Хайх
Монгол хэл
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
Гарчиг
Тайлбар
Одоо үргэлжлүүлэн
 

Богино хэлбэр / Веган байгаарай

Төгс Гэгээрсэн Их Багш Чин Хайгаас бүх махны бизнес эрхлэгчид ба үйлдвэрийн эздэд болон загасчлал, өндөг, сүү, үслэг эдлэл, лабораторийн туршилт, гоо сайхан, арьс ширний үйлдвэрт хүргэх яаралтай илгээлт

2020-03-10
Дэлгэрэнгүй
Татаж авах Docx
Дэлгэрэнгүй уншаарай

Нийт мал, амьтны махны бизнес эрхлэгчид, бүлэг, мал аж ахуйн үйлдвэрийн ба загас, өндөг, сүү, ангийн арьс, лаб. шинжилгээ, гоо сайхан, арьс ширний үйлдвэрийн Эрхэм эзэд ээ: Анхаарал хандуулна уу, учир нь энэ нь та бүхэнд туйлын чухал юм. Та нарын хувьд хэт оройтохоос нь өмнө үүнийг та нар мэдэх ёстой. Там та бүхнийг ийнхүү яллах болно... Магадгүй та бүхэн үүнийг санаатайгаар хийгээгүй байх. Магадгүй үүнийг бодож үзээгүй байх, гэвч үүнийг бодож үзэх хэрэгтэй, учир нь энэ нь та бүхэнд хамааралтай юм. Та нар там руу явж хавьгүй илүү зовно, эдгээр амьтдаас хэдэн мянга дахин илүү зовох бөгөөд та бүхний цуст бизнесээс болж хүмүүс зовж байна. Би доромжилж байгаа юм биш шүү. Гарт чинь цус байна. Биед тань, үсэнд тань, гэдсэнд тань, амьсгалд тань, уушгинд тань, машинд тань, байшинд тань цус байна. Хоол хүнсэнд тань, гуталд тань, өмсөж байгаа арьсан гуталд тань. Бүх зүйлс. Бүгд цуст толботой, цусанд дэвтээгдсэн байна. Боломж байгаа дээр одоо бүрэн эргэ. Амьдралаа шинээр эхэл. Та бүхнийг би Диваажинд хамгаална гэдгээ амлаж байна. Хийсэн зүйлсийг тань үл харгалзан би та бүхэнд хайртай. Тиймээс аллагаа зогсоо. Яг одоо зогсоож, гэмш, тэгвэл магадгүй Бурханы ивээл танд болон таны бүхэнд очиход саад тулгарахгүй. Та бүхнийг хурдан сэрэхэд Бурхан туслах болтугай. Үргэлжлүүлэн үзэж дэлгэрэнгүй мэдээлэл аваарай. Үүнийг заавал үзэхийг санал болгож байна!

Нийт мал, амьтны махны бизнес эрхлэгчид, бүлэг, мал аж ахуйн үйлдвэрийн ба загас, өндөг, сүү, ангийн арьс, лаб. шинжилгээ, гоо сайхан, арьс ширний үйлдвэрийн Эрхэм эзэд ээ: Надад та бүгдийг олж уулзахад хүндрэлтэйн сацуу маш яаралтай цаг тулаад байна. Мөн би машид завгүй эмэгтэй. Иймээс би өөрийн телевизээр үүнийг шууд уншлаа. Энэ нь та бүхний хувьд үнэхээр, маш чухал тул анхаарлаа хандуулна уу. Маш чухал учраас би өөрийнхөө даяаны үнэтэй цагаас илүүчлэх хэрэгтэй боллоо. Одоо ч би даяан хийсээр байгаа боловч та бүхэнд сонордуулахаар цагаасаа илүүчилж байна. Та бүхний хувьд хэт оройтохоос нь өмнө та нар үүнийг мэдэх ёстой. Танд сонсох зав байхгүй бол үүнийг татаж аваарай, эсвэл хэн нэгэн татаж аваад танд илгээж болно. Таны хаана байгааг би мэдэхгүй ч, хэн нэг нь мэднэ гэдэгт итгэлтэй байна. Энэ мэдээллийг татаж аван аль болох хурдан сонсоорой. Аль болох хурдан.

Ойлгож байна уу, би даяан хийж байна. Хэзээ гарахаа мэдэхгүй. Би энэ талаар нэлээд удаан бодлоо. Бүр даяан хийхээсээ өмнө хүртэл бодсон. Гэвч үүнийг бичих гэж миний хувьд, олон өдөр, бүр хэдэн долоо хоног, хэдэн шөнө боллоо. Надад байгаа цаг үнэхээр маш их үнэтэй. Тиймээс би яаравчиллаа. Би энэ талаар удаан хугацааны турш бодсоор байсан ч гэсэн ийм давчуу хугацаанд зарим зүйл орхигдсон байж магадгүй. Гэхдээ энэ нь та бүхний мэдлэгт хангалттай байх болно. Там та бүхнийг дараах шалтгааны улмаас шийтгэнэ:

А. ТУЙЛЫН БУСАРМАГ ҮЙЛ ХЭРГЭЭС ЧИНЬ ҮҮДЭН

1) Та нар хэдэн зуун доллар тарааж өгөөд л ажилчдыг ухамсраа зарахад хүргэж байна. Энэ дэлхийгээс цуст нүглээ нуусан алслагдмал тэр газар чинь тэдэнд магадгүй хийх өөр ажил байхгүй.

2) Татвар төлөгчдийн зардлаар үнийг нь бууруулж, зүсийг нь хувиргасан, хямд, татаас авсан цуст махаараа хайр энэрэлт эцэг эхчүүдийг хуурч уруу татаж, улмаар тэд үүнийг худалдан авахад хүрч, ихэнхдээ тэр үхсэн үмх маханд бүгдэд нь химийн бодис, нэмэлт хор, гормон байгааг мэдэхгүйгээр балчир үрсээ, хүүхдүүдээ, бас өөрсдийгөө тэжээхэд хүргэсний төлөө.

3) Олон зуун сая хүн, амьтдыг өдөр бүр зовоон тарчлаан байж мөнгө төгрөгтэй, баян цатгалан амьдарч буйн төлөө.

4) Олон тэрбум татвар төлөгчдийн хөлсөө урсган байж олсон мөнгийг гарздаж буйн төлөө.

5) Төр засгийн байгууллагуудад өөрсдийн мөнгө, арга мэхээр завхруулж тэднийг та нарын эсрэг үнэнийг хэлж чадахгүй болгодог, тэд ч өөрсдөө тун завгүй. Ингэж та нар бидэнтэй хамтран оршигч амьтдыг эрэмдэглэх, хордуулах, зэрлэгээр хөнөөх эрх чөлөөтэй болдог. Амьтдыг идэж, амьтны гаралтай бүтээгдэхүүн ашиглаж, зөвхөн амьтдыг ч биш, эргэн тойрныхоо хүмүүсийн оюун санаа, сүнслэг байдал, бие махбодыг хохироож байдгийнхаа төлөө.

Б. ЭРҮҮЛ МЭНДИЙН ТӨЛӨӨС

1) Хүүхдүүдийг оролцуулаад хүн төрөлхтнийг мөн амьтдыг эмийн нэр барьж, хүмүүсийн эрүүл мэндийг аюулд оруулах хэмжээгээр бүх төрлийн химийн бодисоор шахсан мах, өндгөөр хордуулж буйн тань төлөө.

2) Улсын Сангаас хэдэн тэрбум зиллионыг аюулт өвчинд зарцуулж, эх орныхоо иргэдийн асар их зүдэрч олсон мөнгийг бүхий л махнаас үүдэлтэй өвчний эмчилгээнд зарцуулуулсны төлөө

3) Эрэмдэг зэрэмдэг болсон, бэртэж, тахир дутуу болж, зовж шаналан үхэх тухай төсөөлөө ч үгүй хүмүүст ийм их уй гашуу, бие, сэтгэлийн, мэдрэлийн зовлон учруулсныхаа төлөө мөн хагацал үзэн хоцорсон гэр бүл, найз нөхдийн төлөө.

4) Гэр бүл болон найз нөхдийг махтай холбоотой өвчлөл, үхэл болон бусад үр дагавруудаар салгасны төлөө.

5) Таны ёс суртахуунгүй, цусанд хутгасан, аллагад, тамаас ч хэрцгий “үйлдвэр” гэгдэх махны үйлдвэрээс үүдсэн өвчин шаналал зовлонгоос болж амьдралаа алдсан найз нөхөд болон танилуудын төлөө.

6) Энэрэнгүй төрөлтнүүдийн хувийн эрүүл мэндийн төлөө, та аймшигт, хэрцгий үйл хэргээрээ гэмгүй, ядарсан, амьтдыг нойргүй, ууртай, гунигтай, зовлонтой болгож улмаар тэднийг Бурхан болоод хүн төрөлхтний төлөөх үүрэг даалгаврыг үр дүн багатай болгосныхоо төлөө, тэднийг өөрсдийн эгэл ажлыг нь үр дүн багатай болгосныхоо төлөө.

В. ГАРАГ ДЭЛХИЙГ УСТГАЖ БУЙН ТӨЛӨӨ

1) Мал амьтдыг өсгөж үржүүлдэг арга тань дулааныг барьж, метан хий ялгаруулж уур амьсгалын ноцтой байдлыг бий болгосны төлөө, мөн манай гараг дээрх мөхлийн аюул нүүрлээд байгаа олон тэрбум амьтдын амийг үл ойшоосны тань төлөө. Олон төрөл зүйл хэдийнээ устаж үгүй болсон.

2) Дэлхийн гайхалтай уушги болсон ой модыг хэсэгчлэн цавчиж, ойгүйжүүлж буйн төлөө.

3) Бидний усны эх үүсвэр, гол мөрөн, далай, байгаль орчин, агаар, хөрсийг бохирдуулж буйн төлөө.

4) Мал өсгөж үржүүлэхтэй холбоотой ус, хүнсний хомсдол зэрэг маш их нөөцийн хорогдлыг үүсгэж,

мөн хүний амьдралд болон амьтдын амь насанд ноцтой нөлөө үзүүлсэн ган гачгийг бий болгож байгаад.

Г. ХЭВ ЖУРМЫГ ЗӨРЧИХ

1) Амьтны асран хамгаалагч болохын хувьд улс орныхоо хуулийг зөрчсөний төлөө. Танд, “амьтдыг бүх төрлийн зовлон шаналал, айдсаас, харгис явдлаас хамгаалах” гэх мэт... хууль эрх зүй үүрэг хүлээлгэсэн байдаг. Үйлдвэрийг тань нэг л хараад үүний эсрэг байгааг нь хэн ч нотолж чадна. Эсрэг байгаа нь үнэн болох нь таны бизнесээс харагдана.

2) Мөн улс орны тань хуульд амьтдыг харгисалж, тэднийг айдаст автуулж болохгүй, амьтдыг хэрцгий хандаж болохгүй гэж дурдсан байдаг ч та тэднийг насан туршид нь хөдөлж ч чадахааргүй өчүүхэн хайрцагт шахцалдуулан чихэж буйн улмаас тэд үр зулзагаа хүнлэг, сайхан байранд тэжээж, өсгөж чаддаггүй. Үүний оронд, тэд умгар төмөр хашлага дотор эхтэйгээ чихцэлдэж байдаг. Өөрийгөө болон ахан дүүс, эхийгээ яг л тэр гахайн үйлдвэрт байгаа мэтээр төсөөлөөд үзээрэй. Бид үүнийг юу гэж хэлэх вэ? Тэдэнд мэдрэмж бий. Тэгээд та тэднийг алж хяддаг... (Би зүгээр л дэндүү их... үүнийг уншихаасаа өмнө энэ бүгдийн талаар энэ бүх өдрүүдэд бодсоор дэндүү их ядарч байна. Би үүнийг одоо нийлүүлж, унших хэрэгтэй болсон.) Бид үүнийг юу гэж нэрлэх вэ? Та тэднийг амьд байхад нь аймшигтайгаар алдаг; энэ нигүүлсэнгүй явдал уу эсвэл тамын хэрцгийлэл үү?? Тамаас ч дор. Би ингэж хэлнэ. Зарим тамуудаас ч дор.

3) Зөвхөн хүмүүсийн хуулийг зөрчөөд зогсохгүй Бурханы хуулийг ч зөрчсөний төлөө; “Аллага үйлдэж болохгүй” гэх хамгийн чухал Сахилыг зөрчсөний төлөө. Бүх шашнуудад адил хэлсэн байдаг. Зөвхөн Христүүд бус. Зөвхөн Христийн шашин биш бүх гол шашнууд ийм л зүйлийг хэлсэн байдаг. “Та аллага үйлдэх ёсгүй.” Тэгэхээр, та аль талд нь ажиллаж байна вэ? Учир нь Бурхан, “Та алах ёсгүй” гэсэн. Бурхан зөвхөн хүмүүсийг алж болохгүй гэж онцлоогүй. Тэгэхээр та Бурханы талд биш байна. Мөн та хуулийн зөв талд ч биш байна.

4) Та өөрийнхөө бизнесээсээ завгүй засгийн газруудад нэмэлт хэцүү шийдвэр гаргах ажлыг өгч буйн төлөө. Учир нь энэхүү бизнес гэгдэх аллага нь хэвийн зүйл болсон учраас засгийн газрууд таны хэрцгий бизнесийг яахаа, хэрхэн учрыг нь олохоо мэдэхгүй болж, улмаар тэднийг таагүй хамтрагч болгоход хүргэж, хүчлэн шахдаг.

5) Хууль сахиулагчдыг шаардлагагүй, сөргөлдөөн ихтэй ажил буюу сүүлийн үед хаа сайгүй байнга гарах болсон амьтны эрхийн бослогын нэмэлт ажилтай болгосныхоо төлөө. Хэдийгээр тэдгээр нь эсэргүүцлийн тайван хэлбэр ч гэсэн цагдаа нарт хэдийнээ хангалттай их, бүр илүү хүнд ажлууд байдаг. (Мөн тэдгээр зохицуулах ёстой гэмт хэргүүд нь ч бас ихэнхдээ сэтгэцийн тогтворгүй байдлыг үүсгэгч махан хооллолтоос үүсэж иргэдийг хялбархан хуулийн эсвэл өөрсдийн эрх үүргийн эсрэг буруу талд унахад хүргэдэг.)

6) Таны жигшүүрт үйлдлүүдээс болж Төгс Гэгээрсэн Их Багш Чин Хай болон бусад хүмүүст төвөг учруулсны төлөө. Тэд өөрсдийгөө, унтах нойроо умартан, үнэт цагаа гарздаж, сэтгэлээ чилээн, амьдрал, өөрсдийн амьдрал, аюулгүй байдал, байр суурь, эрүүл мэнд, санхүү, ертөнцийн болон сүнслэг хүч зэргээ эрсдэлд оруулж, санаа тавин энэ асуудлыг зохицуулдаг юм.

Е. ХҮН ТӨРӨЛХТНИЙГ ДОРДУУЛСАН

1) Гэм зэмгүй, ариун санваартан, лам болон гэлэнмаа нарыг урхиндаа оруулж, Бурхан мэдээж идэхэд зориулаагүй, харин хайраар бүтээсэн тэдгээр сул дорой, хөөрхөн амьтдын махыг идэхэд хүргэж, тэднийг дорд үзсэний төлөө. Яагаад гэвэл бүх шашны сударт “Чи алах ёсгүй.”гэсэн байдаг. “Архи уугч, мах идэгсдийн дунд бүү байгтун.” “Тэдний дунд бүү бай.” гэж хүртэл хэлсэн байдаг. Тэднийг идэх тухай дурдах ч ёсгүй. Гэвч эдгээр хүчирхэг нөлөөллийн хамт хүн төрөлхтөн энэ бүх хугацаанд энэхүү урхинд орсон. Би бүх хүмүүсийг маш их өрөвдөж байна. Тиймээс би цаашид зөөлөн, аядуу хэлээд байж чадахгүй. Бид үүнийг ярих хэрэгтэй. Одоо цаг нь болсон. Аль хэдийн маш оройтсон байна. Би арай эрт хийх ёстой байж. Би хэтэрхий зөөлөн, эелдэг байсан Энэ нь тийм сайн байсангүй. Тиймээс бид одоо өөрөөр хандах болно. Та нар Бурхан, амьтдыг идэхэд зориулж бүтээгээгүйг мэднэ дээ. Угаасаа ингэдэг ба хүн бүр иддэг учраас энэ нь нийгэмд байдаг л зуршил шиг болсон. Бүр лам, гэлэнмаа, санваартан нар хүртэл үүнд өртсөн байдаг. Тэд бусдын төлөө, итгэл үнэмшлийнхээ төлөө завгүй, суралцах зүйлтэй, хийх ажилтай тул тэдэнд бэлдсэн юу ч бай, түүнийг нь л иддэг. Ийм учраас амьтны мах идэх нь Диваажингийн нүдээр бол хүмүүсийн ариун байдлыг багасгадаг ба Доод ертөнцийн шүүлтэд өртөх магадлалыг нэмэгдүүлдэг. Үүнийгээ тэд бүгдээрээ тэр бүр мэддэггүй.

2) Хүн төрөлхтнийг Бурханы өгөөмөр сэтгэлтэй хүүхдүүд байх ёстой хэлбэрээс жигшмээр зэрлэг авир доройтсон байдал руу татан оруулсны төлөө! Хамгийн дээд бүтээл. Тиймээс тэд ч бас аймшигтайгаар тамлуулж мэднэ.

3) Бүхий л төр засаг, хүн төрөлхтнийг харгис дарангуйлагч нэртэй болгож, бүхий л төрөлтнийг айж жихүүцэхэд хүргэсний төлөө. Нохой гэх мэт хамгийн даруу амьтад хүртэл айн жихүүцэж байна.

4) Үхсэн амьтны махыг сурталчилж, засгийн газрын татаасаар хямдруулан худалдаалж хүн болоод, бусад үүнд оролцсон төрөлтнүүдийн дунд үзэн ядалт бий болгож, дайныг идэвхтэй өдөөсний төлөө. Мэдэж байна уу? Дахиад л татвар төлөгчдийн мөнгө. Тиймээс үүнийг хэрэглэх үед тэд заримдаа эрүүл ухаанаа алдаж улмаар үүнээс ч илүү зөрчил үүсдэг.

5) Эх дэлхийгээ зуршил үүсгэгч, харгис нийгэмтэй, хэрцгийлэл дүүрэн, аллага үйлдэгч нийгэм болгож, энэ үзэсгэлэнтэй газраа бид бүхий л зэрэгцэн орших төрөлтнүүдтэйгээ хуваалцах ёстой байтал ухамсарт амьтдыг хэдэн тэрбумаар нь алж байна... Ингэж хүмүүсийг жинхэнэ Бурханы-хүүхдийн мөн чанараа алдахад хүргэж тэднийг үүрдийн Тамын зовлон рүү түлхсэний төлөө.

F. ОДОО БУЦААД ЭРГЭ

Одоо буцаад эргэ! Та өөрийнхөө төлөө ч болтугай буцаж эргэх ёстой. Учир нь хэрэв тэгэхгүй бол та тамд зовох болно. Та зарж, хороож, тарчлааж, цохиж, мэдээ алдуулж, хоолойгоо хэрчүүлэхээсээ өмнө бүр халдваргүйжүүлэх цөөрөм гэх усанд хүчээр живүүлж байсан тэдгээр амьтдаасаа илүү их зовж тарчлах болно. Одоо буцаад эргэ. Хэрэв та хүн хэвээр байгаа бол. Буцаад эргэ, учир нь таны харгалзаж үзэх шаардлагатай өөр бусад хүчин зүйлс бас бий. Дараах зүйлс нь зарим энгийн жишээ юм. Үүнд:

1) Хүмүүс таныг шүүхэд өгч магадгүй, учир нь тэд бухимдаж, уурлаж, зовж, дээр дурдсан махтай холбоотой өвчнөөр өөрөө эсвэл хайртай хүмүүс нь өвчилсөн болохоор танаас хохирлоо нэхэмжилж мэднэ. Хүмүүс мөн ууртай байна. Учир нь тэд махны бизнес метан ялгаруулдаг бөгөөд дэлхийн дулаарлын ихээхэн хувийг эзэлдэг гэдгийг мэднэ. Итгэмээргүй их нөлөөлдөг. Энэ нь хурдсаж байгаа. Хүмүүс өөрсдийнхөө болон үр хүүхдүүдийнхээ ирээдүйд санаа зовниж байна. Өнөө үед бүр 12 настай, 16 настай хүүхдүүд гудамжинд гарч жагсаж засгийн газруудыг бодлогоо өөрчлөхийг шаардаж байна. Махны үйлдвэрийг зогсоох гэж шүү дээ. Учир нь хэрэв гараг маань байхгүй болбол эсвэл гараг нь тэсэх аргагүй халбал тэдэнд ирээдүй байхгүй гэдгийг тэд бодох болно.

Дээрх бүх шалтгаанаар тэр хүмүүс та нарыг шүүхэд өгч магадгүй. Гэвч би өдийг хүртэл та нарыг ч бас хүн гэдгийг бодсоор байна. Та алдаж болно. Та сэтгэл дотор тань, зүрх сэтгэлийн тань хаа нэгтээ зөөлөн хэсэг байсаар байгаа ба Бурхан чанар тань сэрэхээ хүлээн унтаж байгаа. Тиймээс би хүлээсээр байна. Та нарын адил туслахад хэцүү төрөлтнүүдэд туслахын тулд надад илүү их хүч хайрлахыг Диваажингаас би хүссэн. Гэсэн хэдий ч би бусад хүмүүсийн бодол санааг удирдаж чадахгүй. Ойлгож байна уу? Тиймээс хүмүүсийн зөөлөн сэтгэл тэсэшгүй ихээр зовж шаналж буйн улмаас тэд таныг шүүхэд өгч магадгүй юм. Надад тийм зүйлс тоолшгүй олон удаа тохиолдсон. Би бол маш хүчтэй ширүүнээр хөдөлж буй тийм хүмүүсийн нэг. Тийм хүмүүст алдах зүйл үгүй, айх зүйл үгүй бөгөөд тэд ялах болно.

Тэгээд хурааж авсан мөнгө нь.. дараах хэрэгцээт зүйлсэд зарцуулагдах болно:

1) Улаан загалмай, Хүүхдийг Ивээх Сан, Аврагч Арми зэрэг амь нас хамгаалах дэлхийн сайн сайхны төлөө ажилладаг, тусламж хэрэгтэй буурай нэгнийг цаг үргэлж тэтгэн хамгаалдаг байгууллагуудад өгнө. Эсвэл нялхас, өнчин хүүхдийг асардаг, гэр оронгүй асран халамжлах хүнгүй өвчтэй дорой нэгнийг халамжилдаг бусдыг энэрэн нигүүлсэх ажлыг хийдэг лам, гэлэнмаа нарт зориулагдаж болно. Эсвэл эцэг эх нь мах идсэнээс болж зүрхний өвчин, хорт хавдар оюун санааны саатал зэрэг өвчний улмаас нас барсан өнчин хүүхдүүдэд очих болно. Тэдгээр хүмүүс таны түрийвчийг зузаалж ганган машины тань тоог нэмэгдүүлж байшинг чинь томруулж, там шиг амьтны аж ахуйг тань өргөжүүлэхийн тулд мах идсээр байгаад үхсэн.

2) Үгүйрэн хоосорсон нийгэмд... үр тарианы дийлэнх хэсгийг үнэхээр хэрэгтэй хүмүүст өгөхийн оронд мал бордоход зарцуулж буйгаас үүдэн өлсгөлөнд нэрвэгдэж, тэжээлийн доройтолд орж байна. Та үүнийг зурагтаас харж болно. Маш олон хүүхэд ясан дээр тохсон арьс мэт байна. Хэдэн ястайг нь тоолж болохуйц тийм туранхай. Та нар мэдэж байгаа. Орчин үед хүмүүс маш олон зүйлийг олж мэдэх боломжтой. Хүмүүс шалгаж болно. зурагтаас үзэж болно, интернэтээр хайж болно. Шаардлагатай мэдлэг мэдээлэл нь хүмүүст бий.

3) Хүмүүст ажлын хөлс болгож өгөх. Эх дэлхийн бүхий л амьдралыг тэтгэх, таны ч амьдралыг тэтгэх хүчилтөрөгчийг нэмэгдүүлэхийн төлөө мод тарих ажилд өгч болно. Таны юу ч бодохгүйгээр, үгүй хийдэг тэр эрхэм нандин оршихуйг тарихад өгч болно. Магадгүй та үүнийг албаар хийгээгүй байх. Энэ тухай бодож үзээгүй байх. Гэхдээ үүнийг бодох ёстой. Учир нь энэ танд хамааралтай. Та тамд унаж өөрийн тань цуст бизнесээс болж зовж шаналж буй амьтад болон хүмүүсээс хэдэн мянга дахин илүү зовох болно. Би доромжилж буй юм биш шүү. Гар тань цустай байна. Таны бие дээр, үсэн дээр гэдсэнд, амьсгалах уушгинд, машинд, гэр оронд тань, хоолонд тань, гуталд тань, өмсөж буй арьсан гуталд тань цус байна. Бүгдэд нь байна. Энэ бүгдэд цус шингэж, цус нэвчсэн байна.

4) Олгогдсон мөнгийг органик веган аж ахуй, ресторан, зочид буудал, эсвэл органик веган бүтээгдэхүүн шинээр нээхэд зарцуулж болно.

Тиймээс, 5) Яг одоо эргээрэй. Яагаад гэвэл та өөрөө өөрийгөө хөнөөж махтай холбоотой өвчний улмаас өөрийгөө болон гэр бүлийн гишүүдээ булш руу нь татаж байна. Таныг зогсоо зайгүй тарчлаан зовоох тамын чөтгөрүүд рүү цагаас нь эрт аваачиж байна. Тэр зовлон бол тэдгээр хөөрхий дорой амьтдад таны хэрхэн хандаж байснаас илүү аймшигтай байх болно. Би үгээ зөөлрүүлэхийг хүсэхгүй байна гэдгээ хэлсэн. Үүнийг шууд ил тод хэлэх ёстой. Ингэж байж эх дэлхийгээ аврах, таны сүнсийг аврах, таны гэр бүл удам угсааны сүнснүүдийг аврахад нөлөө үзүүлж магадгүй юм.

Боломж буй дээр буцаж эргээрэй. Та маргааш үхэх бол яах вэ? Амьдрал бол таашгүй. Та шууд л там луу явна. Бурханы нэрээр андгайлъя. Би танд үнэнийг хэлж байна. Там ямар болохыг би мэднэ. Та тэнд байхыг хүсэхгүй болов уу. Тэгэх хэрэггүй. Тэгэх хэрэггүй. Та нарыг тэнд очих ёстой гэдгийг бодоход ч надад хэцүү байна. Одоо л эргэж өөрчлөгдөөрэй. Та нар... Хэрвээ та тамд унавал, тэнд танд туслах хэн ч байхгүй. Боломж байгаа дээр одоо нүглээ наманчлаарай. Үүнийг одоо дуусгаж шинэ амьдрал эхлүүлээрэй. Би таны төлөө Диваажинтай тохиролцох болно. Би танд туслах болно. Надад хангалттай хүч бий. Гэхдээ та өөрчлөгдөж наманчлах ёстой. Тэгэхгүй бол танд найдвар байхгүй гэсэн үг, та маш доогуур түвшний өөрчлөгдөх боломжгүй материас гаралтай гэсэн үг. Ийм тохиолдолд бид бүгд таныг орхихоос өөр аргагүй. Та ганцаараа явах ёстой болно.

Тийм ээ, Органик веган аж ахуй луу шилжээрэй. Оронд нь веган дэлгүүр, веган зочид буудал, веган зоогийн газар, веган бүтээгдэхүүн, гоо сайхны бараа гэх мэтчилэн. Энэ нь танд энэ дэлхийд шударгаар амьдарч, Диваажинд байх газрыг зааж өгнө.

Надад хүн төрөлхтөнд, танд ч бас туслах тийм хүч бий. Ялангуяа та нарт. Гэвч би өөртөө байгаа бүхий л тэсвэр тэвчээрээ гаргаж та нарыг өөрчлөгдөхийг хүлээж байна. Би таны дотоод хайрыг сэрээсэй, тэрхүү сөрөг орчны нөлөөлөл үл тоомсорлох сэтгэлийг сүнс тань даван гараасай хэмээн залбирч байна. Орчлон үүсэх цагаас л эхлэн таны дотор энэрэн нигүүлсэх сэтгэл байсаар ирснийг би мэдэж байна. Бас би та нарт хайртай учраас. Би та нарыг боддог. Та нар нөхцөл байдлаас болж ийм бизнес руу татагдан орсон байж болох тухай боддог. Гэр бүлээ тэжээж, энэ дэлхийд элбэг хангалуун амьдрахыг хүссэндээ хийж буй хэрэг. Танд өөрийн гэсэн шалтгаан байгаа. Гэхдээ та энэ бүгдийн тухай бодож байгаагүй. Магадгүй хэн ч танд хэлж өгөөгүй байх. Эсвэл та бизнесээ хийгээд хэтэрхий завгүй учраас сонсоогүй байх. Эсвэл сонсох цаг байгаагүй байх. Таныг ямар ч зүйл хийсэн байсан би та нарт хайртай. Тэр ч байтугай та нар юу хийснээ бүгдийг нь ч мэдэхгүй биз дээ? Бас үүнээс үүдэн гарч буй манай дэлхий, цаг уурын байдал, хүмүүс болон бусдад өөртөө болон таны хайртай хүмүүст тулгарч буй үр дагаврыг мэдэхгүй биз дээ? Яагаад гэвэл хэрэв та энэ бүгдийг мэддэг байсан бол энэ ажлыг хийхгүй байх байсан. Би үүнд маш итгэлтэй байна. Яагаад ийм итгэлтэй байгааг мэдэх үү? Яагаад гэвэл маяа буюу бидний хэлдгээр сатан, хуурмаг ертөнцийн эзэн, чөтгөр өөрөө ихэнх хүмүүсийн сүнсний нүдийг халхалж биднийг аймшигтай, харгис ширүүн зам мөрөөр маш удаан явуулснаас бид Гэртээ харих зөв замаа мартаж орхисон. Энэ бүгд үнэхээр харамсалтай !!! Бид бүгд хохирогсод. Үүний төлөө би та нарт үнэхээр хайртай, ба та нарыг өрөвддөг. Нөхцөл байдлаас болоод та нарын оронд би ч байж болох байсан. Хэн мэдлээ?

Тэгэхээр яг одоо бүрэн эргэ. Би найз тань байх болно. Би та нарыг дэвшүүлэхийн тулд, аюулгүй байж, төрөлх Бурханы хүүхэд шиг байдлаараа хүндлэгдэж, хайрлагдах Гэрт тань хүргэж өгөхийн төлөө чадах бүхнээ хийх болно. Та нар яг одоо бүрэн эргэх хэрэгтэй. Учир нь хэрэв нэг өдөр дэлхий веган болох юм бол... Болох болно. Дэлхий веган болно. Тэр өдөр ирэхэд хүүхдүүд тань сургууль дээрээ хэрцгий алуурчин мэтээр доромжлуулах болно. Одоо веганизм эрчээ авч, түгэн дэлгэрч байна, магадгүй тэд хэдийнээ ийм төрлийн дооглож тохуурхах хандлагад өртөж байгаа байх! Ичиж зовох үйлдэлд. Тэд таныг үүний чинь төлөө хайрлана гэж бодохгүй байна.

Хэрэв бид веган дэлхийг амжилттай бий болговол та мөн амьтны дүр төрхтэй хүүхдүүдийн алуурчин мэт харагдах болно, учир нь амьтад ерөнхийдөө бага насны хүүхдүүдтэй адил оюуны чадвартай байдаг. Нохойны тэргүүлэх судлаач, Канадын Бритиш Колумбийн Их Сургуулийн нэрт профессор Др. Станли Корен нохойн оюун ухааныг хоёр ойгоос хоёр ой зургаан сартай хүүхдийнхтэй ижил байдгийг харуулсан юм. Тэгэхээр тэд бол хүүхдүүд. Тэд бол зүгээр л өөр дүр төрхтэй хүүхдүүд. Та тэднийг дахиад алахгүй биз дээ, тийм үү? Та хүүхдүүдийн алуурчин биш, тийм биз дээ? Үгүй. Би үүнд итгэхгүй. Та бодох сөхөөгүй завгүй л байгаа Та зүгээр л хэт завгүй. Та дотоод зүрх сэтгэлийнхээ сануулгыг үл ойшоодог. Та дэндүү завгүй байдаг, дотоод сэтгэлээ юу хийлгэхийг хүсэж буйг мэдрэхээ мартчихдаг. Одоо сэр. Бүрэн өөрчлөгд.

Өөр нэгэн эрдэмтний судалгаа бий. Мэдрэл судлаач болон амьтны араншин судлаач мэргэжилтэн Др. Лори Марино: “...гахайнууд ноход, шимпанзе, заан, дельфин, мөн хүн гэх мэт бусад өндөр оюун ухаант төрөл зүйлүүдтэй адил хэд хэдэн танин мэдэхүйн чадваруудтай байдаг” гэжээ. Харав уу? Нэг эрдэмтэн жишээлбэл бүр морийг, 12 настай хүүхэдтэй адил оюун ухааны чадамжтай гэсэн байдаг. Уучлаарай. Энэ бүгдийг санахад надад маш стресстэй байдаг. Би мартаж чаддаггүй. Би тэднийг ямар их зовлон тарчлалыг туулдгийг мартаж чаддаггүй. Тэднийг хамгаалах нэг үг ч хэлэх хэн ч байдаггүйг мартаж чаддаггүй. Тэдэнд туслах хэн ч байдаггүй. Энэ бүх өрөвдөлтэй амьтад, Бурхан минь, өөрийгөө гээд төсөөл дөө. Амьтад аз жаргалаа харуулдаг ба зовлон шаналлаа ч харуулдаг. Тэд хүн гээд бусад төрөл зүйлүүдэд хайр энэрлээ харуулдаг. Тэд хүмүүсийг хүртэл авардаг, бидэнд үргэлж дүрсийг нь бичих камер байгаад байдаггүй. Бидэнд бичигдсэн бичлэгүүдэд, амьтдыг үнэхээр хайрын элч нар гэдгийг мэдэх билээ. Диваажингийн төлөөлөгчид. Та бүхэн Суприм Мастер Телевизийг үзээрэй, бид үргэлж бүх л өөр өөр нөхцөл байдалд амьтдыг аварч буй, хүмүүсийг аварч буй, хүүхдүүдийг аварч буй амьтдын бичлэгүүдийг гаргадаг. Мөн ноход нь үхэр эсвэл гахай, эсвэл тахианаас өөрцгүй. Тэд, амьтад, чадах бүртээ тусалж, туйлын үнэнч байдаг. Тэд хүмүүс бидний ихэнхээс илүү дээр.

Тиймээс аллага үйлдэхээ зогсоо. Яг одоо зогсоож, үүндээ гэмш, тэгвэл Бурханы ивээл танд эсвэл таны хайртай нэгэнд хаалттай байхгүй, учир нь хэрцгий үйлээс тань болоод аймшигтай энергийн хана таныг хүрээлэн байна. Энэ таныг болон бүх хамаатан садныг тань ч мөн хүрээлж байна. Магадгүй танд зөгнөн харах нүд байхгүй байж болно, тэгвэл яваад зөнч, сэтгэл зүйчдээс асуу. Тэд таны эргэн тойронд ямар өнгө байгааг хэлж өгөх болно. Та бүхэн, Есүс, Будда зэрэг Гэгээнтнүүдийн зургийг мэднэ, Тэдний толгойг нь эсвэл биеийг нь тойроод гэрлэн хүрээ байдаг. Танд тийм зүйл байхгүй. Танд зүгээр л нүүрс эсвэл кофе, гүн кофены л хар өнгө байгаа. Та дотоод дахь гэрлээ бүдгэрүүлж байна. Та ёс зүйгүй ажлаасаа болоод энэ бүх тааламжгүй бодис, энергиэр гэрлээ халхалж байна.

Өөрчлөгд. Мөнгө олох олон аргууд байдаг. Үнэхээр тийм. Оронд нь органик веган бизнесээр нүглээ наманчилж, гараг дэлхийгээ сэргээхийн тулд өөрчлөгд. Шинэ эргэлтэд тань татаас олгохыг засгийн газраасаа туслахыг гуйн өргөдөл гарга. Диваажин таныг өршөөх болно, би таныг өршөөнө, Дэлхий таныг уучилж, хүмүүс бид, амьтад, байгаль гээд бүгд таныг уучлах болно. Учир нь та юу хийж буйгаа мэдээгүй. Юу гэхээр, магадгүй та харж, мэдэж байсан ч, үнэхээр ухамсарлаагүй байсан. Учир нь завгүй, бодол санаа тань өөр газар байдаг. Бодол санаа тань амьтдын тодорхой зовлон шаналалтай холбогдоогүй байдаг. Үүнийг үл ойшоож болохгүй. Гэвч хүмүүс бид заримдаа их инээдтэй. Бид бодит байдлыг хэчнээн бидний өмнө байсан ч хардаггүй. Бид үнэнийг хэдийгээр чихэнд маань тод сонсогдсон ч ойлгодоггүй. Тиймээс л бид Эзэн Есүсийг цовдолсон. Будда болон бусад олон Ариун Их Багш нарыг хороохыг завдаж байсан.

Гуйя, яг одоо сэрж бүрэн өөрчлөгд. Амьдралаа үнэ цэнтэй болго, өөрсдийн Бүтээгчээ бахархуул. Би таны төлөө байх болно, би дахин амлая, энэ болон дараа төрөлдөө, танд байж болох хамгийн сайн найз тань байна гэж амлая.

Эцэст нь, би Диваажин, бүх Диваажинд, надад тэдгээр гэмшиж буй хүмүүсийг дэвшүүлэх амласан хайрын хүчээр дамжуулан илүү Үнэ цэнэ хайрласанд баярлалаа. Үргэлжийн тэсвэр тэвчээртэйгээр, үнэнчээр ойлгож, жинхэнэ дэмжигч сэтгэл, жинхэнэ золиослол мөн томоос том, агуу том хайранд нь нохдодоо ч мөн талархъя. Тэд хайраас өөр юу ч мэдэхгүй. Миний ажилд үргэлж бэлэн байж, энэ мэдээллийг шивж, мөн дахин шивж өгсөн гайхамшигт туслахууддаа талархъя, ингэснээр би та нарт одоо уншиж өгч байгаа юм. Учир нь би энд ганцаараа байгаа. Би үүнийг илгээх хэрэгтэй... Би бүгдийг гараараа бичдэг, өөрийн гараар, тэгээд тэд надад илүү цэвэрхэн шивэхэд тусалдаг. Ингээд би уншиж чадаж байна. Миний туслахууд, миний Суприм Мастер Телевизийн ажилтнууд, миний гайхалтай туслахууд үргэлж намайг дэмжих, надад хэзээ ч хаана ч хамаагүй, сайн эсвэл муу нөхцөл байдалд ч, бороотойд ч, нартайд ч надад үргэлж туслахад бэлэн байдаг – дэлхийг сайжруулахын тулд шүү дээ. Бусдыг дэвшүүлэхэд туслахын тулд. Юу хийж буйгаа мэдэхгүй хүмүүсийг, яг л тань шиг нөхцөл байдалд буй хүмүүсийг сэрээхэд туслахын тулд юм.

Би бүх чин сэтгэлт туслагчдадаа талархъя, сэтгэлээр гэх гэсэн юм. Санхүүгийн гэсэн утгаар хэлээгүй, би мөнгө авдаггүй. Би хандив авдаггүй. Өөрөө мөнгөө олдог. Өөрийн амьжиргаагаа сайн арга замаар өөрөө олдог. Сайн замаар. Би жишээлбэл үүн шиг үнэт эдлэлийн загвар гаргадаг. Мөн энд зарим нь байна. Би энэ Хайрын Дээд Сүр Жавхлан хэмээх загалмайг хүртэл зохиосон. Үүгээр Эзэн Есүс Христийг онцолсон юм. Хайрын Дээд Сүр Жавхлан. Есүс бидний төлөө маш их зовсон. Түүнийг бахархах ямар нэг зүйлийг ядаж хийе. Түүний урсгасан цусыг үр дүнтэй болгоё. Ядаж Эзэн Есүс, Бурхан Будда, Эзэн Махавира, Эзэн Гүрү Нанак Дев Жи гээд бүхий л бусад олон Диваажингийн, Ариун Төрөлтнүүдэд манай гараг дэлхийд хайр, билиг ухаан болоод сүнслэг Диваажингийн хүчээрээ хүн төрөлхтнийг дээшлүүлэхээр буун ирсэнд нь талархах хэрэгтэй.

Би энэ дэлхийн хаа нэгтээ байх зорилго нэгтнүүдэд буюу ижил зорилготой хүмүүст мөн талархаж байна. Та бүхэн Бурханы таалалд байх болтугай. Та Бурханыг хэзээ ч бүү мартаг.

Зэрэгцэн орших төрөлтнүүд минь, зарим үгнүүд минь тийм ч эелдэг биш байж болно, гэхдээ би ахин ямар ч эелдэг үг ашиглахыг хүсээгүй. Би үүнийг хэдийнээ (бараг 40) жил хэрэглэж ирсэн. Үр дүн нь бодсоноос ч бага байна. Зарим нэг үр дүн байгаа ч, хэтэрхий удаан байна, гэтэл гараг дэлхийд маань аюул тулгараад байна. Тэгээд хэн ч та нарт бизнес тань та нарыг там уруу чангааж буйг хэлээгүй. Үнэхээр. Та тамаас гарч чадах хүртэл маш урт, маш урт хугацаа ч өнгөрч болзошгүй. Тэгээд ч юу болох гэж гарах юм? Та хараахан мэдэх ч үгүй байгаа. Би маш завгүй эмэгтэй. Бизнес эрхэлдэг. Надад харж хандах ёстой Суприм Мастер Телевиз бий. Би анхаарал тавих ёстой туслахуудтай. Харж хандах ноходтой. Тиймээс энэ удаа үүнийг илүү шулуун хурдан хэлэх ёстой боллоо.

Тэгэхээр энэ бүгд миний чин сэтгэлээс гарсан юм шүү, үүнийг та бүхэнд бичиж байхад нулимс минь урсаж байсан. Та бүхнийг хийж буй бүхэндээ хайрыг шингээх ухаантай гэж найдъя. Гэвч дараа нь, хайрын сэтгэлээ дагах ёстой байтал, дотоод дахь Диваажингийн гэрлээ сэрээх хэрэгтэй байтал, сонсохгүй, амьдралаа өөрчлөхгүй бол бид магадгүй бүгд хамтдаа мөхөх болно. Та, би, минийх, таных. Бүх л дэлхий. Амьтад, хүн төрөлхтөн гээд бүгд энэ гарагийн гадаргаас арчигдах болно. Би та бүхнийг өөрчлөгдөнө гэсэн найдварыг тээсээр л байна. Би таныг гэх Дэлхийн бүхнийг гэх хайраа тээсээр л байна. Тиймээс магадгүй та амьдралын хэв маягаа өөрчлөхгүй бол, тамд байх үедээ миний Жинхэнэ Нэрийг санаарай. Танд туслах миний Диваажин дахь Жинхэнэ Нэр болох Тим Ко Тү-г дуудаарай. Би чадах эсэхээ баталж чадахгүй. 1 дүгээрт, тамд, нийт төрөлтний 99.9%... ... тамын хохирогчид, тамд цээрлэгдэж буй төрөлтнүүд юу ч санадаггүй. Тиймээс тэд тамд үргэлжлүүлэн байсаар л байдаг. Зарим нь мөнхийн. Учир нь тэднийг тамд очиход мартуулдаг. Яг л биднийг энэ гараг дээр төрөх үед мартуулдаг шиг юм. Төсөөлдөө, энэ төрөлд бид яг тамд буй мэт зовдоггүй ч, мартдаг, бид Бурханы “Аллага үйлдэх ёсгүй” гэснийг мартсан байдаг. Эзэн Есүсийн сургаалыг мартчихдаг. Библийн сургаалыг мартдаг. Буддын сургаалыг мартдаг.

Бид өөрсдийгөө Буддын шашинтнууд, Христийн, Лалын шашинтнууд, Сих, Хиндү шашинтай гэх мэтээр хэлдэг. Гэвч Их Багш нарынхаа хий гэж хэлсэн зүйлсийг бид хийдэггүй. Ертөнцийн хууль болох: “Аллага үйлдэх ёсгүй.” “Та алах ёсгүй” “Бусдыг гэмтээх ёсгүй” эсвэл “Өөртөө хийгдэхийг хүсээгүй зүйлээ бусдад бүү хий” гэх мэтийг мартдаг. Энэ бол үндсэн сургаал, энэ Дэлхий дээрх бүх шашнуудын үндсэн зарчим. Гэтэл бид бүгдийг нь мартдаг. Өдөртөө мөн шөнөдөө та нар Есүсийн нэрийг хэдэн удаа санадаг вэ? Бүр хэдэн удаа залбирдаг вэ? Залбирлаа ч хэн ч та нарыг сонсохгүй, учир нь та нар гэмгүй амьтдыг алдаг учраас гар тань цусаар дүүрсэн байна гэж Бурхан хэлсэн. Тэд Бурханд өргөл өргөх гэж хүртэл амь хороодог ч Бурхан ийм зүйлд дургүй. Бурхан, “Гараа угаа. Үгүй бол та нарыг залбирахад би нүүрээ буруулна” гэж хэлсэн. Бурхан ямар ч амьтан алагдахад дургүй, Өөрт нь зориулсан байлаа ч дургүй. Гэм зэмгүй амьтдыг хохироон, тэдэнд насан туршид нь маш их айдас, зовлон бий болгож байхад Бурхан яаж дуртай байх вэ. Тэднийг насан туршид нь сүүлийн мөч хүртэл ингэдэг. Тэгээд бүр аймшигтай үхлээр үхдэг.

Тиймээс гуйж байна, одоо зогсооно уу. Хэрвээ та нар тамд унавал миний Нэрийг санана гэж л найдаж байна. Гэвч харамсалтай нь үгүй байх. Энэ л асуудал. Хэрвээ та нар чадах аваас би та нарт тусалж чадна. Гэвч ... үгүй байх... Та нар өнгөрсөн, одоо, ирээдүйн аль нэг Гэгээнтний нэрийг санах боломж бараг л тэг юм. Тамын нөхцөл байдлаас болоод, эргэн тойрны аймшгаас болоод, танд тасралтгүй өгөх өвчин зовлонгоос болоод санахгүй. Ахин дахин, ахин дахин зогсолтгүй өвтгөж зовоодог. Гэвч та нар үхэхгүй! Зовохын тулд л та нар амьдрах ёстой болно. Хором секунд бүрд. Тиймээс тамд байх болон өвчин зовууриас өөр та нар юу ч санаж чадахгүй; энэ нь та нарыг бүхнийг мартахад хүргэдэг. Тиймээс хэрвээ та нар там руу явбал туйлын ихээр зовох ёстой болдгийг төсөөлөн би үнэхээр өрөвдөж байна.

Амьдралаа одоо өөрчилнө үү. Мөнгө бол бүх зүйл биш. Зөвхөн Бурхан л бүх зүйл. Бурханаас айх хэрэгтэй. Бусдад маш их өвчин зовлон бүү учруул, учир нь тэд бүгд Бурханы хүүхдүүд. Хэрвээ там руу явах ёстой болбол амжилт хүсье, Бурхан шүтдэг хүмүүс ба хүн бус төрөлтнүүд бид, та бүхнийг сэрэхийн төлөө залбиръя. Хайртай шүү. Бурхан хамгаалаг. Баяртай. Баяртай. Бурхан та бүхнийг удахгүй сэрэхэд туслах болтугай. Бурхан сүнсийг тань гэтэлгэх болтугай... сэрсний тань дараа. Баярлалаа. Сонссон бүгдэд бас баярлалаа. Сайн сайхан бүхнийг хүсэн ерөөе. Амен.

Дэлгэрэнгүй үзээрэй
Алдартай бичлэгүүд  1 / 14
2
2020-02-14
23997 Үзсэн
8
2019-01-28
11267 Үзсэн
9
2019-04-27
10876 Үзсэн
13
2019-03-30
12016 Үзсэн
Дэлгэрэнгүй үзээрэй
Хамгийн сүүлийн бичлэгүүд
40:28
2023-12-02
234 Үзсэн
2023-12-01
344 Үзсэн
53:23
2023-12-01
204 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Prompt
OK
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд