Энэ халуун өдрүүдэд өөрийгөө сэргээх жимсний шинэхэн сэрүүн ундаа уух хэрэгтэй юм шиг санагдаж байна уу? Хайрт Төгс Гэгээрсэн Их Багш Чин Хай (веган)-аас яг үүнийг танд санал болгох зөвлөгөө хүргэе.

“Сайн уу, хөөрхөн Сахиусан тэнгэрүүд ээ, уулзаагүй удсан байна шүү. Та бүхэнд өөрсдөө хийж болох, мөн дуртайяа уух зуны шүүслэг ундааны жорыг авчирлаа. Хэрэв та нар үүнийг өөрсдөө хийж чадахгүй бол насанд хүрсэн хүнээс тусламж хүсээрэй. Сайхан, эрүүл, бас амархан... Би зарим ах/эгч нарт тань зааж өгч байсан. Тэд үүнд ухаангүй дуртай!

Хэд хэдэн цэвэрхэн угаасан жимс, хальсыг нь оруулаад (алим, манго, жүрж, бэрсүүт жүрж, лайм, нимбэг зэрэг ихэнх жимсний хальсыг, эсвэл хальсны, зарим хэсгийг ашиглаж болно эсвэл огт хальсгүй ашиглаж болно) хамтад нь жижиг шоо дөрвөлжин хэрчиж, дараа нь бүгдийг нь шилэн аяга юм уу том шилэн саванд хийнэ. Лайм эсвэл нимбэгийн шүүсийг шахаж, зуун настын сироп, эсвэл веган элсэн чихэр, чимх давс нэмнэ – бүгдийг нь амтандаа тохируулна. Дараа нь усанд хийнэ.

Энэ ундааг өвлийн улиралд түргэн буцалгаж халуун ундаа болгож болно. Хэрчсэн жимсээ сайтар бүрхэхийн тулд ус нэмнэ, хүссэн хэмжээгээрээ – дор хаяж хагас, жимсний хагасын дайтай ус нэмнэ, бага байсан ч зүгээр. Энэ нь илүү чихэрлэг болно. Гэхдээ усгүй байж болохгүй. Өөрийнхөө амтанд тааруулна, гэхдээ хэт чихэрлэг биш. Энэ нь таны цангааг тайлахаас гадна хамт хийсэн жимснүүд нь сайхан амттай байх болно. Ямартай ч, хүссэнээрээ хийх нь таны мэдэх зүйл юм.

Сэрүүн байлгахын тулд хөргөөд өдрийн аль ч цагт амтархан ууж болно. Шил нь сайхан харагдуулж, хоолны дуршил төрүүлэн, байгалийн амтыг мэдрүүлэх зориулалттай. Туршиж үзэхийг хүсвэл энд товчхон зөвлөгөө байгаа, дараа нь өөрийн шинэ санаагаар хийж болно. Жүрж, лайм/нимбэг зэргийн шүүсийг хийж болно, бусдыг нь хэрчээд, мөн хальстай нь хамт нэмж хийж болно. Эдгээр нь амтны хувьд хоорондоо сайн зохицдог. Мөн өнгө нэмэхийн тулд боловсорсон манго, киви, лийр, бэрсүүт жүрж, усан үзэм, нил ягаан чавга хийж болно. Юуны түрүүнд БУРХАН-д талархахаа бүү мартаарай. Ай даа... АМТТАЙ. Амтархан ууна уу! Бурхан сайн хүүхдүүд та нарт хайртай.”

Ммм, энэ жимсний шүүсний жор ямар арааны шүлс асгарам сайхан сонсогдож байна вэ! Хамгаас Эрхэм Их Багшдаа биднийг бодож, амтлах мэдрэхүйг баясгасан энэ гайхалтай жимсний баярыг хуваалцсанд баярлалаа.