Баба Ванга: Хайрт ид шидтэн, зөн билигтэн, 2-ын 1-р хэсэг

Баба Ванга бол зөгнөлийнх нь алдар цуу „Балканы Нострадамус“ хэмээх нэрийг авчирсан 20-р зууны далд увдистан, зөн билигтэн, анагаагч, оюун санааны Гуру багш билээ.

Баба Вангагийн үзмэрч алдар нэр олон өндөр албан тушаалтны сонирхлыг татсаны дотор Болгарын язгууртан гэр бүл багтах бөгөөд тэд бүгд зөвлөгөө авчээ. Баба Вангагийн тоолж баршгүй зөгнөлийн дотор 1986 оны Чернобылийн АЦС-ын осол, 1997 оны Диана гүнжийн үхэл, 2000 онд болсон Оросын Курск шумбагчийн осол, 2023 оны 10-р сарын байдлаар 6.9 сая гаруй хүний амийг авч одсон КОВИД-19 цар тахал багтана. 1989 оноос Баба Вангагийн зөгнөл АНУ-д төвлөрч эхлэн олон аймшигт зүйлийг урьдчилан хэлсний дотор 9 сарын 11 гэж олноо түгсэн 2001 оны Нью Йорк хотод болсон террорист халдлагын тухай байдаг.

Баба Ванга 1911 оны 10-р сарын 3-нд Османы Гүрний Салоникийн вилайетын Струмица хотод, одоогийн Македонийн хэсэгт мэндэлжээ. Түүний эхийг Параскева Сурчева гэдэг бөгөөд эцэг Пандо Сурчев улс төрийн идэвхтэн байжээ. Дутуу төрсөн түүнийг амьд гарна гэж бодоогүй байжээ. Нутгийн заншлаар түүнийг баттай амьдарна гэж тодорхойлох хүртэл түүнд нэр өгөөгүй байв. Түүний эх баригч ёс заншлын дагуу гудамжинд гараад өнгөрч яваа хүнээс нэр асуугаад „Сайн мэдээ авчрагч“ гэсэн утгатай Вангелия нэрийг авчирчээ. Түүний бүтэн нэр Вангелия Пандева Сурчева болов.

Нэгэн өдөр түүнийг 12 настай байхад нь тариан талбай дээр бусад хүүхдүүдтэй тоглож байхад тэнгэр бүрийж догшин шуурга дэгдэж мод хугарч, бүр хамгийн жижиг моддыг үндсээр нь булгалж байв. Шороотой мөчир, навч, хэлтэрхийнүүдээс бүрдсэн хуйлрах багана аймшигт эрчилгээ үүсгэж Вангелияг авч одон 2 км-ийн зайтай тариан талбай руу шиджээ. Удаан эрсний эцэст түүнийг амьд, ямар нэг яс хугарсан гэмтэлгүй олжээ. Гэвч түүнд нүдээ нээх гэхээр маш их өвдөж, нүдээ нээх боломжгүй байлаа. Хэсэгчилсэн мэс засал харааг нь аварч чадалгүй Вангелия эцсийн дүнд бүрэн хараагүй болжээ. Энэ үеэр Баба Ванга анх далдыг харах, анагаах чадвараа нээж, ирээдүйн үйл явдлыг зөгнөж эхэлжээ.