Энэ нь нэг хүний урам зориг ямар их үр бүтээл бий болгож чаддагийг харуулж байна.

Тайвань буюу Формоса-гаас Цай-Ен-ийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

2024 оны нэгэн үдээс хойш би ховорхон гарсан завыг ашиглан сургуулийн хотхоноор зорилгогүйгээр алхав. Өөрөө ч анзааралгүй, хөл маань намайг өмнө нь ер орж байгаагүй “сургуулийн дэлгүүр” рүү хөтөлчихөв. Доторх тавиурууд нь өсвөр үеийнхний дуртай сэтгэл татам үнэр бүхий төрөл бүрийн хөнгөн зууш, ундаа, богино долгионы зууханд халааж иддэг бэлэн хоолны савнууд, мөн халуун хоолоор дүүрэн байлаа. Гэвч тавиур дээрх хоолнуудыг сониучирхан, нарийвчлан шалгаж, нэг бүрчлэн үзээд сэтгэл минь гонсойв — Энд “веган”, “цагаан хоол”, эсвэл “ургамлын-гаралтай” гэсэн шошготой эрүүл, тэжээллэг хоол ганц ч байсангүй. “Би сургуулийнхаа нийт хүний хооллох дадлыг өөрчилж, сургуулийн дэлгүүрээр эрүүл, веган, ургамлын-гаралтай хоолоор хангамаар байна” гэсэн санаа бодол сэтгэлээс огт гарахгүй байлаа. Боловсролын ажилтны хувьд энэ нь сурагчдын биеийн эрүүл мэндийг сайжруулаад зогсохгүй нүүрстөрөгчийн ялгарлыг бууруулах, байгаль орчныг хамгаалах, Дэлхийгээ аврах үйлсийг биечлэн хэрэгжүүлэх арга байв.

Веган хоол хийхдээ гарамгай бясалгагч нөхдийн хамт бид энэ санааг идэвхтэй сурталчилж, олон удаа ярилцан хэлэлцэж явсан юм. Уламжлалт веган хоолны талаарх хэвшмэл ойлголтыг арилгаж байж л залуусын ертөнцөд жинхэнээсээ нэвтэрч чадна гэдгийг бид мэдэж байв. Ингээд баялаг амттай веган карритай будаа, өнгөлөг ургамлын-гаралтай веган суши ороомог, тансаг веган суши, сэнгэнэсэн Тайланд-маягийн халуун ногоотой, исгэлэн, хүйтэн гоймонг ээлж дараалан худалдаанд гаргав. Үзэмжтэй төдийгүй амттай, содон, ер бусын өвөрмөц хоолнуудыг санал болгосноор шинэ төрлийн хоол турших дуртай, мөн бие галбираа хадгалахад анхаардаг багш, сурагчдыг бид татдаг. Үүний зэрэгцээ бид өдөр бүр үлдсэн хоолыг ганцаараа амьдардаг ахмад настнууд, эмнэлэгт байгаа боломж тааруу өвчтөнүүд болон орон гэргүй хүмүүст хүргэж өгдөг. Ингэснээр хүнсний хаягдлаас сэргийлэхийн зэрэгцээ сайн үйл хийдэг. Цаашлаад, амьдрах ухаан, технологийн хичээлүүд дээр бид сурагчдад хоол бүрээс үүсэх нүүрстөрөгчийн ялгарлыг тооцоолохыг зааж, нүүрстөрөгчийн ялгарлыг бууруулах зорилтыг сургуулийн хамгийн орчин үеийн, хамгийн догь соёл болгон хувиргаж байна.

2024 онд огт нийлүүлэлтгүй байсан үеэс 2026 оны өнөөдрийн байдлаар бид өдөр бүр 300 орчим веган хоолыг тогтмол нийлүүлдэг боллоо. Энэхүү байгальд ээлтэй үйл ажиллагаа сургуулийн багш, сурагчдын гуравны нэгийг чимээгүйхэн тэтгэж ирсэн. Дотоод хэргийн яамнаас олгодог “Шилдэг сургуулийн дэлгүүрийн шагнал”-ыг хоёр жил дараалан хүртсэн нь сургуулийн тогтвортой хооллолтыг дэмжих бидний хүчин чармайлтыг үнэлсэн хэрэг байлаа. Ирээдүйд сургуулиуд 100% веган сонголтын анхилуун үнэрээр дүүрэх тэр өдрийг бид тэсэн ядан хүлээж байна. Хоол бүрээр хийдэг сонголтоороо бид хүүхдүүдийнхээ зүрх сэтгэлд амьтан-хүмүүсийг хайрлах хайр, байгаль орчны тогтвортой байдлыг эрхэмлэн хамгаалах ухамсрыг болон нинжин сэтгэлийн үрийг тарьдаг. Цай-Ен, Тайвань (Формоса)-аас

Зорилго тэмүүлэлтэй Цай-Ен, Хөөх, таны хүчин зүтгэл танай сургуульд ямар гайхамшигтай өөрчлөлт авчраа вэ. Үүнийг бодитоор хэрэгжүүлэхийн төлөө цуцалтгүй хөдөлмөрлөсөн танд болон бясалгагч нөхдөд тань баяр хүргэе. Энэ нь нэг хүний урам зориг ямар их үр бүтээл бий болгож чаддагийг харуулж байна. Таны үлгэр жишээ бусдыг өөрсдийн санаа бодлоо ажил хэрэг болгоход урамшуулж, веган дэлхийг бий болгоход хувь нэмрээ оруулна гэж найдаж байна. Ингэснээр бид бүгд эх дэлхийгээ аврахад өөрсдийн хувь нэмрээ оруулж чадна. Та болон Тайвань (Формоса)-ийн ухамсартай ард түмэн дотооддоо ч, эргэн тойрондоо ч БУРХАН-ы Тэнгэрлэг оршихуйг мэдрэх болтугай, Суприм Мастер ТВ-ийн хамт олон