Дэлгэрэнгүй
Татаж авах Docx
Дэлгэрэнгүй уншаарай
Өнөөдөр 2026 оны 8-р сарын 10 хэвээрээ л байна. Надад хүлээн авч, зохих ёсоор нь цэгцэлсэн мэдээлэл болон өөр маш их ажил байлаа. Харин одоо Энх Тайвны Хаан Кан буюу K-A-N Орны Хаантай хийх уулзалтыг минь зохицуулж чаджээ. Кан гэдэг нь Түүний ирсэн Бурханы Орны нэр юм. Будда Хаан, Эрхэм Дээдсийн нэрийг Луи гэдэг. L-U-Y. За, тавтай морилно уу, Эрхэм Дээдэс Луи Хаан минь. Ар араасаа их ажил ундарсаар Тантай эртхэн уулзаж чадаагүйд намайг өршөөгөөрэй. Тантай эрт уулзаж чадаагүйг минь өршөөгөөрэй. Тэдгээр мэдээлэл надад цаг нь болсон учраас ирсэн бөгөөд Диваажингийн Төрөлтнүүд энэ бүх хугацаанд надад зориулан цуглуулжээ. Тиймээс Диваажингийн Мэдээллийн Алба надад дамжуулах ёстой болжээ. Би өдөржин ажилтай байдаг. Тантай уулзахаар ийнхүү оройтож ирснийг минь уучлаарай. Манай гараг дээр Та ямархуу байна? “Бид сайн байгаа.” Хаан ингэж хэллээ. “Бид сайн байгаа. Тантай уулзахаас өмнө ч биднийг найрсгаар угтсан. Бүгд бидэнд анхаарал сайн тавьж байгаа тул маш их таатай байна. Санаа зоволтгүй.” Өө, үүнийг сонсоход таатай байна, Эрхэм ээ. Хүмүүс, манай хүмүүс, энэ дэлхийн хүмүүс, манай гаргийн бүх төрөлтөн Таны нэрийн утгыг мэдээд баярлах болно. Учир нь Будда Хаадын ихэнхэд нь Тэдний тавьсан ерөөл тангараг, хураасан ач буян болон өндөр гэгээрсэн ариун сүнсэнд нь тохируулан өөр өөр өвөрмөц нэр хайрласан байдаг юм. Тэгээд Эрхэм Дээдэс надад “Луи” гэдэг нь“айдасгүй”, харин Түүний ирсэн Бурханы Орны нэр болох “Кан” нь “амгалан” гэсэн утгатай гэж хариуллаа. Хөөх, ямар сайхан юм бэ. Нэрийг нь сонсоход л Таны Бурханы гэгээн Орон хэр гайхамшигтай гэдгийг бид мэдэж байна. Айдасгүй, амгалан байвал бидэнд хэрэгтэй зүйл ердөө тэр. Манай хүмүүс Дэлхий дээрээ тийм байдалтай амьдрахыг үнэхээр хүсдэг. Энэ дэлхийн хүмүүсийг гэгээрүүлж байгаад Тань Танд баярлалаа. Өө, нээрэн, Эрхэм Дээдэс ээ, надад Анакан гэдэг хар далдуу модны шувуу-хүн байсан юм. Тэр Танай Орноос ирсэн юм болов уу? Эрхэм Дээдэс Та “Үгүй, үгүй, үгүй. Тэр өөр орон, өөр гаргаас ирсэн. “Түүний ирсэн гаргийн нэр нь Сте, S-T-E. Тэр бол ‘Энх тайвныг хүсэгч’ гараг. Тэр гаргийг ингэж нэрлэдэг.” гэсэн За, Эрхэм ээ, Танд маш их баярлалаа. Та тэрхүү гараг болон Өөрийнхөө гаргийн талаар бидэнд тайлбарлаж өгнө үү? “Тэгэлгүй яах вэ” гэж Хаан хэллээ. Би тэр шувуу-хүнийг Анакан гэж нэрлэсэн. Энэ нь “амгалан дайчин” гэсэн утгатай. Амгалан дайчин, хөөх. Тэр хэдэн жилийн өмнө намайг орхин одсон. Тэр үнэхээр үзэсгэлэнтэй, амгалан, сайхан төрөлтөн байсан. Би түүнийхээ тухай бодох бүрдээ бас үгүйлж санадаг. Гэхдээ тэр нь бидний харилцааны зөвхөн бие махбодын хэсэг юм. Би түүнийг аль хэдийн Өөрийн Хаант Улс, Өөрийн сүнслэг Шинэ Ертөнцөд дэвшүүлсэн. Тим Ко Түгийн Шинэ Ертөнц гэдэг. Тэр маань тэнд аз жаргалтай байгаа. Гэхдээ би одоо ч бие махбодтой учраас бие махбодтой хүний амьдралын бүх сэтгэл хөдлөлийг хадгалсаар байгаа. Тиймээс би түүнийг хааяа үгүйлдэг. Ялангуяа амьд байхад нь түүнтэй хамт байх хангалттай цаг надад байгаагүй. Тиймээс надад нэг зүйл дутуу мэт, түүнд илүү сайн анхаарал тавих ёстой байсан мэт санагддаг. Гэхдээ надад олон шувуу-хүн байсан бөгөөд би тэдэнд маш их хайртай тул чадах чинээгээрээ анхаарал тавьсан. Гэвч яагаад “Энх тайвныг хүсэгч” гэж нэрлэснийг бид сонирхож байна. Тэр гараг дээр бүрэн энх тайван тогтоогүй байсных болов уу, Эрхэм ээ? “Тийм, тийм, яг зөв, яг зөв, Эрхэм Дээдэс, Хаадын Хаадын Хаадын Хаан минь. Учир нь тэр гараг дээр янз бүрийн төрөлтөн холилдон амьдардаг. Зарим нь маш амгалан бөгөөд энх тайвныг эрхэмлэдэг. Харин хүн амын цөөн хэсэг нь ойр орчмын хөршүүдийнхээ нөлөөнд автаж, энх тайван бус асуудал байнга дэгдээдэг.” Өө, ямар харамсалтай юм бэ. Гэхдээ тэд өөр хоорондын болон хөрш улс, хөрш орон, эсвэл хөрш гарагтайгаа холбоотой бүх асуудлаа удахгүй шийднэ гэж найдаж болох уу? “Өө тийм, шийднэ.” Бид тэдэнд энх тайвныг хүсье, Эрхэм ээ. Эрхэм Дээдэс Луи Хаан хэлэхдээ “Анакан Таны амьдралд шувуу-хүн болж ирсэн нь ийм дүрээр Тантай биечлэн холбогдож, хамт амьдрахад илүү хялбар байсных юм. Учир нь шавь нар болон бусад хүмүүсээс Тантай нэг гэрт, ойр орчим Тань, нэг хашаанд хамт амьдрах боломжтой хүн цөөн. Тэр өөрийн гарагт энх тайван, улам их энх тайван тогтооход туслаач хэмээн Танаас хүсэхээр ирсэн.” гэв. Аан, тийм, тийм. Тийм ээ, би санаж байна. Би тусалсан. Тэгээд тун удахгүй, тэд бүрэн веган амьдралын хэв маягтай, бүрэн энх тайван болсны дараа. Үүний төлөө БУРХАНЫ Нигүүлсэлд талархъя. Амен, ЭЗЭН минь. Оройн Дээд, ХЭМЖЭЭЛШГҮЙ Хүчит, ХЭМЖЭЭЛШГҮЙ Нигүүлсэнгүй, ХЭМЖЭЭЛШГҮЙ Энэрэнгүй, ХЭМЖЭЭЛШГҮЙ Өршөөнгүй, бүх төрөлтнийг ХЭМЖЭЭЛШГҮЙ Гэгээрүүлэгч минь. Та одоо бидэнд Танай Нутаг ямар болох, энд хэрхэн, ямар хөлгөөр ирсэн, мөн айлчлалынхаа зорилгын талаар ярьж өгнө үү? “Тэгэлгүй яах вэ, тэгэлгүй яах вэ, Майдар Бурхан Хаан минь. Манай оршихуйн ертөнц бол бүрэн сүнслэг ертөнц. Танай энэ гарагт байдаг шиг амьтны мах гэсэн үг ч бидэнд байдаггүй. Бид бүгд бүрэн ‘хайраар амьдардаг.’ Та нар веган амьдралаар амьдардгийн адил бид хайраар амьдардаг. Бид Хайр болон БУРХАНЫ Нигүүлслээр амьдарч, Бас ердөө сэтгэлийн баясал, цэнгэлийн үүднээс л өөр өөрийнхөөрөө бүтээж туурвидаг. Бидэнд үнэндээ өөр юу ч хэрэггүй. Манай ертөнц маш амгалан тул бүх оршин суугч жаргалтай амьдардаг. Тэдэнд идэх шаардлага байхгүй, уух ч шаардлага байхгүй. Тэд зөвхөн сүнслэг адислал болон БУРХАНЫ Нигүүлслийг эдлэн жаргадаг. Бид үргэлж цэцэглэн хөгжиж, маш аз жаргалтай байдаг. Бид бүгд аз жаргалтай. Бидний энд ирсэн хөлгийг үнэндээ энгийн нүдээр харах боломжгүй. Тэр бүрэн тунгалаг мэт боловч юу ч түүнийг мөргөх буюу элдвээр оролдож сүйтгэж чадахгүй, гадна нь зураас ч гаргаж чадахгүй. Бид хөлгөө өөрсдийн сүнслэг хүчээр жолооддог. Тэр маш хурдан ч дотор нь суухад ямар ч хөдөлгөөн мэдрэгддэггүй. Яг л дэлхий дээрх гэрийнхээ зочны өрөөнд сууж буй мэт байдаг.” Хөөх! Ямар сайхан юм бэ. Үнэхээр сайхан юм байна. Хэрэв бидэнд ийм хөлөг байсан бол би хэзээ ч хамаагүй ашиглах байлаа. Учир нь миний бие махбод нэлээд эмзэг, хэврэг. Аялах үед машин хөдөлж, заримдаа зогсоод дахин хөдлөх нь машин дотор сууж бясалгаж байхад миний самадийг алдагдуулдаг. Мөн намайг замд явж байхад бидний эргэн тойронд маш олон машин, янз бүрийн энерги байнга тасралтгүй хөдөлж байдаг юм. Онгоцоор аялахад ч хүртэл үргэлж тийм жигд нисдэггүй. Заримдаа огцом доргиж, намайг амгалан байдал, самадигаас минь гаргадаг. Газардсаны дараа ч нэлээд төвөгтэй байдаг. Амрах хэрэгтэй байлаа ч би заримдаа амарч чаддаггүй. Шууд ажилдаа орох ёстой болдог. Шавь нарын байдаг Төвд очиж, тэдэнтэй бясалгах, ярилцах, эсвэл ойр зуурын бусад ажлыг хийх хэрэгтэй болдог. Таных шиг хөлөг бидэнд байсан ч болоосой. Магадгүй нэг өдөр болох болов уу, Эрхэм ээ? “Аан тийм.” Хаан “Аан тийм. Таны Тим Ко Түгийн Сүнслэг Шинэ Ертөнцөд үүнээс ч илүү сайн тоног төхөөрөмж, технологи бий. Гэвч Та энэ гаргийн бүдүүлэг бүтээл, технологид дасан зохицох хэрэгтэй болдог. Заримдаа Танд маш тухгүй байдаг.” Өө тийм шүү, Эрхэм ээ, мэдээж, мэдээж. Гэхдээ яах билээ? Яах билээ? Бид бүгд тэсэх л хэрэгтэй. Та Өөрийн бяцхан хаант улсыг авчирсан тул манай ертөнцөд гэртээ байгаа мэт тухтай байгаад тань баяртай байна. Photo Caption: Диваажингийн Хайр, Сүр Жавхаагаар Амьдарч Шинэ Өглөө Бүрийг Гэрэлт, Баясгалант Ирээдүйгээр Угтана
