ӨДӨР ТУТМЫН МЭДЭЭ-ний гол тойм – 2026 оны 10-р сарын 1

Йемений олон улсад хүлээн зөвшөөрөгдсөн засгийн газар 9-р сарын 27-нд өнгөрсөн 72 цагт тус улсын цэргүүд хэд хэдэн фронтод Хуситуудын байрлал, бие бүрэлдэхүүн, цэргийн хэрэгсэлд чиглэсэн 756 ажиллагаа явуулсан гэж мэдэгджээ. (Fox News)

ОХУ-ын Гадаад хэргийн сайд Сергей Лавров, Германы Гадаад хэргийн сайд Йоханн Вадефуль нар 9-р сарын 26-нд НҮБ [Нэгдсэн Үндэстний Байгууллага]-д уулзаж, Орос улс 2022 онд Украин (Урейн) улсад халдан довтолсноос хойших хоёр орны шилдэг дипломатчид уулзсан анхны хэлэлцээрийг хийжээ. Ноён Вадефуль Украин (Урейн) дахь галыг нэн даруй зогсоохыг уриалж, олон оронд хүнсний хомсдол нүүрлэснийг дурдаад, Хар тэнгисээр үр тариа экспортлох тохиролцоонд хүрэхийг шахаж шаарджээ. (Reuters)

Украин (Урейн)-ы албаны хүмүүсийн мэдээлснээр, 9-р сарын 28-нд Оросын дроны цохилтод Украин (Урейн) даяар наад зах нь 6 хүн амиа алджээ. Тэдний 2 нь Киевийн Үндэсний шинжлэх ухааны академид, 3 нь Днипро хотын бизнесийн төвд, 1 нь ойролцоох логистикийн албанд байжээ. Халдлагын улмаас Киевт 24, Днипрод 19 хүн шархаджээ. Киевт мөн эмийн компани, шатахуун түгээх станцууд, эмнэлгийн байгууллага цохилтод өртжээ. Украин (Урейн)-ы албаныхны хэлснээр, Орос улс замаас нь тосон устгахад илүү хүндрэлтэй, хурд өндөртэй тийрэлтэт хөдөлгүүрт дроныг улам олноор ашиглаж байна. (Reuters)

АНУ-ын Ерөнхийлөгч Дональд Трамп АНУ-аас буулт хийж, цөмийн хэлэлцээрийг сэргээсний хариуд Ираны Ормузын хоолойг дахин нээх саналыг няцаасны дараа 9-р сарын 28-нд Брент маркийн түүхий нефтийн үнэ 2.6%-иар өсөж, баррель нь 107.02 ам.долларт хүрчээ. (New York Post)

Газын зурваст дайнаас үүдэлтэй 61 сая метр тонн нуранги байгаа гэж тооцоолсон бөгөөд НҮБ [Нэгдсэн Үндэстний Байгууллага] үүнийг цэвэрлэхэд 7-оос 10 жил, хэдэн тэрбум ам.доллар шаардагдаж болзошгүй гэж мэдэгджээ. Ажлын баг оршин суугчдын зорчих болон тусламж хүргэх боломжийг сэргээхийн тулд 580 километр замыг цэвэрлэсэн ч нийт нурангийн ердөө 1.5 орчим хувийг зайлуулжээ. Нурангид дэлбэрээгүй бөмбөг, аюултай материал болон 8,000-10,000 хүний шарил байж болзошгүй тул энэ ажил аюултай бөгөөд онцгой болгоомжтой байхыг шаарддаг байна. (The Guardian)

87 настай Марикармен Абаскалыг 70 жил амьдарсан орон сууцнаас нь албадан гаргасны дараа 9-р сарын 26-нд [Испанийн] Мадридад олон мянган хүн жагсжээ. Түрээслэгчдийн холбооны мэдээлснээр, шинэ өмчлөгч нь түүний түрээсийг 275%-иар нэмэгдүүлж, сард 2 650 евро болгохыг хүсжээ. Жагсагчид түрээслэгчдийн эрхийн хамгаалалтыг чангатгахыг шаардсан бөгөөд Испанийн засгийн газар түрээсийн гэрээг автоматаар сунгах, албадан гаргалтыг хязгаарлах арга хэмжээ санал болгох төлөвтэй байна. (Channel News Asia)

Хятадын тэнгисийн цэргийн Оспишэс Арк эмнэлгийн хөлөг 9-р сарын 25-нд [Сенегалын] Дакарт хүрэлцэн ирсэн бөгөөд энэ нь Хятадын эмнэлгийн хөлөг хөлөг Сенегалд анх удаа айлчилсан тохиолдол боллоо. Айлчлалын үеэр хөлгийн баг хөлөг дээрээ эмнэлгийн тусламж үзүүлж, орон нутгийн эмнэлгүүдтэй хамтран сургалт зохион байгуулж, туршлага солилцохоор төлөвлөжээ. (Global Times)

Артишокийн навчны ханд нь цинарин, хлорогений хүчил, флавоноид зэрэг үл исэлдүүлэгчийн нөлөөгөөр элэгний ферментийн түвшнийг бууруулж, элэгний өөхлөлтийн зарим үзүүлэлтийг сайжруулан, элэгний эрүүл мэндэд дэмжлэг үзүүлж болох юм. Элэг хорт бодисыг аяндаа боловсруулдаг ч артишокийн цай эрүүл хооллолтод нэмэр болж болно. Цөсний чулуутай, эсвэл цөсний сувгийн эмгэгтэй хүмүүст гаж нөлөө илэрч болзошгүй тул болгоомжлох хэрэгтэй. Мөн шинэ нэмэлт бүтээгдэхүүн хэрэглэхийн өмнө эмчтэйгээ заавал зөвлөөрэй. (Thanh Niên)

[АНУ-ын] Техас Эй энд Эм Их Сургуулийн судалгаанаас үзэхэд креатин нэмэлтээр хэрэглэх нь дасгалын үр нөлөөг дэмжихээс гадна эрүүл мэндэд өөр ашиг тустай байж болох юм. Креатин нь бие махбодод энергийг хурдан үүсгэхэд тусалдаг байгалийн нэгдэл юм. Судалгаагаар дунд насны хүмүүсийн өөхгүй эдийн хэмжээ нэмэгдэж, биеийн өөх багассан бөгөөд багассан бөгөөд төлөвлөгөөт дасгал хийгээгүй ч булчингийн хүч сайжирсныг тогтоожээ. Эмнэл зүйн туршилтуудад ноцтой гаж нөлөө бүртгэгдээгүй тул судлаачид нас ахих үед булчинг хадгалахад креатин тустай байж болохыг онцолжээ. (SciTech Daily)

Нигерийн орон нутгийн эрүүл мэндийн байгууллагуудын 9-р сарын 27-ны мэдээллээр, 2026 оны эхнээс тус улсын Плато мужид сахуу өвчнөөр 31 хүн нас барж, сэжигтэй 469 тохиолдол бүртгэгджээ. Тус улс хавьтлыг тогтоох, иргэдэд мэдээлэл хүргэх зэрэг яаралтай арга хэмжээг эхлүүлжээ. (ANews)

[Италийн] Сицили хот дахь Этна галт уул дахин үнс цацсаны улмаас Сицилийн Катаниа нисэх буудлын бүх нислэгийг 9-р сарын 27-ныг дуустал зогсоожээ. Европын хамгийн идэвхтэй галт уулсын нэг Этна агаарын хөдөлгөөнийг байнга саатуулдаг бөгөөд энэ зун их хэмжээний үнс цацсан нь олон мянган зорчигчдод нөлөөлжээ. (Reuters)

9-р сарын 27-нд Бүгд Найрамдах Доминикан Улсад газар хөдөлж, анх 6.4 магнитудын хүчтэй хөдөлсөн гэж мэдээлсэн ч албаныхан дараа нь 5.6 магнитуд болгон бууруулжээ. Тус улсын өөр өөр хэсэгт мэдрэгдсэн уг газар хөдлөлтийн дараа томоохон хохирол гараагүй гэж эрх баригчид мэдэгдсэн байна. (TimesNow / Diario Libre)

9-р сарын 25-27-ны хооронд [Энэтхэгийн] Уттар Прадеш мужид болсон шуурганы улмаас 56 хүн амиа алджээ. Үерийн улмаас 1,000 гаруй сууц эвдэрчээ. 9-р сарын 24-27-ны хооронд Балбад үер, хөрсний гулгалтын улмаас 14 хүн амиа алдаж, 11 хүн сураггүй хэвээр байна. Хоёр улсын томоохон голуудын усны түвшин аюулын түвшнээс давжээ. Балбад үерийн улмаас хэд хэдэн дүүргийн цахилгаан, харилцаа холбоо тасалджээ. Түүнчлэн [Балбын] Химлунг Химал ууланд цасан нурангид үндсэн бааз дарагдсаны дараа 10 ажилчин сураггүй хэвээр байна. (Reuters)

Австрийн веган гоо сайхны бүтээгдэхүүний РИНГАНА брэнд [АНУ-ын] Виржини мужийн Роанок хотод 5 жилийн хугацаанд 85 сая ам.долларын хөрөнгө оруулж, АНУ дахь анхны төв оффис, үйлдвэрлэл, түгээлтийн төвөө байгуулахаар төлөвлөжээ. Тус компани 2026 оны 11-р сард АНУ-ын зах зээлд нэвтэрч, 435 ажлын байр бий болгон, орон нутагт үйлдвэрлэсэн, шинэ найрлагатай бүтээгдэхүүнүүдийг дэмжихээр төлөвлөжээ. (Personal Care Insights)

Британийн хүнсний технологийн Пойнт74 компанийн хянадаг Их Британийн шинэ бүтээгдэхүүн боловсруулах үйл ажиллагаанд веган бүтээгдэхүүний эзлэх хувь 2025 онд 11% байсан бол одоо 13%-д хүрчээ. Тус компанийн хүнс, ундаа үйлдвэрлэгч харилцагчдын гуравны хоёр нь энэ онд дор хаяж 1 веган бүтээгдэхүүн боловсруулж байна. Хэрэглэгчдийн эрэлт дахин нэмэгдэж буй энэ үед үйлдвэрлэгчид орцын шаардлага, харшил үүсгэгч, шошгололт, үйлдвэрлэлийг өргөжүүлэх асуудлыг шийдвэрлэж байна. (Food & Drink Technology)

ПЕТА [Амьтдад ёс зүйтэй ханддаг хүмүүс] нийгэмлэг саяхан гэмт халдлагад өртсөн [ИБУИНВУ-ын] Умард Ирландын Белфаст хотын бэлгэ тэмдэг болсон Биг Фиш керамик баримлын засварын зардлыг санхүүжүүлэх санал тавьжээ. Тус байгууллага сэргээн засварлах зардлыг хариуцсаны хариуд уг газарт “махыг нь авахын тулд хөнөөдөг номхон загаснуудын тухай бодож, веган болохыг хүн бүрд уриалсан” веган үзлийг дэмжих самбар байрлуулах санал гаргасан бөгөөд эрх баригчдын хариуг хүлээж байна. (Irish Examiner)

АНУ-ын спортын хувцас, хэрэгслийн Найк компанийг хамтран үүсгэн байгуулагч Фил Найт, түүний эхнэр Пенни нар [АНУ-ын] Орегоны их сургуульд инженерийн сургууль байгуулахад 1 тэрбум ам.доллар хандивлахаар амласан ба үүнийг АНУ-ын улсын их сургуульд өгсөн хамгийн том нэг удаагийн хандив гэж үзэж байна. Тус сургууль мужийн инженерийн хэрэгцээг хангахын тулд инженерийн бакалаврын иж бүрэн хөтөлбөр бий болгоно. (Good News Network, Fortune)

[ИБУИНВУ-ын] Уэльсийн Англси аралд хадан цохионоос унаж, далайн түрлэг нэмэгдэхэд жижиг буланд гацсан 8 үхэр-хүнийг аварчээ. Орон нутгийн аврагчид хамтран амьтан-хүмүүсийг ус руу чиглүүлж, олсоор бэхлэн, наймууланг нь эрэгт эсэн мэнд гаргажээ. (Zamin)

Эстонийн амьтан-хүмүүсийн эрхийг хамгаалах Инвизибл Энималс байгууллага 9-р сарын 26-нд Эстони дахь амьтан-хүмүүсийг үйлдвэрийн аргаар үржүүлдэг аж ахуйгаас өндөглөгч 400 тахиа-хүнийг аварсан ба үүнийг өнөөг хүртэлх хамгийн том аврах ажиллагаа гэж нэрлэжээ. Олон зуун хүн уг ажиллагааг санхүүжүүлж, шувуу-хүмүүсийг гэр оронтой болгож, тээвэрлэхэд нь тусалжээ. Энэхүү аврах ажиллагаа нь мөн 2035 он гэхэд давхарласан торон хашааны хэрэглээг зогсоох хуулийн төслийг дэмжих зорилготой юм. (Inbox.eu)

Өдрийн ухаарал хайрлах эшлэл: “Одоо Түүний [БУРХАНЫ] та нарыг гэсэн Хайрын ундаа нь та нарын Түүнийг хайрладаг хайр Түүний чамайг гэсэн Хайраас үүдэлтэйг ухаарах явдал юм.” – Андалусын араб лалын шашны эрдэмтэн, далд ертөнцийг судлагч, яруу найрагч, гүн ухаантан Шейх Ибн Араби (цагаан хоолтон) (Меккагийн гэгээрлүүд)

Омар Перезийн клиник үхлийн тухай энэхүүү олон хэсэгт цувралын өмнөх 1-р хэсэгт Омар охин Хлоегоо тодорхойгүй өвчнөөр алдсан тухайгаа хуваалцсан. 4 жилийн дараа тэрээр уушгины хатгалгаа, үжил өвчний улмаас амьсгалын аппаратад оржээ. Дараа нь тэрээр хөхөвтөр саарал манан дундах тахир зам дээр байгаагаа мэдэрч, урагш алхаж эхэлжээ. Миний зүүн гар талд хэсэг хүмүүс аажмаар харагдаж эхэлсэн. Харин баруун гар талд минь миний амьдралын хамгийн гол дурсамжууд болсон мөчүүд байх шиг санагдсан. Түүний баруун талд харагдсан дүрсүүд нь ээжийнх нь нас барсан мөч, Хлоегийн нас барсан үе, охидынх нь мэндэлсэн үе, хуримынх нь өдөр гээд тэр даруй таньсан мөчүүд байв. Энэ зуур урд, зүүн талд нь байсан хүмүүс аажмаар тодорч, инээмсэглэн, хоорондоо ярилцаж байсан бөгөөд тэдний дэргэд байхад тухтай санагджээ. Яваандаа тэрээр нэгэн эмэгтэйтэй таарав.

Тэнд нэг эмэгтэй байсан, тэр буржгар үстэй, бараан буржгар үстэй байлаа. Тэгээд түүн дээр очмоор санагдсан. Би түүн дээр очоод: “Үнэхээр уучлаарай” гэж хэлсэн. Би: “Би таныг таньж байна, гэхдээ хэн гэдгийг тань санахгүй байна” гэсэн. Тэр над руу хараад гараа, баруун гараа хацар дээр минь тавьж, “Санаа бүү зов. Зүгээр ээ. Чи санана.” гэсэн. Хэдэн сарын дараа Омар тэр эмэгтэйг талийгаач ээжийнхээ хамгийн дотнын найз Эми болохыг таньжээ. Эми олон арван жилийн өмнө өөд болсон бөгөөд Омар түүнийг бага наснаасаа хойш хараагүй байв.

Зам дээрх үйл явдал руу эргэн орвол, эрээр цагаан сахалтай, малгай өмссөн, настай эрэгтэйтэй таарчээ. Би түүн дээр очоод, “Би таныг таньж байна. Хэн гэдгийг тань санахгүй ч би таныг таньж байна.” гэж хэлэхээс өөр аргагүй мэт санагдсан. Тэр надад ганц ч үг хэлээгүй. Тэр над руу хараад инээмсэглэж, намайг жаахан хүүхэд мэт, өвөө нь бяцхан ач хүүгээ илж байгаа мэт толгойг минь илсэн. Омар замаар цааш явахдаа огт айсангүй.

Надад сэтгэл дүүрэн, миний сэтгэл бүрэн хангалуун, үнэхээр бүрэн дүүрэн байсан. Би юу ч хүсээгүй. Тэрээр эхнэр, хүү, охиндоо эргэж очихгүй байж магадгүй гэж боджээ. Тэд уйлна гэдгийг би мэдэж байгаагаа маш хүчтэй [мэдэрсэн]. Тэд шанална гэдгийг би мэдэж байсан ч тэд зүгээр байх болно. Тэд үнэхээр зүгээр байх болно. Цааш явахад Омарт хамгийн нандин дурсамжуудынх нь нэг биш, харин хэзээ ч туулж байснаа санадаггүй зүйл буюу яг одоо цаг дахь өөрийнх нь зочны өрөө харагджээ.

Би эхнэрээ буйдан дээр суугаад уйлж байхыг харсан. Хүү минь хажууд нь зогсоод түүнийг тайвшруулахыг хичээж байхыг харсан. Буйдангийн урд талын цайны ширээний өмнө охины минь, миний Хлоегийн чандрыг хийсэн сав байв. Тэр эрвээхэй хэлбэртэй. Яг хажууд нь өөр нэг чандрын сав байсан. Тэгээд тэр л намайг “Өө” гэж дуу алдуулсан. Хлоегийн чандрын савны хажууд 2 дахь сав байгааг хараад тэрээр гуниглажээ. Тэр нүдээ анивчаад, огт өөр газар буюу мөнөөх манангаар дүүрсэн уудам задгай орон зайд байгаагаа мэдэв.

3-р хэсэгт Омар тэрхүү задгай орон зайд өөрийг нь хэн хүлээж байгааг олж мэднэ. Тэр над руу ирээд, “Аав аа, би таныг санаж байна. Би танд маш их хайртай.” гэж хэлж эхэлсэн. Омар Перезийн клиник үхлийн тухай энэхүү цуврал нэвтрүүлгийн 3-р хэсэгт маргааш бидэнтэй хамт байгаарай. (Сандра Чамплейн - Бид үхдэггүй YouTube суваг)