We Are All Equal and Connected, Separated Only by Degree of Self-knowing, Each of Us Coming from Same Source of Creation

Одоо Индонезоос Геде-гийн индонез хэлээр ирүүлсэн сэтгэлийн үгийг олон хэлний хадмал орчуулгатай хүргэе:

Суприм Мастер ТВ-ийн хамт олонд баярлалаа. Мөн бичих боломж олгосон Төгс Гэгээрсэн Их Багш Чин Хайд маш их баярлалаа. Арьяабалын бясалгалын үеэр надад төрсөн мэдрэмжийн талаар Өөрийн зөвлөгөө, залруулгыг хайрлахыг Төгс Гэгээрсэн Их Багш Чин Хай Танаас чин сэтгэлээсээ залбирч, хүсэж байна.

Заримдаа бясалгал хийх үедээ би өнгөнөөс ч чинад зүйлийг мэдэрч, туулдаг. Бидэнд өнгө байхгүй. Бид хаашаа ч хэзээ ч шилжиж байгаагүй. Бид бол хэлбэр дүрс, өнгөгүй, тогтвортой оршин байгч энерги, аниргүй Энерги юм. Гэрэл, Аялгуунаас хавьгүй дээгүүр. Эсвэл бид өөрсдөө Аялгуу болон Гэрэл гэж хэлж болно. Гэвч үнэндээ бид Гэрэл болон Аялгуунаас дээгүүр оршдог. Диваажинд оршдог бүхий л зүйлд бид бий, Мод, шувуу, сүрлэг барилга, өвс ногоо гээд хэлбэр дүрстэй бүхэнд бий. Бид тэрхүү хэлбэр дүрсэнд оршдог. Мөн бид өөрсдөө Диваажин юм.

Хамгийн Агуу, Хамгийн Дээд, Орчлон, ертөнцийн Мөн Чанар, Диваажингийн Зүрх, Хамгийн Хүчирхэг Нэгэн болох Төгс Гэгээрсэн Их Багш Чин Хайн үнэт цагийг авсандаа бид хүлцэл өчье. Танд гүнээ талархан, хүндэтгэсэн, Индонезийн Бали-гаас Геде

Найрсаг Геде, Бид Арьяабалын бясалгалаар бясалган, дадуулахад энэхүү махан биеэс чинад гарч, туйлын Үнэнийг мэдрэх боломжтойдоо азтай билээ. Бидэнд нэн шаардлагатай энэ цаг үед Аврагчийг соёрхсон Төгс Хүчит БУРХАНД хамтдаа алгаа хавсран талархъя. Та болон эв зохирлыг эрхэмлэдэг Индонезийн ард түмэн сүнслэг зам мөрөөр хамтдаа алхахдаа баяр баясгалан, сэтгэл ханамжийг үргэлжлүүлэн олох болтугай, Суприм Мастер ТВ-ийн хамт олон

Жич. Их Багш танд энэрэлт хариу илгээжээ: “Талархалт Геде, бид бүгдээрээ тэгш эрхтэй, хоорондоо салшгүй холбоотой бөгөөд зөвхөн өөрийгөө хэр зэрэг танин мэдсэн танин мэдэхүйн түвшнээрээ л ялгаатай мөн бид бүгд нэг л бүтээлийн эх сурвалжаас үүдэлтэй гэдгийг ойлгосон таны гэгээн ухаарлаар дамжин, таны сайхан сэтгэл, чин үнэн зан бусдад намуухан, дулаан мэдрэмж төрүүлдэг. Хаашаа ч явсан энэ хайрыг мэдэрч, сэтгэлдээ тээж, уулзсан хүн бүртэйгээ нөхцөл болзолгүйгээр хуваалцаарай. Та болон халуун бүсийн Индонези улс Диваажингуудаас хязгааргүй адислалыг хүртэх болтугай. БУРХАНЫ Ивээлээр танд маш их Хайрыг илгээе”.