ӨДӨР ТУТМЫН МЭДЭЭ-ний гол тойм – 2026 оны есдүгээр сарын 10

Иран улс ойрын өдрүүдэд Персийн буланд шинэ хязгаарлалттай бүс зарлаж, Ормузын хоолойгоор нэвтрэх тээврийн шинэ чиглэлүүд нэвтрүүлэхээ мэдэгджээ. Ираны аюулгүй байдлын албан тушаалтан Мохсен Резаи хязгаарлалттай бүсэд нэвтэрсэн хөлөг онгоцнуудыг хоригийн жагсаалтад оруулна гэж мэдэгдсэн бол Иран, Оманы усан замаар дайрах олон улсын шинэ коридорыг удахгүй албан ёсоор батлах төлөвтэй байна. (Reuters)

9-р сарын 5-наас 6-ны өглөө хүртэл Оросын халдлагын улмаас Украин (Урейн) даяар дор хаяж есөн хүн амиа алдаж, 68 хүн шархаджээ. АНУ-ын элч Стив Уиткофф, Жаред Кушнер нарын айлчлалтай холбогдуулан Орос, Украин (Урейн) улсууд нийслэлүүддээ харилцан цохилт өгөхгүй байхаар түр тохиролцсон байжээ. Орос улс шөнийн турш 108 дрон хөөргөж, Украин (Урейн)-ы хэд хэдэн бүс нутагт халдлага бүртгэгдсэн ч [Украин (Урейн)-ы] Киев хотод цохилт өгөөгүй байна. (The Kyiv Independent)

Ираны Исламын хувьсгалт гвардын корпус [IRGC] дайсагнасан үйл ажиллагаагаа үргэлжлүүлж буй тул Ормузын хоолойн аюулын түвшин “ноцтой” хэвээр байна гэж Их Британийн Далайн худалдааны ажиллагааны агентлаг мэдэгджээ. Тус агентлаг хөлөг онгоц руу халдах, дарамтлах, дроноор дээгүүр нь нисэх, онилон тагнах зэрэг үйлдлийг дурдсан байна. (Fox News)

Данийн Холстебро хотод 3D хэвлэлээр барьсан оюутны шинэ хотхон анхны 36 оршин суугчаа хүлээн авсан бөгөөд үүнийг Европ дахь ийм төрлийн хамгийн том төсөл хэмээн тодорхойлж байна. Тус хотхон 36 орон сууц бүхий зургаан барилгатай, зургаан айлтай барилга тус бүрийг гурван хүний бүрэлдэхүүнтэй баг газар дээр нь ойролцоогоор тав хоногт хэвлэжээ. Зардлыг бууруулах зорилгоор хэрэгжүүлсэн уг төслийн түрээс Данийн нэг унтлагын өрөөтэй орон сууцны ердийн үнээс доогуур эхэлдэг. Мөн уламжлалт цементээс 30%-иар бага нүүрсхүчлийн хий ялгаруулдаг гэгддэг хэвлэх зориулалттай цемент зэрэг орон нутгийн түүхий эдийг ашиглажээ. (VoxelMatters)

Нигерийн Христийн болон Исламын шашинт залуучуудын байгууллагууд 2027 оны бүх нийтийн сонгуулийн өмнө энхийн хэлэлцээр байгуулж, шашны хүлээцтэй байдлыг дэмжих, улс төрийн хүчирхийллээс татгалзах, энх тайвнаар зэрэгцэн оршихыг уриалахаа амлажээ. Шашны удирдагчид, төрийн төлөөлөгчид, улс орны өнцөг булан бүрээс ирсэн залуучуудын төлөөлөгчдийн оролцсон Христийн шашинт залуучуудын аюулгүй байдлын үндэсний дээд хэмжээний уулзалтын үеэр [Нигерийн] Абужад уг хэлэлцээрт гарын үсэг зуржээ. (Peoples Gazette)

Технологийн мэргэжилтэн Хектор Чавес танихгүй дугаараас залгасан хүний “Намайг сонсож байна уу?”, “Та энэ байрны эзэн мөн үү?”, эсвэл “Ярих зав байна уу?” гэх мэт эхний асуултад“тийм” гэж хариулахгүй байхыг анхааруулжээ. Учир нь залилан мэхлэгчид уг хариултыг бичиж аваад, дуу хоолойд суурилсан систем, ХОУ [хиймэл оюун ухаан]-д урвуулан ашиглаж болзошгүй аж. Тэрээр хэн, ямар учраас залгаж байгааг асуугаад, тодорхой хариулахгүй бултах, эсвэл яриа сэжигтэй санагдвал утсаа таслахыг зөвлөжээ. Хамгийн аюулгүй арга нь танихгүй дугаарын дуудлагыг дуут шууданд шилжүүлж, шаардлагатай бол тухайн байгууллагын албан ёсны дугаарт өөрөө залгах явдал юм. (Mirror)

Бүгд Найрамдах Босни ба Херцеговин Улс нийгмийн эмзэг бүлгийн шаардлага хангасан өрхүүдийн нарны эрчим хүчний гэрийн төхөөрөмж суурилуулах зардлыг бүрэн, бусад өрхийн зардлыг хэсэгчлэн санхүүжүүлэх тэтгэлэгт хөтөлбөр баталжээ. (Yahoo News)

Тайвань (Формоса) анх удаа хэт халалтын эсрэг бүрэн хэмжээний сургуулилалт зохион байгуулж, [Тайвань (Формоса)-ийн] Тайбэй, Шинэ Тайбэй, Таоюань хотуудад агаарын хэм гурваас дээш хоног Цельсийн 40 хэм буюу түүнээс дээш байх нөхцөлийг дуурайлган үзүүлжээ. Төр, эмнэлэг, бизнесийн 50 байгууллага оролцсон уг сургуулилалт нь халуунаас үүдэлтэй эрүүл мэндийн онцгой байдал, цахилгаан тасалдал болон зайлшгүй шаардлагатай үйлчилгээг тасралтгүй явуулахад төвлөрчээ. (Taipei Times)

[АНУ-ын] Харвардын Их Сургуулийн бараг 192 мянган хүнийг хамруулсан судалгаагаар долоо хоногт 5 орчим порц хар шоколад идэх нь чихрийн шижингийн II хэлбэрийн эрсдэлийг 21%-иар буурсан үзүүлэлттэй холбоотой байжээ. Харин сүүтэй шоколад эрсдэл нэмэгдэх үзүүлэлттэй холбоотой байв. Судлаачид боломжит ашиг тусыг какаоны флавоноид, полифенолтой холбон тайлбарласан ч хэмжээг нь тохируулах чухал болохыг онцолжээ. (VegNews)

Шинэ судалгаагаар кофе ихээр хэрэглэх нь ахимаг насны эмэгтэйчүүдийн ясны эрдсийн нягтыг багасгаж байжээ. Өдөрт таваас олон аяга кофе уух нь ясыг сулруулж болзошгүй бол цай хэрэглэх нь ташааны ясны нягт их байхтай холбоотой байжээ. Мэргэжилтнүүд кофег зохистой хэмжээгээр [өдөрт 2–3 аяга] хэрэглэх нь аюулгүй хэвээр гэдгийг хэлж, ясны эрүүл мэндэд кальци, Д аминдэм, мөн тогтмол дасгал хөдөлгөөн чухал болохыг онцолжээ. (Fox News)

Унах, цохиулах, спортын гэмтэл авах, эсвэл хэт ачаалал авах зэргээс болж өвдөг шинээр гэмтэж, хавдах юм уу гэнэт өвдвөл хүйтэн жин тавихыг зөвлөдөг. Мөсийг алчуураар ороож, нэг удаад 20 хүртэл минут тавин, 2–3 цаг тутамд давтана. Мөсийг арьсан дээр хэзээ ч шууд тавьж болохгүй. Өвдөг хөшиж, булчин чангарсан, эсвэл мэдэгдэхүйц хавдаж, халалгүйгээр өвдөлт үргэлжилбэл бүлээн жин тавина. Дулаан нь цусны эргэлтийг сайжруулж, булчинг суллан, хөдлөхөд илүү эвтэйхэн болгоно. Саяхан гэмтсэний дараа өвдөг илт хавдаж, халуун болсон бол эхний үед халуун жин тавихаас зайлсхийх хэрэгтэй6 (Thanh Niên)

Өмнөд Солонгосын ЮНЕСКО-гийн жагсаалтад орсон зөөлөн шүрийг ажиглаж буй шумбагчид сүүлийн 2 жилийн температурын өсөлт, ширүүн цаг агаартай холбоотойгоор Чежү арлын орчимд олон шүр унаж, үхэж байгааг мэдээлжээ. Чежүгийн ойролцоох Помсом арлын эрэг дэх нэг бүлэг шүрийн тал орчим нь амьд үлдэхийн төлөө тэмцэж байна. Эрдэмтэд өндөр температур 9-р сарыг дуустар үргэлжилбэл хохирол улам даамжирч болзошгүйг анхааруулжээ. (Reuters)

Хятад улс 9-р сарын 6-нд Шинжаан дахь Музтаг Ата уулын ойролцоох Хоёрдугаар мөсөн голд их хэмжээний цасан нуранги болсныг мэдээлжээ. Асар их цас, мөс мөсөн голоор доош бууж, 100 гаруй метр өргөн цасан үүл үүсгэсэн ч хүн, эд хөрөнгөд хохирол учраагүй байна. Эрх баригчид тухайн газрыг хааж, жуулчдад хязгаарлалттай бүсээс хол байхыг анхааруулсан байна. (Reuters)

[Австралийн] Сидней хотод 9-р сарын 5-нд агаарын хэм Цельсийн 32.1 хэмд хүрсэн нь хаврын ийм эхэн үед бүртгэгдсэн хамгийн халуун өдөр болжээ. Зарим захын дүүрэгт 33 хэмээс давсан нь есдүгээр сарын ердийн температураас 12–13°C-ээр өндөр байлаа. Эль-Ниньо үзэгдэл эрчимжиж буйтай холбоотой гал түймрийн онц аюул нүүрлэж, Их Сидней даяар гал түлэхийг түлэхийг бүрэн хоригложээ. (Xinhua, Reuters)

PETA [Амьтдад ёс зүйтэй хандахын төлөө хүмүүс] байгууллагын мэдээлснээр Их хавцлын [АНУ] Хавасупай жимээр жуулчдын ачааг зөөдөг морь хүмүүс, луус хүмүүсийг өргөн хүрээнд хүчирхийлж, хайхрахгүй орхидог байна. Гэрчийн дүрс бичлэг, аялагчдын мэдээлэлд амьтан бодгалиуд ил шарх, сорвитой, хэт ургасан туурайтай, хавирга нь хэрзийсэн байсны зэрэгцээ амьтан хүмүүсийг ташуурдаж, сүүдэр, усгүй газар богино уяж, хэт халуунд хүнд ачаа зөөлгөж байсныг өгүүлжээ. Зарим аялагч жим дагуу морь хүмүүс унаж, үхэж байхыг харснаа мөн мэдээлсэн байна. PETA аялагчдыг ачааны амьтан хүмүүс ашиглахын оронд ачаагаа өөрсдөө үүрэхийг уриалж байна (PETA)

Өмнөд Хятадын тэнгист далайн гүний өрөмдлөгөөс үүссэн метан хийн алдагдлыг судалсан эрдэмтэд далайн бичил биетнүүд ердөө 1–2 жилийн дотор буюу урьд нь төсөөлж байснаас хавьгүй хурдан байгальд үр ашигтай метан шүүлтүүр үүсгэж чаддагийг тогтоожээ. Дараа нь нүх ухагч өтнүүд тунадсыг холин, метаны задралыг дэмжсэнээр уг тогтолцоог цаашид хөгжихөд тусалжээ. Хэдхэн жилийн дотор шинэ экосистем нь метаныг олон арван жил идэвхтэй байсан байгалийн ижил төстэй тогтолцоотой бараг адил үр дүнтэй зайлуулдаг болсон байна. (Phys.org)

Австралийн зэрлэг амьтан аврах ажиллагааны арван жилийн тайланг шинжилсэн судлаачид байгалийн хоргодох орчин устахын хэрээр нутгийн уугуул амьтан-хүмүүс орон сууц болон бусад барилгыг орлох амьдрах орчин болгон ашиглах нь нэмэгдсэнийг тогтоожээ. Судалсан 2,400 тохиолдлын тал орчим хувь нь поссум-ардад хамаарч, дараа нь бичил сарьсан багваахай- болон вомбат-хүмүүс оржээ. Амьтан-ардыг дээвэр, хана, гарааш, байшингийн доороос, заримдаа бүр унтлагын болон гал тогооны өрөө, шуудангийн хайрцаг, агааржуулалтын системээс олсон байна. Амьдрах орчны хомсдол, цаг агаарын эрс тэс үзэгдэл улам олон зэрлэг амьтан-хүнийг орон сууц болон бусад барилга руу шахаж байна гэж судлаачид үзжээ. Мөн ирээдүйн барилгуудыг хүнтэй зөрчилдөхийг багасгахын зэрэгцээ уугуул төрөл зүйлд илүү тохиромжтой байхаар төлөвлөж болно гэжээ. (The Guardian)

[АНУ-ын] Хойд Калифорнийн хамгийн том веган наадам болох Жил тутмын зургаа дахь Bizerkeley Food Fest Берклид 9-р сарын 6-нд дахин зохиогдож, 70 гаруй веган худалдаа эрхлэгч оролцон, нутгийн иргэдийг үнэ төлбөргүй нэвтрүүлж, орлогоороо California Pit Bull Rescue байгууллагад дэмжлэг үзүүлжээ. (hoodline)

NYX Мэргэжлийн нүүр будгийн компани АНУ-д найман үндсэн өнгөний сонголттой, 18 цагийн турш хөмсгийг тодотгох хэт нарийн үзүүр, самтай, веган бөгөөд усны хамгаалалттай Micro Brow Pencil-ээ санал болгож байна. (Ad Hoc News)

HBO-гийн супер баатрын телевизийн цуврал “Lanterns” Жон Стюартыг веган супер баатар болгон танилцуулж, нээлтийн ангид хооллолтыг нь онцолсноор веган комик дүрүүдийн өсөн нэмэгдэж буй жагсаалтад нэмжээ. (Plant Based News)

10 настай зоригт хүү Майло 9-р сарын 4-нд [Францын] Пуаза-Лалейриа дахь фермийн байшинд гал гарахад гал сөнөөгчид рүү залгаж, дээд давхрын цонхоор үсрэн, амьд гарчээ. Дараа нь тэр гэр бүлийнхээ хоёр нохой хамтрагчийг байшингаас аварсан байна. Майло хурууны гэмтлээ эмчлүүлж, хоёр оёдол тавиулжээ. Харамсалтай нь гэр бүл эд зүйлсээ алдаж, одоо төрөл төрөгсдийндөө байрлаж байна. (EuroWeekly News)

Пакистаны сувилагч Разиа Норин 8-р сарын 26-нд [Пакистаны] Исламабадын эмнэлгийн нярайн тасагт гарсан хүний амь эрсэдсэн галын үеэр шинэ төрсөн хүүхдийг аврахын тулд амь насаа эрсдэлд оруулжээ. Түүний найман секундэд гаргасан эр зориг түймрээс амьд үлдсэн цорын ганц нярайг аварсан юм. Пакистан улс хатагтай Нориныг “Үйлчилгээний од” шагналаар шагнах бөгөөд тэрээр аварч чадаагүй 14 нярайн төлөө одоо ч гашуудаж байна. (AP)

Манож Арора 26 жилийн турш [Энэтхэгийн Пунжабын] Мога хотод гэмтэж бэртсэн, хаягдсан үхэр-хүнийг аварсаар иржээ. Тэрээр багийнхантайгаа хамт 20–25 мянга орчим үнээ-, бух-ардад тусалж, гидравлик түргэн тусламжийн машинаар хоргодох байранд хүргэн эмчлүүлж, урт хугацаанд асруулжээ. Ноён Арора тэнэмэл үхэр-хүмүүсийг илүү сайн хамгаалахыг уриалж байна. (ETV Bharat)

Өдрийн гэгээрүүлэх эшлэл: “Өөр өөр нэртэй шашин, урсгалуудад түгээмэл байдаг бусад мөргөлийн аргаас ялгаатай нь энэ хоёр арга [Дотоодын Гэрлийг үзэх, Дотоодын Трансцендент Авиаг сонсох] хүний бүтээл биш юм. Эдгээр аргыг үндэслэгч, хэрэгжүүлэгч нь БУРХАН Өөрөө юм. БУРХАН анхнаас нь энэ хоёр аргыг бүрэн төгс чанартайгаар хүмүүний дотор байрлуулжээ Жива (буюу хүлэгдсэн сүнснүүд)-ийн авралын зам хүн төрөлтөн бүрийн дотоодод буй.” – Сант Мат Уламжлалын Хүндэт Гэгээрсэн Их Багш Баба Деви Сахиб (цагаан хоолтон) (Сант Мат Радхасоами)

Иан Маккормакийн клиник үхлийн тухай энэхүү цувралын өмнөх хэсэгт, 1982 онд үед 26 настай байсан Иан эрэг орчимд шөнийн шумбалт хийж байхдаа таван дөрвөлжин медузад таван удаа хатгуулсан тухай гарсан. Түргэн тусламжийн машинд үхлийн ирмэгт байхдаа, шашингүй үзэлтэй хэвээр байсан Иан өөрийнх нь төлөө залбирч буй ээжийгээ тод харжээ. Эмнэлэгт очоод Иан зориуд нүдээ анихад амин үзүүлэлтүүдийг нь хянаж байсан төхөөрөмжүүдийн шугам шулуусжээ. Иан бие махбодынхоо гадна ухамсартай хэвээр байж, өтгөн харанхуйн ертөнцөд очиход үл үзэгдэх дуу хоолойнууд түүнийг тамд байна гэж хэлжээ. Цацран гэрэлтэх Гэрэл түүнийг өргөн гаргаж, тайтгарал, амар амгалан, баяр хөөрийн давлагаагаар дүүрэн хонгилоор татан оруулсан байна. Хонгилын цаана Иан хэмжээлшгүй их гэрэл цацруулсан Хүнтэй учирчээ. Иан Төгс Хүчит БУРХАНЫ өмнө зогсож байж магадгүйгээ ухаараад шүүлтээс айсан ч оронд нь болзолгүй Хайрыг хүртэж, шархалсан зүрх нь эдгэрч буйг мэдэрчээ.

Гэрлийн хөшиг нээгдэхэд Иан доторх дүрийг харж, удалгүй Түүнийг Эзэн Есүс Христ (цагаан хоолтон) болохыг танив. Иан ойртоход цэвэр ариун, гэгээн чанар, Тэнгэрлэг Хайрын давлагаа түүн рүү урсан оржээ. Тэгээд Эзэний оршихуй мөнхийн ертөнц рүү нээгдэх үүд мэт дэлгэгдэхэд Иан цаана нь юу байгааг зэрвэс харжээ. Түүний ард тал өвс, тал газар харагдсан. Уулс, цэнхэр тэнгэр, болор тунгалаг гол мөрөн, эрэг дагуух модод харагдсан. Эзэн: “Иан, Би шинэ Дэлхийг бүтээж, түүний дээр шинэ Диваажинг бүтээсэн” гэж байлаа. Тэрээр: “Тэнд амийн модод бий” гэсэн. Тэр: “Би бүхнийг шинээр бүтээдэг” гэв. Тэрээр: “Миний Хаант Улс энэ ертөнцийнх биш. Би шинэ Диваажингууд, шинэ Дэлхийг бүтээсэн. Хуучин нь үгүй болно.” гэсэн. Тэр: “Чи шинэ биетэй болж, өвчин, үхэл, зовлон үгүй болно.” гэсэн.

Тэр: “Иан, одоо чи үзсэн болохоор энд үлдэхийг хүсэж байна уу, эсвэл буцахыг хүсэж байна уу?” гэж асуусан. Би: “Тэгвэл энд үлдье. Надад буцах шалтгаан алга. Надад өр төлөөс байхгүй. Би гэрлээгүй. Надад хүүхэд байхгүй. Бас намайг хэн ч хайрладаггүй. Надад буцаж очих зүйл алга. Би Таны Хайранд үлдэхийг хүсэж байна. Намайг ингэж цэвэр ариунаар хүлээн зөвшөөрөхийг би хэзээ ч мэдэрч байгаагүй” гэв. Тэгээд би баяртай гэж хэлэхээр эргэж хартал яг ард минь ээжийн минь тод дүр үзэгдэж, би гэнэт ухаарсан. Миний ээж л миний төлөө залбирч байсан ганц хүн. Тэр миний төлөө зуучлан, өвдөг сөгдөн залбираагүй бол би энд ирэхгүй байжээ. Би буцах ёстой. Шашингүй хүү нь Диваажинд хүрснийг ээж минь огт төсөөлөхгүй гэж би бодсон. Намайг тамд очсон гэж бодож байгаа. Тэр миний амьдралын хэв маягийг мэддэг байсан. Найзуудыг минь ч мэддэг байсан. Тиймээс би: “БУРХАН минь, би буцаж очоод ээждээ итгэдэг зүйл нь бодит гэдгийг хэлэх ёстой.” гэв. Би түүнд хайртай. Би хувиа хичээн энд орохын өмнө буцаж очоод, итгэдэг зүйл нь бодит гэдгийг түүнд заавал хэлэх ёстой байлаа.

Тэр: “Иан, хэрэв чи буцвал юмсыг түр зуурын, дэлхийн өнцгөөс бус, харин шинэ гэрэлд, мөнхийн Тэнгэрлэг өнцгөөс, Миний Хайрын мэлмийгээр харах ёстой. Чи Миний мэлмийгээр харах ёстой.” гэсэн. Тэгээд намайг эргэж харахад, аав, ах, эгч минь, мөн хэдэн зуун мянган хүн, хүн төрөлхтний далай мэт агшин зуур гарч ирэв. Эзэн надад: “Иан, Би чамайг буцаж очоод тэдэнд хэлээсэй гэж хүсэж байна.” гэв. Би: “Юу?” гэлээ. Тэр: “Тэдний ихэнх нь Миний Нэрийг сонсохоор сүмд дахин ирэхгүй. Чамайг буцаж очоод үзсэн зүйлээ тэдэнд хэлээсэй гэж Би хүсэж байна.” гэв. Би: “Гэхдээ БУРХАН минь, би тэднийг танихгүй. Би тэдэнд хайргүй. Би ээждээ хайртай ч энэ хүмүүст хайргүй.” гэв. Тэр: “Иан, Би тэдэнд хайртай. Тэд бүгд Намайг танин мэдээсэй гэж Би хүсдэг.” гэсэн.

Тэгээд Иан бие рүүгээ хэрхэн буцахыг Эзэнээс асуужээ. Тэрээр, “Хүү минь, толгойгоо хажуу тийш хазайлга. Одоо нүднээс чинь шингэн урсан гарахыг мэдэр. Одоо нүдээ нээгээд хар.” гэв. Түүнийг ийн хэлэхэд толгой минь хазайж, баруун нүд минь нээгдэн, гартаа мэс заслын хутга барьсан эмчийн өмнө тавцан дээр хэвтэж байгаагаа гайхан мэдэв. Намайг толгойгоо хазайлгаж, нүдээ нээхэд хөөрхий эмч үүнийг хараад цочсондоо тааз тултал үсэрсэн. Бид хоёул айж сандарсан. Тэгтэл гайхалтай нь, ЯТТ [яаралтай тусламжийн тасаг]-т намайг эмчилж байсан гурван сувилагч тэнд байв. Тэд намайг хараад, нэг нь нөгөөгийнхөө дээгүүр тонгойж байлаа. Тэр удаан хөдөлгөөнөөр нөгөөгийнхөө эрүүг цохив. Хоёул газар унасан. Тэгээд гурвуулаа гүйгээд гарав. Би: “Тэд намайг яг л үхлээс эргэж ирсэн мэт аашилж байна.” гэж бодсон.

Иан гартаа мэс заслын хутга барин дээрээс нь харж зогссон эмч рүү дахин анхаарлаа хандуулав. Би: “Тэр бас зугтах болов уу?” гэж бодлоо. Тэр: “Хүү минь, чи 15–20 минутын турш үхсэн байсан. Чамайг амьдруулахын тулд бид юу ч хийгээгүй.” гэв. Намайг тэнд хэвтэж байхад цахилгаан мэт хүч биеэр минь урсаж эхэлсэн. Христийн эдгээх хүч толгойн оройгоос минь эхлэн бүх биеэр тархаж, гурав, дөрвөн цагийн дотор би бүрэн эдгэрээд эмнэлгээс алхаж гарсан. Иан гэртээ буцаж ирээд Библийг унш гэсэн Эзэний зааврыг дагажээ.

Ээж: “Иан, юу болсон юм бэ? Чи яагаад ингэж их уншаад байгаа юм?” гэв. Би шууд л асгартал уйлсан. Би: “Ээж ээ, би таны залбирахыг харсан.” гэв. Би түүнд өөрт тохиолдсон явдлаа ярив. Тэгэхэд тэр мөн асгартал уйлсан. Бидний ярьсан зүйлс хоорондоо тохирч байлаа. Би ээжийгээ тэвэрсэн. [Би:] “Ээж ээ, тэр залбирлууд тань ямар их хүчтэй байсныг та огт мэдэхгүй. Би энд байхгүй байх байлаа. Тэр өдөр та миний төлөө залбираагүй бол одоо хүүгээ оршуулж байх байсан.” [гэж бодсон.] (Жени ДуВаллтай хамт БУРХАНТАЙ учирсан учралууд)