ӨДӨР ТУТМЫН МЭДЭЭ-ний гол тойм – 2026 оны аравдугаар сарын 30

Саудын Араб, Пакистан, Туркийн өндөр түвшний төлөөлөгчид Иран, Израил, АНУ-ын хооронд дахин байлдаан дэгдэхээс сэргийлэх зорилгоор 10-р сарын 26-нд [Ираны] Тегеранд Ираны албаныхантай уулзлаа. Уулзалтаар 4 улс хурцадмал байдлыг намжааж, бүс нутгийн аюулгүй байдлыг сайжруулах талаар цаашид хэлэлцээр хийхээр тохиролцжээ. Мөн Йеменд эрчимжиж буй байлдаан, Ираны дэмжлэгтэй Хусит босогчдын Саудын Араб улс руу хийсэн халдлагуудыг хэлэлцсэн байна. (AP)

[АНУ-ын] Цагаан ордноос 10-р сарын 25-нд АНУ-ын Ерөнхийлөгч Трампын засаг захиргаа түлшний нийлүүлэлтийг нэмэгдүүлж, бензин, дизелийн үнийг бууруулах зорилгоор АНУ-ын газрын тос боловсруулах хүчин чадалд хөрөнгө оруулах, түлш болон усан тээврийн хязгаарлалтыг сулруулах зэрэг арга хэмжээ авч байгаагаа мэдэгджээ. Мөн Венесуэл улстай байгуулсан газрын тосны хэлэлцээр болон нөөцөөс 130 сая гаруй баррель дизель түлш гаргах талаар бусад улстай байгуулсан тохиролцоог дурджээ. Тус засаг захиргаа үнэ хурдан буурна гэж таамагласан байна. (The White House)

АНУ-ын Төв командлалаас 10-р сарын 25-нд мэдэгдэхдээ, Америкийн цэргүүд зунаас хойш Персийн булангийн орнуудад 1.5 тэрбум гаруй баррель газрын тос экспортлоход тусалж, 3,000 гаруй худалдааны хөлөг онгоцыг Ормузын хоолойгоор нэвтрэхэд дэмжлэг үзүүлсэн гэжээ. Зах зээлийн мэдээллийн Кплер компанийн мэдээлснээр, Ираныг эс тооцвол бүс нутгийн газрын тосны экспорт 9-р сард дайны өмнөх түвшинд хүрсэн бөгөөд шинжээчид үүнийг цэргийн хамгаалалт, хөлөг хоорондын шилжүүлэн ачилт, дамжуулах хоолойн хэрэглээ нэмэгдсэнтэй холбон тайлбарлажээ. Гэвч газрын тосны үнэ АНУ-Израилын Ираны эсрэг дайны өмнөхөөс мэдэгдэхүйц өндөр хэвээр байна. (Al Jazeera)

Хүнс, ус, эм тарианы хомсдолд орсон оршин суугчдад хүмүүнлэгийн тусламж хүргэхийн тулд Украины (Урейн) улсын өмнөд хэсэг дэх Орост эзлэгдсэн Олешки хотод 10-р сарын 27-ноос орон нутгийн хэмжээнд түр гал зогсоолоо. Гал зогсоох дэглэм 11-р сарын 1 хүртэл үргэлжилнэ. (CNBC)

АНУ-ын зуучлалаар хийхээр төлөвлөсөн энхийн хэлэлцээрийн өмнө Финландын ерөнхийлөгч Александр Стубб, Норвегийн ерөнхий сайд Юнас Гар Стөре нар 10-р сарын 27-нд Оросын ерөнхийлөгч Владимир Путинтэй, дараа нь Украин (Урейн)-ы ерөнхийлөгч Володимир Зеленськийтэй утсаар ярилцжээ. Нордикийн удирдагчид дайныг дуусгахад шууд хэлэлцээр шаардлагатай хэмээн мэдэгдэж, Украин (Урейн)-ыг дэмжихээ дахин бататган, Европыг бүхэлд нь бус, өөрсдийн улс орноо төлөөлж байгаагаа онцолсон байна. (Reuters)

Европ даяар хүний эрх, ардчилал, хууль дээдлэх ёсыг дэмждэг олон улсын байгууллага болох Европын зөвлөл 10-р сарын 26-нд засгийн газруудад хандан тайван жагсаалыг хамгаалж, амьдрах нөхцөл, төрийн үйлчилгээг сайжруулах шаардлагад анхаарахыг уриаллаа. Тус зөвлөлийн орон нутаг, бүс нутгийн захиргааг төлөөлдөг байгууллага Европын хэд хэдэн улсад болсон жагсаалын хариуд мэдэгдэл гаргаж, санхүүгийн дарамттай байсан ч эрх баригчид нийгмийн эрхийг хамгаалах ёстой гэж мэдэгджээ. Мөн хүчирхийллийг буруушааж, жагсаалын үед гарч буй хүчирхийлэл, эд хөрөнгийн хохиролд цагдаагийн байгууллагаас авах аливаа арга хэмжээ хуульд нийцсэн, зохистой хэмжээтэй байх ёстой гэжээ. (Mirage News)

НҮБ-ын мөрдөн шалгах комисс 10-р сарын 26-нд Орос улс Украин (Урейн)-ы эрчим хүчний дэд бүтцэд системтэйгээр халдаж, энгийн иргэдийг цахилгаан, дулаан болон бусад зайлшгүй үйлчилгээнээс зориуд салгасан нь дайны гэмт хэрэг, хүн төрөлхтний эсрэг гэмт хэрэг мөн гэж мэдэгджээ. Мөн Оросын эрх баригчид 29 орны эрэгтэйчүүдийг хууран мэхлэх, албадах замаар хүний наймаанд өртүүлж, цэргийн албанд хүчээр татан, Украин (Урейн)-ы фронтод илгээсэн гэх үнэмшилтэй нотолгоо олжээ. Комисс энгийн иргэд, иргэний дэд бүтцэд халдахаа зогсоож, хүний наймаанд өртөн элссэн бүх хүнийг Оросын зэвсэгт хүчнээс чөлөөлөхийг уриалсан байна. (OHCHR)

Алжир улс 10-р сарын 26-нд Нигерийн хүсэлтээр хоёр улсын эрчим хүч, эдийн засгийн нийтлэг ашиг сонирхлыг хамгаалахаар хөрш Нигер улс руу цэрэг илгээнэ гэж мэдэгджээ. (Anadolu Agency)

Италийн такси болон захиалгат тээврийн жолооч нар түлшний үнэ өссөнийг эсэргүүцэн 10-р сарын 26-нд [Италийн] Ром хотод Тээврийн яамны гадаа жагсаж, татварын хөнгөлөлтийг нэмэгдүүлэхийг шаардан, ажил хаяж болзошгүйг анхааруулжээ. Таксины үйлдвэрчний эвлэлийн төлөөлөгчийн хэлснээр, хямрал эхэлснээс хойш үйл ажиллагааны зардал 25–30%-иар өссөн ч үйлчилгээ тасалдсан тухай мэдээлэл гараагүй байна. (Anadolu Agency)

Бразилын ерөнхийлөгч Луис Инасиу Лула да Силва 10-р сарын 25-нд болсон ерөнхийлөгчийн сонгуулийн хоёрдугаар шатанд барууны үзэлт сенатор Флавиу Болсонаруг ялж, дахин сонгогдон, нийтдээ 4 дэх бүрэн эрхийн хугацаагаа эхлүүлэхээр болжээ. (Al Jazeera)

Герман улс Ираны дайнд өртсөн эрчим хүчний зах зээлийг тогтворжуулахад туслах олон улсын амлалтаа биелүүлэхээр 10-р сарын 22-нд хүчин төгөлдөр болсон журмын дагуу стратегийн нөөцөөсөө нэмж газрын тос гаргаж эхэллээ. Герман нийт 19.5 сая баррель газрын тос нийлүүлэхээр амласнаас 6 саяыг нь хэдийн гаргасан бөгөөд үлдсэн 13.5 саяыг гаргах ёстой байна. (VTV)

Бөөрний архаг өвчтэй 108 насанд хүрэгчийг хамруулсан 10 жилийн туршилтаар эмчилгээний нэг хэсэг болгон жимс, хүнсний ногоо хэрэглэх нь гэмтсэн бөөр цусан дахь хүчлийг гадагшлуулахад хүндрэлтэй болсноор үүсдэг хүчлийн хуримтлалыг сааруулахад тустайг тогтоожээ. Жимс, хүнсний ногоо өгсөн өвчтөнүүд эмнэлэгт хэвтэх, яаралтай тусламж авах нь цөөн байсан бөгөөд тэдгээр 36 хүнээс 4 нь диализ хийлгэх шаардлагатай болсон бол ердийн эмчилгээ хийлгэсэн 36 хүнээс 16 нь ийм эмчилгээ хийлгэх шаардлагатай байжээ. (SciTech Daily)

Бутан улс хүүхдийн хар тугалганы хордлогоос урьдчилан сэргийлэх ажлаа эрчимжүүлж байна. ЮНИСЕФ [Нэгдсэн Үндэстний Байгууллагын Хүүхдийн сан] болон эрүүл мэндийн байгууллагууд хүүхдийн хар тугалгад өртөх явдлыг бууруулахын тулд ажилтнуудаа сургаж, эмнэл зүйн удирдамж боловсруулан, илрүүлэг, эмчилгээ болон олон нийтийн мэдлэгийг дээшлүүлэх ажлыг өргөжүүлж байна. (BBS)

А хүрээний томуу жилийн турш тохиолддог бөгөөд ялангуяа эрсдэлт бүлгийн хүмүүст уушгины хүнд хатгалгаа, амьсгалын дутагдал үүсгэж болзошгүй. Эмч нар гараа угаах, амны хаалт зүүх, агаар сэлгэхийг зөвлөж, амьсгалахад хүндрэлтэй болох, цээж өвдөх, ухаан самуурах үед яаралтай тусламж авахыг уриалан, мэргэжлийн хяналтгүйгээр вирусийн эсрэг эм, антибиотик хэрэглэхгүй байхыг анхааруулж байна. (Vietnam.vn)

Өдөр тутам хэрэглэдэг зарим амтлагч элэгний эрүүл мэндийг дэмжиж болох ашигтай нэгдэл агуулдаг: 1. Турмерик дахь куркумин элэгний ферментийн үзүүлэлтийг сайжруулж болзошгүй. 2. Шанцай цусан дахь сахрыг зохицуулахад тустай байж болно. 3. Цагаан гааны гингерол, шогаол исэлдэлтийн стрессийг бууруулж магадгүй. 4. Саримсны хүхэрт нэгдлүүд холестерин, элэгний өөхийг бууруулахад тустай байж болно. Мэргэжилтнүүд эдгээр амтлагч нь тэнцвэртэй хооллолтыг дэмжих боловч эмчилгээг орлохгүйг онцолж байна. (Sức khỏe & Đời sống)

Остен, Бөло шуурга 10-р сарын 22-25-ны хооронд Умард Европын зарим бүсийг дайран, өргөн хүрээнд цахилгаан тасалдуулж, тээвэр болон утасны сүлжээнд доголдол үүсгэжээ. [ИБУИНВУ-ын Шотландын] Дамфрис ба Галловейд 60 настай эрэгтэй, [ИБУИНВУ-ын Английн] Лондон хотын хойд хэсэгт 20 гаруй настай эрэгтэй модонд даруулан амиа алджээ. (Channel News Asia, The Guardian)

10-р сарын 25-нд [Угандагийн] Тороро хүчтэй мөндөр орж, эрдэнэ шиш, шош, шар буурцгийн тариалан сүйдэж, замууд үерт автжээ. Тариаланчид ургацаа алдаж, хүнсний хомсдол үүсэхээс болгоомжлон засгийн газраас тусламж хүсэж, оршин суугчид ус зайлуулах системийг сайжруулахыг уриалж байна. (Nile Post)

Судлаачид Антарктидын Туэйтс мөсөн голын доогуур далайн бүлээн ус нэвтрэх нь мөсний хайлалт, татралтыг хурдасгаж буйг тогтоожээ. Шинэчилсэн загвараар уур амьсгал цаашид дулаарахгүй байсан ч тус мөсөн гол 2100 он гэхэд дэлхийн далайн түвшнийг 30 хүртэл миллиметрээр нэмэгдүүлж болзошгүй нь өмнөх тооцооллоос 2 дахин их байна. (SciTech Daily)

Бүртгэлтэй хоол зүйч Райан Гайгер (веган) VegNews-т нийтэлсэн зөвлөмждөө хүнсний шүүгээнд байдаг бүтээгдэхүүн, хөлдөөсөн жимс ногоо, урьдчилан болгосон орц ашиглан цаг, мөнгө, эрч хүч хэмнэх, хийхэд хялбар, хямд 5 веган хоол санал болгожээ: 1. Хөлдөөсөн навчит ногоо, шоштой бүхэл үрийн гоймон 2. Газрын самрын нухаш, гадилтай бүхэл үрийн шарсан талх 3. Нэмэлт орцоор баяжуулсан, давс багатай лаазалсан сэвэг зармын шөл. 4. Хөлдөөсөн жимс, газрын самрын нухаштай овьёосны зутан. 5. Будаатай хуурсан ногоо (VegNews)

Их Британийн веган брэнд Биомел гэдэсний эрүүл мэндийг дэмжих пребиотик үрлэн шахмалдаа Газрын самрын тос, Алим, шанцайн амтыг шинээр нэмсэн бөгөөд тус бүр нь 7 төрлийн бүхэл үрээс авсан 13 грамм эслэг, 4 төрлийн аминдэм, эрдэс бодис агуулж, ижил төрлийн 100 гаруй бүтээгдэхүүнээс 45%-иар бага сахартай байна. (The Plant Base)

10-р сарын 25-нд [АНУ-ын] Хойд Каролинагийн Эшвиллд болсон Эшвиллийн намрын веган фестиваль веган хоол, орон нутгийн бизнес, хамтын нийгэмлэгийг дэмжсэн бөгөөд веган худалдаачид, амьд хөгжим, хүүхдийн үйл ажиллагааг багтаажээ. (ABC 13 News)

Дани улс ЕХ [Европын Холбоо]-ны хоригоос чөлөөлөгдөх хүсэлт гаргах төлөвлөгөөгөө орхисноор усны булга-хүмүүсийг үржүүлэх үйл ажиллагааг 2029 оны 8-р сар гэхэд зогсооно. Хориг 2027 оны 8-р сард хүчин төгөлдөр болох ч үйл ажиллагааг үе шаттай зогсоох 2 жилийн хугацаа олгоно. (Vegan Food & Living)

[Шведийн] Стокхольм хотод Герман хоньч нохой-хүн Сид онц хүнд гэмт хэрэгтэй тэмцсэн ажлаараа Шведийн 2026 оны цагдаагийн шилдэг нохойгоор шалгарчээ. Мөн хөөцөлдөөний үеэр түүний хүн хамтрагч Еспер Вретманыг усанд дарж байсан сэжигтэн рүү дайрч, хамтрагчийнхаа амийг аварсан байж болзошгүй юм. (Sweden Herald)

[Энэтхэгийн] Баруун Бенгалын Курсеонгт заан эх үрээсээ 7 цагийн турш тусгаарлагдсаны эцэст эргэн уулзжээ. Ойн ажилтнууд хоёуланг нь усны савнаас аварсны дараа ажиллагааны үеэр үр нь эхээсээ салсан тул эхийнх нь мөрийг мөшгөжээ. Дараа нь эх нь сүрэгтэйгээ буцаж ирэн, үрдээ ойртож, ой руу дагуулан орсныг ажигласан байна. (NDTV)

Өдрийн гэгээрүүлэх эшлэл: “Дао [Зам мөр] нь зориуд үйлдэхгүй ч үл хийх зүйл үгүй. Түүнийг сэтгэлээр гэрчилж болох ч мэдлэгээр мэдэхгүй. ‘Мэдэх’ гэж юу вэ? ‘Гэрчлэх’ гэж юу вэ? Мэдлэг мэдлэгийг үгүйсгэнэ.” – Хүндэт Гэгээрсэн Их Багш, Даогийн яруу найрагч Сунь Буэр (цагаан хоолтон) (Их Зам Мөрд Нэгдмэл байдлыг Хадгалах тухай Үнэт Шастир)

Кайл Растын клиник үхлийн тухай энэхүү 3 хэсэгт цувралын 1-р хэсэгт Кайл зүрхний нээлттэй мэс заслын үеэр талийгаач эмээ, өвөөгийнхөө зочны өрөөнд очсон тухайгаа ярьсан. Тэрээр өөрийгөө Диваажинд байна гэж итгэж, тэндээс явахыг хүсээгүй.

Би өөр нэг үзэгдэл рүү татагдан орсон […] цөлийн уулын орой дээр, баруун талд минь нэгэн дүр байлаа. Кайл уулын оройгоос цөлийн уудам хэсгийг доош харсан. Ижилхэн битүү ажлын хувцастай хүмүүс цуваа болон хоёр хоёроороо алхаж байлаа. Хажууд нь зогсож байсан дүр нь БУРХАН байсан гэдэгт тэр итгэдэг. Кайлын дүрсэлснээр Тэр нөмрөгтэй, урт сахалтай, урт үстэй байсан бөгөөд оршихуй нь маш хүчтэй мэдрэгдэж байжээ. Эмээ, өвөөгийнх нь адил БУРХАН нэг ч үг хэлээгүй. Кайлын юу харж байгааг, юу хийх ёстойг нь тайлбарлаагүй. Кайл тэр дүр зургийг уулын орой дээр Эзэнтэй хамт буй Мосетэй зүйрлэсэн байна. Тэр үед яагаад битүү ажлын хувцастай хүмүүсийг харж байгаагаа ойлгоогүй. Энэ үзэгдэл ч бодит байдлаас илүү бодит мэт байв. Гэрэл нь хүч, амар амгаланг зэрэг агуулсан цагаан туяатай байсан ба Кайл элсийг зөөлөн, хөвсгөр, төгс байсан гэж дүрсэлжээ. Кайл өөрийг нь яагаад эмээ, өвөөгөөс нь холдуулсныг, мөн БУРХАН түүнд тэр дүр зургаас юуг ойлгуулахыг хүссэнийг ухаарах гэж хичээж байсан тул энэ үзэгдлээс ч явахыг хүсээгүй. БУРХАН чимээгүй байсан ч Кайл хожим энэ явдал нь захиас агуулж байсан гэж тайлбарласан юм. Тэрээр Диваажин гэж итгэсэн тэр газарт эмээ, өвөөтэйгөө байхдаа мэдэрсэн аз жаргал, амар амгалангаа эргэцүүлжээ.

БУРХАН надад тэр мэдрэмжээс жаахныг амсуулсан ч тэнд үлдэх цаг минь болоогүй байсан тул намайг энэ шинэ үзэгдэл рүү татаж, амар амгалан байсан газраас минь холдуулаад, “Үгүй, чи тэнд үлдэж болохгүй. Чиний цаг хараахан болоогүй. Энэ хэчнээн сайхан байсан ч чи үлдэж болохгүй. Учир нь чамаар хийлгэх зүйл Надад дахиад бий.” гэсэн.

Кайл мэс заслын дараах нөхөн сэргээх тасагт сэрсэн нь өмнөх мэс заслуудынхаас огт өөр байжээ. Тэр ихэвчлэн манарсан байдалтай сэрээд буцаж унтдаг байжээ. Энэ удаа түүнийг ихэд сандарч тэвдсэн байдалтай сэрсэн гэж хэлсэн бөгөөд тэр үүнийг үзэгдлүүдийн хүчтэй нөлөөтэй холбон тайлбарладаг. Би судсаар шингэн хийх гуурсаа [судсан дахь гуурс] сугалчихсан. Цус энд тэндгүй олгойдож байлаа. Би тэмцэлдэж, орноосоо гарах гэж оролдож, сувилагчидтайгаа, эмч нартай тэмцэлдэж байсан. Мөн тэр цээжин дээрх тэмдэглэгээ, наалтуудаа хуулсан ч энэ бүхнийг бараг санадаггүй. Тэрээр харсан зүйлээ эцэг эхдээ тэр даруй ярьжээ.

Би үхсэн хэвээрээ үлдэхийг хүссэн болохоор өөрийгөө энэ дэлхийн хамгийн муу хүн гэж бодсон. Би Диваажинд байхыг хүссэн. Би Диваажинд үлдэхийг хүссэн. Тэгээд эцэг эхийнхээ өөдөөс хараад: “Тийм ээ, би Диваажинд үлдэхийг хүссэн. Би та нар дээр буцаж ирэхийг хүсээгүй. Би та нартаа хайртай, гэхдээ тэр бол амьдралдаа мэдэрч, туулж, нэг хэсэг нь [болж] үзсэн хамгийн сайхан зүйл байсан, би түүнийг дуусгахыг хүсээгүй.” гэж хэлэх хэрэгтэй болсон.

Кайл өөрөө үүнийг туулж, бие даан судалж эхлэх хүртлээ үхэлд ойртох үеийн туршлагын тухай огт сонсож байгаагүй. Тэр өөрт тохиолдсон явдлыг эерэг туршлага гэж үздэг. Гэсэн ч үүний дараа тэр ихээхэн өвдөлт, зовлон, шаналал амсаж, үүнийг хэрхэн даван туулах, харсан зүйлээ хэрхэн ухаарч ойлгохоо огт мэдэхгүй байжээ. Би хуучин би үхэж, шинэ би-гийнхээ дахин төрөлттэй нүүр тулж байлаа. Маргааш Кайл сэтгэл заслын эмчилгээ мэс заслын дараах бэрхшээлээ ойлгох, цөлийн үзэгдлийн учрыг олох, амьдралын шинэ чиглэлээ дагахад нь хэрхэн тусалсан талаар ярих цувралын 3 дахь буюу сүүлийн хэсэгт бидэнтэй хамт байгаарай. (Кайл Раст YouTube суваг - Баярлалаа)