггүй. Тэгэхээр чи тахиа-хүмүүс, тахианы дэгдээхэй, бяцхан нугас, шувуу-хүмүүс зэрэг том амьтан-хүмүүсийг иддэггүй юу? Үгүй юу? Сайн хүү. Өө, сайн охин гэж хэлэх гэсэн юм. Сайн охин. Чи дахиж дуулахгүй юм уу? Анх надтай уулзахаар ирэхдээ дуулсан шигээ дуулж чадах уу? Чиний хоолой үнэхээр сайхан байсан. Бурхан минь, чамайг дуулж чаддаг гэж би мэдээгүй. Чиний хоолой сахиусан тэнгэрийн хоолой мэт маш сайхан, өндөр, цээл, ариухан байсан. Надад дахин дуулж өгч чадах уу, нэргүй үнэг минь? Зочилж ирсэнд чинь болон надад санаа тавьсанд чинь баярлалаа. Би чамд маш их хайртай. БУРХАН чамайг мөнхөд адислах болтугай. Чи зорилгодоо хүрч, дахин хүн болох болтугай. Чи үүнийг хүртэх эрхтэй. Хэрэв чи хүсэж байгаа бол 200 жилийн дараа дахин хүн болох ёстой. Би чамайг дэмжинэ, за юу? Хэрэв дахин хүн болж, насанд хүрвэл маш гэгээрсэн, хайраар дүүрэн, халамжтай, чамайг дээш дэвшүүлэх Их Багштай учрах болтугай. Тэр үед би энд байх эсэхээ мэдэхгүй ч хамгийн сайн сайхныг хүсье. За юу, нэргүй үнэг минь? Чи орой бүр зочлохоор ирдэг. Хэтэрхий хол амьдардаг. Миний хувьд нэг километр ч явган явахад маш хол. Надтай уулзахаар энэ хүртэл алхаж ирсэнд чинь баярлалаа. Ийм харанхуй байгаад уучлаарай. Би хурц гэрэл асааж гарч ирээд чамайг үргээхийг хүсэхгүй байна. Хайртай шүү. Квак, квак, квак. Квак, квак. Одоохондоо баяртай. БУРХАН чамд хайртай. Би чамд хайртай. Аюулгүй яваарай, за юу? Гадаа харанхуй байна. Бас хүйтэн байна. Энд дахин дахин ирэх хэрэггүй. Хэтэрхий хол байна. Хэрэв үнэхээр шөнө бүр ингэж ойр ойрхон ирэхийг хүсвэл ойр хавиас орон гэр олоорой. Эсвэл тухтай байвал миний ойд ч амьдарч болно. Нэргүй минь, би чамд хайртай. Үнэг Хатагтай минь, би чамд хайртай. БУРХАНЫ Хайр, БУРХАНЫ Адислал, БУРХАНЫ Ивээл, БУРХАНЫ Хамгааллыг мэдрэх болтугай. Баярлалаа. Би чамд итгэж байна. Чиний хэлсэнчлэн надад энд аюулгүй санагдаж байна. Би аюулгүй байна, санаа зоволтгүй, за юу? Хайр, халамжид чинь баярлалаа. Би ч бас чамайг энэ төрөлдөө зорилгодоо хүрэхэд чинь чадах чинээгээрээ дэмжинэ. Гэхдээ орой бүр надтай уулзахын тулд ийм хол зам туулахыг хичээдэгт чинь миний сэтгэл их хөдөлж байна. Өөрийгөө бодож, аюулгүй байдлаа анхаараарай. За юу? Хайртай шүү. БУРХАН адислаг. Photo Caption: “ЭРТНИЙ ТӨРСӨН НУТАГТ Нар Хэзээ ч Жаргадаггүй”
