Sharing The Most Powerful Daily Prayer Chanted by Master Carries Power No Less Than That of The Holy Names, and That The Most Powerful Daily Prayer Carries The true Power of Love That Everyone Can Hold Onto with Their Heart

Хятадаас Мин-Ян-ийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Бүхнээс Аугаа Их Багш, Эргэн Нэгдсэн Цаглашгүй Хүчирхэг Гурав болон Суприм Мастер Телевизийн хамт олонд, Их Багштай би анх 1997 онд Тайландад болсон Олон улсын Арьяабалын Даяаны үеэр биечлэн уулзсанаа санадаг. Тэр үед майхнаа барьж байтал нэг авшигтан “Их Багш ирлээ!” хэмээн гэнэт дуудахыг сонссон. Залуу Хатагтай мэт харагдах Их Багш гольфын тэргээр хүрч ирээд зогсов. Тэрээр биднийг гэрэлтсэн, хайр дүүрэн харцаар харж, хөрш айлын Охин шиг дотно, энгийн байдлаар бүгдтэй мэндчилсэн. Их Багш дөнгөж үүлнээс хөвөн бууж ирсэн мэт ариун тунгалаг аура цацруулж байлаа… Тэр орой майхандаа буцаж ирэхэд зүрх сэтгэл минь таатай жаргал, баяр хөөрт умбасан хэвээр байв. Тэр өдөр Их Багшийг харсан хормууд сэтгэлд минь дахин дахин бууж байлаа. Гэнэт “Их Багш аа, Та яагаад миний төсөөлсөн Их Багшаас ийм өөр юм бэ?” гэсэн өчүүхэн бодол төрөв. Дотоод Их Багш тэр даруй “Их Багш бол энэ махбодон бие биш, харин Аугаа Хайрын Хүч юм.” хэмээн надад хэлсэн.

Тэр даяаны сүүлийн өдөр Их Багш Ариун Нэрсийг биечлэн дамжуулсан юм. Тэр үед бид гадаа зүлгэн дээр сууж байлаа. Их Багшийн Ариун Нэрсийг унших хайр дүүрэн Аялгуу агаарт цуурайтаж, Хайрын Хүч эргэн тойрны бүхнийг уусгав. Би биеийнхээ оршихуйг мэдрэхээ больж, зөвхөн гүн амар амгалан, анир тайвныг мэдэрч байлаа! Их Багшийн Ариун Нэрс уншихыг сонсохдоо би өөрийгөө Орчлонгийн хамгийн азтай, хамгийн жаргалтай хүн гэж мэдэрсэн! Авшиг хүртээгүй хүмүүсийг би өрөвддөг. Зүүд, зэрэглээ мэт энэ ертөнцөд тэд Их Багшийн Ариун Нэрс уншихыг сонсох боломжгүй, зүрх сэтгэлээрээ түшиж болох бодит зүйлгүй байдаг!

Их Багш Хамгийн Хүчирхэг Өдөр Тутмын Залбирлыг бидэнтэй хуваалцсанаас хойш би Арьяабалын бясалгал хийх бүрийнхээ өмнө Их Багшийн хайр дүүрэн Хоолойг даган дахин уншдаг болсон. Хэд хэдэн удаа, Залбирлаа уншиж дуусмагц дотоод Диваажингийн Аялгуу сонсогдож, би таатай, жаргал дүүрэн бясалгалын төлөвт орсон! Өнөө өглөө Арьяабалын бясалгалаасаа гарахад зүрхэнд минь байсан харамсал арилсан юм. Их Багшийн уншсан Хамгийн Хүчирхэг Өдөр Тутмын Залбирал нь Ариун Нэрсээс дутахааргүй Хүчтэй бөгөөд хүн бүр зүрх сэтгэлээрээ түшиж болох Хайрын жинхэнэ Хүчийг агуулдаг гэдгийг би тодорхой ухаарлаа! Бүхнээс Аугаа Их Багшдаа болон Эргэн Нэгдсэн Цаглашгүй Хүчирхэг Гуравт талархъя! Баярлалаа! Гялайлаа! Талархлаа! Хүндэтгэсэн, шавь Мин-Ян, Хятад улсаас

Баяр хөөртэй Мин-Ян, бид тантай хамт Их Багштай өнгөрүүлсэн нандин хормуудаа, Түүний бидэнд хайраар өгсөн Бэлгүүдийг дурсаж, мөн хүртсэн Адислалынхаа хэмжээлшгүй ихийн өчүүхэн хэсгийг ухаарч байна. Хэчнээн талархаад ч ханашгүй Их Багшид талархсан сэтгэлийн үгээ илгээсэн танд баярлалаа. Та болон хүчирхэг хятад түмэн Тэнгэрийн Гэрэлд хамгийн эрхэм ариун зорилгодоо хүрэх болтугай. Тэнгэрлэг гоо сайханд, Суприм Мастер ТВ-ийн хамт олон

Жич: Их Багшийн эргэцүүлэл төрүүлэх энэ хариуг танд уламжилж буйдаа баяртай байна: “Хайрт Мин-Ян, БУРХАН-ы эрхэм шавь минь, бид бүгд Тайландад байсан тэр үеэс хойш үнэхээр ийм удаан хугацаа өнгөрсөн гэж үү? Өө, цаг хугацаа гэж ямар хурдан өнгөрдөг юм бэ! Эндхийн амьдрал ч мөн адил хурдан өнгөрдөг шүү! Энэ олон жил нээлттэй зүрх сэтгэлээр Арьяабалын бясалгал хийж, танд туслахаар өгсөн Ариун Нэрс болон Хамгийн Хүчирхэг Өдөр Тутмын Залбирал зэрэг арга хэрэгслийг ашиглаж ирсэнд баярлалаа. Та сайн дэвшиж, одоо жинхэнэ Би-гээ танин мэдэхийн Жаргалыг амсаж байна. Та болон сүр жавхлант Хятад орон аливаа үймээн самууныг даван гарч, Диваажингийн амар амгаланд ямагт өндөрт дүүлэх болтугай. БУРХАНЫ ИВЭЭЛЭЭР Хайр минь үүрд тантай хамт”.