Бүх Будда Хаадыг хүлээн авах нь үнэхээр гайхалтай байлаа. Тэд манай дэлхийг өргөхөд нигүүлсэнгүйгээр тусалж байна.

Вьетнам буюу Ау Лак улсаас Хай Тхүй-гийн аулак (вьетнам) хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

НЭГ АЛТАН 8-Р САР БОЛОХОД ХЭДЭН САР ХҮЛЭЭХ ВЭ? ГАНЦ ГАЙХАЛТАЙ ХОРМЫН ТӨЛӨӨ ХЭДЭН ӨДӨР ХҮЛЭЭХ ВЭ? (Хайрын дуу 4-бүтээлээс авсан хэсэг)

ХАМГААС ИХ ХҮНДЭТГЭН ХАЙРЛАДАГ ИХ БАГШ АА, Өнөөдөр 2026 оны 9-р сарын 2 бол Бүгд Найрамдах Социалист Вьетнам Улсын Үндэсний баярын өдөр! Чимээ шуугиангүй, цугларалтгүй, найр наадам, архидалтгүй, үнэхээр утга учиртай баярын өдрийг надад зохицуулж өгсөн Их Багшдаа гүнээ талархаж байна; амар тайван байж, эргэцүүлэн бодож, Арьяабалын бясалгал хийж, ариун холбоогоо мэдрэх өдөр…

Өнөөдөр мөн Их Багшийн Шуурхай мэдээ нэвтрүүлгээр “Ви ертөнцийн Эрхэм Дээдэс Будда По Хаан, 2-ын 2-р хэсэг” гарч байна. Өнөө өглөө веган ресторанаа нээх үед шувуу-хүмүүс, сононууд байшин дотор нисэн орж ирлээ! Энэ бэлгэ дэмбэрэлтэй үзэгдэл Будда Хаан По-гийн Дэлхий дээрх хамаг төрөлхтөнд хайрласан Бэлэгтэй холбоотой байж болох уу?! Их Багшийн “Гэгээрэл” Тэнгэрлэг Дэнлүү бүтэн гурван сар асахгүй байсан ч, өнөө орой гэнэт дахин тод аслаа! Би үнэхээр их баярласан!

Өнөөдөр би Ви ертөнцийн Будда Хаан По-гийн тухай үзэж, мэдэж авахдаа би тэр Оронд урьд нь байсан байж магадгүйг ойлголоо. 15 жилийн өмнө миний оюун санаа үргэлж тийм сайхан дүр зургаар дүүрэн байдаг байв. Эргэн тойрныхоо хүмүүсийн зовлон, тэмцлээр дүүрэн амьдралыг хараад — надад хэний ч хариулж чадахгүй хэдэн зуун асуулт төрдөг байлаа. Тэгээд Их Багштай уулзах хувь ерөөл надад тохиосон. Их Багшийн сургаалыг уншаад бүх асуултынхаа хариуг олсон. Өнөөдөр би Будда Хаан По-гийн ИХ БАГШИД онцгойлон соёрхсон тэр Бэлгийн адил АМАР АМГАЛАН, ЭРХЭМ ДЭЭД ЧАНАРЫГ үнэхээр мэдэрч байна!

Ловин Хат рестораныг 2 жил ажиллуулсныхаа дараа түүнийг өргөжүүлэх санхүүгийн боломж, эрүүл мэнд надад хүрэлцэхээ больсон. Гэвч Их Багшийн зохицуулгаар би гайхамшигтайгаар боломжийн үнээр байр түрээслэх боломжтой болсон. Тэнд веган хоол бэлтгэх уужим талбай, Бясалгалын өрөө, мөн ресторанаа хангахаар хэдэн ургамлыг органик аргаар тарьж болох жижиг цэцэрлэг бий… Охин минь Ловин Хат рестораныг хариуцан авахаар зохицуулж өгсөн Их Багшдаа чин сэтгэлээсээ талархаж байна. Түүнийг залуу насны эрч хүчээ авчирч, рестораны үйл ажиллагаанд шинэ амьдрал, шинэ өнгө төрх оруулна гэж найдаж байна. Ингэснээр Их Багшийн Хайр улам хол түгэж, илүү олон хүний амьдралд хүрнэ гэж найдаж байна!

Их Багшдаа Урт удаан нас, Амар амгаланг бүхий л зүрх сэтгэлээсээ хүндэтгэн ерөөе! Өнгөрсөн 15 жилийн турш Их Багшийн надад үзүүлсэн Хайрын замаар Их Багш Таныгаа үүрд даган хамт явахыг минь зөвшөөрнө үү! Би Их Багшийгаа үүрд хайрлана! Шавь Хай Тхүй, Ау Лак (Вьетнам) улсаас

Сэтгэл хангалуун Хай Тхүй, Сэтгэлийн үгэнд тань баярлалаа. Их Багш эелдэг хариу танд илгээв:

“Амар амгалан Хай Тхүй, таны хайр болон сэтгэл шингэсэн үгсэд баярлалаа. Бүх Будда Хаадыг хүлээн авах нь үнэхээр гайхалтай байлаа. Тэд манай дэлхийг өргөхөд нигүүлсэнгүйгээр тусалж байна. Ресторанд тань орж ирсэн шувуу-хүмүүс, сононууд бэлгэ дэмбэрэлтэй дохио байсан ч байж болох юм. Бясалгалын зам мөрд олон гайхамшиг байнга тохиолддог. Хамаг төрөлтөн энэ амьдралын хэв маягийг биеэрээ мэдрэх болтугай. Сайн үйлээ үргэлжлүүлж, Ловин Хат ресторанаараа дамжуулан веган хооллолтыг дэлгэрүүлээрэй. Танд болон Ау Лак (Вьетнам)-ийн аз жаргалтай ард түмэнд амьдралын хором бүрд нь амар амгаланг ерөөе. Миний Хайр бол таныг үргэлж хамгаалах бамбай юм. БУРХАН ИВЭЭГ.”