Баярлалаа. Та нар чадлаараа хичээж байгааг би мэднэ. Гэвч зарим тань нухацтай биш. Бид юу ч хийж байсан, мэргэжлээ хүндлэх учиртай. Шал шүүрдэж байна уу, онгоцны буудал дээр нойл цэвэрлэж байна уу хамаагүй. Бурхан хийж байгаа ажил бүрийг тань харж байгаа.
Би мэднэ. Та нар бүгд надад хайртай. Би байнга ингэж сонсож байсан. Шинэ зүйл байна уу. ( Багш аа, энэ бол... ) Юу? ( Энэ бол Хятад улсад үйлдвэрлэдэг цорын ганц ургамлын гаралтай сүү. Авшигтнууд намайг Танд хүргэж өгөөч гэж хүссэн юм. ) Өө! Үгүй, үгүй, үгүй. Бэлэг авахгүй. Үгүй. Намайг уучлаарай. Би хүлээн авахгүй. Та өөр нэгэнд өгч болох уу? (За, тэгье ээ.) Эм тан бол ахмад настай хүнд өг. (Веган) жигнэмэг бол эсвэл чихэр бол, лам нарт өгөөрэй. Тэд хүлээгээд авна; тэдэнд хэрэгтэй. Гэгээрсэн Багшийн хувьд би хүлээн авч болохгүй. Би бэлэг авбал, маш баян болно. Дэндүү амархан. Би мөнгө олох гэж шаргуу ажиллах шаардлагагүй болбол бусууд хүмүүсийг ойлгож өрөвдөхгүй. Ойлгож байна уу? Бүгдийг нь ойлгохын тулд би илүү шаргуу ажиллах хэрэгтэй. Амьдрал минь хэт тухтай байж болохгүй. Би та нарын мөнгө, бэлэг сэлтийг дорд үзэх гээгүй юм шүү. Хэрэгтэй хүнд нь өгөөрэй. Маш их баярлалаа. Бурхан та нарыг адислаг.
За, Аулакчууд (Вьетнамчууд) сайн, эрүүл байгаарай, нутаг нэгтнүүдээ. Дараа нь гал тогоонд хооллохоор ирээрэй. Та нар гал тогоо хаана байгааг мэднэ, тийм үү? Тэд тэнд та нарт хоол бэлтгэнэ. Гал тогоо, Хятад хүмүүст зориулж юмс бэлтгээрэй. Мөн та нар, Барууныхан, та нар тэнд очвол би цухуйж гараад мэнд мэдэж магад. Бүгд гараарай! Хар. Гүй, гүй, гүй! Хурдан гараарай; над руу харахад илүү амар. Энд та нар намайг удаан хугацааны дараа ч харж чадахгүй. Би их удаан алхсан. Тэнд олон амттай хоол бий. ( Таны хайраас, Багш аа. ) Хурдан гараарай! ( Багш аа, биеэ бодоорой. ) Бүгд биеэ бодоорой. Би зүгээр. Би хэт их бясалгасан болохоор жаахан хойрго байна. Яв, яв, яваарай! Би гарч уулзъя. ( Багш аа, Нүдний шил Тань их гоё юм. ) Юу? ( Нүдний шил Тань их гоё юм. ) Гоё байгаа биз? Баярлалаа. (Багш их үзэсгэлэнтэй.) Нүүр будалт. Би нүүрээ будчихсан. Бүгд сайн уу. Тэр нүдний шил их гоё юм гэж хэлэх гэлээ. Би түүнийг... нүдийг маань биширч гэж бодсон. Өө! ( Багшийн нүд бас үзэсгэлэнтэй. ) Зүгээр тоглосон юм. Хамаагүй. (Багш үзэсгэлэнтэй.) Баярлалаа. Баярлалаа. Зүгээр дээ, тоглосон юм. Өөрийгөө л тохуурхаж байсан юм. (Үнэн шүү. Багш үргэлж үзэсгэлэнтэй.) Өөртөө л инээд хүрч байлаа.
Үнэнийг хэлэхэд, би их сайхан, том оргүй их олон жил болжээ. Хөөх! Би нүүж ороод хэдэн өдөр болж байна. Их гоё харагдаад байсан учраас би дээр нь унтаж зүрхлээгүй. Үүнд дасаагүй. Өнөөдөр дэндүү ядарсан байсан учраас дээр нь хэвтсэн. Хөөх! Үнэхээр тухтай. Анх, би тэднийг яагаад надад ийм том ор өгсөн юм бол гэж гомдоллож байсан. Лам бид том, сайхан орон дээр унтах учиргүй. Эцэст нь би: Мартаж үз, гэж өөртөө хэлсэн. Та, настай эмэгтэй, үргэлж гомдоллох юм. Өгөгдсөн зүйлийг л зүгээр хүлээн зөвшөөр. Үргэлж бүү шүүмжил, бүү төрөл бүрийн зүйл шаард. Ор байгаа нь сайн хэрэг; байхгүй бол буйдан дээр унт. Ор байвал дээр нь унт. Лам байх статусаа бүү тоо. Та лам шиг харагдахгүй байна. Гомдоллох юм уу, санаа зовох өөр юу байна? Энэ их сайхан харагдаж байна. Ийм зүйл надад байгаагүй их удаж байна. Уг нь бол, би буйдан дээр ноходтойгоо хэвтдэг байсан, эсвэл газарт. Энэ орыг хараад би, хөөх! Хэт тансаг. Их олон жилийн турш би ийм тансаглалыг хараагүй. Хааны гэр бүлийн ор шиг л. Яг ч тийм ч хэт тансаг биш л дээ, харин орыг яг л зочид буудал шиг үнэхээр сайхан зассан байсан. Би жаахан сүрдсэн. Надад зориулагдсан юм уу? Маш удаан хугацааны турш би энгийн байдлаар унтаж байсан. Зүгээр л буйдан дээр юм уу шалан дээр ч юм уу унтаж байсан. Надад бүр унтах цаг гарвал би туйлын талархалтай байдаг. Ийм гоёмсог зассан орыг яаж бодох вэ? Маш гоёмсог орны даавуугаар бүрж, сайхан зассан байсан. Энгийн л саарал өнгөтэй, тансаг зүйлгүй. Гэвч гялалзсан, их хавтгай. Их удаан хугацааны турш надад ийм хавтгай ор байгаагүй. Тэд зүгээр л буйдан дээр хөнжил тавьдаг. Тэгээд л би тэнд нь унтдаг ба ямар нэг зүйлээр хучдаг, тэгэхэд л хэдийнээ их тухтай. Би жаахан нойр авах гэж яардаг. Би яах гэж ор энэ тэр асууж хүсэх вэ? Энэ байшин жаахан хэт тансаг. Үнэндээ, үүнийг карго контейнероор барьсан. Тийм үү? Үүнийг карго контейнероор барьсан уу? Тэгээд байшин шиг харагдуулах гэж тэд нэмж бүрсэн.
Өө! Одоо надад илүү хүн болсон мэт санагдаж байна. Би байшин болон хүний ортой болсон учраас тэдэнд одоо л би илүү хүн шиг харагдаж байна гэж хэлсэн. Гаднаа бүр асартай. Хөөх! Би... энэ нь надад уу, өөр хүнд зориулагдсан эсэхийг мэдэхгүй. Заримдаа надад агуй нь илүү тохиромжтой гэж боддог хэвээр. Би агуйд унтахыг илүү үздэг хэвээр. Гэвч өнөөдөр би унтаж чадахгүй байсан учраас дэндүү ядарсан байна. Шөнөөр та нар намайг үймүүлж би бясалгаж ч чадаагүй. Тиймээс босож, өөртөө өглөөний цай хийх гэж үзсэн, барууны маягийн, (веган) шарсан талх, жимсний чанамалтай өглөөний цай. Тэд надад хэд хэдэн шилийг өгснийг нь идээгүй байсан учраас амсаж үзэхийг хүссэн юм. Эцэст нь бүх дөрвөн зүсэм (веган) талх танихын аргагүй болтлоо түлэгдсэн. Түлэгдээд бүр хэлбэрээ алдчихсан байсан. Тэгээд би мартаж үз гэсэн. Магадгүй заяа минь муутай байж, шарсан талх, жимсний чанамал идэж болохгүй байсан байх. Зүгээр л март. Том асуудал биш. Би зүгээр л сатаарсан байсан. Тэдний авсан шарагч нь дэндүү орчин үеийнх, ба хэт тод байсан. Тоог нь уншихын аргагүй тод байсан. Би жижигхэн, хямдыг ашигладаг байсан, үүний тал шиг хэмжээтэйг. Маш энгийн, тоо нь их тод. Энэ нь дэндүү тод. Дэвшилттэй загвар нь. Би учрыг нь олоогүй тул зүгээр л аянд нь шарсан. Тэгтэл тэд түлэгдчихсэн. Би хэсэгхэн хугацаанд л буруу харахад тэд түлэгдсэн. Дэндүү өндөр технологи, хэт дэвшилттэй. Бас дэндүү үнэтэй, хэт тод, мөн хэт хурдан. Уг нь гэрт, миний дүлий бяцхан шарах шүүгээ талх борлуулах гэж хагас өдөр болдог. Энэ бол, хөөх! Би өөр өрөөнд хэсэгхэн ороод ирэхэд л байшин бүхэлдээ үнэрээр дүүрсэн байдаг. Талх бүхэлдээ түлэгдчихсэн. Борлох биш бүхэлд нь түлэгдсэн. Зам дээрх хучилтын материал шиг хар. Тэгэхээр нь ахиад нэгийг шартал ахиад л түлэгдсэн! Бурхан минь. Надад шинэ зүйлс худалдан авч өгөхдөө томоор, тод Англиар бичээрэй. Би үргэлж шил зүүдэггүй. Шил маань оффист байгаа болохоор би уншиж чадаагүй. Бүх дөрвөн талх түлэгдсэн учраас би бууж өгсөн. Дараа аажмаар ахиад нэг үзнэ ээ.
Гэвч та нар юмсыг үнэхээр сайн бэлтгэсэн. Ихэвчлэн та нар том Англи үсгүүдээр бичсэн байдаг. Тэр нь сайн. Маш их баярлалаа. Сайхан байлгасанд баярлалаа. Би энд ирсэн учраас юмс эмх замбараагүй байна. Намайг байхгүйд та нарын байлгаж байсан шиг би сайхан байлгаж чадаагүй. Одоо, нохдын ор хөнжил, хаа сайгүй шидэгдсэн. Хөлийн мөр нь хаа сайгүй мөн буйдан дээр байгаа. Ард зүлгэн талбай дээр ажил хийгдэж байгаа болохоор тэгсэн. Тийм үү? Хэт их устай болохоор тэр газар шавартай болчихдог. Ноход зүлгэн дуртай учраас тийш явдаг. Тэд байшинд ороод ирэхэд хаа сайгүй цэцэг болдог. Тэдний цэцгэн хөлийн мөр нь тэр хавийг бүхэлд нь бүрхэж, өчүүхэн ч газрыг үлдээдэггүй. Тэд хаа сайгүй тамгаа дардаг. Одоо тэр газар эмх замбараагүй болж, сайхан харагдахаа больсон. Та нарынх шиг анхны тийм сайхан байхаа больсон. За хамаагүй. Байшин тийм л байх зориулалттай, хүмүүс дотор нь амьдрах зориулалттай. За. Баяртай. Та бүхэн аюулгүй амар амгалан байг.
Үүрэглээд унтахын оронд аль чадлаараа бясалгахыг хичээгээрэй. Энэ хоёр өөр шүү. Бясалгах, үүрэглэж унтах хоёр адилгүй. Баярлалаа. (Баярлалаа, Багш аа.) Баярлалаа. Та нар чадлаараа хичээж байгааг би мэднэ. Гэвч зарим тань нухацтай биш. Бид юу ч хийж байсан, мэргэжлээ хүндлэх учиртай. Шал шүүрдэж байна уу, онгоцны буудал дээр нойл цэвэрлэж байна уу хамаагүй. Бурхан хийж байгаа ажил бүрийг тань харж байгаа. Хийж байгаа бүхэн тань ажил. Гаднах шал шүүрдэж байгаа, такси жолоодож байгаа хүмүүсийн дотор ч Бурхан бий. Тиймээс бид ямар нэг зүйл дээр ажиллахдаа, гаднын хүмүүс шиг ажиллах ёстой. Тэд сайн хийж чадахгүй бол, ажлаа алдаж, өлбөрнө. Мэдээж, миний ажилтан байвал тийм ч муу байхгүй. Гэвч, ажлаа хүндлэх ёстой хэвээр. Хөнгөн авч үзэж болохгүй. Энэ нь та нар өөрийгөө болон бусдыг хүндлэхгүй байна гэсэн үг. Намайг уучлаарай. Би тэдэнтэй, хайртай үйлийн үртэйгээ Хятадаар ярих ёстой. Өөр төрлийн үйлийн үр. Тэдний хийж байгаа онц сайнаас бага төрлийн ажлын тухай би тэдэнд хэдэн зүйл хэлэх ёстой. Магадгүй тэд өөрчлөгдөнө байх. Ирээдүйд, тэд илүү анхаарал, халамжтай байна.
Бид бусад хүмүүсийн дургүйг хүргэнэ. Хэрэв тэд өдөр бүр харвал, тэвчиж чадахгүй. Та нарыг хараана. Тэд бол сүнслэг бясалгагчид биш. Энэ бол тэдний дадуулдаг зүйл. Ойлгов уу? Тэгвэл энэ нь бас бидэнд сайн биш. Тийм учраас, бусдад сайн биш зүйл бидэнд сайн биш. Ойлгов уу? Хүмүүс нохдоос өөр, нохдод юу ч хийлээ гэсэн юу ч хэлэхгүй. Магадгүй тэд ямар нэг зүйл хэллээ ч та нар сонсож чадахгүй. Ойлгов уу? Зарим ноход үнэхээр гомдоллодог. Тийм, туслахууд веган зажилдаг амттан өгөөгүй гэж миний ноход гомдоллодог. (Шүдний зажилдаг зүйл.) Шүдний зажилдаг зүйлс. Тогтмол иддэг хоол биш ч тэд их дуртай. Тэд бүтэн халаас дүүрнийг залгиж чадна. Гэвч энэ нь хоол биш болохоор ихээр нь идэж болохгүй. Тиймээс би тэдэнд нохдод хэт их бүү өгөөрэй гэж хэлсэн. Тэднийг байшинд орж ирэхээр нь би бас тэдэнд жаахныг өгдөг. Тиймээс тэр залуу таалагдаагүй гэж тэд гомдоллодог. Би тэднээс яагаад гэж асуудаг. “Тэр нохдод эелдэг биш.” “Нохдод эелдэг ханддаггүй.” Би “Яаж вэ?” гэхэд, “Тэр бидэнд амттан өгдөггүй.” гэсэн. Би, “Би тэдэнд та нарт өгөөрэй гэж хэлсэн дээ.” гэхэд тэр “Дэндүү бага” гэсэн. Том нохой гомдоллодог. Тэр бас, “Жижгүүд дэндүү дуу чимээ ихтэй байна. Би ганцаараа баймаар байна.” гэсэн. Гөлөгнүүд бага байсан ба түүнд их сайн. Түүнийг харах бүрдээ л тэд дуулж бүжиглэдэг. Түүний эргэн тойронд байж, урд нь гарч очдог. Тэр тэвчдэггүй. Тэр бас гөлөгнүүдийн энергиэс болоод тэдэнтэй хамт унтах дургүй гэж хэлсэн. “Гөлөгнүүдийн энерги дэндүү ширүүн.” Тэр ингэж хэлсэн. Тэр тэдэнтэй ойрхон байх дургүй. Тэд бол дуртай. Ноход ярьж чаддаг ч бид л сонсож чаддаггүй. Та нар сонсож чаддаггүй. Би ч бас сонсохыг хүсдэггүй. Тэд их гомдоллодог. Ялангуяа том нь, гомдоллоход мэргэшсэн. Энд дэндүү хүйтэн байна, мөн тэнд хэт халуун байна. Амттан хангалттай өгөөгүй, дэндүү бага. Энийг нь би тэр зуушийг нь идмээр байна. Төрөл бүрийн гомдол. Тийм, тэд ярьж чаддаг ба үүндээ тун сайн. Харин та нар л сонсдоггүй... зарим тань магадгүй сонсож чаддаг байх. Ойлгодог, за юу? Би худал хэлдэггүй. Та нарын зарим тань тэднийг сонсоод ойлгож чаддаг. Нохдыг сонсохгүй байхад зүгээр. Буддаг сонсдог байхад хангалттай. Бурханыг сонсдог байхад болно. Нохдыг сонсдоггүй байхад бол зүгээр. Бид сонсож чаддаг байгаад дадчихсан. Маш олон эрин галавын дараа, мөн төрлөөс төрөлд, бид төрөл бүрийн замбараагүй идэж, хийсээр ирсэн. Тиймээс маш их шидийн хүч, авьяас чадвараа алдсан. Бид урьд нь нисэж чаддаг байсан. Одоо бол чадахгүй, учир нь бид хэт их юм идээд дэндүү хүнд болсон. Энд анх ирэхдээ хэсэг хугацаанд бид нисэж чаддаг байсан. Эрэгтэй хүн эмэгтэй хүнийг хараад юу ч хийдэггүй байсан. Эмэгтэй хүн эрэгтэй хүнийг хараад мөн адил. Хожим нь бид их идэх тусмаа илүү хүсэх болсон. Тэр л асуудал. Одоо бас та нар зөвхөн агааран хоолтнууд болохыг боддог. Зөвхөн бодоод байвал юу ч өөрчлөгдөхгүй. Бодоход төлбөргүй учраас бодож болно.
За. Би одоо явлаа. Баярлалаа. Баяртай. За, одоо явлаа. Баярлалаа. Баяртай. Тусалсанд тань баярлалаа. Байшинг харж хандаж байгаад баярлалаа. Би оролдоод үзэж байна. Удаан байж чадах эсэхээ мэдэхгүй. Би Шихү-д дасчихсан. Үүнд дасчихсан. Тэнд ганцаараа байдаг. Энд бол бараг л замын хажууд амьдарч байгаа мэт л. Энэ нь замын дэргэд баригдсан. Мөн цэцэрлэгээр хүрээлэгдээгүй. Зүгээр л нэг жижигхэн цэцэрлэг ба, ардаа жаахан зүлэгтэй. Шихү-д миний энд тэнд алхдаг газар хаа сайгүй орон зайтай. За, зүгээр дээ. Юу л болохоор байна, болно. Гэвч энд амьдрахын давуу талууд байна. Машинаар ийш тийш явах шаардлага алга. Заримдаа энэ нь аюултай байх боломжтой. Жишээ нь, сүүлд хурдны зам дээр дэлбэрсэн шиг. Францад бас нэг удаа тийм зүйл болж байсан. Өнгөрсөн долоо хоногт энд дэлбэрэлт болсон. Миний аюулгүй байдлыг зохицуулах ёстой бурхдад би гомдоллосон. “Та нар яагаад надад анхааруулсангүй вэ?” гэхэд тэд, “Бидэнд тэгэхийг хориглосон.” гэсэн. Би, “Хэн та нарыг хориглосон ю юм?” гэхэд тэд, “Та” гэсэн. Би, энэ хатагтай. Би, “Би хэзээ та нарт, надад ямар нэг анхааруулга өгөхийг хориглоо вэ?” гэхэд тэд, “Нэлээд эрт, бүр Та энд ирэхээсээ өмнө.” гэсэн. “Биднийг ямар нэг анхааруулга өгөхийг хориглосон.” гэсэн. “Бурхан минь!” Би, “Маш их баярлалаа. Та нарыг эргэн тойрондоо байлгах тун тустай юм.” гэсэн. Миний шавь нар мөн адил. Хэрэгтэй үед хэн ч миний дэргэд байдаггүй. Гэвч тэд хэрэггүй үед олноороо ирдэг. Олон хүмүүс Ням гаригт ирдэг. Тэд хэрэгтэй болоход үргэлж ганцаараа байдаг. Би үнэхээр ядарч байна. Би юмсыг зохицуулж, баглаж, баглааг нь тайлах ёстой. Заримдаа, надад хэт ихэдсэн мэт санагддаг ч өөр хэн нэгнээс тусламж хүсэж зүрхэлдэггүй. Тэр миний юмсыг сүйтгэх юм уу, юмсыг энд тэнд шидэлж мэднэ. Эсвэл би ааш авир гаргаж харилцаагаа сүйтгэж мэднэ. Аажмаар өөрөө л хийсэн дээр байдаг. Чадахаар бол хийнэ; чадахгүй бол, мартана. Нөхцөл болзолгүй туслахуудыг олоход үнэхээр хэцүү байдаг. Тэд надад туслахаар ирэх учиртай, гэвч оронд нь үл үзэгдэх дурсгалын зүйл үлдээдэг. Бүү өвдөглө! Та хэдийнээ их өтөлсөн. Яагаад өвдөглөнө вэ? Босоорой. Бүү өвдөглө. Энэ нь өвдөнө. Өвдөнө.
Бурхан таныг ивээг. Будда ивээг. ( Баярлалаа, Багш аа. ) Амар амгалан, аз жаргалтай байж, сайн бясалгах болтугай. За, баяртай. (Баярлалаа, Багш аа.) Баяртай. Бид бүгд нэвт харагддаг. Ноход хүртэл биднийг яг л ном шиг уншиж чадна. (За.) Ойлгож байна уу? (Ойлгож байна.) Ноход хүртэл та нарыг уншиж чадна. Ноход, муурууд нугаснууд, бүгд уншиж чадна. За юу? (За.) Тиймээс бусдаас нуугдаж чадна гэж бүү бодоорой. (За.) Баяртай. Баярлалаа. Хайртай шүү. ( Хайртай шүү. Бид Танд хайртай, Багш аа. )
