Дэлгэрэнгүй
Татаж авах Docx
Дэлгэрэнгүй уншаарай
Өнөөдөр Роберт Пауэллын танилцуулсан “Петр Дынов (Бейнса Дуно)-ын зөгнөл”-д багтсан бүтээл дэх “Хуучныг үндсээр нь устгах нь” (1944), “Шинэ эрин үе” (1944) хэмээх гүн утгат лекцүүдээс түүвэрлэн хүргэж байгаадаа таатай байна.Хуучныг үндсээр нь устгах нь (1944)“Та бүхэн: ‘Бид хараахан бэлэн биш.’ гэдэг. Та нар хэзээ бэлэн болох вэ? Та нар: ‘Цаг нь хараахан болоогүй байна.’ гэдэг. Цаг нь болоогүй гэж хэн та нарт хэлсэн юм бэ? Хэрэв та нар Бурханыг дагахгүй бол Дэлхий чичирхийлж эхэлнэ. Дэлхий чичирхийлж, бүх буу, их буу чинь устсаны дараа ‘Та нар дуулгавартай байх уу?’ гэж асуухад, ‘Тийм ээ, дуулгавартай байя.’ гэж хариулна. Энэ бүхнийг үзээд та нар илүү ухаажих болно. Дэлхий бүхэлдээ тийм хүчтэй чичирхийлж, өнөөгийн соёл иргэншлийн ул мөр ч үлдэхгүй. Энэ бүхэн байгалийн агуу Хуулиудын дагуу тохионо. Европын нэг ч үндэстэн шийтгэлгүй үлдэхгүй. Өнөөгийн тогтолцоо, хүн төрөлхтний бүх худал хуурмаг арилна. Христ: ‘Нар харанхуйлж, Сар гэрлээ эс гаргаж, одод Тэнгэрээс унах болно.’ Хэмээсэн (Матай 24:29).Үүнийг тайлбарлавал, хүн төрөлхтний шашны бүх хуурамч итгэл үнэмшил утгаа алдаж, ертөнцийн бүх эрх мэдэл бүдгэрэн, ноёрхлоо алдана гэсэн үг. Тиймээс шавь нар өөрсдийгөө төгөлдөржүүлэхийн төлөө ажиллах ёстой. Хүн төрөлхтний туулах ёстой зовлон, сорилтын энэ Давлагааг сөрөн тэсэхийн тулд тэд хуяг өмсөж, дуулга зүүх хэрэгтэй. Тэр хуяг бол Хайр юм. Олон хүн зөвхөн өөрийн алдаанаас суралцах чадвартай байдаг. Тэдэнд тайлбарлахыг хичээсэн ч ойлгохгүй. Тийм хүмүүс зовлонгийн замаар суралцана. Хүн төрөлхтний зовлон бэрхшээл, зөрчил тэмцлийг илэрхийлсэн энэхүү догшин урсгал энэ зууны эцэс гэхэд намдана. Мэдээж, илүү өндөр хөгжилтэй сүнснүүд энэ үерээс түрүүлж чөлөөлөгдөнө. Үндэстнүүд зовлонгоор дамжин эдгэрдэг. Үндэстнийг зовлонгүйгээр эдгээх боломжгүй. Энэ бол цорын ганц эм юм. Засагдах ёстой зүйл засагдана. Устгагдах ёстой зүйл устгагдана. Үлдсэн богино хугацааг үр дүнтэй ашигла. Шинэ Амьдралаар амьдарч эхлэх цаг одоо иржээ. Хорон муу оршин тогтнох бүх нөхцөл шавхагдсан. Тэр цаашид амжилтад хүрч чадахгүй, ухарч байна, зөвхөн шаар шавхруу нь л үлджээ. Гэрэл бүх харанхуйг хөөн зайлуулна.Өнөөгийн зовлон бэрхшээлийн ачаар хүн төрөлхтөн сэрнэ. Цэвэр ариуныг бузар муугаас ялган шүүхгүй бол хүний амьдрал утга учиргүй болно. Эдгээр үйл явдлын дараа Шинэ нь дэлхийг нэн даруй захирна. Сайхан цаг ирнэ. Одоо хэцүү байна. Өвөл амьдрал хүнд, харин хавар ирэхэд хөнгөн болдгийг бид бүгд мэднэ. Зун, намар амьдрахад мөн амар байдаг. Одоо бид өвлийн төгсгөлд ирээд байна. Шинэ үе ирэхэд хүчирхийлэл үгүй болно. Орчин үеийн зэр зэвсэг, шүүх, шоронгоос юу ч үлдэхгүй. Өнөөгийн тогтолцоо халагдана. БУРХАН Шинэ Ертөнцийг бүтээж байна. Хуучин ертөнц Шинэдээ зай тавьж өгч байна. Хүмүүс Шинэ Амьдралд орохдоо Тэнгэр элч нар болон БУРХАНТАЙ ярилцана. Тэд БУРХАНТАЙ хэрхэн ярих вэ? Аниргүйд. Аниргүйд та нар одод, Сар, Нарыг ширтэн, баяр баяслаар дүүрэх болно. БУРХАН тэдгээр бүхэнд оршдог. Та нар жижиг чулуу, ургамал, амьтан бүрд баярлана. БУРХАН тэдний дотор оршдог. Та нар зөөлөн салхи, тунгалаг булгийн усанд баясна. Тэдний дотор БУРХАН оршдог.”Шинэ Эрин үе (1944)“Дэлхий харанхуйд автсан байлаа. Хүн төрөлхтөн сүйтгэн устгах солиоролд автсан байв. Гарц ч олдохгүй, гэрэл ч харагдахгүй байлаа. Бүгдийн зүрх сэтгэл түгшүүрээр дүүрч, тодорхойгүй байдал хаа сайгүй ноёрхож байв. Ийм мөчид Их Багш амар амгаланг авчирч, итгэл найдвар төрүүлэх чадалтай байлаа. Тэрээр шинэчлэгдэж, дахин төрж, гэгээрсэн хүн төрөлхтний дүр төрхийг өгүүлж, гэрэлт ирээдүйн боломжуудыг нээн харуулсан билээ. Ирж буй шинэ эрин үеийн талаар асуулт тавилаа. Их Багш ийн хэлэв: Дэлхий олон сая удаа эргэснийхээ дараа ердийн эргэлтээсээ нэг удаа хазайдаг. Тэрхүү хазайлт өнөөдөр тохиож байна. Ирээдүйн хүмүүсийн тархинд шинэ эрхтнүүд бүрэлдэж байна. Тэдгээр нь бүрэн бүрэлдэх хүртэл олон зүйл тайлбаргүй хэвээр үлдэнэ. Агуу зураач зураг зурж эхлэхэд гоо үзэсгэлэн нь тэр даруй тодрох боломжтой юу? Үгүй. Эхний өдөр тэр бийрээр зотон дээр хэдхэн өнгө татна. Зураг бидэнд таалагдахгүй байсан ч тэр зөвхөн инээмсэглэнэ. Хоёр дахь өдөр ч зураг мөн л тэр хэвээр байгааг та нар харна. Зураач та нарт: ‘Дүгнэлт хийх гэж бүү яар. Зургаа дуусгасны дараа та нар саналаа хэлж болно.’ гэдэг. Та нар одоо Амьдралын талаар дүгнэлтээ хэлэх гэж яарч байна, гэвч Амьдрал хараахан төгсөөгүй. Нэгэн эмэгтэй шавь: ‘Их Багш аа, бүх зүйл бидэнд тодорхой болох цаг хэзээ ирэх вэ?’ гэж асуув. Бид одоо тэр цаг үед амьдарч байна. Өнөөдөр дэлхий шинэ зохион байгуулалтын зарчим болох өөрчлөлтүүдийн тодорхой үе шатанд ирээд байна. Өнөөдөр шинэ хэв шинжийн хүн төрөлтөн, шинэ угсаатан бүрэлдэж байна. БУРХАН жижиг зүйлсийг зохицуулах эрх чөлөөг хүмүүст үлдээдэг ч агуу зүйлсийг ӨӨРӨӨ зохицуулдаг. Орчин үе бол шинэ угсаатан мэндэлж буй эрин юм.”
