Төгс Гэгээрсэн Их Багш Чин Хайн амар амгалан Украин (Урейн)-ы ард түмэнд хандсан хайрын захиас

“Хамгаас эрхэм украинчууд аа, Бурханы хайрт хүүхдүүд ээ, Фэйсбүүк дэх та бүхний зурвасуудыг би уншлаа. Эндээс би та нарын зүрхний цохилт, цөхрөлт залбирал бүрийг чинь сонссон. Урсгасан нулимс, зовлон зүдгүүр тань нүднээ үзэгдлээ. Энэ бүхэн төгсөх болтугай. Өчигдөр ч атугай дуусах ёстой байв. Утгагүй явдал. Утгагүй дайн, утгагүй харгислал. Таны тайван, хайр дүүрэн улс оронд юу болоод байгааг хэн ч ойлгох аргагүй.

Гүнээ гашуудан харамсаж байгааг минь хүлээн авна уу. Зүрх сэтгэл минь үргэлж та нартай хамт байж, бид өдөр шөнөгүй залбирч байна. Бид та нартай хамт уйлан хайлж сууна. Биднийг Бүхнийг чадагч, өршөөлт Бурхан сонсох биз ээ. Бид та нарын төлөө залбирсаар, Диваажины өршөөл дор, Бурханы нэрийн өмнөөс бид хайраа илгээж байна.

Биесээ сайн бодож байгаарай. Илүүтэй залбирахыг хичээгээрэй. Зовлонгийн шалтгааныг багасгахын төлөө өдөр бүр идэх гэж амьтан-хүмүүсийг зовоохоо бид аль болох багасгахыг хичээх хэрэгтэй. Веган болохыг хичээгээрэй. Миний хэлж чадах зүйл л энэ. Бас залбираарай. Энэ бүх хар дарсан зүүд шиг зовлон даруй төгсгөл болог. Эрхэм дээд Бурхан минь, туслаач. Амен.

Би та нарт хайртай. Бид бүгд хайртай. Суприм Мастер Телевизийн хамт олон болон би та нарыг бүгдийг нь чин сэтгэлийн хайраар тэврэн өрөвдөн хайрлаж та нарын бүгдийн тань төлөө, өөд бологсдын сүнсний төлөө, амьд байгаа хүмүүсийн ч сүнсний төлөө, танай орон удахгүй амар амгалан болоосой хэмээн бид өдөр бүр залбирч байна. Тэр болтол бид бөх нойрсох, амтлан хооллох гэдгийг үзэхгүй.

Та нарын залбирал, гомдлыг дэлхий дахинд бид Суприм Мастер Телевизээр дамжуулан хүргэх болно. Та нарын залбирлыг бүгдийг нь хүргэж чадахгүй байгааг уучлаарай. Учир нь хэдэн сая залбирал бий. Төлөөлөл болгон цөөн хэдийг хүргэе.

Та нарт хайртай гэдэгт маань чин сэтгэлээсээ итгээрэй. Хүмүүс бие биеэ хайрлаж, бие биеийнхээ шаналлыг, утга учиргүй зовохоос хамгаалах болтугай. Диваажин та бүхний залбирлыг болгоох болтугай. Амар амгаланг хүссэн бүхий л хүсэл тань улс оронд тань мөдхөн биеллээ олох болтугай. Хайтай шүү, хайртай шүү, та нарт хайртай шүү. Украиныг хамгаалаа хэмээн Бурханд залбиръя. Амен.

Мөн Оросын удирдагчид Бурханы хайрыг илүүтэй мэдэрч зүрх сэтгэл нь уужран тэнийж дахин дайн хийж өөрсдийн адил хүмүүсийг дахин бүү зовоог хэмээн би залбирч байна.

Бурхан минь, гялайлаа, Эзэн Бурханд талархъя, Диваажины болон хүмүүсийн зүгээс амар амгалан украинчуудын зовлон зүдгүүрийг багасгахын төлөө гэсэн бүхий л тус дэмдбаярлалаа.

Таны зохицуулсан болон цаашид бид бүгдийн төлөө, энэ гараг дээрх бүхий л зовлонт хүмүүсийн төлөө хийх зохицуулалт бүхэнд Эзэн Бурхан Тандаа Талархъя. Таныг үүрд хайрлах болтугай Эзэн Бурхан минь.”

Дэлхийн хувьд хүнд хэцүү байгаа энэ цаг үед Суприм Мастер Телевиз Фэйсбүүк, сошиал медиа дээр Украины эрхэм ариун ард түмний чин үнэн бодол залбирлаа шингээсэн зүрх сэтгэлийн зурвасуудыг хүлээн авч байсан нь бидэнд нэр хүндтэй хэрэг билээ. Одоо бид тэдгээр зурвасуудаас түүвэрлэн хүргэхийн зэрэгцээ Украинд болон дэлхийд энхтайван даруй тогтнож бүгд хурдан илаарьшин тайтгарч шинээр сэргэсэн үзэсгэлэнт, эв зохиролт, хайр энэрэл дүүрэн Дэлхийгээ цогцлоох болтугай гэж залбиръя.