Герман хот цагаан хоолыг сонгож байна.

Герман улсын Брайсгау мужийн Фрайбург хотын зөвлөл мужийн бүх сургуулийн хоолны газраас амьтан-хүн, загасны махыг хасаж, зөвхөн цагаан хоолны цэсийг нэвтрүүлэхээр шийджээ. Мужийн хүүхдийн цэцэрлэгүүд мөн уг шийдвэрт багтсан бөгөөд 2023 оноос хэрэгжиж эхэлнэ. Үзэсгэлэнт, түүхэн их сургуулийн хот нь Хар ойд оршдог бөгөөд байгаль орчныг хамгаалах ухамсрынхаа улмаас “Германы ногоон хот” гэгддэг. Цайны газрууд нь сурагчдад жил бүр 500,000 орчим хоолоор үйлчилдэг учраас уг шийдвэр нь нийгэм, хүрээлэн буй орчинд нэн чухал, таатай нөлөө үзүүлнэ.

Үүний зэрэгцээ Фрайбург хотын зөвлөлийн албан ёсны цахим хуудсанд хүнсний нэмэгдэж буй өртөгтэй тулгарахад цагаан хоол руу шилжихийн зардал хэмнэх ач тусыг онцолжээ. Герман улс дахь амьтан- хүний махны хэрэглээ байнга буурч, 2021 онд шинэ доод амжилтыг тогтоожээ.

Фрайбург хотын зөвлөл болон Герман улс аа, гайхалтай ажил болжээ! Тэнгэрлэг ивээлээр, ухаалаг шийдвэрүүд тань дэлхий нийтийг эв зохирол, тогтвортой байдлын ирээдүйд хөтөлнө.