It Is Essential for Individuals to Have Trustworthy Sources of Information at the Critical Time of Transition on Earth

Одоо бид Шинэ Зеландаас Самантагийн илгээсэн сэтгэгдлийг хүргэе:

Эрхэм Хайрт Их Багш болон Суприм Мастер ТВ-ийн хамт олон, саяхан Шинэ Зеландын 3 дахь том хэвлэл мэдээллийн компани болох Newshub NZ нь мэдээллийн бизнесээ үргэлжлүүлэхэд санхүүгийн хүндрэлтэй байгаа тул энэ оны 7-р сард бүх мэдээллийн платформуудаа хаах шийдвэр гаргаж байгаагаа зарласан нь 300 гаруй ажилтан ажилгүй болоход хүргэх юм. Үүний зэрэгцээ бусад томоохон хэвлэл мэдээллийн компаниуд ч сүүлийн хэдэн жилд бизнесийн уналттай тулгарч байгаа юм. Тэд одоо орон тооны цомхотгол хийхээ мэдэгдээд байна.

Төрөл бүрийн улс орнуудын янз бүрийн судалгааны бүлгүүдийн хийсэн судалгаагаар олон нийтийн мэдээллийн хэрэгслийн бизнесийг хумихад хүргэдэг хүчин зүйлүүд нь нарийн төвөгтэй боловч үндсэн мэдээллийн хэрэгсэлд итгэх итгэл илт буурч, хүмүүс үндсэн хэвлэл мэдээллийн хэрэгслээс олон нийтийн мэдээллийн сүлжээ платформыг илүүд үзэх болсон байна. Америкчуудын тал хувь нь үндэсний мэдээллийн байгууллагууд тэднийг зориудаар төөрөгдүүлдэг гэж үздэг бол 2018 онд Австралид хийсэн өөр нэг судалгаагаар австраличуудын мэдээллийн хэрэгсэлд итгэх итгэл “хуурамч мэдээ”-ний айдас өсөх тусам хамгийн бага түвшинд байгааг харуулжээ.

Олон нийтийн мэдээллийн хэрэгсэлд үл итгэх энэ байдал дэлхий даяар байна. “Засгийн газарт итгэх итгэл буурсан...” гэж Окландын Технологийн Их Сургуулийн Сэтгүүл зүй, Хэвлэл мэдээлэл, Ардчиллын судалгааны төвийн доктор Мержа Миллилахти хэлжээ, түүнчлэн, “[Судалгааны төвийн] судлаачид буруу ташаа, худал мэдээлэл нь хэвлэл мэдээллийн хэрэгсэлд итгэх итгэл алдрахад нөлөөлж буй хүчин зүйлүүд гэдгийг олж тогтоосон” хэмээн Stuff мэдээллийн вебсайтад мэдээлсэн.

Их Британид нэг судалгаанд мөн олон нийтийн мэдээллийн сүлжээнд итгэх итгэл буурсныг харуулжээ. Яг одоо болж буй үйл явдал нь 2020 онд Суприм Мастер ТВ-ийн багтай хийсэн өмнөх конференц дээр Их Багш үнэн зөвөөр мэдээлэхгүй бол хэвлэл мэдээллийнхэн итгэлийг нь алдах болно гэж анхааруулсан Түүний ухаалаг анхааруулгыг дахин сануулж байна. “ Хүмүүс бас хэвлэл мэдээлэл, үндсэн хэвлэл мэдээллийн хэрэгсэлд итгэхээ болино. Би үүнд санаа зовж байна. (За, Багш аа.) Тэгэхгүй гэж найдъя. Гэхдээ энэ хэтэрхий илт байна. Дэндүү илт байна. Хэрэв хуулийн тогтолцоо ажиллахгүй бол ард түмэн үүнд итгэхгүй. (За, Багш аа.) Хэвлэл мэдээлэл үнэнийг мэдээлэхгүй, зөвхөн худал мэдээ, өрөөсгөл нийтлэл бичээд байвал хүмүүс түүнд итгэхээ болино. (Тийм, Багш аа, ойлгож байна.) Энэ ийм л маш энгийн зүйл. (Тийм ээ, ойлголоо.) ”

Найдвартай байдал бол мөнгөөр удирддаг энэ дэлхийн аливаа тогтолцооны үндсэн элемент юм. Найдвартай байдал байхгүй бол аливаа бизнес удаан үргэлжлэх боломжгүй. Олон нийтийн мэдээллийн хэрэгсэл, бүх бизнес эрхлэгчид олон нийтийн эрх ашгийг нэн тэргүүнд тавьж, мэдээлж аль нэг талыг баримтлалгүй, шударга, ил тод ажиллана гэж найднам.

Суприм Мастер ТВ-д баярлалаа. Шударга ёсны төлөөх байр сууриа үргэлж барьж, хэвлэл мэдээллийн сувгийн хувьд хүн бүрийн сэтгэл дэх сайн сайхныг дэмжихийн тулд үнэн зөвөөр мэдээлж байгаарай. Эрхэм Их Багшдаа болон Суприм Мастер ТВ-ийн хамт олонд манай дэлхийн энэ хэцүү цаг үед бүгдэд харагдах гэрэлт цамхаг болж буй эрхэм үйлсэд тань сайн сайхан бүхнийг хүсье. Шинэ Зеландаас Таны үнэнч шавь Саманта

Ажигч Саманта, улс орныхоо хэвлэл мэдээллийн гол хэрэгслээр юу болж байгааг хуваалцсанд баярлалаа. Хэвлэл мэдээллийнхэн үнэнийг ярихгүй бол эцэстээ бөхнө. Хүмүүс одоо сонголттой болсон, суртал ухуулгаас илүү үнэнийг сонгож байна. Бид Суприм Мастер Телевизээр дамжуулан дэлхийн хүмүүст веган хооллолт болон бусад амин чухал асуудлын талаар үнэн зөв мэдээлэх, урам хайрлаж, ойлгуулахын төлөөх Их Багшийн эрмэлзэлд тусалж буй нь маш хүндтэй хэрэг билээ. Та болон Шинэ Зеландын ухаалаг ард түмэн Бурханы хамгаалалтад хайрын замаар итгэлтэйгээр алхах болтугай, Суприм Мастер ТВ-ийн баг

Жич: Их Багш энэ зурвасыг танд бичих урмыг бидэнд хайрлалаа: Авхаалжтай Саманта, харамсалтай нь, манай дэлхийн зарим хэвлэл мэдээллийн эх сурвалжууд нэг талыг баримталж, чухал асуудлаар олон нийтэд үнэн зөв мэдээлэхээс өөр хөтөлбөртэй байдаг. Манай гарагийн шилжилтийн энэ эгзэгтэй цаг үед хүмүүс найдвартай мэдээллийн эх сурвалжтай байх нь нэн чухал юм. Хүмүүсийг чөтгөрүүд болон хар санаатай хүмүүс олон мянган жилийн турш төөрөгдүүлсээр ирсэн. Шашны олон бичвэрийг хүртэл амьтан-хүмүүсийн мах зүгээр, өмнөх гэгээрсэн Их Багш нар мах иддэг байсан гэж худал харагдуулахын тулд гуйвуулан өөрчилсөн байдаг. Нэг талаараа энэ мэт ташаа мэдээллээс болж дэлхий нийт хямралын байдалд ороод байна. Та болон эрч хүчтэй Шинэ Зеланд улс Бурханы хязгааргүй Гэрэлд мөнхөд умбах болтугай.