Буддад тоолшгүй олон сүнсийг аврах Хүчийг Бурхан өгч, бүх Орчлон Ертөнц зөвшөөрсөн Будда, Их Багш гэдэг Зүгээр ч нэг нэр цол төдий биш! 10 цуврал лекцийн 3-р хэсгийг

Энэ дэлхийд Будда байх маш хэцүү. Будда хэдийнээ Будда болоогүй байсан юм биш, харин Тэрээр буун ирээд бусад мэдрэхүйт төрөлтнүүдтэй барилдлага тогтоож байж эргэн Будда болж ирээд хангалттай Хүчтэй болсон үедээ тэднийг гэтэлгэх боломжтой. Тийм учиртай. Тийм учраас зарим Их Багш нар Нирваанаас Дэлхий рүү нааш цааш явж, тэгээд буцаад Нирваанд очдог. Тэд үнэхээрийн их, үгээр өгүүлшгүй их зовдог. Гэвч хэн ч хардаггүй... их хардаггүй. Та нарын харж чадах юу ч бай, Их Багшийг эсвэл Буддаг зовж буйг харж байна гэж бодож байвал, тэр нь ердөө л мөсөн уулын оргил нь юм. Та нарын харж чадах зүйл их байхгүй, учир нь ихэнх зүйлс дотоодод, сүнслэг оршихуйд, болдог, гадна талд маш бага. Буддагийн зовлонгийн талаар бид сонсож байгаагүй, магадгүй Түүнийг шавь нарынхаа үйлийн үрээс болж гурван сарын турш адууны тэжээл идэж байсныг сонссон, мөн шавь нь байсан Девадаттагаас болж хөлийн хуруугаа алдаж байсныг мэднэ.

Их Багшид тохиолдохгүй гэх зүйл огтхон ч үгүй. Тийм ч учраас эрт дээр үед зарим Их Багш нар олон шавьтай болдоггүй байв, учир нь ийм үнэнч бус байдал нь Өөрсдийг нь гэмтээхээс болгоомжилдог. Зургаадугаар Патриарх Хүй Нэн хүртэл Их Багшаасаа жиаша (нөмрөг), аяга хүлээн аваад зугтах ёстой болсон, учир нь нэг Их Багшийн буюу Тавдугаар Патриархын бусад шавь нар Түүний араас элдэн хөөж, жиаша буюу залгамжлалыг бэлгэддэг ламын нөмрөгийг буцаан авахын тулд Түүнийг хөнөөхийг хүсдэг. Тийм учраас Тавдугаар Патриарх Зургаадугаар Патриарх Хүй Нэнд хандан, “Үүнээс хойш Та залгамжлуулах жанч болон бадар барьдаг аягыг, залгамжлалын бэлгэдэл болсон зүйлсийг ахин хэнд ч бүү өг, тэгж байж ашрам дотор, нэгэн Их Багшийн шавь нар хоорондоо тэмцэлдэхээс сэргийлэх болно. Тэд хүмүүсийн аминд ч хүрч мэднэ.” гэдэг.

Жиаша - ламын гадуураа өмсдөг нөмрөг нь залгамжлалын бэлгэдэл - өмнө нь энэ нь гэгээрэлд хүрэх, өршөөл нигүүлсэл, энх тайван гэх мэт бүх сайхан үг хэлд хүрэх Ариун зам мөрийн бэлгэдэл гэгдэж байв. Гэсэн ч Их Багшийн тушаалыг хүндэлж дагахын оронд тэд Хүй Нэний араас элдэн хөөж, Түүнийг хороохыг хүссэн. Тэд ямар гээч лам нар байсан юм бол доо? Төсөөлж байна уу? Тэгэхээр систем болгонд, төрөл бүрд, шашны ижил итгэл үнэмшилтэй, нэг сүмд явдаг, нэг хийдийн эсвэл нэг урсгалын, юм уу бүр нэг улсын хүмүүс хоорондоо дайтдаг. Үргэлж л ийм дайн гарч байдаг. Гэвч нөмрөг хэн нэгнийг залгамжлагч болгохгүй. Учир нь хэрэв Их Багш тэдний адислахгүй бол - залгамжлалын тухайн нөмрөгийг авсан хэн ч бай хэзээ ч хэн ч болохгүй.

Яг л Девадатта шиг - Түүнийг хэдэн зуун хүн дагадаг байсан, магадгүй хоёр зуу байх, тэр хавьцаа. Магадгүй тэдгээр хүмүүс Буддагийн талаар огт сонсож байгаагүй байх. Тийм учраас тэд Буддаг дагаагүй. Эсвэл магадгүй тэд Буддагийн юу номлож байгааг ойлгохын аргагүй зузаан байсан байх. Түүнийг зөвхөн гаднаас нь дүгнэсэн байх. Тэр Девадаттатай адилхан ламын нөмрөгтэй, лам нартаа Девадаттай харьцуулахад арай зөөлөн ханддаг байсан. Деваддатта ялахын тулд, “Өө, энэ хүн илүү ариун, илүү хатуу юм. Учир нь Будда энэ тэр зүйл санаа тавьдаг хэвээр.” гэж бодогдуулахын тулд бүлэг дотроо огоорлыг илүүтэй давамгайлуулж байсан.

Будда юуг ч тоодоггүй байсан! Тэрээр хэдийнээ баян чинээлэг, тансаглал, ирээдүйн хаант улсаа орхисон байж юунд ач холбогдол өгөх вэ? Будда яах гэж тийм зүйл хүссээр байх вэ? Хүслээ ч Тэрээр буцаад эх орондоо очиход аав нь Түүнд бүхнийг өгөх байсан. Гэтэл үгүй, тэр хааяа л нэг аав дээрээ зочлон очиж, Түүнд зарим зүйлсийг заадаг байсан. Тэгээд аав нь өөд болоход Тэрээр ачлалт хүүгийн үүргээ гүйцэлдүүлэх ёстой болсон. Тэр ямар даруу байсан гээч. Гэвч тэд зөвхөн гадна талыг л хардаг, учир нь дотоодод тэдэнд ямар ч ариун ахуй ойлголт байгаагүй. Тийм учиртай. Нэг багш дээр очсон хүн бүр адилхан гэгээрч, адилхан түвшинд хүрнэ гэсэн үг биш. Үгүй, үгүй. Зарим бүр чөтгөрийн түвшинд байдаг, тийм учраас тэд Их Багшид төвөг удах л гэж тэнд очдог. Яг л Девадатта шиг эсвэл Эзэн Есүсийн үеийн Христийн шашны Жүда шиг.

Сайн лам нар, сайн номлогчид, ариун хуврагууд, эсвэл эрхэм ариун Их Багш нар улам ихээр гүтгүүлэн доромжлуулж, үзэн ядагдаж, аюулд өртөж байгаагийн шалтаан бол муу лам нар, муу санваартнууд бүгд л тэрхүү Их Багш дадалдагчдыг нь булаачих вий гэж, өөрт нь ирж өргөл барьц өгөх хүнгүй болоод идэх ч юмгүй болох вий дээ гэж санаа нь зовдгоос тэр. Тэд санаа зовох шаардлагагүй. Энэ дэлхийд муу лам, муу гэлэнмаа нарыг дагах мунхаг хүмүүс ямагт байж байдаг. Эсвэл эдгээр лам, гэлэнмаа нар, номлогчид ч бас адын төрөлтөн учраас адын, мунхаг хүмүүс тэднийг дагах л болно.

“Цочирдом мэдээ”-нээс эшлэв Ủa thầy?!? (Юу, багш аа?!?) Хүмүүс толгой дээр нь б*, толгой дээр нь б*, Буддын шашны толгой дээр нь б*, лам, гэлэнмаа нарын толгой дээр б*, Буддын шашинд суралцаж, бясалгадаг хүмүүсийн толгой дээр б*.

Лам, номлогч нар амь зуух ямар нэг зүйл ямагт байсаар байх болно. Харин илүү гайхамшигтай зүйлсийг, илүү баян чинээлэг байхыг тансаглахыг бүү хүс. Тэгсэн цагт та нар амьдарсаар байх болно. Үүнд санаа зовох учиргүй. Хэчнээн лам гэлэнмаа нар ширэнгэн ойд, томоохон ууланд амьдардаг билээ? Тэд өдөр шөнөгүй бясалган дадуулдаг. Тэд давгүй хэвээр! Мөн түүгээр ч барахгүй муу лам нар, номлогчид, бусад энгийн хүмүүс бас адад эзлэгдсэн байдаг учраас жинхэнэ зүйлсийг мэдэхээ байдаг. Тиймээс тэд үргэлж өрөөл нэгнийг өдөөн хатгаж тэмцэлдэж байдаг. Тэд үүндээ дуртай. Чөтгөрийн нөлөөллөөр тэдэнд дотор нь ийм түрэмгийлэл байдаг, эсвэл өөрсдийнх нь зан авир тийм байдаг. Бусад нь илүү нам гүм байж магадгүй юм, гэвч Их Багш нар тэднийг өөрсдийг нь өчүүхэн мэт санагдуулдаг тул тэд алдартай, эрхэм ариун хувраг, Их Багш нарт дургүй.

Их Багш нар явж очоод тэдэнтэй тулалдах ч юм уу тэдэнд ямар нэг юм хийхгүй, тэднийг бүр мэдэх ч үгүй. Гэтэл тэд зүгээр л холоос, эсвэл эзгүйд нь араар нь ч юм уу ямар нэг байдлаар Тэднийг гүтгэж, Тэдний талаар муу муухай бүхнийг тараадаг. Учир нь тэд өөрсдийн өчүүхэн, дорд байдлыг мэдэрч, тэдгээр эрхэм ариун Их Багш нар, сайн хуврагууд өөрсдийг нь илчлэх вий гэж санаа нь зовдог юм. Тэгээд л тэд Эрхэм Хуврагуудын талаар санаа зовдог хэрэг. Тиймээс л Тэднийг үзэн ядаж, Тэднийг үгүй болгож, тараан бутаргаж, жинхэнэ Их Багшийг хайж олон, гэгээрэл, гэтлэлд хүрэх гэсэн итгэл бишрэлт хүмүүсийг төөрөгдүүлэхийн тулд элдвийг хийдэг юм. Гол нь энэ. Иймд алдартай,

эрхэм ариун байгаа тань хуурамч их багш нараас, муу лам, гэлэнмаа нар гэх зэрэг хүмүүсээс дээр гэдгийг харуулах баталгаа болохгүй. Бусдад өөрсдийгөө дэвшүүлэхэд нь тусалж чадах юу л байна, мөн Бурханы Ивээлээр гэтлэгдэж, Гэртээ, жинхэнэ Бурханы Оронд, жинхэнэ байшиндаа эргээд очиход нь тусалж болох юу л байна хий.

Тийм л юм. Эзэн Есүс Өөрийгөө цовдлуулна гэдгээ мэдэж байсан; гэсэн ч Тэрээр харгис хэрцгий ертөнц рүү бууж, туслахыг хичээсэн. Тийм учраас маш олон хүмүүс Түүний цаг үед гэгээнтэн болж дэвшсэн. Түүний нөлөөлөл нь, Түүний сургаал өнөөдрийг хүртэл үргэлжилсээр буй. Олон тэрбум хүм Эзэн Есүсийг дагадаг - тэд үнэхээр чин сэтгэлтэй биш ч Түүнийг хүндэлж, дагадаг. Хэдийгээр тэд дагах хангалттай хүчгүй ч Түүний сургаал зөв гэдгийг мэддэг. Будда мөн адил, хэдийгээр Будда одоо энд байхгүй ч, материаллаг түвшинд байхгүй ч олон тэрбум хүн Буддагийн сургаалыг дагадаг. Ядаж л хичээдэг. Зарим нь дагаж ёс зүйтэй болж, бүр гэгээнтэн болдог. Эсвэл ядаж л сайн лам, сайн гэлэнмаа болж, сайн дагалдагч болдог. Тиймээс хамаагүй.

Энэ дэлхийд бүх зүйл маш аюултай, ялангуяа нэр алдартай, олон хүнд хайрлагддаг бол тийм. Тэд байнга болгоомжтой байх ёстой. Гэсэн ч аюулгүй байгаа эсэхээ таахын аргагүй. Хүмүүс атаархдаг нь ердөө л хүмүүний мөн чанар. Тэд нэр төр, ашиг хонжоогоо алдахаа мэдрээд эхэлбэл тэд улам илүү түрэмгий болж, аюулд өртөж болзошгүй болдог.

Олон Их Багш нар өөд болсон. Юуны төлөө? Тэд ямар ч буруу юм хийгээгүй, нийгмээ илүү цэвэр, илүү ариун болгоход тусалж, дэлхийг илүү амьдарч болохуйц болгоход тусалсан. Гэсэн тэд амь үрэгдсэн. Энэ дэлхийн нэг жижигхэн хэсэгт, Ау Лак (Вьетнам)-д л гэхэд саяхан бүр хоёр, гурван Их Багш алга боллоо. Миний санаж байгаагаар Их Багш Хуинь Фү Со, Их Багш Минь Дан Куан нар. Тэд хоёулаа ариун хүмүүс байсан. Цаг үргэлж аминч бус золиос гарган, хүмүүст сайн зүйлсийг зааж, Буддаг даган, Буддагийн хийх учиртай бүхнийг үйлдэхийг хичээдэг байсан. Хэрэв хүмүүс тэдгээр Гэгээнтнүүдийг Гэгээнтэн гэж, Бодисадва, Будда гэж итгэхгүй байвал ядаж Тэднийг ямар ч буруу зүйл хийгээгүйг харж болно. Тэд буруу зүйл огт хийгээгүй. Зөвхөн сайныг хийсэн. Тэгсэн ч гэсэн зарим зүйлс хаа нэгтээ алдагдаж, хаа нэгтэйгээс сэм шургалж, Тэднийг хөнөөж, ул мөргүй алга болгодог. Тэднийг хэн ч олж чадахгүй. Учрыг нь хэн ч мэдэхгүй.

Бид бас Их Багш Нгуень Тань Намыг санаж байна. Тэр бол Нам Куок Фат буюу Нам Куок Буддизм, Коконатын Буддизмыг Үндэслэгч. Түүнийг бас хөнөөчихсөн. Ямар ч шалтгаангүйгээр. Түүнийг хөнөөх шалтгаан үнэндээ огт байгаагүй. Тэр ард түмэндээ гагцхүү энх тайвныг л хүссэн төдий. Утгагүйгээр, харгис балмадаар, хэрэггүй шалтгаанаар хүмүүс үхэх болж байгааг хараад тэр шаналж байсан. Тэгэхээр та нар гурван Их Багш нууцлагаар, эсвэл зарим шавь нарынхаа өмнө ил тодоор, яг л Их Багш Нгуень Тань Намын адил хороолгосон шалтгааныг мэдэж авлаа.

“Хүндэт Коконатын Лам – Шилдэг Ламтаны эрсдэлтэй амьдрал”-аас эшлэв Коконатын Эрхэм Ламтны эрсдэлтэй амьдрал : Коконатын Ламтан АНУ-ын ерөнхийлөгчид наргил модны самар бэлэглэсэн. Сайтар ажиглавал үүн дээр энх тайвны бэлгэдэл харагдах болно. Коконатын Ламтаны АНУ-ын ерөнхийлөгчид илгээсэн захидал хүсэлт байсан юм. Тэрээр ерөнхийлөгч Линдон Б.Жонсоноос 20 аварга том тээврийн онгоц зээлж аваад, тэр үед Вьетнамыг дайсагнагч хоёр тал болгон 17 хуваасан -р өргөрөг дэх цэрэггүй бүс рүү шавь нартайгаа явахыг хүсжээ. Тэд тэнд Бэнь Хаи мөрний яг голд залбирлын асар босгох байв. Тэр тэнд долоо хоног идэж уулгүй залбирч сууна. Мөрний хоёр эрэг дагуу 300 лам Түүнтэй хамт залбирал үйлдэх байв. Тэрээр ерөнхийлөгч Линдон Б. Жонсонд энэ төлөвлөгөө Вьетнамд энх тайвныг авчирна хэмээн баталжээ. Уг захидал ерөнхийлөгч Жонсоны гарт хүрсэн эсэхийг хэн ч мэдэхгүй ч Хүндэт Коконатын Ламтан Вьетнамд энх тайвныг тогтоох мөрөөдлөө хэзээ ч орхиогүй гэдгийг бүгд мэднэ.

Хуулийн сонинд бичсэнээр Коконатын Ламд засгийн газар [1975 оноос] хойш Өөрийнхөө шашныг шүтэхийг зөвшөөрөхгүй болсон байна. Хэсэг хугацааны дараа Тэрээр эх орноосоо зугтахыг оролдсон ч баривчлагджээ. 1985 онд л эрх баригчид Ламтанд гэртээ харихыг нь зөвшөөрсөн байна. Тэр үед Тэрээр 40 кг ч хүрэхгүй жинтэй байв. 1990 оны 5-р сард шавь нар нь Түүнийг Тянь Гиан муж дахь дагалдагчдынхаа нэгнийх нь гэрт орогнуулахаар нууцаар авчирсны дараа цагдаа нар ирээд олчихжээ. Хоёр талын мөргөлдөөн хэрхэн өрнөсөн нь тодорхойгүй ч нас барсан хүн нь Коконатын Ламтан байсан юм.

Хүн амины хэргийн дараа Бэнь Трэ мужийн Ардын шүүх Түүний шавь нарыг ажил үүргээ гүйцэтгэж явсан албан тушаалтныг эсэргүүцсэн гэж үзээд хүнд ял оноожээ. Энэ хэргийн дэлгэрэнгүй мэдээлэл болон Коконатын Ламын үхлийн талаарх мэдээллийг төрийн хэвлэлүүд төдийлөн нийтлээгүй. Жон Стейнбек дурсамждаа ийн бичжээ: “Хамгийн сүүлд Коконатын Ламтай уулзаад салах ёс хийгээгүй. Тэр үед Тэрээр хацар даган урсах нулимсаа арчиж байсан ч дахин инээмсэглээд, гараа дээш өргөн, өөрийн амьдардаг тэнгэр өөд заасан юм.”

Үүгээр үнэхээр сайн зүйл хийж байгаа; дэлхийн хүмүүсийг хайрлан; тэднийг хамгаалах гэж; үнэн, эрхэм ариун Сургаалаар сүнсээ гэтэлгэхийг зорьсон хүмүүст туслах гэсэн хүн бүрийг айлгаж байгаа хэрэг юм.

Photo Caption: Сайхан Хөршүүд рүүгээ Тэмүүлэн Хөөрхөн Мэндчилнэ

Зураг татаж авах